Mon cher

Open Now

Now Closed

要犒賞自己，除了購物以外當然也少不了美食和甜品啊。前陣子路過了這一家好像是日本的蛋糕店，立即被店內琳瑯滿目的蛋糕吸引到，忍不住乖乖掏出錢來 買件蛋糕回家好好品嚐。今次買左紅寶石莓果撻，其中一個原因是我好喜歡士多啤梨，另外就是這蛋糕實在太漂亮了!果撻側面層層分明， 忌廉不會太甜也不會膩，口味十分清爽，蛋糕體也很綿密，配上鮮甜新鮮的士多啤梨，整體吃起來恰到好處，吃一整塊也不會有罪惡感，還感到很滿足!呢間甜品確實不錯，下次要再試其他蛋糕，好好獎勵自己。

走過銅鑼灣崇光百貨，見到一間餅店，而且下午時間有點肚餓，就試一試佢嘅Cake。有好多不同款式的蛋糕及甜品，賣相靚靚又精美。揀咗好耐之後最終選擇了我最鍾意嘅白朱古力同埋草莓🍓睇住佢咁靚真係唔係太捨得食⋯雪國之戀人 白朱古力草莓卷$50上面有粒士多啤梨，好靚，裏面仲有朱古力同士多啤梨粒，味道層次十足，表面都放有白朱古力，整體味道突出，不停夾雜白朱古力和士多啤梨的香氣！如果下次再經過就一定會嘗試一下招牌堂島卷。

今日同朋友特登黎到銅鑼灣既Mon Cher買蛋糕食，地點都算幾就腳，係Sogo入面落層電梯就到。店鋪好吸睛睛，紅噹噹，而且又有唔同聖誕禮盒套裝，價錢都唔算太貴，充滿聖誕節日氣氛。我本來想買個大既 Melody Cake 返去同屋企人開心share，點知原來家人一齊準備好蛋糕，所以我最尾就買左個一人份量既雪國之戀蛋糕自私食！我好鍾意 Mon Cher 既雪國之戀，除左賣相夠靚之外，味道都相當唔錯，尤其係鍾意草莓同白朱古力嘅朋友絕對不能錯過～蛋糕以草莓，忌廉同白朱古力組合而成。草莓微酸偏甜🍓蛋糕口感鬆軟，忌廉口感綿滑。雖然有大量白朱古力鋪係蛋糕上，但味道並唔會過甜，甜度係岩岩好。最後我買咗2盒聖誕禮盒送比朋友，希望佢地會鍾意啦！

今日係銅鑼灣Sogo shopping順便買甜品，見到唔少鋪頭都擺滿裝飾，充滿聖誕氣氛。兜左個圈，最尾都係被Mon Cher既蛋糕所吸引。我係抹茶卷同雪國之戀之間猶豫左好耐，兩樣睇落去都好吸引，但最尾我都係揀咗雪國之戀。雪國之戀呢個名夠曬浪漫，蛋卷上鋪滿大量白朱古力，配上一粒士多啤梨。蛋卷口感軟綿綿，忌廉甜度適中，層層細碎既白朱古力增加口感，係十分香濃既白朱古力味道。另外Mon Cher既生日蛋糕款式都幾可愛，有Hello Kitty同Melody等卡通人物，下次可以考慮下買比小朋友做生日蛋糕呀🎂

早幾日去百貨公司超市，心血來潮想食個甜點 行左個圈 都揀唔到食咩 最後想簡單食個蛋卷好了 所以行返去 Mon Cher在蛋糕櫃前又爭扎了一陣， 堂島蛋卷 多左新口味 竟然有 日本杮 和 雜錦水果 夠晒新鮮 仲有其他 栗子 和 紫薯 蛋卷 裝飾靚都唔捨得食呢周圍的cake 都好吸引， 有個新商品 外皮睇來睇去都估唔到係脆皮or crepe 皮 令人好想試試結果同行朋友決定要吃 在一眾蛋糕中唯一不同的pie見到 strawberry 和 red currant 都覺得好有聖誕氣息見到隔離仲有靚靚的生日蛋糕 不同size 可以預訂 人少少慶祝都合適聖誕禮物包都好多選擇 手工曲奇包 作為party gift bag 最合適講番件pie 層次分明 一層甜 一層帶sour kick 偏酸的莓加 士多啤梨白朱古力味 cream 中間有 strawberry mousse 薄薄的海綿蛋糕 pie 底較厚 soft cookie 質地 一次過食到不同口感味

