MOM LiveHouse

Open Now

Now Closed

最近搬咗嚟炮台山工作 都要發掘下身邊有啲咩食？ 同事介紹咗我食呢一間位於地庫嘅餐廳。 開頭都冇咩期望。 點知有驚喜 其實已經食過幾次 之前食過巨髀肉燥飯 蔥油雞扒飯 黑椒牛扒飯 全部都幾穩定 今次我就叫咗呢個芝士豬扒公仔麵 係撈嘅 比完錢之後拎住個牌擺喺張枱度 就會有人送餐 我12:00落去食仲有得平$6 印象中好似$45已經有個餐 仲要有汽水飲 佢嘅芝士豬扒公仔麵 豬扒煎蛋幾香 唔會係好乾柴柴 公仔麵，撈芝士都幾夾 隻蛋食落去都唔係嗰啲煎燶晒嗰啲蛋 所以呢個價錢有呢一個質素 已經係交足功課 平平哋食一餐，呢度可以話係超級推薦 近期好似因為佢個廚師放緊大假 我同事話佢呢度嘅卡邦尼意粉超級好食 希望廚師返嚟之後有機會試吓

開始在炮台山的工作新生活了，作為一名饗客，周圍搵野食係指定的動作。亦因為咁，當我一向朋友宣佈我回到港島區上班，就不斷有朋友介紹我炮台山、天后及北角一帶的午餐好去處。其中一位朋友推介了在我公司附近，地點算是幾隱蔽的《MOM LiveHouse》。朋友說是一間平靚正兼舒服的地方。咁就一於走落七海商業中心地庫，食午餐。這餐廳在電氣道的這一邊才會有明顯的一個招牌同出入口。第一日來，我就先 locate 這一個紅色招牌，再沿樓梯行落七海商業中心地庫。一落到去地庫層，大大個《MOM LiveHouse》 logo 就會迎接你。我們就在旁邊的小門入去就可以了。這是一間要先付款，後等食物的食事處。中午既 setting，就像極一間茶餐廳。於晚上，收晒檯之後，這兒會是一個有 live band 表演，有健康舞仔跳下的小型 club house。然而，我來的時段都是中午，大伙兒就在舞台下的 dance floor，開心地吃午餐。第一天來，我點了一份蔥油豬扒煎蛋飯，大大件的連骨豬扒，單是看見已經令人心滿意足。加上非常香口的蔥油，令本身已經肉味香濃的豬扒更香濃。剛好份量的甜豉油，把美妙的太陽蛋同白飯點綴得更美

同事推薦左好多次呢間餐廳，但一向睇樣食飯嘅我見D野食相麻麻，價錢又唔算好平，reject左好多次，今日終於決定俾次機會佢，睇下有幾好食！餐廳係商場嘅地庫，入到去係幾大，仲有個台俾人夾band！餐廳係自助形式，要自己去cashier叫野食，我叫左個芝士焗西蘭花蝦球飯，朋友叫左巨雞髀糖心蛋肉燥飯！我地過左1:40 order仲可以減$6！仲包野飲/湯！D野食上得快嘅！就算我叫左焗飯都冇等好耐！我個飯芝士好夠，蝦球係我鍾意嘅玻璃蝦，飯同餸比例都算合理！朋友隻雞髀都真係好巨！🤣食完我覺得個價錢都對得住D野食！👍🏼

今日約左朋友黎到北角食晏，順應朋友推介，黎到呢間地下「食店」MOM Livehouse。聽朋友講，呢間Livehouse下晝經營午市，晚上會化身live music house，邀請樂隊表演。呢度行自助式風格，睇餐牌同點食物要到櫃枱果度做，然後自己攞餐同餐具。1. 咖喱薯仔牛肋條飯大大碗飯，大大兜咖喱，非常足料。咖喱少辣，有椰子味，配白飯一齊食非常夾；薯仔同牛肋條都炆得好冧，牛肋條更加係好嫩口。2. 熱咖啡熱咖啡就水左d，好淡咖啡味，唔太推介。3. 超巨雞脾糖心蛋肉燥飯朋友極推介！真係成塊面咁大舊雞脾，而且煮得好嫩，d肉唔太鬆，食落啱啱好又有肉汁；糖心蛋又係好出色，見左朋友啜晒個蛋黃汁，搞到我心思思想食埋一份；不過個肉燥飯就差少少，比較乾同瘦。4. 南瓜湯朋友揀左飲餐湯，今日餐湯係南瓜湯。個湯色水幾靚，飲落比較淡，不過都算有南手瓜味，不過不失。埋單每人54蚊，就晏晝食飯黎講，CP值算高，環境又幾特色，行過路過不坊過黎食餐飯。

