紅葉茶屋 (海之戀商場)

Open Now

Now Closed

放工同男友黎食晚飯，我地第一次食呢間分店，估唔到環境咁靚，有榻榻米座位再加埋窗外紅葉樹裝飾，好似去左日本咁。我地點左兩份定食，其中包括期間限定菜式同埋招牌菜式。男友揀左A4黑毛和牛壽喜燒，特別喺冬天供應。和牛片質感柔軟，油花香濃，加入溫泉蛋令口感絲滑。我就揀左佢地嘅招牌菜——茶漬飯，連埋四色海鮮魚生。餐廳建議兩種方式享用，我特別鍾意搭配香濃蝦湯，每一啖都鮮味爆發，厚切魚生亦非常新鮮！至於飲品，今次點左雪糕抹茶拿鐵，茶味香濃，非常適合抹茶愛好者。我地最後點左鎌倉紅葉茶屋抹茶提拉米蘇做餐後甜點，質感輕盈、綿密，比傳統tiramisu清新。因為係第一次食呢間分店（之前去過三次旺角同黃金海岸分店，食物亦非常好味！），完全冇諗過餐廳環境咁靚咁打卡able。有榻榻米座位、楓樹裝飾及日落海景三者加乘🫶我認為呢間分店係最好🫶

原來紅葉茶屋有甘多間分店，開到黎荃灣我先知係間連鎖日系茶屋。主打日式定食、日式甜點同抹茶製品～ 今次黎到嘅係荃灣海之戀分店！很喜歡它們的免跪坐和式卡座，大加分～晚市定食都可加配甜品、小食及飲品，真係幾抵食!海鮮四色茶漬飯 $148茶壺盛住鰹魚昆布湯 （三文魚, 藍鰭吞拿魚，甘蝦，魚子）四款建議先加少量芥末及wasabi，兩食層次更豐富雪糕抹茶拿鐵 + $25抹茶有回甘，加入雪糕更軟滑！鐮倉紅葉茶屋抹茶 提拉米蘇 +$35店家招牌甜品，望到真係有種去左京都嘅感覺抹茶回甘但唔苦，質地好軟滑～必點自家特製芭菲$75每杯已包4款基本配料 （忌廉、寒天、玉米片、銅鑼燒 ）另可加3款自選配料（自家製白玉、香蕉、抹茶軟朱古力） 雪糕有夕張蜜瓜期間限定口味最後揀左扭紋（夕張蜜瓜加牛奶）好香甜～整個芭菲多種口感，層次勁豐富！白玉大大粒好煙韌，抹茶軟朱古力偏苦配芭菲係剛好！溫泉蛋卡邦尼烏冬 $92 日系西餐，用上讚岐烏冬非常掛蛋汁炸雞盛合+$35雞翼+唐揚雞塊～熱雜莓&香橙紅茶 +$20果香味好突出，飲得出自己調配，不錯。

今次去呢間和風Cafe來自日本鐮倉，喺香港都有幾間分店～ 荃灣分店以木系裝潢為主，環境幾舒適，仲有和風tatami位坐～ 食物選擇都幾多，有壽喜燒、刺身、丼飯、定食、拉麵烏冬、甜品等，幾啱香港人口味！🔸明太子忌廉烏冬 $92必食！我覺得好好味🤤 見到menu有即刻叫嚟食～ 好大碗份量都幾多，忌廉汁入面係好彈牙嘅烏冬，掛滿忌廉汁好滑溜，好好食呀！撈埋明太子醬，忌廉汁增加咗鹹香味，食晒都唔會覺得膩😋 仲可以用嚟撈飯食🤣 雖然有啲邪惡，但真係好好食！比起韓國嗰款忌廉烏冬，呢款個汁比較稀少少同清爽，烏冬食落滑嘟嘟，又唔會太漏嘅感覺！叫烏冬都會跟埋前菜👍🏻🔸A4黑毛和牛壽喜燒定食 $198見到有特價就試吓啦～ 和牛份量都算多，有7塊左右～ 肉質細嫩，吸晒壽喜燒汁味，入味嫩滑！豆腐都好好食，超級滑嘟嘟！仲有大量蔬菜、超腍冬菇、溫泉蛋，整體味道幾好食！🔸鐮倉紅茶茶屋特製軟雪糕芭菲 $75呢度嘅甜品好吸引，叫咗兩款試試～ 呢款係signature芭菲，上面係夕張蜜瓜味軟雪糕同一塊靚靚紅葉，中間有自家製白玉、銅羅燒、紅豆蓉、抹茶忌廉，底就有搽茶凍～ 層次口感都好豐富！蜜瓜雪糕幾濃味，食多幾啖會覺得有啲甜

