便所主題餐廳 (Closed)

昨天(17/5)路過見到佢見佢幾得意，所以就入o左去食，門面都唔錯o既（如其他人ｄ圖一樣）入到去d裝飾都好正，但是唔得o既野有３樣：一．野食我唔係好高要求o既人，但都覺得ｄ野食好普通，又唔好食。另外，我叫o左杯『蜂蜜蘆薈』，杯飲好稀，但超超超甜．．成份係：好大量o既水，好大量o既蜂蜜，好少量o既蘆薈粒價值：$35想試o下o既可以自己mix水&糖&蘆薈粒二．服務ｄ侍應俾我一個好唔pro o既感覺。感覺似一般ｍ記既服務。三．價錢價錢同食物質素成反比，唔好食，但好貴，一個麵$55,一杯蜂蜜蘆薈$35,加一$9建議：非為貪得意／入去影o下相，都唔好去。味道：差，１分環境：唔錯，４分服務：唔夠好，２分衛生：我響裡面俾蚊叮，３分抵食：一ｄ都唔抵食，１分

中午十二時開門, 十二時二十分到達只有三枱客, 其中一枱只係食刨冰但二款午餐中, 有一款已售罄, 佢地預備午餐分量是否過份少呢?比佢地焗限左~ 唯有焗住散叫~招牌馬桶咖喱雞$50坐廁來到, 馬桶咁大, 原來下面裝火種, 上面有個碟裝住咖喱雞, 咖喱雞份量超少, 味道只辣不香, 冇味道~配白飯(暖)、中湯(淡如水)、粟米(又凍又淡)雞米花$30踎廁上, 炸雞件, 香、辣、脆, 好味馬桶6號(軟雪糕)$16冇味選擇, 今日是雲呢拿味軟雪糕, 味道一般, 麥記好味過佢馬桶X號(香草味刨冰)$40香草味唔錯, 刨冰面放有小饅頭、提子乾、棉花糖、軟糖、水蜜桃粒、仲有三粒好難食唔知係乜東東、冰中間有啲白色滑滑難食的東西, 仲有一球雲呢拿味雪糕及二圈雲呢拿味軟雪糕.三個人, 又食又玩都仲有得冰淨~頌頌仔玩得不知幾開心, 揸住部相機週圍拍照, 雖然食物唔好食, 當比入場費來座下、傾下計、帶小朋友來觀光拍照, 見識下都無妨~佢地真正的廁所好唔得, 唔乾淨, 仲......唔~(最後走去對面朗豪, 起碼乾淨好多)

上兩個禮拜日同女友去呢間餐廳食。上到去未入去，門口已經望到男女廁標誌。果度全部都係坐廁，係呢間舖0既特色我地叫韓式珍珠燒肉套餐、地中海海鮮焗意粉同雞米花韓式珍珠燒肉套餐：個餐有粟米做配菜、韓式珍珠燒肉做主菜、跟湯同白飯。粟米、湯同飯都只係普通貨色，但燒肉係水準之作，有少少辣又唔太鹹地中海海鮮焗意粉：個人對呢個意粉有失望，焗得太乾，意粉開始變硬(連海鮮都有少少硬)，味道只係一般雞米花：其實只係細粒0既炸雞，都係炸得太乾，略嫌硬，但個甜酸醬幾好味最後叫個刨冰，超大兜，冇三個人應該食唔哂一兜食緊果陣，隔離檯離座，人走之後，見到服務員係用清潔劑抹檯，夠衛生!總結而言，個人覺得呢間餐廳唔係真係咁差，只係以呢個價錢(午餐兩個人兩個主菜一個小食一個甜品要二百蚊落樓)有少少唔值，不過一次半次就當新體驗啦

環境裝飾很特別,而且地點就腳.午餐\竹筍豆乾素菜~ 一食想嘔,好臭. 破了有史以來,只吃一啖,而放棄全碟的紀錄.朋友點的沙嗲雞~ 味道一般,而且那件雞有點怪怪.兩杯台式飲品是淡淡的,如像奶水般.為環境裝飾,一試無妨,最好叫杯野,影下相算啦. 為搵食,就千萬個唔好. 係超級特級難食.