來這裏吃千萬不要希望食物口味有多好, 這裏贏在價錢較便宜，而且吃飯地方比較寧静，地方也很寬敞，更重要是這裏的WiFi超級強，想安安靜靜的在這裏吃一個午餐看看電影電視劇實在是最佳選擇。而且這店鋪非常牛逼，只開中午數個小時，實在不知道老闆怎麼可以收支平衡。不過附近商業樓宇眾多, 平時中午時段也有很多上班一族過來吃午餐。這裏十二點前點餐可以減六元，點了日式咖哩溫泉蛋芝心漢堡把德國腸飯，包一杯柚子蜜才44元 實在超級划算。柚子蜜一小杯還可以吧，咖哩漢堡扒飯完全不夠熱，咖哩應該是罐頭所開的貨色，溫泉蛋基本上是凍的，漢堡跑還可以，裏面有芝士還算香口，德國腸很長也蠻划算。這個價錢不能要求太多，湊合湊合吃一餐吧。

这家店非常隐蔽, 在七海商业中心的地库, 渣华道有一条楼梯往下走才能找到, 不小心看根本找不到他的入口。这家店本身是一家live band house, 装修是工业化式装修，买票采取大家乐方式买票，服务还是不错的。点了巨型鸡髀温泉蛋肉燥意粉，鸡髀体积真的是非常大，但说实话真的淡而无味。整个意粉也是非常清淡没有任何味道，价钱包一杯热斋啡49元 算是正常价格吧。说实话要求 好吃的一定不会来这裏。但这裏比较清静，而且WiFi速度非常快，安静的享受一个午餐还是可以的。

行經過幾次餐廳(餐廳入口位於嘉信大廈B座隔離)，今日終於入去試吓，餐廳CP值好高，價廉物美，特價抗疫午餐平靚正，特別係孜然雞翼飯，煎到啱啱好Lunch仲可以加温泉溏心蛋正

每次飯腳比較多/ 撞正lunch既peak hour 四周圍都要等位個陣 我同同事都係會去MOM Live House因為地方比較大 所以每一次都有位! 日式豬軟骨配味付流心蛋意粉 ($54)豬軟骨好軟稔 同好入味! 流心蛋唔知因為考慮食物安全既原故 蛋無流心既效果🤨但係唔係煮到蛋黃實心既 偏向似溏心蛋豬軟骨既汁同意粉唔match 建議大家揀飯! 焗西蘭花蝦球芝士意粉 ($56)賣相最靚既一碟! 係芝士控同事每一次幫襯都會揀呢個食!意粉偏淡味 我覺得呢碟意粉既份量好岩女仔既食量~~ 香草醬白菌意粉 ($50) 本來期望係青色既意粉 不過比較淡色 香草味唔出 偏重蒜味! 🧄德國腸‧煙肉拿破崙意粉 ($54)好足料既意粉 同事評價呢碟意粉係中上質素!主食可以跟餐飲/ 餐湯我就揀左餐湯👉🏼 羅宋湯幾足料 又有少少辣 味道唔錯! 幫襯過幾次黎講 個人認為呢度既野食幾多元化 而意粉係做得比較出色🍝喺炮台山食西式意粉(連飲品)既話 呢度應該係最平的了! 12:30pm前 / 1:40pm後 order仲可以減$6添!

好少會去炮台山，而依晚因爲去朋友既退休趴地，所以黎依間 Livehouse.地點好近地鐵站，不過就唔係好明顯易搵。係一個 舊既商場地下。入到去已經見到set 好表演台～室內都以音樂和Vintage 為設計概念。由於朋友係叫到會，而唔係餐廳供應，所以俾唔到評語