家上海 (形點 I)

Open Now

Now Closed

成日經過呢間餐廳返屋企都見到好多人排隊，嗰日終於忍唔住同男朋友去試下～我哋禮拜一晚七點幾去到已經開始好多人排隊，好彩兩個人唔使點等位✌️兩個人點咗一個酸辣湯麵同上海炒年糕，有個餐前小食係花生脆魚仔～個餐前小食係非常脆口幾好食，價錢合理👍酸辣湯麵唔算好辣，幾足料，味道好開胃，麵質都ok 唔會太淋，份量適中上海炒年糕非常煙韌，份量相對多但略嫌鹹咗啲～原本我哋想叫一個蜜餞火腿包嘅東西，但係呢度要百三蚊左右，係一間唔錯嘅中式酒樓都係五，六十蚊左右， 好似真係貴到離譜咗😐下次可能會選擇下午茶再去幫襯🤔

無論嚟食lunch定係晚飯，我同屋企人食過無數次，但係無一次係失準！次次都食到我哋舔舔俐！佢最好係食普通飯又得（例如嗌個餛吞面）、請客食大餐又得！種類繁多、又好食！味道真係100分！無得彈！份量適中！唯一唔好就係次次都要等位，但係唔使等好耐嘅，自己預早啲去食啦！好食先要等嘛！蒸銀絲卷 $28椒鹽小黃魚（兩條） $98金牌小籠包（六件） $54淮鹽糖心燻蛋（兩隻） $32蘇式燻魚 $72中芹肉碎泡飯 $68上海菜肉餛吞（八件） $58酥炸臭豆腐 $68家上海蝦蟹炒飯 $118

如果成日行過開Yoho既人，一定有留意到呢間餐廳。第一：加上佢嗰個開放式嘅玻璃廚房，啲師傅喺度包緊小籠包，整緊鍋貼。第二：成日都好多人排隊嘅，基本上如果夜晚過咗六點九、七點呢，就會見到有一大堆人喺度㗎啦。如果想試下上網訂位都唔係咁容易嘅，因為佢大多數唔可以book聽日後日大後日啦。俾你頂得枱嘅都多數只係六人以上。今日我6:00就去到喇，其實入邊都已經有唔少枱客。望下餐牌有咩食先其實選擇一啲都唔少，所以揀嘅時候都會眼花撩亂。但基於鍾意食上海菜嘅人，我諗其實叫你叫去都係嗰啲㗎啦，小籠包啊上海炒粗咁啦。今餐我哋就帶咗個蔥爆牛肉，煎嘅小籠包，同埋上海炒粗。我都嗌左壺人蔘烏龍，以為因為啱啱沖出嚟所以冇乜味啦，但係原來唔係囉，食完飯買完單都係差唔多，淡。賣相係咪好好呢？不過上菜速度都真係幾快嘅。好啱趕時間嘅朋友。上海炒粗，唔知係咪天氣太凍，就算佢即刻放低，我都覺得呢隻野係涷。呢個就係我哋叫既煎既上海小籠包啦，細細粒粒但係入邊都真係可以令到口爆汁，個底好脆。蔥爆牛肉，呢個我真係覺得麻麻地，鐵板上到嚟都唔熱，而且可能少咗個薄餅配住嚟食，所以爭少少。總括：唔知點解又有啲乜嘢咁特別好食，所以成日都咁多人排

It’s a great place for family dinner. We got a round table beside the window with great view. The food are great! Great customer service. 一去到好多人等位但我地訂左位就即刻有位個豬手叫紅燒小元蹄，但非常之有驚喜，因為佢係非常大份，肉夠入味同埋炆得好淋！以前唔鐘意食豬手因為豬手多數無乜用，但呢個多多肉比你送飯。我地6個人都食唔哂仲要打包。濃湯沙鍋錕鈍雞啲湯好正，有金華火腿香味，自己都飲左幾碗。個高力芋泥雪糕幾有新意，再加酒釀丸子好有桂花香味！下次想試下高力香蕉

經常路過也見到晚上十分多人在這餐館等位食飯，今日終於可以一試。本來就非常喜歡上海菜，可惜香港好吃的上海館本來就不多，有些更越來越難食。今次來試一下下午茶，的確比較化算，二人餐連加一$149。正價時段略嫌有點貴，套餐會便宜一點，但零活性是零，都時set死左菜式。我們點了一客小籠包，一客鍋貼、一碗酸辣麵同一碗紅燒牛肉麵。小籠包的皮不會太厚，有滿滿湯汁，倒出黎都不是油油的，吃下去不是肥豬肉的質感，是軟軟的豬肉呀！鍋貼也不會乾巴巴的，超級大隻，漲卜卜的，內裡都有點湯汁，不過底部剪得有點焦比較硬了一點。酸辣麵最意外，材料足不止，酸辣度配合得剛剛好，不會只有醋酸或只有辣，也不會杰得似漿糊，麵又沒有皂水的味道，超好吃👍🏻👍🏻至於紅燒牛肉麵也配上少許牛筋，超級軟稔，湯底也不會很味精很咸。不得不另外一讚，點了龍井茶也算不錯，不是番渣茶，茶也算很滑之餘，絕不會淡而無味。

