MoMo Café

Open Now

Now Closed

今天去試一試，食物味道差，咖啡淡而無味，雖然價錢平，但服務態度極差，由其是燒烤部的廚師，專給D頭頭尾尾客人食，燒牛肉頭尾段通常都不會給客人食的，他專登給客人，人她不要，他竟然叫人再排個隊再拿過，今時今日這樣工作態度，點得呀！我見議管理層可留意一下，不是平價就可以的。

有幸生存咗幾十年人，食過無數咁多次自助餐，今次都可算係人生之中第一次咁經典！一坐底先上咗個海鮮拼盤(一枱只有一盤)！諗住都幾豐盛！點知攞起再望清楚！一睇，我小喇叭，你唔係話俾我聽呢隻叫生蠔啊？成盤得四隻，隻隻都係咁嘅樣，隻隻好似小兒麻痹咁，真心我搵唔到粒肉囉！即刻嬲咗！完全冇乜食慾，最終食淨咁多⋯⋯跟手行出去兜個圈，除咗個燒牛肉同羊肉叫做食得下之外，完全諗唔到可以再夾到啲咩食！完完全全做到簡潔兩個字！最尾同女朋友都冇乜食慾，諗住出去攞雪糕食叫做追番少少成本🤣，咁Movenpick點都唔會差得去邊既！都唔知嗰啲讚好係點嚟！👎🏼👎🏼👎🏼

。呀女今日派成績表後一日休假, 媽媽即刻奉上小小獎勵給她🎁, 近上環的 Courtyard by Marriott HK 的 MoMo cafe, 現Open Rice做梗買二送一優惠或七折, 平均每人百零蚊連加一已經可以食足兩個半小時, 一陣食完順手去行下香港大學, 希望呀女吸收下大學校園靈氣, 向著目標進發!! 。🌈🌈🌈🌈🌈🌈🌈🌈🌈🌈🌈🌈🌈🌈🌈💒💒💒💒💒💒💒💒💒💒💒💒💒💒💒

多謝朋友送的cash coupon西環萬怡酒店，我無揀staycation,揀了dinner buffet 下午在馬可孛羅食完半自助buffet, 晚上再去西環食。任食生蠔，食了兩次西環任飲啤酒，這啤酒不錯！又有赤蝦刺身，賣晒又有北寄貝刺身薑蓉好正，未見過buffet 有咁薑，好味粥的薄脆好味我仲食了紅腸頭！呢間景觀唔靚，餐廳樓底唔高，但侍應服務態度太好。食完勁快幫你收碟

今日平日，半自助餐18:30開始，坐低後先送上每人一份的海鮮拼盤&香檳一杯，海鮮拼盤有波士頓龍蝦半隻，凍蟹腳三件，凍蝦三隻，生蠔兩隻，青口&蜆約10隻，海鮮質素都唔錯，波士頓龍蝦超鮮甜，係青口&蜆差少少，畫完點餐紙我哋就去外邊的自助區拎沙律約10款，餐湯2款，包類4款，cold cuts3款，芝士2款，飲品5款，點餐紙上面嘅食物我哋大部份都試晒，質素屬於普通la,比較推介嘅係Pizza&烤雞,最後食埋雪糕櫃有七個味嘅Movenpick雪糕&幾款蛋糕甜品&生果整體來講，以$300位呢個價錢，收貨啦

同男朋友去，冇諗過會系咁嘅質素，基本上冇一樣野系好食。男朋友憑著食得唔好嘥嘅精神，平時咩都會食，但居然今日都會話難食就dum啦。宜家黎講我地食左乜：烤深海魚柳。入面仲有少許紅肉，可能未熟。墨汁義大利飯燴魷魚。呢碟餸相信系今日最難食嘅一味，飯嘅味道太濟，入口會漏到想嘔。是日煎魚。煎三文魚，夾起塊魚 d油仲滴緊落張檯，忍唔住拎餐紙索油。雞胸、豬肉眼扒、西冷牛扒。全部都好韌，香口膠都比佢軟熟。上面嘅汁全部都系同一隻汁，實在太求其。是日燉煮。2粒豬肉丸，男朋友話好食。蒜蓉西蘭花、意式芝士焗椰菜花。男朋友話系原汁原味嘅蔬菜，寧願佢話系白灼西蘭花，個心會好過d。自助區的沙律。薯仔，成舊食 成舊吐，我覺得有陣膠味。呢餐男朋友唯一話好食嘅系 菠菜義大利雲吞松露醬、咖啡。而我覺得最好食嘅系Movenpick雪糕，忍唔住食左3碗。吖！頭盤嘅海鮮刺身都唔錯，因為唔洗煮吖嘛。環境。唔算多人，我地坐中間檯，我凍到圍披肩，男朋友還好。成晚冇食過d咩，正常食6:30-9:30，但我地8:00就走左，因為實在唔知仲有咩可以擺得落口，雖然價錢唔貴，但幾百蚊食幾啖雪糕，你覺得值咩？

