家上海 (形點 I)

Open Now

Now Closed

行街時用yoho mall app 攞位 差唔多到便行去店外等一陣店內環境舒服乾淨 裝修格調優雅服務員態度很好 男服務員加了水後,提醒我和朋友小心不要碰到茶壺｡ 其他服務員都好好 讚小籠包皮薄 肉鮮甜 多湯汁 哈哈要小心啲夾 蒜泥白肉 一片片均薄的五花腩放在粉皮上 粉皮是半透明有口感的 唔係腸粉的朋友 個醬汁亦都好出色魚柳不會太細 熱騰騰端上枱 味道不會太濃上海粗炒用上海麵 不會太油 面的口感不錯 加埋豆瓣醬一齊食更好茗茶的茶葉質素好過一般茶樓的 每人$11 坐得多舒服唔會太過迫夾可惜我想食的燻魚和丁香雞賣曬 下次會再試

其實都食過幾次家上海,食物味道同環境都滿意嘅，服務亦都唔錯，不過今次呢個豆沙鍋餅真係令人大跌眼鏡，今次同外區來的朋友食，一行八人，食到最後點了這個豆沙鍋餅， 一上桌，大家都嘩一聲🤣，點解會咁㗎， 個賣相真係好差，好削，咁細件又要用咁大隻碟，又無伴碟，切又切都岩岩參參，同街鋪啲冇裝修嘅乜乜大王差唔多，隻碟仲要崩嘅🤣🤣🤣🤣賣相要好好改善一下。

到元朗找朋友，完成任務遂於附近尋食去。元朗大馬路一帶總是人如潮湧，而且更存在著許多隱世美食。然而由於天氣著實是太也酷熱，紫外線指數甚高，最後小的還是順老伴的意思留在「形點」商場尋食也。曾經在形點吃過一家挺美味的壽司店，雖然小的喜歡嚐新，但日本菜卻甚有吸引力。然而當抵達店子，門前擁著許多的食客。咱們等了一會見形勢不妙，遂轉戰途經的一家上海美饌。 誰不知回到「家上海」，居然也現人龍。大概是午膳時段，無奈地取票輪候，幸好這裡有椅子，讓疲累不堪的老伴可坐著等。不一會咨客叫號，前面的人龍芳蹤杳然，咱們竟順利入席。 黑壓壓的裝修，店子明顯打新派上海風格。為了增加成本效益，檯椅迫得密麻麻地，將兩張小方椅拉開兩吋，立即變成了兩張二人座。於是鄰座食客們之對話交流一概盡入小的耳中，相對亦然。 雖然屬元朗，但形點商場走的乃中高端路線，菜式之價格也不便宜。小菜全然索價百元開外，雖然賽螃蟹、膳糊與清炒河蝦仁都甚為吸引，但於中午時段卻有點兒太豐富了。結果小的也是回歸自己鐘情的擔擔麵。老伴喜歡的小籠包當然是不可錯過，以為他會再選一款小食，誰不知竟點了一份排骨蛋炒飯。 家上海提供小的喜愛的龍井，

今日星期五早放工，於是同女朋友去左yoho行街，突然之間好想食「家上海」，因為平時7點開始就多人等位，今次6點半左右入座都仲有d吉位，唔洗等真係好👍🏻兩個人叫左6樣野，雞絲粉皮，小排骨，小黃魚，津白，小籠包同甜品。先講頭盤，即係佢個小食，係口水雞，我諗呢個小食比任何一碟叫嘅餸好食😂個汁調得好正，辣又唔會好辣，好想用個汁撈飯食！雞絲粉皮嘅麻醬好好食，不過覺得青瓜好似唔夠多！小排骨就酸酸甜甜，幾醒胃，兩個人的話，份量都算多！小黃魚好正，肉質好嫩滑，皮又多脆！津白就一般，如果唔係特別想食菜的話，可以慳返。小籠包就必叫，不過我略嫌佢唔夠熱，似係蒸完放一陣先上菜。甜品叫咗高力香芋雪糕，真心推介👍🏻本身已經飽，但係飽都阻止唔到我食落去😋

元朗最新開業的形點，或許是因為新界西北部最大型的商場，每日都人流如鯽，縱然有三十多家食肆，要搵食也不容易。大部分都是市區已有的連鎖店，難得給我找到一家全新的品牌。主打家常滬菜的「家上海」，以為店子處於最角落的位置會較容易有位，誰知亦大排長龍！幸好近門口處設有透明廚房，可欣賞師傅們搓製小籠包、餃子等，看着看着就有位了。一開始來點香口的，細細隻河蝦頗鮮嫩，炸過後可以連殼食，醬油的濃、胡椒的辣、紹酒及龍井茶葉的芳香，這道茶香油爆蝦讓人吃完一隻又一隻。脆煎灌湯小籠包是傳統變奏，彷彿融入了生煎包的做法，以鐵板上桌，底部煎得香口，然而夾起時容易爆出肉汁，要小心翼翼才行。平日嘗到的獅子頭都只有豬肉，這裏的清燉水晶獅子頭混入了魚肉，顏色較淺，以火腿雞湯燉煮，入口更嫩滑，還有粒粒爽甜馬蹄。甜品時間，人人爭着試以芋頭雪糕糯米糍作餡的高力香芋雪糕；我卻對傳統桂花拉糕情有獨鍾，煙韌不黏牙，香甜適中，做得不錯。

