Monkey Cafe

Open Now

Now Closed

話咁快呢個星期已過左一半, 渾渾噩噩等放工之際收到個friend whatsapp話約出黎吹吹風, 發下牢騷, 好呀反正我都好閹悶!!! 今日係星期三跑馬地馬場一定熱鬧過銅鑼灣, 一於去Happy Wednesday, 有啤酒飲又有band show睇, 比個腦休息下。朋友提議近近地去馬場對面間英皇駿景酒店, 坐得舒服又有酒店級服務, 行隧道過去只需5-8分鐘路程, 食完仲可以上2/F 露天Garden Cafe繼續傾計, 不過可惜今晚落雨冇開放。喺酒店食dinner識食梗係食steak 啦….我地點左一份鐵板美式什扒配薯條及烤蕃茄, 同埋鐵板肉眼扒配薯條及烤蕃茄, 牛扒七成熟啱啱好, 冇筋超juicy, 跟黑椒汁簡直絕配; 估唔到最讚係個薯條, 超好味, 完個薯條製成即炸上鐵板, 外脆內軟, 下次入馬場前happy hour嘅不二之選。

今晚試下駿景酒店裏面嘅 Monkey Cafe. 主題係70年代經典懷舊餐。 Cafe 就喺大堂裏面， 寬敞舒適。晚餐有七款選擇，包括餐湯、主菜、咖啡或茶，或可加$20格仔餅拼雪糕。餐湯是意大利雜菜湯。雜菜湯內有不多蔬菜，而且味道濃郁，酸酸甜甜同一般雜菜湯有所唔同，有水準。麵包是芝麻包，口感軟熟帶韌度，配上餐湯，唔錯。白汁雞皇飯($98)。 呢款食物係大家一般喺茶餐廳都會叫。白汁囗感濃稠度適中，加上雞柳肉質嫩滑，其實味道可以再濃沃D，同埋配炒飯底就會咁好。鐵板串燒牛柳配薯條及烤蕃茄($108)。有兩大串牛柳，牛柳肉味濃郁，肉質軟腍，而且十分juicy! 加上惹味黑椒汁，真係好正！西蘭花與蕃茄，加上傳統嘅炸薯條做配菜，感覺真係懷舊。即刻諗返起細個嗰陣時候去茶餐廳食鐵板餐，啲黑椒汁倒上去鐵板嗰陣時候，咋咋聲……叫左熱檸蜜，同凍檸水，自己控制甜度。始終酒店同出面餐廳唔同。今次真係喜出望外，估唔到酒店內的餐廳有這麼高質的、收費只是一般餐室的價格，真係抵食！下次要再encore 鐵板餐！ 值得推介！

利申：本人是早一日自己打電話去卜位，用正價$228一位（加一）去食的，完全冇任何免費款待，連信用卡優惠都冇！生日食乜好呢？諗起好耐冇同老公出街食lunch，所以就上openrice search下⋯⋯於是就揾到呢間⋯⋯係屋企行過嚟二十分鐘左右啦。semi lunch buffet 12點開始至2點。我地12:30到，只有一枱客⋯⋯之前睇食評食物款式唔少，可惜今日唔知係因為客少、定我地唔係搭正12點嚟、定收得比較平（$228@，我見之前有D人係比$268），食物款式不多，冇炒蟹，冇青口翡翠螺，冇咖哩⋯⋯食物放左半個鐘已經有少少凍，老公想飲熱嘢，點知湯係肉骨茶，佢唔飲⋯⋯講番D食物⋯⋯沙律菜新鮮，白灼蝦幾大隻，海南雞幾滑，炸越南春卷仲脆幾好食⋯⋯雞肉串燒涷左就一般了，其他食物冇印象。一坐底已經點左主菜，但等左一個小時都未來，waitress過來問主菜是否可以pick up，聽唔明呀⋯⋯原來係問上得未，然後廚師先開始整！牛扒七成熟，結果入面幾生，應該只有五六成熟，不過幾薄，汁幾好味，就冇叫再煎熟D了。另一份是煎雞扒，就麻麻喇，雞扒冇味，D汁都冇味。然後食甜品，只有4種，2種千層糕、2種蛋糕⋯