朋友邀請我到 MoMo Cafe 預祝聖誕節，我們訂了海鮮🦞拼盤+半自助晚餐首先上枱嘅海鮮拼盤包括有龍蝦、蟹、蝦、生蠔、青口及蜆，賣相非常吸引，龍蝦同蝦都好鮮味，爽口又彈牙，生蠔飽滿得嚟又有海水味，青囗同蜆都很新鮮，餐廳為我們送上一杯白酒，配海鮮的味道相當之夾餐廳提供了自助沙律吧、餐湯及麵包Stella Artois 啤酒🍺 及 Carlsbery 啤酒🍻無限添飲亦可即叫即點各款意式美食特別喜歡炸魚、薯條加啤酒並提供多款口味的Movenpick 雪糕🍦👍

發現自助餐也加入了餐廳周，午市每位$148+10%, 見食評不錯便去試試海鮮有大蜆，青口和蝦，種類雖少，但味道鮮甜且無沙，抵讚自助沙律吧選擇不少已調好的沙律吧每種味道都不錯，尤其是薯仔沙律煎三文魚，牛扒和羊架三文魚嫩滑而且不斷refill,牛扒也不錯，當牛扒吃完後換了羊架，同樣嫩滑，喜出望外麵檔原本我以為148元的價錢最終會靠麵檔填飽肚子，但最終吃其他已經飽了，沒有試麵條其他熟食，pizza熟食味道不過不失，炸魚柳，咖喱等味道不錯甜品種類較少令我有點失望，好在雪糕是movenpick, encore了2次

係11月見到逢星期一至星期四晚1830至2130有呢個意式放題優惠，包一個海鮮拼盤同汽泡酒，同主食仼點仼食，優惠價後每人$300都唔使。海鮮拼盤有生蠔，蠔蝦，蜆，青口，長腳蟹，翡翠螺，蝦。呢幾款最好食係長腳蟹同生蠔，其他都正常，青口就麻麻地，冇乜味道。呢個海鮮拼盤都食咗好耐，食完發現原來都食咗一個鐘，餐廳都細心，每張枱都有濕紙巾，紙巾同膠剪，方便食客食呢個凍你盤。除此之外，出面自助區都有啲沙律，ham，芝士俾大家拎，同仲有其他飲品飲。到主菜環節，就係呢張紙仔，上面既野食仼點仼食，咁我同友人樣樣都想試下，就差唔多每樣都叫咗一份。嗌一份可以見到份量唔算好大，可以中意食就再encore，我覺得最好食係菠菜意大利雲吞同薯條。Pizza同法邊豆就麻麻地，好彩唔多。食完主菜已經8點半，就岩岩好出去自助區拎啲水果同Movenpick既雪糕。有一點我覺得餐廳可以再做好啲係refill翻雪糕，因為雪糕都幾搶手，8點半去到已經有幾隻味接近冇，試完想再食但見冇refill到。我覺得呢個價錢真係抵食，同友人坐足三個鐘一路食一路傾，加上個海鮮拼盤同雪糕都已經值。唔知呢個優惠去到幾時，有興趣既可以打去問清楚先，因

👉見網上Apps訂呢個～意式🇮🇹半自助晚餐幾抵食，立刻call腳飯聚‼️.📌餐廳會按人數奉上海鮮拼盤：每人半邊龍蝦🦞、2隻生蠔🦪 + 蟹腳、蝦🦐、螺🐚、青口等、1杯汽酒🥂，海鮮尚算新鮮。📌沙律🥗麵包🥖都新鮮味美😋，中西湯、蘋果汁、咖啡茶⋯都係自助任取👍📌所謂主菜任食填表另上，不過質素認真麻麻，🤭類似茶餐廳下午茶餐，但係質素差過茶記，起碼茶記啲炸物係即炸，呢度唔知炸咗幾耐，連翻炸都嫌費事！🤦🏻‍♀️📌甜品只有自己𢳂嘅Movenpick雪糕🍨、4款生果，蛋糕仔都冇個😫❌❌❌而家仲有呢啲1⃣️大桶要自己𢳂嘅雪糕，個個喺啲雪糕上面埋頭埋腦，真係幾恐怖。幾時先肯換小杯裝？拎完即走，乾手淨腳！📌不過除咗主菜質素麻麻、同冇乜甜品🍮之外，人均$214係抵嘅，食足3⃣️小時。我當晚人唔多，友聚傾吓偈，坐得舒服👍

