MoMo Café

Open Now

Now Closed

朋友介紹呢間酒店平日自助午餐做特價，我們又去開餐了。食物款式雖然不夠多，但勝在夠新鮮，我仲攞到成隻雞脾同鵝脾😋餐廳簡潔乾淨，地方闊落，坐得舒服，可以食足2個半鐘，大家都好滿足。

喺放假嘅時候，想搵一間可以舒舒服服傾偈，嘢食又好味嘅餐廳慰勞下自己，我哋今次揀咗香港萬怡嘅MoMo Cafe，結果係超乎意外咁滿意! 首先餐廳環境好闊落，枱與枱之間距離都夠，在疫情仲未完全平復嘅時候，呢個距離比到我安心嘅感覺，而且傾偈都唔怕咁容易比人聽到。 我哋今次叫咗午市套餐嘅萬怡漢堡包同埋烤肉眼扒，兩款都好好味。萬怡漢堡包的確係招牌菜，麵包烘得剛好，外脆內軟。漢堡扒肉汁豐富，比一般西餐廳質素更好，食得出係新鮮嘅味道，配上生菜蕃茄煙肉煎蛋，層次分明，每啖咬落去都好滿足，我會建議用手拎起漢堡大啖食，食到晒唔同配料既美味，但我朋友就覺得用刀叉切嚟食，斯文優雅啲咁食都唔錯。肉眼扒，朋友揀咗7成熟，食落去依然軟熟，一開始我哋都擔心阿廚會over cook，但食落去覺得啱啱好，好抵讚，呢款美國肉眼肉味夠濃，我試咗一小塊，都令我想下次揀牛扒嚟食。 呢餐飯其中一個驚喜係價錢，性價比超高，我哋兩個人一人唔駛$200，就可以食到高質漢堡包同牛扒，前菜個麵包同周打魚湯都好好味。食完已經夠飽，下次再餓啲想加埋$20，食埋甜品Movenpick雪糕飲埋咖啡，感覺應該會更加正! 而家是但買杯咖啡都唔止呢個價錢

香港萬怡酒店試過佢地超抵價生蠔🦪自助晚餐😋經常推出買二送二自助餐😝圍起$300/人左右就有生蠔🦪食！係咪好抵呢？想知幾時有？得閒留意下d優惠😋😋😋味道就見人見智啦😝但$300自助晚餐有生蠔🦪有長腳蟹腳同Movenpick🍨😉算性價比超高了！生日月仲有蛋糕🎂送🥰So sweet～吾講太多😉去圖啦～

今次係公司送嘅1晚酒店+500蚊餐飲卷，咁就去試下個酒店buffet啦，午餐係248／位 + 10%，環境係唔錯，空間感足夠，但係主食嘅食物款式唔多海鮮類得蝦，青口，螺，蝦係冇咩味但係唔腥，但係其他2樣都有沙沙律bar食材夠齊全，芝士，面包粒，3種菜葉類，4種醬，乾果，蕃茄，粟米等等，食物係生食，味道冇特別，正常主食得8種 + 現切烤牛肉，叉燒油雞 + 車仔麵 + pizza，但係整體食物黎講，唔係過熟就係唔熟，車仔麵算最正常，其他每樣食左1啖就停手啦甜品5款 + 雪糕櫃，凍餅全部溶曬，除左雪糕係正常生果就西瓜，蜜瓜，菠蘿，都算甜成餐一定要提嘅係，送左盤刺身，但係刺身係梅嫁！！！已經連換都唔想，直接走左P.S. 補番句，服務人員個個都好nice，係食物水平差姐

今日趁萬怡酒店🏨轉做檢疫酒店前最後一次食自助餐，由四月到現在，短短四月內都經常來MoMo cafe食自助餐，不論食品及價錢如何，起碼少了一個月可以坐下慢慢食，而且又可以跟朋友聊天的地方，最重要是已經跟餐廳的廚師們和侍應們產生了不少感情，尤其是肥廚房經常順應我的要求，幫我將牛扒再煎熟一點，非常感謝他，希望日後餐廳恢復供應自助餐🙏🙏🙏

