牛皇莫

Open Now

Now Closed

呢間牛皇莫好出名架, 飲食男女/蘋果日報經常都介紹, 可以食牛嘅刁鑽部位. 但從未去幫襯過.  老闆喺街市有檔牛肉檔, 話啲牛肉喺肉檔拎過去.   (只係喺佢嘅肉檔買過牛肉返屋企打邊邊)蝴蝶邨三間熟食大排檔只幫襯過其餘兩間, 仲有呢間未試過, 今日兩公婆就嚟試下佢嘅早餐啦!煎雞扒 腸仔 米粉--湯底落咗麻油, 上枱香噴噴, 湯底味道清淡. 煎雞扒食得出係先鹵水再煎, 入口帶鹵水甜味, 唔錯!煎豬扒 煎蛋 公仔麵--牛油方包幾軟熟, 公仔麵麵質唔會過林,  煎豬扒亦唔會太鞋太韌, 口感同味道都幾好. 一杯好立克略嫌稀了點, 比較淡一杯奶茶OK啦埋單$60.00有機會集齊多啲人 先至嚟試下佢嘅牛肉火鍋啦!

一大班人食飯，打邊爐係一個唔錯既選擇。今次就揀左牛皇莫試下。湯底揀左坑爪清湯，本身個湯入面已經有腐竹同蔥，而坑爪就會另上俾你自己落入去Ｄ湯度。坑爪有粒粒一口牛既感覺，食到尾聲，都唔會硬到咬唔到。肉方面，我地叫左３款，分別係白肉、頸脊、腩心。白肉個樣似午餐肉，但一放入湯，佢會立刻收縮，變到好似肥牛咁。食落去有肥牛果舊肥肉既油香味，但就係脆身，好特別，好食，大推介。至於頸脊同腩心，相信佢地都分別係牛既背脊位同中間心口位。２款都係淥一淥就食得，腩心就相對地腍Ｄ。除左牛以外，仲叫左淮山、西洋菜、烏冬、響鈴等等，其實都已經可以食到好飽。總括而言，以一間主打食牛既火鍋店黎講，價格係會比普通火鍋店貴少少。但食得出牛係新鮮，再加上可以試好多你無諗過/平日比較少接觸到既部分，依個價位算係可以接受。

今日去到屋企大約行十分鐘路程嘅蝴蝶邨冬菇亭大排檔， 當初細個嚟嘅時候有好多間唔同嘅食肆，但係而家就只有淨返三間新嘅茶餐廳。今次就是坐中間以後打邊爐為主題嘅餐廳，因為中午嘅原因，所以嘢食都係以面和飯，今次叫咗一個鮮牛肉蕃茄豬潤米粉 ，價錢都唔算好平，因為加咗凍檸檬茶 都44蚊。牛肉的確係味道唔錯 ，豬潤都好軟熟，但係湯底只可以講清甜，反而沒有豬潤香，檸檬茶味道正常唔差，但係依個價錢嚟講應該有更加多唔同嘅選擇。

上週到了之前中學附近的位置，也甚有回憶。這天碰巧又有假期，獨自到了故居，以及小學🏫附近看看。蝴蝶邨以往相當貼地，內裏的，都是茶餐廳，有個大排檔🤔。現在當然又被領展收購，然後趕走舊式商戶，搬入連鎖商店😒。就進內看看現在有什麼店舖，又是爭鮮壽司、雲南米線、台式飲料🤦🏾‍♂️。最令人嘖嘖稱奇，在蝴蝶邨這個公屋邨的商場，竟然有昂貴的茶餐廳，太興茶餐廳😒。雖然你我身邊，可能也有不少公屋富戶，住公屋的不一定不會付＄40-50吃個燒味飯，或者＄40-50吃個難食常餐，但是公屋的商場，變了太興茶餐廳，實在叫人難過。算吧，為免再次回到屯門，也去跟市區差不多的餐廳，我決定去以前外邊的大排檔看看🤨。看到某報章報道，才得知原來以往的大排檔，好像也不久之前才結束營業😯除咗海皇粥店之外，有兩間餐廳，一間看來像是火鍋餐廳，令一間則是地道茶餐廳。但地道的茶餐廳，選擇不多，有很多中式飯餐，不吸引🙁。另一間火鍋專門店，可能由於平日專做牛肉，因此有提供腩麵之類，亦見有特式常餐，結果進內一試😎。點了一個雞扒麵，配火腿奄列及豬仔包，凍檸茶。雞扒麵先來，麵條不太吸引，也是普通公仔麵，但雞扒卻非常喜出望外🤩，大大塊，差點連整個公仔麵