第2次幫親便所,,今次叫左法式奶油燻雞意粉$65男友叫左招牌馬桶咖喱雞$50經過上次之後..今次唔叫雪糕..因為食唔晒!意粉由於即叫即焗所以要等20分鐘..而男友果個3分鐘到就端上來了d咖哩都幾辣..雞肉太林啦..煮到梅左咁!冇左雞肉應有既口感!(上次食都係)個冬瓜湯好似飲水咁,,清到呢..見底架等左20分鐘到..果意粉終於到啦!個西湯應該係叫粟米湯..但係無粟米味= ="都係好淡..飲左兩啖無飲..汁料真係好creamy..好香好滑d雞無咁林..好有燻香既味道!幾好既係食完成個粉都唔會覺得滯(唔知係咪我太肚餓呢!).但係會好肥囉-0-"今次黎多左好多員工咁@@但係圍埋晒一齊傾計囉..同埋企晒係門口..

如果作為貪圖新鮮為綽頭，首要目的是照相的話，無疑是滿意的；但若是作為食肆，還有很大的進步空間。首先是服務，我是在3月1日(星期六)去的，一去到門口看到有人在排隊等位，便與友人排在後面，誰不知等了很久都沒有人出來帶位，然後有後來的人一來到便進去，拉了一個侍應說2位，侍應便馬上帶人進去，完全無視門口的人。然後大家都照樣進去，才知道入面有很多空桌，難道那些侍應真的是有人進來才會帶位子麼！說環境，設計不錯，十分搞笑。椅子是馬桶，桌子是有玻璃面的洗臉盆。用具器皿全是與廁所浴室有關，飲品是以尿兜型的杯盛載，食物則是用馬桶型的鍋或浴缸器皿。要照相的可以玩一會兒。再來就是食物及價格，由於當日是星期六，沒有set lunch之餘，還食甚麼沒甚麼，餐牌上有很多東西都貼了膠紙掩住了，甚至是招牌菜風味沙嗲雞和咖啡牛都沒有，二人最後叫了無錫骨食和雞排，外加一個六號雪糕。無錫骨是餐廳的推介，不錯；但雞排就不能說好，又乾又老。雖然鍋下有火在保溫，但就雞排而然是反效果。而分量亦不夠。而雪糕因為看到旁桌的其他號實在太大，就叫了六號，就雪糕而言沒甚麼好評價，不特別。價格來說，不是星期一至五,絕對不值得去，我和友人是坐下了

見到人地的食評都知食物不要其望過高所以和朋友來到只點飲品和雪糕份量都幾大下無影相因為都唔係好特別也不太好吃不會再來了

上個星期友人請我到便所補食我ge生日飯，其實最初唔知點解對呢間野已經有少少覺得佢唔好架喇..不過朋友叫到就當試下新野啦,點知...我地去到都成7點鐘..但係佢門口就有一個下午茶menu同另一個menu..好彩我細心咁留意..發現個供應時間原來係"至到2.30"!!咁咪即係過晒囉..喂..o個個係午餐menu黎架喎..7點鐘仲放o係度做乜??入到去先發現..原來dinner得兩款揀..仲要$80/10x個餐..冇病呀嘛..80幾蚊我不如去隔離"和民"食啦..呢個價錢食個扒都仲得!原全明白點解間野會過晒時間都仲放下午茶同午餐menu,但就唔放dinner menu..因為如果俾人睇到佢一個dinner set要成$80-100..就一定唔會去食!..所以佢出埋d屎橋去坤人入去先..呀,唔記得講..我地入到去諗住叫野食,佢先話俾我地聽我地兩個想叫o個兩款野食冇貨!..有冇攪錯..你個menu好似得好少野食咋喎..仲要有好多都係重複ge..7點鐘已經冇好多野食..咁就祝你..早日"食屎"..真係貼晒個主題!

想去便所好耐啦!尋日終於同左妹妹去...我地兩個都好興奮!可能好早去到既關係,唔係好多人咋喎!叫左幾樣野雞扒飯,薯泥,魷魚,朱古力最好味是魷魚!!!!!其次係雞扒飯和薯泥(有牛肉,但唔好味!)可能肚餓吧...味道ok呀!吃飯不一定為了味道,格局都可以"吃"的...不過這樣的格局,又有多少人吃得下呢?哈哈

5個人的下午茶聚叫了兩個雪糕,一大(應該是4號)一小的,那個brownies和3個tea set。那個甜品…其實5個人都食唔晒…雪糕是很普通的貨色,刨冰還可以,上面有一些彩色的物體…但和冰和雪糕也很不配…小饅頭更是完全沒有關係…而且鄰桌那兩個人,吃了1/6也沒有…莫說冰入面的東西了…brownies還可以吧,但我覺得味道一點也不似…有點似朱古力漿西多士…好甜好甜…不需要再加甚麼…但外表蠻不討好的…朋友的blueberry toast…blueberry paste是啡色面的…中間有點點紫色吧…但有點不好看…我的奶吐司是全部東西入面最正常的…(其實還有薯角)但問題是…好甜好溜……麵包很易碎,但不脆…全部東西都好甜好甜,很怕…幸好一杯檸檬蘆薈可以沖淡一點點…但我希望可以再酸一點點,多一點蘆薈。講真…真係貪得意才會去…但味道真的不行…不敢想像main course的味道…盛惠~40元換來這個朋友相聚的機會還可接受,但有35元是給朋友的。

