望逸咖啡研究所

Open Now

Now Closed

真係好伏，唔怪之得會隔離大排長龍但係呢間空空如也，喺ig 見到各大foodie 都有寫過介紹，去到發現完全不是同一回事。叫咗兩個飯，大大個碟細細個飯，嚿飯大概比拳頭大丁丁🤏🏻，粒帶子比手指公指甲大少少🤏🏻，然後！個三文魚係冰的，完全係啱啱雪櫃攞出嚟，一放入口呆咗，等咗個飯咁耐，結果嚟咗個冰鮮三文魚片。以上淨兩碟仔飯，冇叫嘢飲其他嘢，盛惠$260。 真係第一次食到成肚火。食完完全唔飽，空虛到仲要喺m記食多個餐。環境部分，廁所走廊滴水滴到好似水舞間咁。廁所整潔程度都有待改善🙏🏻。

最近，我在望逸咖啡研究所用餐，原本期待能享受到一頓美味的餐點，卻不幸遭遇了食物中毒的困擾。這次的用餐經歷讓我感到非常失望，以下是我對這家餐廳的詳細評價。首先，餐廳的環境雖然看起來頗具設計感，但卻無法掩蓋我在用餐過程中遇到的問題。食物的味道並沒有我預期的那麼好，部分菜品的調味似乎不夠新鮮，讓人感到失望。更糟糕的是，餐後不久，我便感到腹部不適，隨後出現了食物中毒的症狀，這讓我不得不懷疑餐廳的食材是否新鮮和衛生。此外，我在用餐期間也注意到餐廳的廁所狀況非常糟糕。廁所的清潔程度令人堪憂，地面上有污垢，洗手台的水龍頭也不太乾淨，這樣的衛生條件讓人感到不安。作為一家咖啡館，基本的衛生標準應該是必須遵守的，但顯然這裡的管理存在問題。總結來說，望逸咖啡研究所的用餐經歷讓我感到非常失望。食物的質量和衛生狀況都未達到基本的標準，這樣的經歷讓我不會再光顧這家餐廳。如果你正在考慮來這裡用餐，我建議你三思而後行，選擇其他更為可靠的選擇。希望餐廳能夠重視這些問題，改善服務質量，讓顧客有更好的用餐體驗。

先唔講等食物咖啡時間好耐餐湯蕃茄湯似V8加水咁（都幾唔掂）揀咗最簡單嘅煙三文魚牛油果沙律上菜時嗰朵煙三文魚花跌咗落嚟見到店員用手接住然後行返入廚房不到15秒捧住沙律再出嚟而個沙律音竟然係有菜頭嘅出現佢嘅咖啡係不錯嘅我哋體驗咗佢好有儀式感嘅針筒咖啡枝針筒勁難唧出嚟我哋同行有3杯都有針筒嘅出現頭一枝要店員幫手第二枝要勁用力先唧到到第三杯枝針筒唧爆咗彈到四圍咖啡最後佢冇任何道歉或賠償嘅打算連上過一杯新嘅咖啡都沒有仲要話佢哋從來都冇發生過冇下次

12:50 叫餐要13:45 先到，份量勁少但價錢 八十幾。味道好味，但係性價比嚴重不足 出一杯黑咖啡要等15分鐘，出一杯凍的伯爵茶要等20分鐘，一份意粉要等50分鐘。觀塘lunch Time時間見冇乜人已經覺得唔妥，入去之前只有一張枱有兩個人喺度等緊嘢食，以為都係正常20分鐘內點都會比到嘢食你，點知我要等接近1小時才有食物送到；中途仲見有人喺枱等咗30分鐘以上亦都頂唔住要佢唔好整，然後離開。小店係難做，但係咁嘅速度真係趕客，正常打工仔食飯時間都係12點至2 點，我要等食物接近1 小時但用5 分鐘就食完就真係幾好食都冇用。

我們倆2點左右到了駱駝漆覓食 。 而餐廳冇乜人打算入去試吓，入去沒有招呼 …有個女仔似我哋坐低就入咗佢廚房 。 之後，收銀位那個戴眼鏡手臂有紋身嘅女生拎了一套餐具以及餐牌扔在枱面。側邊嘅食客都望着我們，我們都不知道發生了什麼事….知道美食已經一套氣，飽咗。最後我哋直接走..