❀┈┈┈┈┈┈┈┈┈┈┈┈┈┈荃灣性價比高日式定食✨Happy Friday到了海之戀商場的紅葉茶屋吃晚飯 晚市提供多款日式定食 有茶漬飯 炸物定食或壽喜燒鍋 價錢由150-200不等 另外也有甜品 選擇豐富～┈┈┈┈┈┈┈┈┈┈┈┈┈┈𐂐 ⠜A4黑毛和牛壽喜燒定食 $198 (7.5/10)套餐包括味噌湯 漬物 米飯 溫泉蛋 牛肉份量慷慨 肉質柔軟入口充滿香甜的壽喜汁😋沾上蛋汁更嫩滑 配米飯享用也合適 除了牛肉有雜錦蔬菜 椰菜清甜爽口 順便平衡膩感𐂐 ⠜火炙刺身三文魚茶漬飯 $148 （7.5/10)有三款食法的茶漬飯 湯底可選蝦湯或昆布湯 將米飯及刺身放入碗中加入少量wasabi及昆布湯𣊬間變成日式湯飯✨刺身厚肉入口有油香 湯底帶有鏗魚香氣 比想像中美味😆𐂐 ⠜冰芒果西柚茶 +$20 𐂐 ⠜冰忌廉抹茶拿鐵 +$25套餐可以優惠價錢加價飲品 推薦抹茶系列 茶味濃厚不苦澀 加入忌廉後十分creamy😻整體不會太甜 有驚喜𐂐 ⠜提拉米蘇白玉窩夫 $78 (7.5/10)賣相精緻的甜品～表面是提拉米蘇醬中間夾有白玉 還配了一球雪糕 窩夫即叫即製入口外脆內鬆軟 配上雪糕冰火交融👍🏻中間的白玉

餐廳以木系裝修設計，除一般座位外，還提供榻榻米和室房，在一個治癒感十足嘅環境下品嘗美食🍁和牛茶漬飯 - 用特製醬汁煮成和牛丼，和牛夠嫩滑，加埋紫菜和甜蛋絲，份量非常豐富，配湯選了鰹魚昆布湯，清清甜甜，最適合製作茶漬飯🍁豪華吉列定食 - 吉列豬扒炸得外脆肉嫩，廣島蠔亦同樣炸得酥脆，咬落感覺鮮味多汁，另外定食亦跟了兩款漬物和味噌湯，份量非常足夠🍁鎌倉紅葉茶屋特製軟雪糕芭菲 - 頂層係軟雪糕，係期間限定嘅夕張蜜瓜雪糕，之後就層層堆疊了抹茶啫喱、白玉、抹茶忌廉和紅豆蓉等，有著不同層次嘅口感和味道，而且賣相吸引

今日又黎到荃灣行街係海之戀見到依間靚靚裝修既和食屋🥹✿ A4黑毛和牛壽喜燒定食 $198 ✿✿ Sapporo生啤 +$38 ✿超人氣之選!!!!!差不多每一枱都有人嗌😂牛肉煮好後直接上鍋 唔洗等牛肉熟就食得~A4和牛軟嫩 紋理明顯 肥瘦適中 半肉半菜超豐富 仲配有白飯 漬物 味噌湯 同溫泉蛋😆✿ 豪華原條鰻魚茶漬飯 $198 ✿✿ 冰蜂蜜薑紅茶 +$15 ✿原條鰻魚長過隻碗😂份量十足荼湯整壺上 可選鰹魚昆布湯/香濃蝦湯 今次就揀左鰹魚昆布湯 好清香✿ 和風炸雞盛盒 $35 ✿2隻雞全翼2件雞件 新鮮炸起好酥脆 皮脆肉嫩 肉汁豐潤 蘸埋蛋黃醬🥰正🥰🥰✿ 鎌倉紅葉茶屋抹茶提拉米蘇 $35 ✿依個應該係你度signature既甜品~放上靚靚既盒仔 抹茶tiramisu上面要放上一片紅葉造型🍁Tiramisu由蛋糕同抹茶忌廉做成 入口鬆軟 奶味比較重 偏甜~

