MoMo Café

Open Now

Now Closed

上星期五 同同事諗住happy Friday 食下好野 所以就book 左呢間餐廳職員話 自助餐暫停左 轉左做set lunch . 我覺得好抵食喎 3個course 仲有埋飲品 最平$148 openrice訂枱有7折 折完$120有找 真心無得輸我地4個人 咁岩有4款 我地就每樣一份share食同事仔既餐湯 加 我最喜歡既煙三文魚凱撒夠哂creamy ge carbonara好出色既海南雞唔好俾佢外表呃到既 medium rib-eye. 一d都唔un 好有肉味 好juicy脆口又好滑既炸魚 順帶一提 佢個薯條都係無得輸 比出面好多餐廳都好食！ 2人份既生果盤 4個女生黎講 飽到傻總括黎講 我地除番開 每人$150左右 仲要餐廳 位與位之間都好闊落 絕對食得舒服 安全

聽朋友講轉左set lunch，所以黎試下先，set lunch, 有驚喜！勝價比高！$148 有頭盤、有主菜、仲有生果！抵！用openrice 仲有30%, 環境又舒服！不錯之選！Staff 友誼！

高質素的自助晚餐在openrice 內看到MoMo Cafe有自助餐優惠又接近年尾同家人去試試看雖然食品種類不多，但都應有盡有，而且食物質素不差凍海鲜有凍蝦，蟹腳，青口，蜆都新鲜可口，有蘋果汁，茶，咖啡、還有生啤任飲沙律，牛扒，剌身......也有不錯熱食，蒸魚，燉湯，燒味，粉麵檔Pizza ,咖哩，芝士，三文魚，生果，蛋糕，甜品糕點雪糕有多款口味 Movenpick可選總括平均價约 二佰多元可吃到這質素的質素自問是超值

今日6點收工唔知食乜，肥肥老公提議又黎自助餐，呢間食過好多次，都知唔會有乜驚喜，但有5折，唔知係咪星期一，成個場20個客都無，食物款式又真係少咗啲，加上而家市道又唔好，少人食咗導致款式都少埋😪，食飽就算😜

因之前酒店朋友都話這間不貴但不好太大期望，所以我們今日一行三大一細就來這裡吃自助晚餐，但這裡沒有泊車位就比較煩點，來到見到真的選擇不叫十分多，但竟然沒有菜好意外。這裡其實仲有麵食但飽了沒有吃，壽司都差不多十款，其實不錯如果飯比較軟熟更好，刺身三款都新鮮，燉湯好水有望，海南雞飯都有誠意但雞偏肥，菜沙律都新鮮又多配料加四款已整好的沙律，但整好的味道一般。前菜仲有麵包芝士火腿，中西湯都有，咖哩雞飯的咖哩好味但雞一般，豆豉肉都可以，長腳蟹第一次拿沒有咁好，之後的都十分鮮甜，蜆和青口偏細隻，薄餅三款都好味又夠熱，天婦羅好難食，薑汁糕不甜好味，，甜品款式不多但味道都幾濃，雪糕十多款仲有配料，生果三款可能有鹽水所以十分清甜。以每人不用三百二十連加一都幾抵食在聖誔的前後夕。

上個星期五，約左班朋友一齊gathering，咁岩上網見到西環萬怡酒店既自助晚飯有65折，就訂左枱同朋友一齊試下啦。餐廳環境都幾闊 唔會覺得迫。而且枱同枱之間都有一定既距離，就算大聲啲傾計都無問題。沙律選擇都算多，除左有沙律吧之外 仲有幾款前菜可以選擇海鮮選擇得四款，雖然選擇唔係太多，但食物質素都唔錯咁岩撞正果日係星期五，仲有即開生蠔食 另外仲有啲日式野食：壽司、剌身、天婦羅，同埋即煮既日式拉麵熱食仲有pizza，味道都唔錯，切到細細片 唔會好飽肚甜品方面值得一提既係，有18款任食Movenpick雪糕！ 有仼食生蠔，埋單每人都唔駛400蚊，呢個價錢真係超抵！已經同朋友約好左，之後會再返黎食

