馬場洞烤肉專門店 (新都會廣場)

Open Now

Now Closed

餐廳有幾間分店，今次去咗葵芳分店，環境裝潢幾有特色😌🇰🇷特級牛肉搭配（$548）拼盤內有4款牛肉，二東刀紋牛排骨及韓國屠夫特選牛排都係韓國直送，前者加入醬料醃過，入口肉嫩好juicy，後者肉質相對較有咬口，肉味亦較突出；極級霜降肉及牛膈肌滿有光澤，前者入口軟嫩，油脂較重，後者肉味濃且帶嚼勁😌另配有韓式辣蘿蔔、生菜及特式醬料拌燒肉同食，醬料內有貝柱及蜆肉等海鮮，入口豐富且帶鹹鮮口感😌🇰🇷火焰牛油海鮮3+1鍋（$298）3+1鍋分別係指3類海、陸、空食材及1款湯，海類食材有熱炒小章魚及五花肉，陸類食材有熱炒豬皮及豬腸，空類食材有香辣無骨雞腳及辣炒雞肉，另配酒煮牛油海鮮鍋。店員先將酒倒入鍋內，並點火燃燒生蠔、蝦、蜆及青口等海鮮，及後加水與海鮮同煮成湯，即時香氣四溢，而海、陸、空3類食材均香辣惹味，充滿韓式味道😌🇰🇷Mango Sparkling Ade（+$50）芒果梳打內有果肉，飲落帶芒果香甜，配燒肉與鍋物，既清爽又解渴😌

我地一枱五人 間餐廳好多位 完全唔滿 我地想攞位十問九唔應 喺門口等左一陣先有人理我地 一坐低枱面樽水已經係空嘅 想要樽水都好似要乞咁 真係好差 價錢又唔係平 食物都係好一般 以後都唔會再去

燒肉最鍾意食韓牛，今次特登去「馬場洞烤肉專門店」食😙.馬場洞特選韓牛配雜錦烤肉套餐🇰🇷有1++韓牛肉眼190g🐄牛肋骨150g🐂韓國豬肩肉100g、秘製伊比利亞豬肋排肉100g🐖蒜香醬油雞腿肉及雞翼150g🐓1++韓牛肉眼肉肉質嫩滑，肉味濃郁🤤牛肋骨味道甜甜哋😗豬肩肉厚厚一層五花肉，板腱肉同肋條肉位置比較有彈性😆豬肋排肉肉質軟腍😛雞腿肉及雞翼調得好惹味👍🏻另外有雜錦蔬菜🥬菇菌🍄‍🟫菠蘿🍍.特選部位盛合🥩有大蔥烤豬腸100g🐷秘製豬皮100g、牛大腸50g、牛小腸50g、薯仔🥔翠玉瓜、菇菌💁🏻‍♀️內臟清理得乾淨😌鍾意食內臟嘅人士，可以一試😬.韓式鍋肴雜菜盛合🍲雜菜盛合有2串魚糕🐟金菇、冬菇、雞脾菇🍄豆腐、紅蘿蔔、翠玉瓜、蔬菜🥦將全部配菜放晒入熱湯煮🔥就變成豐盛魚糕湯😋.芝士紫菜飯卷伴生牛肉🐮生牛肉連埋芝士紫菜飯卷一齊🧀🍘變得容易入口☺️另外仲有小沙律🥗.小菜5款及醬料🥢有泡菜🌶️醃蘿蔔🥕醃菜、醃青瓜、洋蔥🥒🧅沙律、包飯醬、燒肉汁、法國雷恩牌原粒芥末籽醬🇫🇷韓國萬土里鮮山葵、英國馬爾頓海鹽🧂.韓式冰茶🍹.荔枝梳打🥤荔枝味道偏甜🥺.柚子梳打🍊酸甜清爽💦

依間野每個員工服務態度 語氣差到一個點，入黎食個飯好似得罪佢全家咁，送餐過黎每個都黑面 真係唔知想點，食物又一般 唔怪得堂食冇乜人，要幫襯既自己諗清楚係入黎食野定受氣

週末怕多人要等位，於是午市時早點到場攞位，（到埗見人流不多，只坐滿一半），那門口的職員一臉兇神惡殺似的，迫你即刻答要食韓燒還是食午餐定食，當時餐牌是分開兩邊店罷放的，因它一舖分二，我連看一下餐牌的機會也沒有便迫你選擇。我回答說想看看menu, 那人不斷單打我叫我慢慢睇，真心想問睇下都唔得？其後我選了韓燒，因有時限，於是我便打算等埋家人才入坐。之後，我行開去廁所後，我的家人便在我離去後到達，打算入內找我，店員居然用架收碗碟的手推車攔截住，連想看看其他吉枱的餐牌也被喝令出門口睇，態度惡劣到極點，以後也不會光顧。