我在附近上班的，早前得知屯門蝴蝶邨的「冬菇亭」大排檔拆卸了之後，變成現在的幾所食店，而這間名叫「牛皇莫」的食店，就是在屯門蝴蝶邨最受歡迎的其中一間，很多同僚都喜歡這裡的「咖哩牛肉飯」，所以我便抽時間親身來一次。在9月時候有同僚帶我親身去光顧過，那時我是第一次光顧「牛皇莫」，當時我點的是「咖哩牛肉飯」，還要是套餐，而當時我點的「咖哩牛肉飯(套餐)」的牛肉很多，咖哩汁也很多，還有加多$2元，就可以喝到冰震飲品，當時我點的是「冰震檸檬茶」，就在那天，我吃得很飽肚，讓我吃過後，我便上癮了。之後，今天，我便帶舊同事來光顧，舊同事住在附近的，而她是今天第一次來光顧，而我今天已經是第2次來光顧，我依舊點了上次吃的「咖哩牛肉飯(套餐)」，依舊喝「冰震檸檬茶」，沒想到今天竟然跟當天來吃有那麼大轉變，就是咖哩汁比上次少很多，牛肉也比上次少很多，今天只有2塊牛肉，半碗咖哩汁，還有，上次我來吃的時候，我點的咖哩汁雖然是少辣，但最少我也吃到了咖哩辣的味道，而今天的少辣咖哩完全是沒有味道的，根本就淡如水。不知道是不是因為不夠牛肉和咖哩的原因，所以就粗製濫造打發食客，希望我再來第3次光顧的時候，再吃第3次「咖哩牛肉

朝早十點九坐低，十一點先入單，飲品三催四請都冇仲要嚟錯... 都算，我叫牛肉麵你叫我食五香肉丁話啱啱煮起，唔係嘛？嚟到啲麵好似冇煮咁，堅有生麵！冇下次！真係唔好嚟食早餐

只係叫個普通常餐食咋....難食到爆...千其唔好叫公仔麵嚟食, 無論你叫公仔麵定出前一丁, 出到嚟嘅麵都係脹到無朋友一入口就散哂果種沙嗲牛嘅肉都唔好味的我唔會再去

今日同家人去呢度食早餐，諗住方便近近地食完就坐車去拜山，食物上枱已經唔係快，飲品重慢，催飲品催廿次都無人睬你，催到發火，有個員工態度好差，竟然話番我轉頭。做服務行業態度都咁樣，我唔會再去。呢度食物水準已經唔係好，連員工態度都唔好。我諗你地要改善吓。唔係就會趕走好多客。

