Video
4-min walk from Exit A, Fortress Hill MTR Station
continue reading
Telephone
25789077
55458944
Good For
Private Party
Opening Hours
Today
11:30 - 15:00
Mon - Fri
11:30 - 15:00
*party venues were available for booking in other time-slots and weekends
Above information is for reference only. Please check details with the restaurant.
最近搬咗嚟炮台山工作 都要發掘下身邊有啲咩食？ 同事介紹咗我食呢一間位於地庫嘅餐廳。 開頭都冇咩期望。 點知有驚喜 其實已經食過幾次 之前食過巨髀肉燥飯 蔥油雞扒飯 黑椒牛扒飯 全部都幾穩定 今次我就叫咗呢個芝士豬扒公仔麵 係撈嘅 比完錢之後拎住個牌擺喺張枱度 就會有人送餐 我12:00落去食仲有得平$6 印象中好似$45已經有個餐 仲要有汽水飲 佢嘅芝士豬扒公仔麵 豬扒煎蛋幾香 唔會係好乾柴柴 公仔麵，撈芝士都幾夾 隻蛋食落去都唔係嗰啲煎燶晒嗰啲蛋 所以呢個價錢有呢一個質素 已經係交足功課 平平哋食一餐，呢度可以話係超級推薦 近期好似因為佢個廚師放緊大假 我同事話佢呢度嘅卡邦尼意粉超級好食 希望廚師返嚟之後有機會試吓
continue reading
開始在炮台山的工作新生活了，作為一名饗客，周圍搵野食係指定的動作。亦因為咁，當我一向朋友宣佈我回到港島區上班，就不斷有朋友介紹我炮台山、天后及北角一帶的午餐好去處。其中一位朋友推介了在我公司附近，地點算是幾隱蔽的《MOM LiveHouse》。朋友說是一間平靚正兼舒服的地方。咁就一於走落七海商業中心地庫，食午餐。這餐廳在電氣道的這一邊才會有明顯的一個招牌同出入口。第一日來，我就先 locate 這一個紅色招牌，再沿樓梯行落七海商業中心地庫。一落到去地庫層，大大個《MOM LiveHouse》 logo 就會迎接你。我們就在旁邊的小門入去就可以了。這是一間要先付款，後等食物的食事處。中午既 setting，就像極一間茶餐廳。於晚上，收晒檯之後，這兒會是一個有 live band 表演，有健康舞仔跳下的小型 club house。然而，我來的時段都是中午，大伙兒就在舞台下的 dance floor，開心地吃午餐。第一天來，我點了一份蔥油豬扒煎蛋飯，大大件的連骨豬扒，單是看見已經令人心滿意足。加上非常香口的蔥油，令本身已經肉味香濃的豬扒更香濃。剛好份量的甜豉油，把美妙的太陽蛋同白飯點綴得更美味。隔幾日，我又來拜訪了，這一次點的是紅酒燴牛面珠墩飯。有汁配飯，向來都是最美妙的一件事。而這一個紅酒汁，夠晒香甜，牛面肉又炆得非常之腍。這樣，有汁，有紅蘿蔔，有牛肉，真的可以用一個極速去把這個午餐飯吃清光。臨執筆前幾日，我又忍不住要來吃多一餐了。這一次都係點蔥油扒餐，是蔥油雞扒煎蛋飯。雞扒煎到連皮都帶香脆，然後再加入了蔥油的味道，令整個扒同飯變得更加之香口。又是一個香口到會令你可以火速把飯同肉食晒的美妙午餐。飲品，配港式食品我通常都會叫一杯奶茶。這可以說是一杯不錯的港式奶茶，因為入口很香滑，茶味足夠但不會太濃，加一包仔糖，已經夠晒好飲。改日，我發現這兒的咖啡是即磨咖啡，所以就決定一試。出來的咖啡果然是濃濃香香，只是忘了叫店方，不要加奶。平衡 $50 - $60 一個午餐，可說是一個非常抵食的地方。執筆時已經來了三次，不排除這是會成為我日後的炮台山午餐飯堂。
continue reading
同事推薦左好多次呢間餐廳，但一向睇樣食飯嘅我見D野食相麻麻，價錢又唔算好平，reject左好多次，今日終於決定俾次機會佢，睇下有幾好食！餐廳係商場嘅地庫，入到去係幾大，仲有個台俾人夾band！餐廳係自助形式，要自己去cashier叫野食，我叫左個芝士焗西蘭花蝦球飯，朋友叫左巨雞髀糖心蛋肉燥飯！我地過左1:40 order仲可以減$6！仲包野飲/湯！D野食上得快嘅！就算我叫左焗飯都冇等好耐！我個飯芝士好夠，蝦球係我鍾意嘅玻璃蝦，飯同餸比例都算合理！朋友隻雞髀都真係好巨！🤣食完我覺得個價錢都對得住D野食！👍🏼
continue reading
今日約左朋友黎到北角食晏，順應朋友推介，黎到呢間地下「食店」MOM Livehouse。聽朋友講，呢間Livehouse下晝經營午市，晚上會化身live music house，邀請樂隊表演。呢度行自助式風格，睇餐牌同點食物要到櫃枱果度做，然後自己攞餐同餐具。1. 咖喱薯仔牛肋條飯大大碗飯，大大兜咖喱，非常足料。咖喱少辣，有椰子味，配白飯一齊食非常夾；薯仔同牛肋條都炆得好冧，牛肋條更加係好嫩口。2. 熱咖啡熱咖啡就水左d，好淡咖啡味，唔太推介。3. 超巨雞脾糖心蛋肉燥飯朋友極推介！真係成塊面咁大舊雞脾，而且煮得好嫩，d肉唔太鬆，食落啱啱好又有肉汁；糖心蛋又係好出色，見左朋友啜晒個蛋黃汁，搞到我心思思想食埋一份；不過個肉燥飯就差少少，比較乾同瘦。4. 南瓜湯朋友揀左飲餐湯，今日餐湯係南瓜湯。個湯色水幾靚，飲落比較淡，不過都算有南手瓜味，不過不失。埋單每人54蚊，就晏晝食飯黎講，CP值算高，環境又幾特色，行過路過不坊過黎食餐飯。
continue reading
來這裏吃千萬不要希望食物口味有多好, 這裏贏在價錢較便宜，而且吃飯地方比較寧静，地方也很寬敞，更重要是這裏的WiFi超級強，想安安靜靜的在這裏吃一個午餐看看電影電視劇實在是最佳選擇。而且這店鋪非常牛逼，只開中午數個小時，實在不知道老闆怎麼可以收支平衡。不過附近商業樓宇眾多, 平時中午時段也有很多上班一族過來吃午餐。這裏十二點前點餐可以減六元，點了日式咖哩溫泉蛋芝心漢堡把德國腸飯，包一杯柚子蜜才44元 實在超級划算。柚子蜜一小杯還可以吧，咖哩漢堡扒飯完全不夠熱，咖哩應該是罐頭所開的貨色，溫泉蛋基本上是凍的，漢堡跑還可以，裏面有芝士還算香口，德國腸很長也蠻划算。這個價錢不能要求太多，湊合湊合吃一餐吧。
continue reading