所有女仔心目中都有個夢想生日 PARTY , 有最鍾意的家人, 朋友, 著住婚紗一樣高貴的裙, 有氣球等等, 另一個重要元素就係夢幻一般的蛋糕。今次家中小寶貝生日, 我個蛋糕點都唔可以失禮人。特登去左銅鑼灣 baby Mon cher 訂造蛋糕。呢個蛋糕上面係有蛋白做的 TOPPINGS, 就同埋有棉花等等配件，另外可以自己選個飾物, 我就揀左粒粉紅星星。蛋白卷造型粉紅色好可愛，可惜蛋白好易裂開，係落 ORDER 前其實已經見到有個現成蛋糕就已經有條好幼的裂紋，店員解釋蛋白做會好易裂開，即使係當天做好都會裂，我唯有希望自己果個無事啦。可惜事與願違，我收到果個都係有裂紋，而且係幾明顯，好在就係個女店員好好人, 佢好 NICE，俾我換另一個, 我就揀左另一個, D裂紋係好幼,而且係後面, 唔明顯的。感謝 。味道方面，個蛋糕係 OK 的, 幾香軟, 入面係士多啤梨 醬，係幾好食的。最特別係佢送左個迷李卷蛋，一直都好想買想試下, 今次佢送就實在太好了。果然係好香好香的 CREAM, 雖然 CREAM 多, 但係真係好正，絕對唔會膩，仲好想返去買多條。

過海行完街，行咗去sogo，搵下有啲乜嘢甜品可以帶返屋企食。見到呢間嘅蛋糕，非常之可愛，售價亦都唔係算太昂貴，所以外賣咗一件返屋企。蛋糕款式好多，當中以卡通公仔嘅造型最搶眼，不過最終都係揀咗紅寶石莓果撻。個名叫得做紅寶石，整個設計用咗紅色嘅colourtone去設計，粉紅同埋紅嘅組合，公主風感覺一流。生果嘅選擇用咗幾款莓，包括士多啤梨（草莓）、藍莓、紅桑莓，仲有紅提子同埋青提子，平衡咗莓嘅酸味，顏色仲豐富咗添。粉紅色嘅忌廉味道清新，加上鬆脆嘅餅底，有啲厚度，增加咗飽肚感，口感亦都更加吸引。

這天路過Sogo，見到來自日本極具人氣的甜品店>>>baby Mon cher<<<，決定外賣一件回家，一嚐箇中滋味。 眾多產品之中，不得不提以北海道牛乳忌廉製造的堂島卷，曾獲頒Monde Selection最高金賞，在日本被譽為最受歡迎的卷蛋糕！看到濃厚的忌廉，還真的讓人垂涎三尺。 本來想帶這款名物回家，然而思前想後，這卷蛋糕在一人而言未免太多.....最終決定帶走雪國之戀人。 這白朱古力草莓卷，很有聖誕的氣氛哦，顏色非常清雅，淡黃蛋糕卷配白色忌廉及朱古力，上面擺放搶眼奪目的火紅士多啤梨，造型吸引。看到濃厚的忌廉，大概是非常甜膩的吧？這不似傳統日式甜品，沒有甜膩得要命；相反，很切合個人的口味，淡淡的香甜，令人非常享受！ 有機會的話，真的要一嚐堂島卷哩。

對於我呢啲愛靚愛吃愛玩嘅人士，早前年尾嘅時候，當然出咗銅鑼灣嘅SOGO裡面消費啦！買到兩隻手都用唔晒！行到攰攰地，就見到好吸引我嘅蛋糕店！Mon cher位於銅鑼灣軒尼詩道555號崇光百貨B2樓25號舖，一落電梯左手邊行幾步就到～實話實說，其實我從未見過呢一間蛋糕店， 不過佢嘅蛋糕同埋聖誕嘅飾品都好吸引我！即刻search下究竟有咩推介！原來呢度推介品之一係佢嘅蛋糕卷！不過實在太大舊啦！我一個人食唔曬，所以我最後冇買到～另外嘅推介品之一就係佢嘅蛋糕啦～望落真係好吸引！不過同理，我都係一樣食唔曬～或者遲下搞party嘅時候可以考慮下～另外呢度仲有售曲奇禮盒，新年拜年嘅時候適用～最後我點了一個紅寶石莓果撻～店員知道我唔係即刻食嘅時候，仲擺咗個冰包喺盒入面，keep住佢嘅溫度～好貼心嘅服務～蛋糕上面係有唔同嘅雜莓：藍莓,小紅莓同士多啤梨。底層係牛油餅底，而中間嗰層係士多啤梨mousse～雖然牛油餅底好似好厚咁，但係因為有士多啤梨mousse嘅關係一啲都唔會油膩～ 而且蛋糕上面嘅雜莓亦有酸酸甜甜感覺～ 對於我呢啲鍾意食士多啤梨嘅人，實在太滿足啦！好快就已經ko咗件蛋糕～題外話：佢嘅外賣袋同埋盒

