Mon cher

Open Now

Now Closed

經過見到忍唔住買左兩舊試下，點知又好好食喎～🔸伯爵茶卷蛋（$42）睇落去平平無奇既卷蛋，點知比佢驚艷到😳海綿蛋糕鬆軟得嚟又夠濕潤，滿滿既蛋香牛油味仲帶點伯爵茶味(๑´ڡ`๑) 啲cream凍凍地質感好似雪糕，而且仲有好濃郁既伯爵茶味，喜歡Earl Grey的一定要試！！🔸朱古力卷蛋（$42）可能係伯爵茶太出色，呢個相對較為普通啲啲🤫海綿蛋糕都係一樣咁鬆軟濕潤，啲cream就真係好似朱古力雪糕咁，整體就是一個好濃朱古力味的卷蛋🤣由於佢啲cream都多既關係，其實一個人食一件已經夠哂皮，所以想試多啲味既話就可能要同朋友仔分享啦🤪

呢間鋪頭可能唔太起眼，買卷蛋或蛋榚時未必會先考慮佢，但食過之後就覺得其他更有名氣既都比不上。千層蛋糕：先講軟硬度，可以用一枝差咁就咁吉開，呢點好多其他大型甜品店都做唔到。味道方面，真係冇野可以挑剔，cream味好足夠，唔會太淡又唔會太溜，真係剛剛好。勁推薦俾大家食。卷蛋：伯爵茶味很好吃😋 當中既cream仍然保持高質，唔會因為伯爵茶味而淡左。相對之下，粟子味就失色左，可能真係伯爵茶味太好食 二選一既話，會食返伯爵茶味其他野我未食過，都會想試吓朱古力味。但如果細卷蛋同千層蛋糕可以多點選擇就好了。好難買一條長卷蛋返屋企食。

去祟光購物，見到這間餅店的蛋糕很吸引，便買些回家給爸媽吃。買了千層蛋糕。蛋糕手工精緻，未吃已充滿期望。蛋糕味道很好，香滑有口感，入口溶化。北海道忌廉又香又滑，蛋糕不太甜，吃得安心愉快。栗子卷也很美味，蛋卷有蛋味，栗子香甜。蛋糕价錢雖然不便宜，但物有所值。

行開sogo超市都仲會比嗰度嘅甜品吸引住特別係呢間mon cher 成個雪櫃既甜品都好吸引之前試過佢個招牌roll cake真係一試難忘真係勁好味😋今次見到北海道牛乳雙層芝士蛋糕🧀🍰決定試一試佢 相信都一定好不錯點知食落唔只好味而且係有驚喜😱🎉上層係牛乳芝士 底層係烤芝士食落非常鬆軟 入口即溶甘😋😋最緊要係唔太甜而且食落唔會好漏!因為好多時啲芝士蛋糕食一件就已經好濟但呢個芝士蛋糕真係食完都唔覺漏稔起都好回味🙌🏻🙌🏻🙌🏻而且價錢亦都好合理有完個蛋糕/切件出售中意食芝士蛋糕既真係唔可以錯過！

第一次食呢間既蛋糕，蛋糕係家姐個同事送既，蛋糕睇落去平平無奇，但食落去層次好rich食蛋糕成日最怕就係個蛋糕好甜或者係個蛋糕個portion太多cream，但呢個balance得好好特別欣賞佢食落去個種奶味好香，有別於其他蛋糕，成件事入口好smooth🤤又唔會覺得太膩或者太滯，讚！

外賣一個飯後甜品～ 蜜瓜味～ 好清新的感覺。最緊要係個cream! 又香廼滑，蛋糕香軟～芝士味。 外面個層軟軟～ 然後一層香芝士cream, 再底下有另一重芝士蛋糕底。濕濕的。好似Tiramisu 個種濕濕地的感覺。多重口感👍🏻好豐富呀！咖啡味卷蛋同伯爵茶卷蛋 都有驚嘉。完全唔似美💔 個d 冇味得個色的卷蛋，難得連個茶都可以做到有茶味！ 正👍🏻講返先， 呢間蛋糕店係個合裡面放埋冰包，確保d cream cake 拎到返屋企都冇變壞。好窩心💕

個蛋糕入面海綿蛋糕嗰一層係同平時出面食嗰啲唔同, 雖然個分別好細小, 但係如果用心食嘅話你會食得出佢係好鬆好軟, 因為佢入面嘅氣泡係分佈得好平均, 數量亦都好多, 所以咬落去口感其實係會有唔同.當然啲cream就更加唔洗講, 更加真材實料 食落去感覺好踏實, 好厚重嘅一種cream嘅味, 唔係好似一般西餅舖嗰啲空飄飄嘅奶油 最後一定要讚嗰個 蛋糕上面嗰幾粒蜜瓜, 望落去又靚食落去又新鮮, 好爽同埋好甜, 粒蜜瓜又砌得好圓.....so pretty.