第一次寫食評，因為真心覺得好抵食！ 見有65折咪諗住試下 ， 折後都係$370左右，價錢絕對ok! 首先沙律選擇都算多 菜都新鮮另外幾款涼拌 都吸引 試左兩款 味道都唔錯！前菜之後 到我既自助餐主打 海鮮 食飯當晚係星期五 所以有生蠔食 幾特別 係日本既蠔 細細隻 但鮮甜又有蠔味 食左兩轉蟹腳好好肉 但我覺得咸左小小 蝦都好彈牙爽口 青口同蜆就不過不失 因為我唔係特別鐘意訂枱時打電話問過 有咩主題 職員話日系食品係新推出魚生都算新鮮 呢個天婦羅 雖然得蔬菜類 但一d都唔馬虎呢個wasabi味琵琶蝦 每次一出 都好快俾人攞哂 wasabi同蝦 原來都好夾呢個自家制叉燒 地獄湯烏冬 開頭拎既時候有d失望 因為心目中既地獄湯係紅色湯底 但係食落 果種辣又ok wo。 不過係屬於小辣程度Pizza 要讚 出爐果下非常好食 餅底好脆 放左一陣先食 係無咁脆 但都一定唔會失望！仲有個貼心位係 佢切得好細塊 試哂3款都唔會覺得塞飽左 Carving 西冷牛 配兩款汁 肉質夠Lum 唔會太熟 我喜歡最後最後 第二個胃！！！！ Movenpick 有18款咁多 會唔會太瘋狂 另外仲有d topping

我來過這裡已好幾次, 雖然食物的選擇不是太多, 但質素都算不錯而且環境也好, 不是太多人, 不會搶來搶去, 職員的服務態度也好, 可能這裡沒有下午茶自助餐, 所以食完後還可以同三五知己繼續坐！

下午茶百幾蚊，雖然平，但野食真係不太合理wo,得炸物，好咸的pizza 同雪糕，在場好多人不滿！以為有沙律吧同小食，點知等左好耐，都只係不斷refill 炸物。。。。

之前都有食過一兩次其實佢呢度啲嘢不過不失同埋係有優惠所以先來幫襯但今次你識佢將啤酒紅酒白酒cut咗係要加錢先可以任飲但係價錢係同以前一樣以前係有得任飲嘅可以任飲嘅嘢得返紅茶蘋果汁水咖啡咁樣嘅自助餐我諗我下次會再幫襯

一向喜愛吃自助餐，特別係放假時嘆個hea lunch，此為weekend 期待節目之一。已經有一段時間沒來西營盤水街萬宜怡酒店之MoMo Cafe, 今天舊地重遊，看看有否進步。此處擺位有空間感，坐得舒適。海鮮冷盆：青口、海螺、蜆、蝦，入口鮮甜餐前冷盆小食，開胃之選，夠入味。燒味拼盤：叉燒 - 半肥瘦，入口軟綿甘香燒肉 - 皮脆但肉不夠嫩，如用燒腩效果應會好得多燒鴨 - 普通，但都好味呢個唔知係咩燒豬，雖然肥咗D，但脆皮夠厚有質感，豬味濃，夠juicy, 比那乾身燒肉好吃多了👍👍👍現今豬肉吃香貴價，真是大快朵頤！即點粉麵也是重點推介，實在有太多選擇：粉麵4款、蔬菜4款、菇菌3款⋯選定了再交給師傅烹煮，2分鐘後到取。個人推介牛丸、炸魚蛋、韮菜花，配上豬骨湯，加上大量炸蒜粒、芫茜、葱粒⋯現在想起仍回味無窮。中、西湯各一款，比較欣賞中湯：黃瓜萍果雪耳湯，足料夠老火 - 甜！忍不住喝了幾碗呢！甜點看落普通，不想浪費quota而沒有試。覆述同行人士意見：no good, 太太甜！我的甜品配額當然要留給Movenpick雪糕啦🤤嘩⋯天呀，竟然有9款味道⋯拼了命也只是嘗了4款。來杯即磨咖啡作為總結⋯

西營盤有提供自助餐嘅酒店唔多，因為試過另一間，今次就試試呢間。Promotion話有生啤任飲，去到話部機壞左，吹漲，唯有飲凍檸茶，無限refill的。有𧐢都算係咁，當然size徧細，但都食得過，但每次只俾兩隻，即係話想食30隻要排15轉，最大問題係開𧐢同切刺身係同一人，所以有時都要排好耐。燒牛肉ok la, 最神奇嘅地方佢係同個沙爹汁超夾。另外有款唔知咩醬炒瑟琶蝦，不過不失la。雪糕就有驚喜了，差不多有成10種不同味道嘅m字頭。