打邊爐就一定要有牛肉，就好似啤酒一定要冰凍咁一樣。五條友 ，山長水遠去莫先生嘅檔口，就係為咗佢嘅主力牛肉。牛雜鍋係湯底，牛雜份量唔太多，味道又幾好咁，少少牛騷味剛剛好，尤其牛腸，甘香肥美，咬落牛香充塞成個口腔，罪過罪過！第一碟係三拼牛，肉眼邊，牛腩心肉，頸脊肉以上三種。肉眼邊，頸脊肉非常出色，牛味濃夠肉味，肯定係上品。而牛腩心肉唔係唔好，不過唔太識得欣賞。樓下三牛寫真：就係咁，因為份量真係唔多，三拼牛每一部位人均可以食1.5件左右。一碟就話咁快就食完，頸脊好多地方有得食，牛腩心肉又唔太啱自己，所以叫多碟肉眼邊。再叫多碟金錢牛𦟌，擺盤擺到一朵美麗嘅花型，睇落係新鮮唔係冰鮮貨，食落亦非常之好，係切得比較細塊。埋單二仟左右，總結味道唔錯，不過價錢有點辣。

我諗我唔會再黎，因為太貴喇。Openrice話一個人100-200蚊～絕對係無可能！！湯底最平嘅清湯都68蚊，每人12蚊茶芥，以4人計，會叫2碟牛$298 +$298，2碟丸$60+$88，4個出前一丁4×$30，1個菜籃$60食咁少嘢，加埋都已經260一個人……當然我食得貴過260啦～佢啲食物係唔差嘅但係價錢真係貴到嚇死人～例如佢一碟‘’大‘嘅’牛可能都只係得15片左右，就298蚊。唉…瘦身瘦荷包之選～

年初三到該店一試牛皇莫，店內員工服務態度差，牛類沒有牛味雪味重，醉雞一隻份量不足及雪味重，因本人約2115入座，未到2200已經關冷氣，令我現場即時焗桑拿，絕對不會回頭。

今日終於去左蘋果動推介既牛皇莫火鍋！好彩去得早！坐左一陣就爆晒😰！坐底唔知食咩好！見到上蘋果動個靚女經理！問佢有咩好介紹！我好遠來的！她人好好幫我叫左d靚靚牛肉比我食！你問我真心覺得食大牛肉抵過食中！因為差30蚊大少差1/3！佢仲叫我試埋金錢𦟌同牛白肉！金錢𦟌放到有d似朵花一樣，好鬼靚我仲試左水餃拼牛肉餃好好味！靚女經話雲吞同韮菜餃都係自己包！一樣咁好食！佢d鵝腸係夠晒肥！仲有個油炸鬼墨魚滑都好好味！不過我地得4個人只能食咁多了！下次有機會一定會再黎試埋其他同牛白肉！

前幾日見佢新開都未黎過，叫埋幾個fd黎試下咁，令我驚喜既係，4個人，食千幾蚊，竟然全部人都食唔飽，老實講自問4個都係一碗飯就飽既人，真係覺得十分不可思議，貴夾細件，淮山一碟10小條，肉黎講，你要係香港搵差唔多既，唔難，其他都係要搵就搵到，係要搵樣好野講既話，等我諗諗，魚片夠薄，師傅刀功好服務黎講，係餐廳入面個陣，我覺得自己係咪有特異功能-隱形，明明得2台人，明明佢對眼係望住我呢邊，可以睇我唔到咁過隱，睇到之後應完我之後我又開始隱形之前係某連鎖酒樓打邊，唔係任食，龍蝦，石班，海鮮，肉，全部單點，一樣4人，飽到嘔都仲便過佢試過就夠，唔會再去，多謝

上星期跟朋友入屯門打邊爐，估唔到呢間開在屋邨裏面的火鍋店，有如此高質素的牛肉食材，在香港能夠食到咁靚咁新鮮牛肉的邊爐店，試過後實在難以忘懷～我地當晚點了牛肉刺身，拌洋蔥絲蘸白醋試食後...牛肉鮮味瞬即在口中擴散，好味到要再叫多碟！！ 佢地嘅象拔蚌花竹蝦刺身，肉質鮮甜爽口，不得不要讃佢地對食材品質的講究。仲有蟶子隻隻都彈牙可口！跟住打邊爐的主角牛肉出場...有牛頸脊、牛腩心、牛白肉等，好食到個個企晒起身！真心推介比嗜牛的邊爐迷！