今晚和家人朋友一起到西環萬怡酒店Momo Cafe慶祝生日🎂自助午餐經常來吃，自助晚餐是第一次，我們一行六人，侍應奉上一個海鮮拼盤和迷你刺身，還以為是六人一份，侍應叔叔說二人一份，份量也充足！自助晚餐和自助午餐的食物差不多，晚餐卻沒有蒸石斑魚和DIY車仔麵，但價錢相差得多了！肥廚師更說自助餐做到月底，下個月酒店改做檢疫酒店，從此又少了一個平靚正的自助餐好去處，真可惜

因為朝早去左海洋公園，所以想喺港島區搵野食，之後喺klook 見到有優惠package ,價錢真係好抵，星期五，六日，晚上buffer 都係$3xx一位，有生蠔，長腳蟹，仲要有啤酒任飲，真係好吸引！到達時間6：30左右，其實一入埸已經第一時間去拎長腳蟹，點知.....幾次都落空，因為呢度只係用一個好細既筒，裡面有一半係放冰粒，上面只可以放大約20隻好既長腳蟹，所以頭幾次出去都只係見到冰粒，到後期終於拎到幾隻蟹腳，但發覺原來等左咁耐，其實係可以唔需要浪費時間拎呢個，因為真係好難食，無味不突止，仲要係無肉既，真係以前卡拉ok buffet既質素。比較好食既係刺身牡丹蝦，同埋中式湯，其他就不過不失。咁如果咁平既價錢，仲有任飲啤酒，你去酒吧都唔得啦，性價比都算既。

在這裏你不要幻想有成條街咁多美食,高級的擺設,美奐的裝修.但是所有食物的質素非常高而樸素,所有都感到廚師用心調理,不會將貨就價,只是以減少種類來保持食物質素.要比較廚師廚藝就叫他們煮蛋. 平時我不食薯條的,但是在手切牛肉的左手邊有炸薯角,一食有驚喜兩眼發光的反應,口感鬆脆內心軟滑濕潤有薯仔味.因為其他地方唔係做得外層太過喊太過硬又或者太過林唔夠脆,而且冇薯仔味.總之整體不太協調. 廚師說他們是用特選高級薯仔比坊間的更高層次,故此能比坊間的質素更高,廚師輕鬆同我們有講有笑非常放鬆.單單是這道簡單菜式已經能夠證明,這個價錢能夠食到這些質素實在是非常之抵. 這個價錢只是來食蔬菜沙律已經值回票價.何況雪櫃有超級多種movenpick任你嘗試.

晚市自助餐 $500 兩位，價錢係平既，不過試過一次就足夠了，唔值得再來。餐廳嘅樓底偏矮，變相有少少壓迫感，擺食物嘅區域比較細，嘢食種類唔多，見佢一邊都關咗，果一邊似係整粉麵，有廚師 👨‍🍳 會即切牛肉 🐃 同羊肉 🐐，呢兩隻肉味都唔錯既，叫做見得下人。佢食物既名牌好求其簡約，炒飯意粉，炒飯，一揭開，係墨色齋飯，無餸既🤨意粉，一揭開，一邊係乾左既通心粉😓一邊亦係乾既粉，已經無慾望試一啖，到完場我再去睇，都幾乎無被郁過咁🤔再格離有蔬菜，一揭開係白焯西蘭花🥦後面就係沙律區，有紅腰豆，有粟米🌽正常沙律大路野，然後就係一堆醬汁，呢大堆野已經放滿曬一邊了，好無奈。有薯條 🍟 同比薩🍕但凍曬唔出色既。仲有幾碗冷盤，除左鴨胸之外都無試，有一款雞翼尖啲醬汁全部都變晒膏狀，令人連夾黎試一下既丁點慾望都冇既。再後面係麵包區，好多麵包🥯畀你烘。有冰鎮海鮮區，田螺，蝦蝦🦐，青口，呢啲海鮮叫做正常，不過好多失望野。甜品區，就有又淋又無味既芝士蛋糕，慕士蛋糕，桂花糕，全部都好唔出色，我食得最多既野就係Movenpick雪糕🍦佢有送一盤海鮮併盤，入面有龍蝦🦞，蜆，蝦🦐，同埋瘦身成功既生蠔仔🦪。第一次食完自助餐會仲覺