以往這間酒店的午市自助餐主打沙律加麵食，所以除非想食清淡啲或減肥， 否則基本上都唔會選擇呢間食午市自助餐。 而另外一間同區嘅「風頭躉」自助餐往往都其門如市，所以想即興食自助餐真係要睇彩數， 今次睇到openrice呢間自助午餐有七折優惠，而且本身原價都只係168元，折實都係135元， 而且唔係好似以前咁分開「沙律價」及「麵食價」，好奇之下嘗試在網上搜尋多一啲午市自助餐嘅資料， 一個價錢不但可以食曬以上兩辨嘢……仲有熱葷、燒肉、燒味及M記雪糕，同埋呢間酒店餐廳嘅環境，我覺得坐得好舒服，既然價錢咁抵決定一試。首先講過呢間酒店嘅沙律配料真係一啲都唔擔心，比起其他酒店嘅午市自助餐嚟講有過之而無不及，呢樣亦都係呢間酒店餐廳出名嘅「賣點」。但係食得自助餐唔會甘於滿足淨係食沙律，麵食採用即煮即食嘅方式， 但係我覺得都係普通所以無需詳細介紹…… 特別一提有幾樣係以正常午市自助餐的模式進行: 燒肉今次係燒羊髀，肉質幾嫩滑，所以都好多人攞; 另外有各式「自家製」燒味供應，燒鴨比較瘦，肉質有啲實、叉燒冇試、燒(腩)肉有啲驚喜， 真係啲皮脆卜卜，亦都唔係太多肥肉，算是唔錯。熱葷都有幾樣選擇，條蒸魚最多人攞，一

如果一個自助餐有即開生蠔、豐富冰鎮海鮮、免費任飲生啤和各式飲品、環球美食、另外如是當月壽星更可享生日優惠(4位成人或以上訂座可享有免費生日蛋糕+送4杯汽酒)，吃足3小時收費連加一都只是＄328.5/位起，大家覺得是否抵食？？那兒有這樣益食家的自助餐正是Courtyard by Marriott Hong Kong內的MoMo Café，原價收費為星期一至四＄438/位、長者＄358/位、小童＄298/位，星期五至日、公眾假期＄498/位、長者＄378/位、小童＄318/位，但在OpenRice訂座有65折優惠按此真的很超值。   大家都好心急想知有什麼供應那跟我走一回吧！先看看冰鎮海鮮有青口、雪場蟹腳、龍蝦、海蝦及鮮蜆，海鮮看下去很富光澤質素應該不錯。 而生蠔須則得澳洲的一款但勝在即開即吃夠新鮮！ 冰鎮海鮮後的一字長檯放有意式凍肉、藍芝士、瑞士奶酪芝士，加上多款提子乾、西梅乾、餅乾、杏脯肉、杏仁片、合桃等配料及各式麵包供應。 而日式區有三款壽司和軍艦，另有鮑片、三文魚及北寄貝刺身等，款式不算多但對我來說夠新鮮已足夠！ 轉角是現成沙律選擇很多！先有開胃的泰式鳳爪沙律、雜

曾多次到訪 沙田萬怡酒店 用餐，但上月尾才首次踏足香港萬怡酒店 MoMo Café，雖然款式不算很多，但特色環境、豐富海鮮陣容加上七折優惠，兩母子也吃得愉快滿足～酒店處在港鐵香港大學／西營盤中間，作為考試前的打氣晚餐，這天正好帶囝囝先到 HKU 沾一沾書卷氣！如非當晚天陰有雨，其實到校舍附近走走也是不錯主意呢～下雨關係，還是提早去到餐廳看看食物陣容囉！一進入餐廳，除了富有老街特色的塗鴉牆，最吸晴的絕對是冰鎮海鮮陣，裡面提供海鮮、雪蟹腳、爆膏龍蝦、蜆、青口等，另一邊還有即開生蠔，非常的豐富！場內也有意式凍肉併盤、藍芝士、香辣芝士，加上多款橄欖、珍珠洋蔥、醃青瓜、腰果、西梅乾、杏脯、提子乾、餅乾等配料，還有麵包也在同一長檯上。    尾端則是冰鎮呈上的三式刺身、三式壽司，之後轉角則是多款現成沙律如：粉絲沙律、蓮藕沙律、青瓜泡菜沙律、牛油果烤雞沙律、涼拌木耳蟲草花、泰式鳳爪、吞拿魚番茄橄欖沙律等等～接著還有款式多樣化的自助沙律吧，我當然又要製作最愛的凱撒沙律了！沙律吧對面是一系列的自助冷熱飲品，特別喜歡這裡大大個的金色金屬杯，好看得來容量也大，可以不用密密出去添飲。然後背後是一系列熱盤，當