摩豆

Open Now

Now Closed

排隊唔耐，買完等叫號碼會等好耐，起碼10-15 分鐘。第一次食，斑蘭雞蛋仔$19：外脆內軟，斑蘭味唔會好濃，但係淡淡地一層已經好香，同埋都係會食到斑蘭味。要讚既係呢款雞蛋仔真係做到內軟，內料又亦足，外脆既效果。成底雞蛋仔食晒都唔會覺得好甜第二次食，積及橙朱古力雞蛋仔$23：聽過朋友推介話好食，第一印象又唔差，於是再去食過。都係要等好耐，但呢款口味令我失望。成餅雞蛋仔質感太軟，做唔到外脆！我已經唔鐘意講返味道上，佢橙味係出既，朱古力味就返而差少許，朱古力粒粒可能熱溶左既關係，同埋分散得開，所以橙味整體會較濃。而我個人好鐘意食朱古力，所以更加會覺得呢款口味麻麻第三次食，伯爵茶雞蛋仔$23：愈食愈普通唔知係咪煮個個人唔同既問題，整出黎既雞蛋仔同普通旺角街買個啲差不多，係相對上比較脆身少少。伯爵茶我食唔出伯爵茶味，係脆硬身啲，同可能內裡厚肉少少咁。整體來說，好鐘意食雞蛋仔既人可以一試，但真係唔係隻隻味都可以保持到水準，我暫時最推介係斑蘭味雞蛋仔，但唔知再食個時佢仲會唔會keep 到。不過都應該唔會再重複食。

我很喜歡食雞蛋仔, 知道這間很多口味, 終於上去一試...!! 試左宇治金時雞蛋仔, 等左3~4分鐘就有, 外貌比傳統雞蛋仔細粒, 而且面係令身D, 底就方形...!  口感不是傳統的脆身, 而且不是粒粒雞蛋仔也有紅豆, 食頭幾粒有綠茶味, 之後就只覺得甜..., 感覺似雞蛋糕多過雞蛋仔, 因為底那面似蛋糕, 雖然配搭創新, 但我仍是喜歡傳統脆身的口感

流心蜜糖雞蛋仔 $23去到旺中見到雞蛋仔，e間未食過成日出d好特別味，鐘意蜜糖的我當然要睇佢幾流心大約3-5分鐘整好，食左半粒原來類似爆珠形式，食落去有淡淡蜜糖香吾太甜，但雞蛋仔偏軟身同冇咩蛋香，食到一半仲要淋得好勁，根本撕吾到……可能太熱比我地，根本都未吹凍少少所以缺脆口吧

Perhaps their other flavors are popular, the Pandan (班兰)flavor was terrible eventhough it was heavily recommended by their marketing scheme. Trying this wrong flavor on the first past was a big mistake. While fresh pandan leaves is widely available in asian they choose to use an artificial extract. The flavoring was over powered, and poorly controlled. The flavor was bitter and tasted like badly flavored cough medicine. Highly recommend STAYING AWAY from their Pandan flavor.

我想，從人生第一次吃雞蛋仔開始，這麼多年來，應該沒想過，會有比雞蛋仔辣到飛起的一天。中學年代，一星期總有幾天流連旺中。看著它漸漸被遺忘，熱鬧不再，正至最近成功轉型，引入食肆，起死回生，就如人生的起伏。不過，似乎熱鬧起來的，只限於2樓的一角。由果汁、又一戟，至手卷、飲品、炒雪糕、雞蛋仔和魷魚，門外全都站滿人，尤如年宵、美食博覽般熱鬧。沒錯，人流被帶起，不過都只集中在新引入的食肆。商場設計通道狹窄，擠得水泄不通，對面的小商戶只有看的份兒，甚至逼得本來想光顧的客人都會卻步。一場來到，只好忍受一下。來到摩豆，點了份肉鬆蝦乾雞蛋仔，有辣和勁辣供選擇。質疑雞蛋仔可以有幾辣，毫不猶疑地點了勁辣。得等20分鐘。熱呼呼的雞蛋仔終於到手。粒粒圓潤，表面光滑，並不油膩。雞蛋仔外殻輕脆，不過剛做好就被放入密封的紙袋，焗著熱氣，吃到一半便開始變腍。幸而不算太大影響，畢竟裡面包著肉鬆，入口後跟口水混合而融化，即使腍，口感都幾夾。用料很足。可以在雞蛋仔的表面見到肉鬆，拉開更是一絲絲的，吃下去滿口豬肉鬆的香。不時在雞蛋仔裡吃到蝦乾，硬硬地，帶來咬口。即使包著慷慨的餡料，雞蛋仔的外殻下，依然有層軟腍的蛋糕，絕不空洞。這

一早明言會再返黎試其他口味。今次試上次冇食的「流心蜂蜜」。等左幾分鐘，熱辣辣的雞蛋仔到手。聞一聞，真係好香蜂蜜味。預期都會好食。點知...真係唔食唔食真味道！食左第一粒已經覺得奇怪，流咩心，邊度有流心！之後再食一粒咬開一半...所謂的流心蜂蜜，係蜜糖味的爆珠（太家食過棉棉冰或者Froyo, 應該知道我講咩）我真係O晒嘴！點解係咁...是我太天真了吧，竟然幻想佢會用真·蜂蜜...今次真係堅失望，本來係想俾劣評，但拎上手係聞到蜂蜜味嘅，所以留一留手。下次再食摩豆，還是專注食返我嘅蝦米肉鬆好了...