琴日去左食momo cafe既lunch buffet😝😝作為一個movenpick 狂熱愛好者，一開始係衝住佢既movenpick而去😳一去到 超級驚喜!!!🤩🤩🤩竟然有成7種口味😍😍太幸福了吧！尤其有 my favorite espresso 🤤🤤🤤最後我都數唔到食左幾多球🤣🤣Fat die me!!!!但有一樣唔好既係部分雪糕太硬，我唔夠力去拎😂😂😂🌟海鮮方面，值得讚既就係蝦新鮮爽口既 不錯不錯👍🏻👍🏻👍🏻其餘就普普通通啦….出乎意料之外 炸薯條好脆 幾好食 雖然唔係回本位 但食到好食就好開心😝😝有點失望 我不嬲好鐘意食tiramisu 但佢竟然到最後差不多完buffet時出左tiramisu 🥺🥺🥺太飽情況底下 根本就再食唔到 sad!!!!不過整體黎講都好值得再食😆😆😆😆加上員工服務禮貌都唔錯👍🏻👍🏻👍🏻👍🏻👍🏻抵讚！！

第一次喺呢度食，覺得要比吓意見，海鮮併盤，有龍蝦，長腳蟹，生蠔，啲龍蝦，長腳蟹，放咗小小落口，就成盤比返佢，放咗落口嘅，都要吐返出嚟，因為如果係尋日食，就叫做新鮮，今日食嘅話，就最好拎去做醃製喇，生蠔有4隻，不過啲蠔喺應該喺蒸餾過嘅海水生長，乜都無得食，餓佢唔死，完全係營養不良，好似張紙咁薄，其他食品，只係食佢嘅味道，而唔係食佢嘅品質，燒菠蘿，仲甜過蜜糖，完全無菠蘿味，魚生，刺生就真係無得頂，比唔到差評，因為係無得食（自助餐無得食，我都係第一次），唯一可取嘅，就係啤酒任飲，薯條都好食，用嚟送啤酒，現時做緊買一送一，都要5佰幾蚊兩位，食放題應該好過佢。完。

依次購買左佢地既買一送一自助晚餐優惠，價錢十分抵！雖然食物種類吾多，但勝在啤酒任飲！movenpick雪糕任食！食物種類大致上同一般自助餐一樣，生蠔、龍蝦依類海鮮就每兩人一盤。

一段時間冇去過，見到買二送一就試試。結果大失所望，得三個熱盆 (火腿，咖喱雞，豬腩肉)，二個菜中式煮麵D送得三魚(魚旦,魚角,魚腐)，三菇,兩菜(芽菜,韮菜) 連牛丸都冇芝士祗有兩款，果D合桃已經過期帶油味，Tiramisu個底已經出水，綠茶芝士餅超甜冇茶味。凍海鮮D蝦唔錯，螺算OK, 蛤冇味唯一可以讃係Movenpick 雪糕有六款，這算是回本嘅食品食無可食下，從未試過在自助餐要食滿滿一碟飯，今次就要做一次

今日下午去咗西環一間酒店嗰間餐廳叫做MoMo食自助餐，真係好多人book位，有海南雞丶叉燒丶牛扒丶燒雞丶(一條魚 所需時間在家天要45分鐘)，熱盤真係好少，沙律好多，咖啡茶任飲，其實樣樣都冇乜味，叉燒好乾，食品質素麻麻，但如果140元左右， 咁就算數啦，140元有咁多嘢食，咁就價錢問題真係冇所謂，所以這間酒店餐廳多人食，如果想去都可以試吓，一定未必好食，只係諗住填飽個肚就算數

太耐冇食過自助餐，見到呢間做緊三百幾蚊優惠，即刻心動去。有生蠔、蟹腳、movenpick呢啲都係回本位，不過以我記憶，除咗呢啲都冇乜嘢值得食。最搞笑係有條魚骨擺咗喺度成個幾鐘都冇人理•啲蟹腳係OKfresh 雪糕選擇都多，但都係no next time啲刺身都正常，冇話好鮮甜，唔伏。我記得佢啲沙律同菜都係不錯，建議佢refill 食物可以快啲但感覺佢嘅食物種類真係太少，完全唔夠，呢個價錢不如食一餐正常嘅西餐廳仲好，