一個人到旺角買野，順路就來了這間搞笑餐廳食lunch。　環境真的幾鬼馬，人客要坐在馬桶吃飯，食物及飲品器皿又皆與廁所有關，趣味是有的，不過食物質素就很麻麻：　冰淇淋綠茶-以尿兜型杯盛載，十分抵死；不過冰太多了，雪糕又不夠香滑，融化以後更令綠茶變得奶不奶、茶不茶，不推介。　蕃茄雞肉意粉-以洗手盆器皿盛載，最大的優點是夠熱，此外缺點就多了：意粉較碎較斷，又不夠彈牙、雞肉淡而無味...　服務不過不失，食物麻麻，我覺得貪新一試無妨，要找回頭客就太窄了!

同朋友慶祝生日.特地來試下不過.其實味道只係普普通通. 最好味的是無鍚肉骨頭. 炸雞塊. 其他雞翼呀!! 意粉呀!! 都只是馬馬地.又唔係難食ge. 但都唔係好食最難食就係個什錦火鍋!! 腥到嘔. 連獅子狗都係腥的. 有冇攪錯!!最後的刨冰.其實我地係見到人地食( 超大兜) 又想叫黎試下.(反正都只係40蚊)味道係預計之中. 都係馬馬. 最好味係個雪糕.但只係得一球. 而d 冰就超級多6個女仔都食唔哂.不過黎得呢度.其實都係想睇下人地d 裝修同朋友一齊玩下,味道都唔係重點而的確呢度又幾得意ge .d 食物兜係坐廁馬桶. 浴缸等等周圍裝修又好得意

聽朋友講....呢度開左間公廁餐廳.....D裝修幾特別..係座起......D大口仔度....拎住個MINI 大口仔...食飯的...都幾有新意既......但朋友事先講明.....D野唔好食的....但為左好奇....於是帶埋契仔契女一齊食屎.....一入黎....個氣氛唔好....一座低....只係貪第一次座個下既感覺........其如就.....唔舒服....想放件大褸既位都冇...(即冇多人大口仔放野的)..個場好焗.....空氣唔流通......D射燈好熱.....未食野已經好唔舒服.......叫左個....地中海海鮮焗飯$65.....好貴.....好細....唔好味.....要加多碗白飯撈啖D...先可以放落口囉....又叫埋個....招牌牛肉鍋...$75....好啖.....冇咩味....唉....最後叫埋個馬桶6號.....唉....D雪糕拎到出黎已經容晒.....D雪糕又唔好味.....仲有最大既問題係....個度D服務生不可一世....黑口黑面....態度超差......真係麻煩老闆正視下啦....

好了先講服務，甫進餐\廳該侍應的嘴臉有如羅湖深圳關口的大陸海關。最後總算有位子坐下。雖名為便所餐\廳，是的主題的確新穎，但也未免太忠於主題。最少也改良一下那些馬桶吧，墊張坐墊也好。除了沒有接駁渠口位外，你在店內進食的感覺和你放下家中廁版並坐在上面的感覺一樣，但記住你坐在上面的時間是你出外用餐\的時間。不是吹毛求疵，但實在太不舒服。食物。缺乏選擇也算了，食物質素卻太一般。付出六十大元，期望吃的是人的食物，這個要求不太過份。如真的要逐點批評我可撰寫一篇論文，但這店的食物真的太令人失望。份量太少也算，亦不見在質量上有所補償。我點了無錫骨。肉味不夠，溫度不夠，湯更可怕，半溫半冷，完全是自湯沸後擺\放了四五小時後的溫度。總括來說，如你是被這店所謂的便所主題所吸引，提議閣下擱下家中廁版，並坐在上面進食，唯一不同是你母親或你所煮的食物很可能比這店的好吃，而你亦不用貼錢買難受。食屎真的食一次便夠了，何況仲要俾錢先有得食。

本人最近去吃過一次，食物也不算真的很難吃，只是因為份量，菜式跟價錢不太相符，所以到這裡吃，真的只是吃綽頭。跟朋友在這裡嘻嘻哈哈都幾好玩呢～如果價格相宜一點，我想我會來多幾趟。我們點了：兩個套飯，一個焗飯（對不起我忘了飯名…）三客6號軟雪糕