近期旺中新開既食街, 好多人都會專程去潮聖, 所以今日我經過那裡, 又點可以放過這個機會呢.上兩層行入去好快就見到有一列做食既店舖. 今次我就先試一間專賣雞蛋仔的. 叫左一個羅宋湯味道既雞蛋仔, 等左一陣就有得食, 睇睇表面, 就同普通雞蛋仔冇咩特別, 吃一口, 口感也脆的, 味道也食得出有羅宋湯味道.但咬開蛋入面, 就發現不到有羅宋湯既材料, 只食到有一粒有一粒細粒甘筍係入面. 整體而言都算好味的, 幾特別, 如果可以食到更多餡料就好啦!下次經過會再試埋其他味道既雞蛋仔先.

與其話係「流心」🤔倒不如話係「爆漿」😂 雞蛋仔入面有爆爆珠💥蜂蜜味🐝係幾清甜唔膩既👍🏼 雞蛋仔質素都👌🏼夠脆 其實有好多其他新奇有趣既味道蜂蜜流心雞蛋仔 $23

睇過雜誌介紹後一直都想試下呢間新派雞蛋仔店。因本人好鍾意食鳳梨酥,所以點了個全場最貴的土鳳梨酥雞蛋仔($28).因是即點即整,買的人又多,所以要等上十多分鐘~新鮮整起的雞蛋仔外脆內軟,但土鳳梨肉偏酸,一口咬落去只嘗到土鳳梨味,吃不出雞蛋仔應有的蛋香味,只是放涼後蛋味比熱食時香~ 另外,可能因為那天多人在等候,雞蛋仔整起後放涼的時間略嫌不夠長,令到它很快變軟.食完的結論是還是吃鳳梨酥好

早幾日同朋友去旺中行下，2樓多咗幾間小食店，朋友話原來打算打造第二個葵涌廣場，我得呢個構思都不錯呀。最受歡迎嘅就係呢一間摩豆，佢呢一間係第二分店，早前已經已被人在IG 洗版。我都唔執輸即刻叫返一個傳說中嘅流心蜂蜜雞蛋仔。我發現原來好多人都好鍾意啲嘢流出黎嘅感覺。當然我都唔例外啦！唔需要等好耐大概5分鐘就有啦！外邊十分之香脆，二裏便果然粒粒足料，每一格嘅雞蛋仔裏面都至少有兩粒嘅蜂蜜爆珠，食落去10分過癮！最欣賞嘅就係大家都知道蜂蜜包住比較甜，佢哋就響雞蛋仔將嗰度落功夫，減少左甜度食落去更加冇咁覺得膩。口中爆珠感覺良好，$23 扺吃！

之前經過旺中見到佢哋啲相覺得好吸引已經好想試今日同兩個朋友一齊行可以開心share梗係要試啦一向都喜愛班蘭蛋糕出咗新嘅斑蘭雞蛋仔仲唔係你等左5分鐘到就已經有得拎新鮮出爐熱辣辣勁吸引閒落去嘅時候班蘭味都還可以但一咬落去。。其實真係食唔到啲咩班蘭味好淡好淡。。。。。。。。。。其實我買之前都已經諗可能係伏但真係好想試其實個味整到咁我寧願食反個原味嘅雞蛋仔就算同埋雞蛋仔入面好實。。個人比較喜歡啲脆啲嘅雞蛋仔19蚊一底又唔算係平😖😖😖

雞蛋仔 唔係我既最愛 個人係鐘以食格仔餅多d 鐘以佢有砂糖花生醬多d味道😍近來越黎越多帶有餡料既新式雞蛋仔今日去到旺中就試下有無d咩出奇由於價錢都唔平 所以一定要揀隻唔伏既味道係club橙朱古力同特選芝士之間揀🤔最後買左芝士 因為都怕朱古力太甜比完錢先知要等半個鐘😭等既位置又得好少 惟有行下旺中終於拎到手 見住佢整起熱到唔可以拎一粒出黎食只可以成啖咁咬😳可能吹得唔夠耐 無左本身雞蛋食內軟外脆既感覺 有d可惜 芝士方面都幾足料 不過好似無拉絲效果用既可能係味道比較濃既芝士食完感覺都幾飽 (同有d油）整體都ok 幾得意 不過就唔覺都自己食緊雞蛋仔價錢都夠高 係唔係物有所價就見人見志

前日同男朋友專登去旺角中心尋找下美食😳。試左流心蜂蜜雞蛋仔($23)。好失望，雞蛋仔入面係蜂蜜味嘅爆爆珠，蜂蜜味唔知係咪因為加熱左有陣怪味，而雞蛋仔一啲都唔脆，係軟身咁濟😥，完全食唔落，同男朋友食左一半就扔左。可能因為新開張人流都好多，要等15-20分鐘。

話說好耐無去旺中, 基本上係旺角都唔係好想去, 因為真係好多喼……朋友話旺中而家跟葵廣個trend, 多左好多野食, 好啦, 咁我去一次啦點左一份羅宋湯味雞蛋仔, 係,你無睇錯, 我都無打錯,真係羅宋湯味….其實我以為係好橙色, 但實只係有少少偏橙, 不過外觀都仲係同普通雞蛋仔無咩分別…..撕一粒出來, 質感真係外脆內軟, 咬啖先…..原來羅宋湯係入面, 所以出面無咩特別, 軟而有d 煙韌既內心就有好濃厚既羅宋湯味(而且似係金寶牌…..)最勁係有渣架! 我食到有羅宋湯既蔬菜粒係入面……羅宋湯同雞蛋仔一咸一甜以為唔會夾, 但食落又無違和感, 可以一試不過, $23 有d小貴…..就此, 多謝收看(鞠躬)