放題連加一，lunch每位$200，可選食物只有一款牛肉、一款豬肉，少得離奇。（見圖），飲品得幾款汽水揀，韓式飲品都無，叫乜嘢韓國餐廳？講話有自助bar任食，我遲入場，餐盤9成9吉晒（見圖）問伙計，佢答我唔會refill. $200/位，只係食左幾塊肉，係厚切而無味嘅肉，簡直係騙局，永不光顧。我2個人，俾左400蚊，呢個價錢，喺葵芳可以食好多嘢，超級後悔入左呢間鋪，從未食過咁樣嘅放題，見到都嚇親，講都無人信，有圖有真相。

食物唔新鮮，完全冇服務，配料連蒜蓉片都冇。一句簡單嘅請慢用都唔講。唯一抵賺就係環境都算乾淨，其他全部一星都畀多，唔怪得星期日都九成空台。真係好難怪人北上消費，點幫你呀？

門口白衫職員態度惡劣，冇基本禮貌，問佢野完全冇反應，係有望一望你，但轉身就走人。入座後，穿著黑色衫既待應仲好態度過佢好多，上菜時，問配菜係咩野時會答人，會講返係咩食物，又會叫人小心食物熱（當時叫咗石鍋飯）。價錢訂價中等，唔係特別平，只可以講同樣價錢可以有更好既選擇。石鍋飯唔係特別熱，冇飯焦，加上飯太濕，撈多兩撈就糊咁。唯一好既係上餐都快，手機落完單等咗10分鐘就有得食。枱算乾淨，地下都冇立痴痴。等位等咗30分鐘左右，人手不足，再加上門口嗰個咁做得野……真係要食呢間既話要留多啲時間俾自己。入到去係有為數不少既吉枱，可能想個假象俾揾餐廳既人食飯。走到佢張台俾錢時，只顧玩電話！問兩三次先再問你有咩幫忙。咪等你玩完手機埋單😑😑😑服務態度極差，唔會再去。

勁耐冇食過韓燒，今日同朋友到葵廣行街，行街行發掘一下有冇韓燒店。在網上看到這一間位於韓國新都會商場嘅韓國餐廳，有韓燒可以任食，啱晒我同朋友嘅口味。餐廳分為兩區，一區為韓燒區，另一區為韓國餐廳區。餐廳嘅座位闊落，乾淨，枱面上沒有太多的油煙。我們叫了他們最近新推出的這一個韓式90分鐘任燒五花肉放題。職員為我們送上五款前菜，包括泡菜，醃瓜，魚，沙律，醬汁。我們最後點了90分鐘無限量任食豬五花肉。這一個套餐可以任食豬五花肉，白飯、生菜、炒泡菜、任飲汽水 及 送四件韓式甜辣炸雞。價錢非常抵食，人越多，價錢越便宜。豬五花肉肥瘦均勻，不會太肥膩。燒熟後，可以把五花肉剪開。亦可以配上蔬菜吃，更加可以燒膩。 餐店內還可以叫上蒜和青辣椒，使菜包更有豐富口味。

其實一直都未食過韓牛，今日豪少少去試吓。餐廳有多款不同套餐揀，包含韓牛嘅有兩款，最後決定要「馬場洞嚴選韓牛配雜錦烤肉套餐」（$748）。1++韓牛肉眼 190g，老實講，我就真係唔識分係咪韓牛嘞，但塊扒望落的確幾靚仔。食落肉質軟嫩，係好食的，但係，論肉味又好似唔及美國牛，論牛脂香又唔夠日本牛，感覺有啲兩頭唔到岸。Anyway 叫做試過了。韓國豬肩肉 100g，肉質彈牙，口感有啲似去肥版嘅豬腩肉。秘製伊比利亞豬肋排肉 100g，肉質軟腍，秘製醬汁味道不錯。LA秘製牛肋骨 150g，肉質醃到好腍，醬汁帶少少甜。蒜香醬油雞腿肉及雞翼 150g，有兩件雞脾肉及三件單骨雞翼，蒜香醬油惹味，雞脾肉嫩滑。仲有飯包菜、冬菇、雞髀菇、紫薯、薯仔、翠肉瓜、茄子、金菇，菠蘿。韓式生伴牛肉 80g，撈埋芝士一齊食，牛肉嫩滑無筋，幾好食。飲品包三杯，荔枝梳打、芒果梳打、檸檬梳打，味道正常。入坐時會即時送上五款韓式小菜及韓式麵醬，韓式小菜味道不錯，而且聽到食完可以再添（如果有魚乾仔就更好了）；韓式麵醬微甜微咸，連埋肉同菜一齊食好夾。另外枱面有三款調味料及一支燒肉醬汁，其中有款胡椒鹽幾好味。餐廳抽風做得好好，完全無