好耐冇食上海野啦！試一試依間家上海先！tea time個價錢又算幾抵啊！有小菜，粉麵飯三選一同野飲一杯！茶係任飲四喜烤夫，佢似豆腐乾又似海棉，一口咬落咇晒汁係口好正！小籠包子到左，一口咬落去皮薄湯汁同肉，好好味呀⋯⋯窩貼煎得好好外脆一咬落口肉汁出晒黎！擔擔麵，麵條都係幼身排骨湯麵炸到好脆既豬扒！配幼身既上海麵上海炒年糕酸辣湯麵，佢個湯底得個酸字同以前食開某幾間店好唔同，依度冇左蝦只得豆腐下午茶既價錢真係好抵食啊！食到飽飽又一餐

平日阿公阿婆生日都會去酒樓食飯，食到厭厭地，細妹搞請食飯，自然想與別不同少少，務求大家盡興！因為有二十二人，訂位穩陣點！要交底五百大元按金！好竟不常，舅母病得好嚴重要延期，臨時臨急早幾日通知餐廳冇乍型，但講明只比改一次！book位有時段限制，五半要開始七半交枱。去到現場當日，發現其實一張大枱，一張中枱，中枱果張坐得有點迫，但因為叫套餐，好難分幾枱。套餐有兩個，set A唔夠咁set B又太多咁，最後話晒請加單好似唔好睇寧願食淨打包，叫左set B。本身會有花生魚仔奉送。至於餐前菜樣樣都好味，份量都唔少，脆鱔香口食到停唔到口。雞肉好香又滑。小籠包皮薄多汁，唔係驚飽可以一人食多隻。小菜每樣都好味，不是酒樓食開款色，份量唔少架。我特別想讚紅燒元蹄，未食會以為口肥好漏，食落口香綿一點都不肥膩，一流！雲吞雞都好味，幫你分好晒，好飲！呢個甜品好特別，見食評好多人大讚，不過佢唔係我今晚至愛！而且佢有碗甜蓮子，唔知點用，唔識食。呢個炒飯非常惹味，好好食，不過成個底都係油，如果唔係咁多油一百分吖！壽包香滑，完美ending。叫左24位，大家飽到想死，食淨好多好多。職員好好，佢地一開始心知我地食唔晒，賓客

今日睇完戲係yoho 搵嘢食，因為yoho食肆好多，於是揀左家上海試試，因為下午茶時段關係，每位68蚊一位，有小食及主食，粉麵飯任揀。煎鍋貼，肉汁好好味，皮不太厚但唔會穿又夠大隻，好好味。另一個小食叫左蒸小籠包，皮薄肉汁豐富，黑醋夠淳，能提升小籠包嘅味道。大排菜飯，份量大，菜粒新鮮夠多，又爽脆，大排即豬扒鬆脆好食，肉質鮮嫰，好出色嘅客飯。上海炒年糕，味道夠濃郁但又唔油，年糕煙煙韌韌，軟硬適中，配料好食但如果份量多啲就更加完美。值得推介，抵食下午茶，星期一至五，2點至5點半。

今日係Family Day 逢星期日基本上都會到呢個商場食午餐其中最喜愛既一間餐廳 係家上海 必食雞絲粉皮 楊州炒飯 鍋貼 牛肉 非常推介大家叫楊州炒飯 廚師炒到一粒粒 金香可口仲有一個非常貼心 就係可以叫少油！又真係少油喎，其實已經食過好多次，無次令我地失望！仲有酸辣湯都係好好好好味，酸辣味道令人好開胃！溫馨提示呢間餐廳平時都可以用app網上取飛！成日都好爆場！埋單都係一人100左右，就食到真正上海味道，真係好抵食！

每星期都看到家上海門外多人排隊，今日我與閨蜜6:30pm到了等候，大約7:00pm入座。店內都算多位，裝修有上海店鋪的味道，可以看到師傅整小籠包的過程。花鵰醉乳鴨 $98 花鵰醉雞試得比較多，醉乳鴿卻是第一次食，酒味香濃滲入乳鴿內，口感不錯。蒜拍黃瓜 $48 黃瓜切得細粒，方便進食，旁邊有芥茉醬可點，不過原味更為清新。金牌小籠包 $54 一籠有6件，看到每檯客人都點，小籠包皮薄，熱辣辣的湯汁配上份量剛好的豬肉餡，好味道。上海酸辣湯 $48 一碗可分兩少碗，最意想不到這個酸辣湯比較辣，雲耳，蝦仁，肉絲，荀絲，豆腐，尚算足料。