成日食上海xx, 上海xx，今次經過就黎試吓冇食過嘅家上海！酸辣湯: 係食過咁多間，最辣嘅一間，唔食開辣嘅人應該會覺得辣！酸辣味都夠，足料，一碗份量都唔少，一個人飲頗多，兩個人share會好d！鍋貼: 正正常常手抓餅: 中間落咗葱，煎得脆身，幾香口，但都頗油，食得多會漏！小棠菜百葉: 諗住清清的嗌碟菜，但過鹹，百葉係好食嘅，味道都ok蜜汁脆鱔: 的確係脆，脆到好似食緊薯片，已經無晒鱔味，當零食係好食嘅，同埋都係口味偏重蒜泥白肉: 呢餐最好食係呢個，調味幾好，可惜肉太瘦🤣龍井蝦仁: 正正常常，蝦頗脆身，係好食嘅ok嘅上海嘢，唔係最好食，但已經好過另外幾間上海xx!下次想食上海菜會再幫襯！

每次在形點1期經過此店都有衝動想進去吃東西，但無奈每次都是在門前有一群人在等候，要付出很多時間呢😅今天路過可能是過了繁忙時間見不需要等位，所以我們便進去吃東西😙餐廳門口有個開放式廚房可以看見小籠包製作過程，食客在等位時候很多都被吸引住。店內枱與枱的距離較近，好像跟撘枱一樣😞我們2人每人點了一份大家一齊分享。🔸棗香東坡肉$78份量精緻，上枱是一整方塊，侍應會詢問我們要剪成多少塊👍🏻味道普通，甜味蓋過醬油味，肥肉較多，食完覺得很膩☺️🔸大排湯麵$68麵質煙煙靭靭有咬口，豬扒面粉脆脆的但內裏肉嫩👌🏻

今日三八婦女節，要去慶祝慶祝，於是去咗yoho town食好西媽子話要去食上海嘢，所以一行五個人浩浩蕩蕩去咗呢間食下午茶餐，因為下午茶餐較抵，同埋冇咁多人，唔使等位✌餐廳設計較有中國色彩，坐得又舒服我哋叫咗四個套餐金牌小籠包皮薄、有肉汁私房醬香牛肉👌厚身啲會比較好食鮮肉鍋貼鍋貼皮身厚，無乜肉汁，超失望大排骨麵👌點解無骨嘅🤭，炸得酥脆 不過啲肉比較鞋菜肉雲吞麵👌正常味道，不過不失紅燒牛肉麵勁得，肉湯美味、 有根有肉 、炆得好腍上海粗炒炒得係好味嘅，但太油喇少食為妙👩‍⚖ 下次再嚟食嘅話，我知道叫乜嘢最perfect喇

佢位於Yoho 商場裏面， T字嘅格局，一入去一條走廊，長枱四人位比較多，職員反應都唔錯落單積極，點左上海粗炒，四季豆，粉皮，特別推介上海粗炒，一來份量比較多，二來佢嘅調味特別濃，好食，四季豆一如以往，送飯嘅首選，分量一般，小小咸，但係粉皮嘅兩日真係特別少，夾兩着就食晒，唔太抵，兩個人食三個餸就差唔多啦，餐廳望出去可以望到博愛醫院個景，都幾特別，餐廳音樂比較嘈，埋單每人大約$120 ，可以係人少嘅時候去試吓

星期日阿女學跳舞，在等佢落堂時拎飛等位，到佢落堂時爸爸負責在座位叫食物等我們去食~~~阿女一落堂聽到家上海就即刻帶我過去，一去到所有食物已經在枱上~~~每次來到必點的金牌小籠飽（6件），有經過門口的都知道小籠包製作過程係公開的，之前每次等位的時間阿女的雙眼係被吸引住，呢度的小籠包皮薄，內裡的湯味道夠好飲，可以令人一吃就想再吃女兒紅醉雞係我食上海食物另一至愛，呢度的醉雞除咗食出啖啖的酒味外，雞肉的肉質夠曬滑，唔會韌，一食咗真係返唔到轉頭~~~家上海蝦蟹炒飯，感覺不錯，叫呢個主要用來填包爸爸個肚嫩雞煨麵，呢個係有阿女就必點的，因為麵夠滑又易入口，十分適合俾小朋友咀嚼，阿女每次都食到唔停口阿女食到連媽媽都唔理，有相為証家上海在YOHO都算係一間不錯的食肆，在Grand Yoho未開新商場之前有段時間係超多人排隊，我和家人排了差不多一小時才入座，感恩現在Yoho 食肆多咗，等位的時間相對短了一半~~~