未去到韓國馬場洞住 就去香港既馬場洞烤肉度食住先🤭今次黎食午餐燒肉😋有幾款套餐 包左前菜 紫菜飯同飲品另加18蚊仲可以任食韓式小食同炸物 麵食等等涼拌粉絲同海鮮煎餅好好味🩷足料 糖醋肉炸粉好薄 咬落帶點鬆脆 啖啖肉👍🏻兩款燒肉份量十足 有蔬果同海鮮 牛肋骨肉牛味香濃 牛膈肌咬落好腍 帶骨位既牛肋骨肌肉鬆軟 簿簿既筋膜加上細緻既油花 相信無人抵抗到🤤.秘製伊比利亞豬肋排肉食落無我平時好驚果陣豬味 有淡淡橡果香 肉質細膩爽口 絕對唔會輸俾韓牛🩷極級霜降肉有好靚既雪花紋理 肉脂比例平均 食落好嫩滑 配上紫菜白飯一齊食無得彈🙆🏻‍♀️叫埋柚子梳打 食韓燒熱辣辣飲返杯凍飲balance返🤣爽晒～

去咗間韓式燒肉lay低就食，由頭到尾呢個體驗真係掂過天⭐️。首先嚟個極級霜降牛肉，掂到無朋友！肉質飽滿，每口都係咀嚼間爆發嘅幸福感，啖啖肉嘅香濃仲撲鼻過新鮮花束🌹。伊比利亞豬肋排肉就真係陳年好酒，收皮咬落緊緻得嚟唔失彈性，腩肉夾雜韌度同埋肉汁，真係食得我梗係笑口常開😁。再嚟段韓國豬肩肉撻到盡，肉質厚身彈牙😎，燒得啱啱好食嗰陣，鯡魚子醬嘅鹹香提升咗成道菜嘅層次。順帶一提，水冷麵真係消暑正選🍜，一口涼意直達心坎，麵條韌勁十足，食落開心過打卡。飲品部分。Setoka嗰款橙味飲品，酸酸甜甜嘅滋味，教我諗起陽光同海風🍊，飲一啖就好似放假咁。啲燒肉、冷麵、飲品整體搭配得就好似藝術品般，倍感滿足！落區想食肉，又唔想破產，記住mark低呢家韓式燒肉，實行天天流口水！👅🔥🎉

第一次食， 為左個生牛肉去食， 味道一般。 叫左生牛肉，海鮮pancake，粉絲，燒肉，炸雞。野食好快送到，但燒既肉有啲失望，冇乜味，炸雞太甜，有啲失望。而且個侍應好冇禮貌，我地方左佢地支水樽係枱出面，因為仲有個人未斟水，然後個男侍應走過嚟話支水係咪唔要，唔係就唔好放呢度，阻住上餐。果陣我地都未叫野食，岩岩坐底。跟住我地燒啲肉，燒左好耐，啲肉都唔熟，咁問個男侍應，個火可唔可以大啲， 佢望都唔望就話最大火，然後就走左。後來我哋發現原來個火係熄咗，我地自己開返。佢睇都唔睇就話係最大火， 無言。 野食一般， 服務態度勁差， 唔會再去。

聖誕前夕天氣太凍，晨早14度跑完步，好想食返啲肉同澱粉質暖下，搵到間之前雜誌介紹過食韓牛唔錯嘅<<馬場洞>>，假日都有套餐好似幾抵食，唔駛諗即刻去試。 🥢午巿一人燒烤 – 馬場洞韓豚配特選牛肉套餐 $178 ⭐️(韓國豬肩肉60g + 極級霜降肉 40g + 秘製伊比利亞豬肋排肉 40g + 牛膈肌 60g + 烤大蝦伴雜菜) 芒果梳打 + $18 叫咗最貴果個燒肉套餐，無介紹所以唔知邊款肉打邊款肉，只知得一款肉係好味，其餘都係好韌同無肉味，反而蒜蓉大蝦同雜菜燒完好好味。 🥢辣拌冷麵 $39 (午巿套餐半價加配) ⭐️⭐️⭐️有4款半價加配食物，阿sir揀咗佢最鍾意嘅水冷麵辣版，原來小辣都已經好勁，唔食得辣最好叫返原味，不過醋加芥辣個調味就做得好出色，牛腱有3塊都好腍，呢個價錢係超值啦。 二人共消費: $259

聖誕節之精選烤肉套餐🎄 嗰餐有一款牛同兩款豬😙 餐跟配炸雞或者加$48有炸物拼盤‼️先講主食，啲肉嚟到感受到種儀式感，好靚嘅擺盤，塊菇仲寫住Merry Christmas 🎅 打卡一流😳 三款肉塊好好食，佢嗰極級霜降牛肉好正，好香牛味，油花味唔重，但口感好好😍佢仲有三款調味料俾你，例如鹽、芥末籽醬同埋Wasabi😙 絕對可以令到食物昇華😋另外一定一定要加錢轉炸物拼盤，因為好好食，同埋拼盤入面都有炸雞😙 佢有三色煎餅，包括咗大蔥、泡菜同薯仔，三件都各有特色同驚喜，我最中意係薯仔🥔 仲有炸蠔同甜辣炸雞🍗 其實全碟都好高質‼️ 飲品我就嗌咗韓國草莓奶昔，我覺得唔會太甜，好好飲😍 不過一定要撈勻先飲😋 呢個都係必飲之選‼️🫶🏻