「紅葉茶屋」分店都主要在大型屋苑商場入面唔算難搵今次到訪既荃灣西海之戀商場既分店門面都係正正常常... 點知內裹另有乾坤！窗邊有榻榻米！海景位！！！簡約木系和風的裝潢似足去左日本餐廳🥹.食物選擇豐富～以定食為主和牛壽喜燒、鰻魚、茶漬飯、豬扒丼、拉麵都有仲有甜品menu 都好多選擇！自選芭菲、夕張蜜瓜雪糕、抹茶類更加係唔少得.🍁 火炙刺身三文魚茶漬飯 ． $148前菜係柚子蘿蔔同埋牛蒡～～happy! 而三文魚正常水準啦 🍣吸引我地一試就係個茶漬飯因為可選鰹魚昆布湯 OR 香濃蝦湯後者好少見都幾吸引就試試茶屋建議先用醬油品嚐三文魚鮮味再將飯、三文魚刺身放喺小碗加進熱湯然後按喜好加入山葵享用蝦湯唔算好濃厚但夠清甜又有啖啖鮮味～.🍁牛肉壽喜燒定食 ． $138壽喜燒定食豐儉由人我地揀左大路既牛肉壽喜燒先其實已經好正牛肉份量不少吸哂壽喜燒湯底精華仲有滑滑豆腐、香菇、蔬菜已經好滿足仲可以追加溫泉蛋呢想食肥美啲可以加 $40 食和牛款.🍁紅豆綠茶軟雪糕芭菲 ． $68甜品非常出色有驚喜💕 雪糕球、紅豆蓉、蕨餅、忌廉、粟米片及銅鑼燒😍😍😍大大杯兩個人分享岩岩好獨食都可以食完之後心情一定勁靚原來仲可以

🍱 豪華海鮮丼茶漬飯配香濃蝦湯 $178名副其實真係好豪華🤣配料超多好豐富😍三文魚吞拿魚帶子蝦樣樣齊🍣吞拿魚係入口即溶嘅口感🥹特別想讚佢嘅帶子真係好鮮甜🥳🫶🏻蝦刺身好新鮮🦐配埋香濃蝦湯更加突顯鮮味👍🏻-🫖 豪華原條鰻魚茶漬飯配鰹魚昆布湯 $198一上碟嗰下好有驚喜🤪冇諗過原條鰻魚真係勁大條勁長🤩誇張到個碗都唔夠裝🤣🤣🤣個人大推鰹魚昆布湯🥣一開始飲落去味道唔算好出🥸但鰹魚嘅味道慢慢滲出嚟👅倒落啲飯到一齊食🫗無論係飯定係鰻魚都好夾鰹魚湯🥳-🍵 鎌倉紅葉茶屋抹茶提粒米蘇 $58一個細木盒裝住 好有日式昭和風嘅年代感🎎賣相好精緻 值得加分🤪面頭佈滿綠茶粉😋下面係cream同蛋糕🍰有別於其他tiramisu🧐佢偏向重芝士味多過咖啡味☕️-🥭 冰芒果百香果茶 $45甜度啱啱好 好fresh🌱仲有粒粒百香果同芒果肉🥳會話值得加錢飲😌❤️-好味程度：🐽🐽🐽🐽餐廳環境：🐽🐽🐽🐽回頭度：🐽🐽🐽🐽價錢：🐽🐽🐽🐽💰人均消費：$100-$200-📍荃灣大河道100號海之戀商場3樓3012號舖🗺️ Shop 3012, 3/F, OP Mall, 100 Tai Ho Road, Tsuen Wan