一個2人枱號要等25分鐘；有抬也不執枱不叫枱號！當走去詢問職員如何，就説已在叫，是的，在不停叫，但只是4人或以上就有枱我再留意身邊其他顧客，原來也是2人一組的也是等了超過25分鐘。我向餐廳往入望望，原來空間比看到鬥口的幾張枱為大，內裡有很多張枱，竟然很多枱也是巳離去了，是2人枱，只是不執枱等併作4人或以上的枱。那麼看，此餐廳平平白白要顧客浪費時間的在等，在等他們最後還是併不了枱才最後給你一張2人枱。但不要那麼快高興，因為入了一張2人枱後，那又要等25分鐘，等他們不等4人或以上颧客，才叫另一張2人枱號。那麼一來一回，就是等四張枱號，已耗費你超過1.5小時。所以説，這上海菜館是不做2人生意的。

今日去左“家上海” 度食飯,一聽個名就知係食上海野啦.今次叫咗四樣餸, 分別係“ 椒鹽小黃魚” “ 家傳丁香雞” “手抓餅”同埋“小籠包”. 先講下個椒鹽小黃魚, 雖然只係得兩塊,但就超好食,炸到餅乾咁脆,值得一試,而且賣相都唔錯,推介食 家傳丁香雞係去左骨既雞,帶d酒味好甘香,特別想講原來醬汁唔係普通既薑蓉,而係沙薑加酒味, 同啲雞肉好夾,幾好味 話明係上海餐廳,就一定要食埋小籠包同手抓餅啦,呢兩樣就不過不失,同一般既差唔多. 今次推介嘅係家傳丁香雞, 認真好食

家上海係yoho開咁耐，每次行過都見到好多人得緊位。今次見早左放工，諗住應該無咁多人，就黎試下喇！大約6點幾到，大幾6成滿間餐廳，唔駛等就有位喇呢度裝修幾靚，鐘意個種暗黃燈光既古風deco餐單有好多菜式，係openrice睇一睇就決定一定要叫佢個鐵板小龍包試下係唔係真係咁好食上菜時見到小龍包係熱辣辣既鐵板上邊賣相唔錯，唔算好油。咬落去外皮唔算好厚，外皮脆脆地，入邊仲有湯汁亦足料好好食呢個真係另外叫左個豆腐 ，佢係炸過同加醬汁去煮豆腐外皮好薄好脆，不過有少少咸如果送飯就一流另外仲叫左個毛豆百業豆腐同雞絲「會」麵2樣都青青淡淡得黎，調味得唔錯煮既時候岩岩好，唔會煮太耐變淋試左呢幾樣菜都覺得佢地既食物好有水準價錢唔會太貴，又坐得舒服下次一定會再食佢個鐵板小龍包

1.椒鹽小黃魚(2條)$98，水準依然，外皮香脆，肉嫩，吃得滋味，必叫之選，推介👍🏼2.鐵板蔥爆牛肉$108，牛肉嫩滑，其味道和烹煮的手藝剛好，故邊吃邊讚，推介👍🏼。希望下次再吃時，質量都是這麼好3.鐵板灌湯生煎包$52，個個飽滿餡靚，底部煎得香脆可口，同樣推介😋4.高力香芋雪糕$68，很失望😞，敗筆於有油「益」味，同枱各人都吃到。這個是招牌甜品，希望下次再吃時，用新鮮油烹調這道甜品溫馨提示😉：仍是這麼多人光顧，尤其是用餐時間，所以用膳時間為90分鐘坐4人方枱或圓形中/大枱才舒服，空間感較好，最不喜歡坐近門口的數張長枱，像飯堂枱，近乎沒有空間感和談話私隱，因枱與枱之間很近

好中意去家上海食飯，環境好，食物又啱我口味，最衰就係成日都要排好耐。所以我鍾意喺啲奇怪時間去，咁就唔使排隊啦。其實我次次去都係食嗰幾樣㗎啦，自己一個嘅時候就叫酸辣湯同小籠包。有時屋企人食就叫多個醉雞同麵食。酸辣湯(一人份)熱辣辣，咁落去個人好舒服。我鍾意佢夠酸，又夠辣，但係又唔會令到個胃唔舒服。木耳絲,蘿蔔絲,筍呢啲材料都夠，係肉少咗啲啫。小籠包皮薄餡靚，湯甜，我一個人鯨吞六粒！不過食到第四五粒有啲膩，呢個時候飲番啖酸辣湯，就啱啱好解到膩啦。加埋茗茶11蚊，我一個總共食咗120幾蚊。喺商場食個晚餐都算係咁啦！最緊要係自己食得滿足！