每個星期都是同契仔開心開心的日子，先同仔仔行下yoho, 大商場最好就係帶小朋友，行下街食下野，我地都行到成7:00先食野見到家上海開放式廚房，整緊小籠包，口水都流哂出來我地就去拿位食野，見等5張台，未再行一陣唔！點知一等就等左1個鐘，個仔都餓了8:15左加入到去啦，就立即叫野食，一定係叫小籠包啦，我因為小籠包而家架麻，我地再叫左一些新年限定小菜，嫩雞會面、醬豬手、黃金蝦仁🍤、黃金炒飯，其實目的可能係想爆血管醬豬手等左勁耐，都食飽哂啦，先來個豬手，點食到呢？黃金蝦仁唔太新鮮，但黃金面都幾好味黃金炒飯好好味，粒粒分明，正嫩雞會面是個仔最愛，佢差不多自己吃了半碗

訂咗六點半，只可以食到八點。人非常之多，剛入座已經非常爆滿，幸好被安排坐圓枱， 所以坐得尚算舒服。燻蛋😋雞蛋做到有流心效果小籠包😋的皮做到被非常薄， 湯汁好味道， 點了兩籠。上海粗炒😋見到好多人都有點，炒得非常惹味，大白菜爽脆，卻不油膩。雲吞雞😋 湯好飲，雲吞一般，雞肉仍是嫩滑。咸肉浸津白😋清清地，平衡一下其他菜式的油膩感。回鍋肉😋 點菜有沒有想太多， 點了類似的食物，味道跟差不多， 都是做得不錯。紅油抄手😋偏向辣，醬油味可以濃一點。炒鱔糊😋 這個最一般，味道有點太鹹， 如果沒有叫飯配合，真的好難淨食。六大人，兩小童，一千元有找， 價格上算是抵食， 而且味道整體不錯， 值得再來。唯有時限，是美中不足。 沒有辦法，店舖租金貴，店主都想做多兩轉生意，是能夠體諒的， 所以如果只想食飯可以來這裏，但如果想傾計的，這地方就不太適宜。

朋友仔生日，一行8人去食個飯仔慶祝朋友仔壽辰！圈子裡面總係有中意「搞事」(搞活動)嘅朋友，約好晒大家時間，book好枱！一到店舖門口，發現人山人海，全部都係等位嘅人，朋友仔果然明智，有book枱即刻有位入！以一人點一味餸嘅形式點左8樣餸！總有一款你啱食呀！蜜汁脆鱔鳳梨魚柳奶油津白鍋塔豆腐金牌小籠包鐵板灌湯生煎包上海炒年糕揚州炒飯仲有個主角，壽桃包+私伙蠟燭🕯️生日快樂喔🎂每樣都有水準，味道都不錯！蜜汁脆鱔平時比較少叫，甜甜地脆脆地好有小食feel，可以一食再食！個人鍾情小籠包同灌湯生煎包，小籠包熱辣辣，滿滿湯汁，而生煎包個包本身軟熟，包底脆熱，裡面充滿熱湯，正喔！上餸速度快，不過環境嘈吵，大家講嘢叫破喉嚨再加讀唇先勉勉強強聽到！絕對唔係傾計好地方，或者朋友齊人有得聚聚都難得！

第二次來家上海 上次食完一次去左第二間食上海野就愈來愈對家上海念念不忘 唔似其他連鎖店 佢只有一間分店 要食就一定要來元朗。2點左右黎到 好彩唔使好等位黎到就入得 夜晚的話大家就一定要預留時間等位喇坐低侍應會幫你寫左茶先 之後就可以點菜。首先來到既係小籠包 皮薄多汁 d皮完全無穿 啜到曬d汁 好滿足！ 之前有睇d飲食報導講佢點整小籠包 愈睇愈想食奶油津白 呢度既奶油好濃好香 一d都唔會稀到變水 加上面頭咸香既乾粒 好味好味！雞絲粉皮黎得比較遲 哈哈 花生醬都係比較傑身同香濃最想食既雞煨麵啊 湯係清既麵係腍既 雞比較少不過我都好滿足喇 想食好耐了 仲有個紅油抄手雲呑係皮同餡緊緊痴埋唔鬆散 皮好薄有肉汁有濕蒜加乾蒜同蔥係面 d汁有醋同辣油加埋係酸辣既味道 十分惹味！ 辣味都有點重 但係我仲接受到 好好味兩個人五樣野平均每人食左二百蚊左右合理價錢高質素 推介元旦日捧住個大滿足回家！開心

喜歡家上海內裹比較中國家庭式裝修，不過每次黎都好多人等位。想食就要付出時間等。鮮肉鍋貼，底部脆卜卜，肉汁多。金牌小籠包，內裏好多湯汁，食嘅時候都小心，唔係就好易燙傷。手切蒜泥白肉，佢既汁係令上，而且汁好辣，又少蒜香，我就唔多鐘意。大排湯麵，麵質煙靭，但豬扒皮唔脆亦唔香，有啲失望。☹️黎過三次，今次真失望😞