每枱一盤海鮮拼盤。有龍蝦，蝦，蟹腳，生蠔，蜆，青口。海鮮鮮甜，好食👍沙律，湯，飲品，水果，雪糕，任食。沙律有很多款，沙律菜新鮮。湯有忌廉南瓜湯，烏豆魚湯。第一次見到自助餐有黑色中湯，毫無魚味的湯。水果-哈蜜瓜無味，只是爽。連西瓜都是無味😅雪糕-任食Movenpick，很多款式👍任點主食-大部份食物上枱時，都是微溫，唔熱。單上食物大部份試過，無食物想再叫。牛扒，羊腿扒又乾又無味。最好食應該係炸薯條。寫紙仔點食物，全場大約30枱客，都居然漏單。最後9點待應收走order紙，都無講聲last order還有需要嗎？日式放題都會講，好似茶餐廳夠鐘換餐牌。但待應服務態度很好👍

疫市下生意難做，堅持做自助餐放題既餐廳真係要支持一下。當然令食客放心既就係Momo Cafe 將星期一至四改做意式放題，得大家食得舒服同埋衞生d 。晚餐送海鮮拼盤，個份量以呢個價錢算係咁。主食要自已點餐。講下有咩必食，同有咩唔好食。必食: - 波菜意大利雲吞：一份有兩隻，好味！- 白酒煮蜆- 西冷牛扒- 香烤羊腿扒- 炸薯條- 炒法邊豆- 時令蔬菜: 應該係用oven 焗，所以夠多汁！唔好點:- 意大利飯: 其實risotto 係難煮，但個問題係個蕃茄汁- 是日燉煮: 類似meatballs 既野，但個問題都係個汁。- 佢有兩種魚: 都真係好麻麻甜品得雪糕。全單半價，好抵，係就係無左自助餐既氣氛，但有得食已經好好！

與朋友一聚，去到西環萬怡酒店MoMo Cafe，週四的晚上吃海鮮拼盤、意式放題及呷口香檳，展開愉快週末.每兩位客人入座就有豐富海鮮拼盤，包括龍蝦、鱈場蟹腳、蜆、青口、翡翠螺、凍蝦，連生蠔也有！夠鮮甜、夠creamy~ 而龍蝦肉爽口彈牙兼多膏～海鮮與香檳也是絕佳配搭~ 想追加半打生蠔的話, 只需加優惠價$88. 沙律、前菜、麵包、湯及甜品都是自助的.  沙律有預拌或自選食材及醬汁, 懶懶的我, 還是吃預拌啦, 例如希臘沙律、意式芝士蕃茄沙律~ 麵包都有數款, 更可放入多士爐翻熱. 另外亦有cold cut、芝士及乾果. 湯有兩款, 當晚是雪梨雪耳湯及南瓜湯. 主菜是15款意式菜餚, 剔紙仔任選，有意式香烤羊腿扒、煎雞胸、意式香烤草飼西冷牛扒、蒜蓉西蘭花、石烤pizza、墨汁意大利飯燴魷魚, 最驚喜是菠菜意大利雲吞松露醬，醬汁及軟滑度都拿捏得很好！亦有烤深海魚柳、煎魚. 咖啡及茶都是任飲的，我當然是選最喜愛的Earl Grey Tea. 又有錫蘭紅茶、蘋果汁等.  甜品就是6款Movenpick雪糕, 若然有冧酒提子味就正了, 但士多啤梨味我也喜歡. 或者可吃生果啦, 有西瓜、哈密瓜及菠蘿

今日除左係呢到試左早餐外 仲試左佢個lunch buffet, 整體都好多食物選擇，大部分味道都唔錯 但唯一又係唔夠熱！呢樣真係要改善下 但食物質素唔錯 仲有movenment pick雪糕添, 讚!

今日黎左courtyard hotel試左個breakfast buffet, 食物好齊 比想像中多野食 但可惜溫度唔夠熱 有d凍凍地 但個奄列出色 好食 整體麻麻 如果正價食唔算抵