👍🏻 豪華原條鰻魚茶漬飯（配香濃蝦湯）原條鰻魚賣相非常吸引 食落口感受到濃濃嘅鰻魚香氣 外層烤得香脆 魚肉嫩滑 蝦湯清爽鮮甜 令到茶漬飯充滿鮮味 值得大家一試🥰👍🏻 牛肉壽喜燒定食牛肉充滿了壽喜燒嘅味道 而且食到牛肉嘅香味 份量頗多手 墊底還有各種蔬菜 再加埋隻溫泉蛋 味道一流👏🏻👏🏻👍🏻 和風炸雞盛合炸雞盛合包括咗2件雞件以及2件芝麻雞全翼 上檯時熱辣辣 食落口皮脆肉嫩 好有口感 邪惡必點🍗👍🏻 抹茶提拉米蘇白玉窩夫窩夫被奶香十足嘅奶蓋覆蓋住 加上抹茶雪糕嘅苦苦甘甘味道 好夾！再配埋煙煙韌韌嘅大大粒白玉 口感都好正🙆🏻‍♀️甜品造型都好可愛注意事項⚠️- 餐廳裝修充滿和風 而且有提供日式傳統座位 風味十足💕

先幾日喺荃灣西嘅海之戀商場行街，呢度都有唔同種類嘅食肆，其中呢一間🍁紅茶葉屋🍁係日式餐廳嚟，呢度冇乜日本嘢選擇，所以就揀咗呢一間試下，唔食唔知原來佢有幾間分店，仲有茶漬飯食，價錢仲非常親民添😍😍🍱豪華海鮮丼茶漬飯 $178 : 好似呢份豪華海鮮茶漬飯咁，就咁睇已經非常豐富🤤🤤，丼飯裏面有開胃小菜，芥末菜同埋牛蒡😆，小菜又好食😋，裏面嘅海鮮都相當豐富，包括有🍁帶子，🍁三文魚，🍁吞拿魚，🍁甘蝦，🍁三文魚子等，每一款都非常新鮮，帶子又夠厚肉，三文魚子都幾多㗎😆，另外佢哋有張茶漬飯說明書，你可以跟住佢哋嘅步驟揀自己鍾意嘅食法，我就試晒呢三種享用方法，🍁揀左呢一款 : 將適量嘅飯同埋刺身放喺細碗裏面，之後倒入熱湯，再加入少少芥辣，可以一口過食晒，所有精華所在，而佢哋嘅湯底清得嚟都香濃，連飯一齊食夠晒開胃👍🏻👍🏻🍹冰雜莓&香橙紅茶 (跟餐價$20) :嘢飲方面就嗌咗水果茶，佢有雜莓粒粒果肉，味道酸酸甜甜咁唔錯👏🏻👏🏻🍱吉列豬扒滑蛋丼 $118 :另外呢款吉列豬扒值得一讚，炸到外脆內軟，咬落酥脆爽口🤤，帶點肉汁，仲幾大塊添，飯粒粒分明，全部都採用日本米，另外再配上滑蛋，份量夠晒，價錢又實惠🥰🍹冰抹茶

紅葉茶屋係來自日本鎌倉嘅人氣和風cafe，真係超級日式🎌 有塌塌米座位，仲要唔洗跪喺度坐，非常貼心🥹 窗外有幾棵紅葉🍁 仲有海景，好舒服，彷彿身處日本🥰🔸🤎豪華原條鰻魚茶漬飯 $198真係超大條鰻魚🤩 啲燒汁好好食，鰻魚口感綿潤，軟滑無骨，倒入香濃蝦湯，好滋味，加埋wasabi更好食！😝🐮A4黑毛和牛壽喜燒定食 $198壽喜燒湯底鹹中帶甜，和牛有濃郁嘅牛味，啲配料都好入味，好好送飯，好惹味！🤤🍁鎌倉紅葉茶屋抹茶提拉米蘇 $58大推！🫶🏻 個木盒好精緻，上面鋪滿抹茶粉，啲奶油好滑好好食😍 好想食多個🥹🧇提拉米蘇白玉窩夫 $78期間限定！好多生果，食落酸酸甜甜，白玉好煙韌😆🍵冰抹茶拿鐵 +$25好濃郁！就算飲到後期啲冰融咗都仲係好濃！🥰☕️熱鮮奶咖啡 +$20可以加入石頭朱古力，好得意🤣