真實食評，今次叫左個鳳尾蝦喇沙意粉同埋墨魚汁帶子燴意大利飯，首先講下個意大利飯，真係估唔到工廠區可以食到正宗意大利飯我仲見到佢地既貨係真正既意大利飯，不似其他餐廳以平價的日本米當作意大利飯，正因為用左正宗既意大利飯所以口感很好，好有咬口，就係那個好像生骨的口感，非常好味另外鳳尾蝦喇沙意粉好有驚喜，微辣而又帶有香濃既喇沙味，真係回味無窮呢度既咖啡真係冇得輸，叫左杯朱古力咖啡，香濃適中，咖啡味又冇搶走朱古力味，一個字，正不論是否有打手，親自食過，真心覺得正，見到是用高級用料（因為去洗手間會經過貨倉，八掛見到）餐廳職員態度非常親切友善，一定會再次再黎

好耐無出觀塘，仲要星期日😅 出開街要係觀塘轉車返屋企。老公揾左呢間"咖啡研究所"試下🥰 雖然價略高，伹值得👍真心推介 鳳尾蝦喇沙意粉，好味😋老公覺得有啲辣🤭 本身都係咖啡愛好者，會再黎試其他味道咖啡😉個人選擇是日午餐:鳳尾蝦喇沙意粉半邊春雞配烤豬肋骨可樂咖啡冷碎茉莉茶咖啡

約左朋友收工係觀塘尋找美食，經過一番搜尋，最終選擇了位於駱駝漆工廠大廈的這間咖啡店。我們點了焙茶拿鐵、櫻花蝦蜆肉明太子意粉，以及半邊春雞配烤豬肋骨。拿鐵的拉花非常漂亮，茶味滑順且香濃，味道十分濃郁。櫻花蝦蜆肉明太子意粉在送上桌時，遠處就能聞到櫻花蝦的香氣，每條意粉都均勻沾滿了明太子醬，意粉的軟硬適中，明太子醬帶點辣味，極大地提升了整體的鮮味，是一道值得再次品嚐的美食。至於烤春雞配豬肋骨，春雞口感滑嫩，醬汁甜美，但豬肋骨有點韌，需要花費些時間和力氣切割，這點略感失望。

一開始入去一個人都無，感覺都伏伏地不過都試下啦。一開始上個餐湯兩啖飲晒，不過真材實料嘅都。去到一上帶子牛油果沙律嚇親我，兩粒帶子手指公咁大粒，啲菜同牛油果仲要有浸雪櫃臭味(食落去都有味嗰隻)，牛油果好似迷麻雀，冇牛油果味(都係奇怪嘅味)之後到上個肋骨。肋骨有四條算係幾好食，下面啲薯條好似m記薯條唔知返炸咗幾多次咁，又硬又乾，叉落去會粉碎嗰隻之後餐飲可以叫一杯$38樓下嘅嘢飲，然後一開meun，有五分四嘅嘢飲都係40幾蚊最精彩嘅係我哋食到一半嘅時候，個職員喺我哋面前向住個垃圾桶不停嘔(背住我哋唔知有冇真係嘔到嘢出嚟，但成個場都聽到)

🥗🍝🍵食物出眾靚靚拉花Cafe▫️lunch set免加一，包餐湯及飲品☑️餐湯🥣今日好似係紅蘿蔔湯，味道唔算好濃，但係都真材實料，絕對唔係用粉溝水，會食到一粒粒嘅蔬菜。☑️鳳尾蝦喇沙意粉🍝-$88意粉係用扁意粉，會比一般嘅意粉硬少少，但係口感唔錯，鳳尾蝦有三隻，新鮮彈牙，意粉醬好特別而且好好食，喇沙味好香濃，微辣惹味，食到後面可能會辣到流鼻水🤭，裏面仲有花生碎增添風味。☑️煙三文魚配牛油果沙律配檸檬油醋汁🥗-$78沙律好大份，而且擺得好靚，煙三文魚有幾塊砌成玫瑰花形狀喺面，下面有大量嘅沙律菜、牛油果肉同埋蕃茄仔，全部都好新鮮，配上檸檬油醋汁酸酸地好好味😋☑️抹茶拿鐵/玄米茶拿鐵🍵- +$10午市套餐包一杯$38以下飲品，但係其實得黑咖啡同埋茶係$38樓下。而呢兩杯拿鐵都係$48，所以補咗$10差價。呢度嘅latte拉花好靚，唔係普通嘅心心咁簡單，而係有天馬同埋狗仔，而茶味都好香濃，幾好飲。

本人真實食評味道正常 份量就唔太正常 個飯同意粉 少啲牙力都唔得 隔籬枱都話好生有理由懷疑啲評分留言請打手一對情侶四個意粉四杯嘢飲 每碟嘅份量都多過我嗰份 影晒相打晒燈 見仁見智啦 我唔會再嚟