星期六約了一個剛從外地回港的朋友食飯，兩個人想坐得舒服一點，就去了這間在酒店內的餐廳食半自助午餐，二百多元包十多款前菜、沙律及甜品，再加一個主菜，性價比高。沙律有羅馬生菜、粟米、紅腰豆、煙肉碎及麵包粒等，醬汁就是帶酸甜，十分開胃。冷盤有爽口鮮蝦，煙三文魚、火腿、鳳爪等，款式都算多，而且會不斷refill。小食是炸蝦卷及串燒，蝦卷香脆，串燒雞肉都很腍。海南雞飯及泰式炒蜆，蜆肉無沙肉厚。肉骨茶味道濃郁但偏咸。主菜要了香煎龍利柳配菠蘿他他汁，龍利煎得外脆肉嫩，菠蘿的酸酸甜甜正好提升魚肉鮮甜。最後甜品有三款，亦都有西瓜及菠蘿等，整體性價比高。

近日看到foodie 朋友介紹這酒店內的餐廳有平民價扒餐。剛好今日剛剛行經附近，發現餐廳裝修高雅別緻，環境優雅寧靜，加上主題係我們的70年代-經典懷舊餐，定價只不過是$98-$128，決定一於試試。晚餐有七款選擇，有港式焗飯和鐵板扒餐。所有晚餐都包括餐湯、主菜、咖啡或茶，或可加$20格仔餅拼雪糕/啫喱拼雪糕。餐包是芝麻包。麵包口感軟熟帶韌度，加上anchor 牛油和表面的芝麻，配上餐湯，不錯。餐湯是意大利雜菜湯。這雜菜湯真不錯。雜菜湯內有不多蔬菜，而且味道濃郁，酸酸的，還帶有蔬菜的天然甜味，好開胃呀。白汁雞皇飯$98自小便喜歡白汁雞皇飯，這更是我中學時代必點的飯。這白汁濃稠度適中，加上雞柳肉質嫩滑，配上香軟米飯，就是最簡單又令人滿足的味道。吃鐵板餐是兒時的回憶，最興奮的是看到加汁到鐵板時那滋滋跳彈的聲音，令人更為期待。今晚試試鐵板串燒牛柳配薯條及烤蕃茄$108嘩啦！這鐵板串燒牛柳真的頂呱呱！$108有兩大串牛柳，啖啖肉，正呀！牛柳肉味濃郁，極之軟腍，仍然保留粉嫩肉色，而且十分juicy! 加上惹味黑椒汁，味濃帶黑椒的辛，正！再吃一口炸薯條，薯條薯味十足，炸得唔油膩，沾上茄汁，更加滋味。

過左忙碌既一週，星期六日真係要對自己好點。除左buffet，我仲好鍾意食 brunch，每逢上網見到邊度有brunch我都會去試下~ 有d餐廳既Brunch係提供散點全日早餐、Egg Benedict、pancake 這一類。而我講既係Semi buffet那種的brunch!! 即係前菜、沙律、甜品係自助餐形式供應，另外有一份主菜~上次去英皇駿景酒店既駿景軒食火窩，留意到lobby既Monkey Cafe 有Weekend brunch~ 所以呢個周末我選擇左黎試下，而本月既主題係東南亞半自助餐~ 特別中意呢度既高樓底，感覺特別relax！仲見到楊老闆添~半自助餐少不了既海鮮冷盤、煙三文魚、cold cut~仲有羅馬生菜、粟米、青瓜等配料，可以整一個凱撒沙律!! 配合主題，餐湯係肉骨茶。最近回南天氣正好祛一袪濕。藥材味道濃，真材實料，入口甘香～　泰式蒜香炒蟹真係幾驚喜，係少有喺brunch buffet 出現既菜色~超香炸蒜，食左一邊蟹拑，蟹肉誘人鮮味肉厚泰式炒大蜆用上香草、蒜蓉，有辣椒但比車厘茄中和左，味道唔會好辣，酸酸地幾開胃，蜆肉大隻鮮甜，食左幾隻都無沙~海南雞皮油潤肥美，口感