Hello Kitty 牛奶慕絲蛋糕，係生日時由一位有心嘅同事送，的確有小驚喜！靚到唔捨得食😍Kitty白色面珠係牛奶慕絲，裡面有一小塊草莓果醬啫喱，慕絲外有層透明啫喱狀嘅糖，Kitty造型下係軟滑香濃的原味堂島卷，卷蛋繼續包住厚厚嘅招牌滑溜忌廉，為咗可以保持完美嘅貓樣，建議購買後最好盡快享用，隔咗一段時間，糖面就好似我呢張相咁，有少少起bubble，但都應該無影響到個味道嘅～堂鳥卷依然係有蛋香丶鬆軟。

今日同事請食farewell cake，就買左Mon cher既蛋糕。見列件件都好整列好靚同好好味咁不過，都係揀左件Hello Kitty蛋糕嚟試。未食之前，以為會好甜同好膩，應該食唔哂成個。雖然個蛋糕係牛奶mousse, 不過唔會太甜。食下食下，都可以食哂成個添...蛋糕係由奶凍本成，牛奶味濃郁香滑。而且個口感都係滑捋捋...整體嚟講，奶味香濃，值得一試。

今日係公司有同事請我食呢款cake😁聽講係日本開過黎，好似好好味咁呢款係最original同signature嘅味無加任何生果蛋糕真係好軟綿綿，好有水份，完全唔乾啲cream好soft好smooth，入口唔會話好漏但對我黎講啲cream都係多左啲啲🤪

太太生日，專登去Baby Mon Cher 買咗個蛋糕，本來有期間限定既蜜瓜，不過少左層生cream ，多咗層水果，平時食開堂島卷，好鐘意果層生cream ，所以決定唔買呢個期間限定，買個多一層cream既唔普通蛋糕。返黎食過好好味，而且d decorations 唔似其他蛋糕店咁死甜，啱晒我口味，屋企人讚不絕口，雖然3百幾蚊，但係有咁既質素同味道，超值講返個外型又真係好靚，蛋糕師傅好高手藝，個design 好夢幻，一流

每一次行過銅鑼灣SOGO，都會去mon Cher 到買蛋糕！之前有買過佢嘅Hello Kitty蛋糕！今次決定試吓其他嘢！Mon Cher 的蛋糕除咗賣相吸引，味道亦相當唔錯！士多啤梨蛋糕更加係我嘅最愛！今次試咗佢嘅士多啤梨千層蛋糕🍰！外表好靚， 味道亦都非常唔錯！好香同好soft ! 絕對係會再返去幫襯！

今日第1次買嚟試下啦，咁啱就聽到店員講全港只剩下呢間，旺角嗰間已關門喇。次次經過見到呢d好夢幻嘅蛋糕都好想食~店員在蛋糕底細心貼上膠紙避免移位。仲會有乾冰放喺盒到，攞返去食都唔怕溶~ 食咗d士多啤梨真係食咗大滿足呀！中間都有士多啤梨，製作絕對認真~ 呢個就好歡樂，咩都有d，每層都有驚喜~櫻花呢個只係睇都夠曬靚啦，淡淡花香，原來係芝士蛋糕，少少咸味加埋好夾呀~ 呢個士多啤梨大福食到個心都軟埋呀，好幸福嘅感覺！呢杯啱曬少女心大爆發嘅時候食~ 甜，軟綿綿，粉色，心心，士多啤梨，蛋糕，呢d原素都包含曬~ 唔洗多講，入口溶化，完全唔油膩。加上蛋糕軟綿綿，一次過食兩件都無難度。不過都係留番d位食埋其他嗰d蛋糕！

因為要去銅鑼灣買内衣， 因怕内衣關門，所以晚餐也不夠時間吃了。之後買完了内衣後，一於去行祟光超市，每次我都會去mon cher買個 hello kitty慕絲蛋糕食。一來佢架蛋糕超鬆軟，二來係我至愛的hello kitty, 店員走開了，所以我行了一陳超市才回去買這個蛋糕，真心覺得扺食，件蛋糕d cream又唔流，有果醬，加埋面層慕絲，真是完美的組合。佢架原條蛋卷都很好味，雙重芝士蛋糕都很好味，但太貴了，所以沒有買，等我儲多d彈藥先再買來食吧！

今日去Sogo逛街，經過這家蛋糕店，被櫥窗七彩繽紛的蛋糕吸引住，這裡的蛋糕最出名的是「堂島卷」，蛋糕標榜使用日本直送的北海道忌廉，加上使用大量士多啤梨，我怎能錯過呢？  聖誕期間，餅店推出來不少應節的蛋糕，除了聖誕蛋捲，還有聖誕蛋糕和卡通蛋糕，選擇十分多呢！  我買了一件雪國之戀人的白朱古力草莓卷。每件蛋糕放在紙托上，店員細心地以設計華麗的橙色包裝盒包裝，再附上乾冰和叉，包裝十分認真呢！  ⭐雪國之戀人 蛋捲上層以白朱古力碎點綴，徬佛是雪花。頂層有一顆士多啤梨，中間有一層厚厚的奶油和士多啤梨。  嚐一口，忌廉香濃幼滑，帶著淡淡奶香，入口清甜順滑，配上鬆軟的麵包，夾層的士多啤梨清甜、忌廉和麵包配合得相得益彰，口感鬆綿濕軟，很美味呢！