位於荃灣海之戀的日式茶屋，裝潢以木系日式風格作主題，環境寬敞舒適，更設有榻榻米房，房內落地玻璃設計，可欣賞窗外海景及紅葉景色。牛肉壽喜燒定食：牛肉份量都幾多，牛味濃郁，口感細嫩，再沾上蛋汁一齊食，令牛肉更加嫩滑，入口即化。特盛黑麻油濃厚豚骨湯拉麵：香蒜味撲鼻，豚肉肉質嫩口，配上滋味可口唐心蛋，好滿足。和風炸雞盛合(雞件/雞全翼)：表皮炸到金黃色，脆卜卜口感，肉質嫩滑多汁。非常雜莓芭菲：賣相好吸引，最頂層雪糕加士多啤梨醬同雜莓，雜莓莓味突出，配中間既脆脆同玉米，好有層次感。鎌倉紅葉茶屋抹茶拉提米蘇：拉提米蘇用木盒盛裝，好有日式風味，口感軟綿，濃郁蛋奶香，抹茶味道甘香，好creamy。🔎紅葉茶屋 (海之戀商場) (荃灣)📍荃灣大河道100號海之戀商場3樓3012號舖

去開海之戀Donki買嘢時，經過見到呢一間好有日式feel嘅餐廳，俾佢門口放既甜品相吸引左🍧🍨就入去試下先🤭～原來呢間餐廳係日本鎌倉過江龍嚟香港，佢哋喺日本有三間店㗎～有好多種刺身飯🍣定食🍱拉麵烏冬🍜小食類🍤等等，同埋非常吸睛嘅日式甜品有超級多款式❗️🤤主食試左茶漬飯🫖🍚每款都附有兩款小配菜🍱- 🐟豪華原條鰻魚茶漬飯配香龍蝦湯/ $198條鰻魚超級巨型啊😍～加上龍蝦湯底🦞成碗超級鮮味😋❤️視覺效果同埋好味指數💯- 🐮和牛茶漬飯配鰹魚昆布湯 / $148牛肉既醬汁調配得好好味😋配上山葵💚加埋鰹魚湯底一齊食好清新🐟主食可以用加配價有埋嘢飲同甜品CP值超高呢👍🏻- 🥭芒果西柚紅茶 / $20 （加配價）- 💛冰柚子茶 / $15 （加配價）食完主食就到甜品時間啦🤤- 🍰鎌倉紅葉茶屋抹茶提拉米蘇 / $35 （加配價）呢款甜品好日式啊😍最上一層係抹茶粉🍵然後下面好似食緊超creamy嘅蛋糕咁🧁- 🍨 抹茶蕨餅新地 / $35（加配價） 呢個新地真係不得了!!超級推介❗️軟雪糕配埋紅豆餡料同埋綠茶雪糕一齊食超好味😋抹茶蕨餅配埋黑糖醬一齊食🖤甜甜地煙煙韌靭💚賣相同埋味道都係💯店入面嘅裝修風格都好日式🤎木

知道海之戀有呢間新店開，即刻和同事去試試，我哋四個人都俾咗一個卡位俾我哋，係要除鞋好日式嗰隻😍😍😍😍我哋每人都叫一個set lunch，先講第一個上枱的是同事叫的牛肉壽喜燒定食😍大家都嘩嘩嘩❣️靚之餘份量都唔少🤨跟住再來同事的鰻魚滑蛋丼，一樣份量都唔少❣️再嚟就係同事嘅照燒三文魚定食，就咁睇以為條魚好細條😅但同事話都夠飽之餘，仲好好味😋跟住就嚟我嗰個茶漬飯啊😊非常期待嘅茶漬飯😍 仲有詳細指示應該第一步驟第二步驟第三步驟咁食嘅😍😍😍魚生新鮮👍蝦湯都好濃郁好好味😋再食埋個甜品💖冇嘢好講👍完美結束❣️

✨豪華海鮮丼茶漬飯 $178一個丼，兩種食法。首先加芥末同豉油，壽司飯調味恰好，同魚料幾夾。帶子同甜蝦鮮甜，加埋三文魚籽增加口感。第二種食法係將少量米飯放入小碗，倒入香濃蝦湯變茶漬飯😛 蝦湯唔算重口味，飲落去舒服。✨和牛肉壽喜燒定食 $178食壽喜燒重點就係個湯！好香甜！牛肉正常發揮，肉味算濃，如果有得配烏冬就Perfect🤤✨鎌倉紅葉茶屋抹茶提拉米蘇 $35奶味比較重，有微微嘅抹茶澀味，質地軟滑，口味偏甜，鍾意食甜食嘅人會鍾意！✨冰抹茶拿鐵係我鍾意嘅味道，抹茶同奶香兼備，我最鍾意呢杯🥰✨冰雜莓&香橙紅茶比較偏酸甜，走清新路線。