觀塘駱駝漆工廠大廈的樓上餐廳每隔幾個月就會有舊店結業，另一間不同類型的新食店原址開張。【望逸咖啡研究所】開業大約只有半年，睇個名就知道主打特色咖啡，還要可能是非一般的咖啡。門口的座地小木牌很抵死。室內裝修以灰色為主，帶有濃厚工業風。與工廠大廈的其他樓上食肆一樣，裝潢比較簡陋，沒有花巧裝飾。有幾款主菜、小食、沙律及午餐，食品選擇唔係太多。飲品就有兩頁，其中以咖啡款式最多，貫徹餐廳名字，亦有手沖咖啡及冷萃咖啡。不過，始終唔係在大街大巷或者商場內的精品咖啡店，沒有空間展示不同品種的咖啡豆，甚至沒有黑板寫上是日精選咖啡豆品種；作為一間咖啡專門店，此乃不足之處。午餐包括餐牌上的 $38以下飲品一杯及餐湯。抵食之選。是日餐湯係洋蔥忌廉湯，洋蔥味很淡，忌廉湯底唔夠幼滑、亦太稀，同普通港式西餐廳的出品差唔多，味道很一般。卡邦尼扁意粉（$78）比預期對板。煙肉質素唔係太好，太腍、冇咬口，亦欠鹹香味；但醬汁份量較預期好味。意大利麵亦相當不錯，雖然只是普通現成乾意大利麵，勝在煮麵時間控制得宜，軟硬程度適中。以這個價錢來說，很難有什麼苛求，最低限度好吃過很多港式茶餐廳的意大利粉。菠菜忌廉煙三文魚燴意大利飯（$

觀塘第一餐廳地標駱駝漆大廈，有新咖啡廳進駐，緊係第一時間去試試!!😍望逸咖啡研究所主要做西餐同新派咖啡，食物質素有保證，咖啡都有超多選擇!!☕- 青醬野菌扁意粉 HK$78 🍝青醬味道非常清新，蒜味及黑椒辣味微微帶出，再加上芝士粉，咸香又濃郁!!炒得乾身扁意粉口感偏硬非常正宗!!而且擺盤精美，打卡同味道都一流!!- 菠菜忌廉煙三文魚燴意大利飯 HK$78 🐟🍝菠菜清香與濃郁忌廉完美融合，搭配煙鮮美三文魚，口感豐富多層次!!意大利飯軟硬適中，非常回味!!- 茉莉茶 HK$0 🍵

諗住帶媽咪年三十晚出街食，知道好多餐廳呢日會早收，於是提早搵邊間餐廳有得book，見到呢間啲comment幾好又有得book，於是就book咗，亦都收到confirm booking，前一晚仲收到提醒book咗位添。到咗booking時間十分鐘前就到咗，餐廳職員先同我講佢哋要收鋪要cancel booking，話通知咗openrice喎。你要提早收鋪唔緊要，但打個電話通知我都得掛？完全無通知！去到先同我講cancel我個booking!!! 結果我要帶住個老人家再周圍搵有咩餐廳仲開仲有得食！佢啲好評真定假我就唔知，今時今日可以好多打手，又或者佢啲食物水平可能真係為佢得到好多好評，但我唔會知，因為今次係我第一次去呢間餐廳，但乜都食唔到，間餐廳咁嘅服務水平，我唔會再嚟！

觀塘駱駝漆大廈真係有不少美食，只要你識搵，就會搵到間食過返尋味既餐廳，其中這Cafe「望逸咖啡研究所」便是其中一間了！焙茶咖啡☕️焙茶茶香濃郁，柔和滑順，又不失咖啡香味。白酒忌廉汁藍青口🐚大大隻青口以白酒忌廉汁烹調，來到時已聞到濃郁的奶香和酒香，鮮甜多汁，味道濃郁，充滿清新的感覺。香辣蒜片蜆肉配扁意粉🍝扁意粉掛滿了香辣蒜片醬汁，食到其香辣的蒜香惹味，再有嚼勁的蜆肉，令更口感豐富。半邊春雞配烤豬肋骨🐷🐥一次過有齊半邊春雞和烤豬肋骨，首先燒春雞嫩滑多汁，口感肉嫩皮脆，而豬肋骨則輕輕帶有焦香味，口感柔軟，肉質鮮美，肋骨部位上的脂肪和肉質交錯，讓肉汁更加豐富，甚有驚喜。