來Mon Cher，一定要吃堂島卷﹗堂島卷：外層係鬆軟可口嘅蛋糕，中心係柔滑綿密嘅忌廉，兩種結合，好食得令人回味。今次我食左個加強版，有別於原味、生果等口味嘅堂島卷，呢件雪國之戀人（白朱古力草莓卷，$50）賣相更美，上面粒士多啤梨就好似公主戴上皇冠咁，美侖美奐。至於味道，除左忌廉以外，仲有白朱古力舖面，同士多啤梨做餡，味道更多層次。Mon Cher仲有好多款精美蛋糕甜點，例如hello kitty造型同聖誕節日系列，賣相超靚真係唔捨得食呀！

Baby Mon Cher呢個大阪過江龍，專賣西日式甜點，通常去親日本旅行都會經過百貨公司專櫃買件堂島卷食下...早幾日經過銅鑼灣Sogo，見到Baby Mon Cher專櫃外有美美嘅蛋糕，亦有充滿節日氣氛嘅色調。當然吸引到我駐足欣賞，再買返件靚靚蛋糕外賣啦！紅寶石莓果撻（$45）撻面鋪上士多啤梨同raspberry ，微酸果肉配上香滑又美麗嘅粉紅色忌廉，諗起都覺得好滋味，食之前都要影返幾張相嚟留念。包裝亦好美觀，紙袋可以循環再用，夠晒環保。

今日去City Super買野，順便買件蛋糕返屋企嘆下。就到聖誕，餅店生意好好，好多人排隊買蛋糕。有好多小禮物見到蛋捲真係好吸引，有好多口味，例如原味、抹茶、栗子等等仲有hello Kitty系列的蛋糕，我今次想食D特別的口味，所以買了一件紅寶石莓果撻。蛋糕很精緻，上面以石榴、藍莓和士多啤梨點綴，乍看下去，看似粒粒彩色的寶石散發光芒，旁邊還有櫻花粉紅的美麗擠花，中間淺紫色的是雜莓慕斯和忌廉，顏色很豐富呢！嚐一口，入口酸度鮮明，隨即轉為柔順甘甜，酸酸甜甜的實在非常開胃呢！餅底是撻皮，有一定的厚度，幸好濕潤的慕斯中和了口感。個人幾鍾意呢個蛋糕，因為酸酸地幾得意，又不會太甜。

今日去Sogo逛街，經過這家蛋糕店，被櫥窗七彩繽紛的蛋糕吸引住，這裏的蛋糕最出名的是「堂島卷」，蛋糕標榜使用日本直送的北海道忌廉，加上使用大量士多啤梨，我怎能錯過呢？聖誕期間，餅店推出來不少應節的蛋糕除了神誕蛋捲，還有聖誕蛋糕和卡通蛋糕，選擇十分多呢！我買了一件雪國之戀人的白朱古力草莓卷。每件蛋糕放在紙托上，店員細心地以設計華麗的橙色包裝盒包裝，再附上乾冰和叉，包裝十分認真呢！⭐雪國之戀人蛋捲上層以白朱古力碎點綴，仿佛是雪花。頂層有一顆士多啤梨，中間有一層厚厚的奶油和士多啤梨。嚐一口，忌廉香濃幼滑，帶著淡淡奶香，入口清甜順滑，配上鬆軟的麵包，夾層的士多啤梨清甜、忌廉和麵包配合得相得益彰，口感鬆綿濕軟，很美味呢！

放工出銅鑼灣晚餐，食完飯去左sogo行陣見到有間新開業的蛋糕店🍰這間店是由日本大阪傳過來的，經過見到蛋糕十分精美，就買左件黎食啦！😁店鋪的裝潢都很光亮，很當眼很容易見到！而且佈置著聖誕的裝飾，很有氣氛呢☺我睇左一陣都花多眼亂，店員就介紹一下各款的味道和特色，最後我就簡左聖誕節限定的雪國之戀人即是白朱古力草莓🍓卷，賣相十分精緻，上面一層厚厚的白朱古力碎，好濃郁的白朱古力，甜甜的內裡夾雜著士多啤梨😋又唔會太甜，好軟綿綿的蛋糕🍰

今日行銅鑼灣SOGO, 見到Patisserie Mon cher的蛋糕店,不禁駐足所賞。因為每款蛋糕都好美又吸引, 吸睛度十分高。蛋糕多款式, 有日本直送的堂島卷, 是用北海道的鮮忌廉來做。有北海道牛乳雙層芝士蛋糕, 又有Melody圖樣的紅莓慕絲,十分可愛,真是不捨得吃呢! 蛋糕款式有超過二十款可供選擇,真是花多眼亂, 不知選哪款好的。最後我揀了雪國之戀人,即是白朱力草莓卷。我Take away拎走。店員就放上乾冰保冷及放在橙色的紙盒內。外賣橙色的紙盒和紙袋都是美美的。無論蛋糕或紙盒,Patisserie Mon Cher都做到一絲不苟。雪國之戀人賣相漂亮。蛋糕面鋪上白朱古力碎及有一粒士多啤梨。士多啤梨甜的。蛋糕甜度適中, 中間的cream不會有膩滯感, 很香滑。這個蛋糕美味!