星期五晚當然要見一見朋友啦，由於友人要OT，所以就選擇左比較方便佢，而又靜靜地可以傾下偈既地方晚餐。知道附近英皇酒店最近有懷舊鐵板餐，完全乎合我地個年紀呀一於去懷舊下個d滋滋聲先!一入酒店見到個環境同裝飾氣氛，已經令人好舒適。有現代畫既同時，亦都有綠色既環保牆，再加上橙黃既燈光襯托，好適合傾偈。當晚我點左肉眼扒7成熟，而友人就點左雜扒餐。跟鐵板有兩款汁俾你選擇，黑椒或洋蔥汁。肉眼扒熟既程度剛剛好，仲見到少許粉紅色，唔韌無根無血水滲出。另外跟鐵板上既配菜有驚喜，西蘭花有用鹽調味，薯條除左夠香脆之外，有d既面係整到燶燶地，令到更加香口，我幾乎全部食晒!

酒店內的西餐廳一般質素都較有保証，所以定價都不會特別便宜，但友人介紹位於英皇駿景酒店內的Monkey Cafe，最近晚餐就以懷舊作主題，價位亦出奇地親民，加一後人均消費都不過百多元，比很多西餐廳都要便宜，重點是餐廳座得舒服也沒有入座時限，最適合跟朋友聚餐，不怕趕住走又要找下場繼續傾。＊＊＊＊＊＊＊＊＊＊＊＊＊＊＊＊英皇駿景酒店位置較為吊腳，它在灣仔和銅鑼灣之間，如果搭港鐵，銅鑼灣時代廣場出會近一點。餐廳晚市提供經典懷舊餐，價錢由$98至$128，包餐包、餐湯和咖啡或茶，加$20還可以有甜品，非常經濟實惠。餐湯精選餐湯為蝦周打魚湯，餐湯濃稠適中，入口順涌，湯內還有少量薯仔。餐包餐包挺軟熟，表面有點穀物，雖然口感較粗獷，但感覺較健康。鐵板肉眼扒配薯條及烤番茄($128)鐵板上枱時熱辣辣，發出吱吱聲，之後侍者會問食客要黑椒汁或蒜蓉汁，之後會在鐵板上澆上醬汁。薯條是舊式扒房的波浪薯條，雖然不香脆，但勝在很多肉。肉眼扒我點了五成，但可能鐵板傳熱快關係，切開時已有七八成熟，所以建議如果真是想吃五成熟，點三成熟比較適合。啫哩拼雪糕($20)雪糕挺滑挺重雲呢拿味，下面則是雜果啫哩。總結，雖然食物都是普

工幹回港後瞓醒一覺後經已十一時，為食太太話諗好要帶我去灣仔東果邊既酒店開餐，因為有間Monkey Cafe呢期做緊東南亞主題既假日半自助餐，大部份既食物都係老公我既心頭好，黎到果然係無令我失望。時間倘早可以快速巡視一下自助食物部，第一時間發現有去骨辣泰式鳳爪，除此之外旁邊更有鮮嫩白晢既泰式海南雞件，越式脆炸網蝦卷，再揭開另一個食物盤蓋，隻隻肥美既炒大蜆絕對係我囊中物，另一驚喜發現原來有泰式蒜香炒蟹。突然間身旁既空氣瀰漫著強烈藥材既味道，什麼都不用說定必係我心愛既肉骨茶，打開煲蓋時一股濃郁既肉骨茶熱氣剎時撲鼻而來，還記得上回到星洲工幹都專程坐車去KaTong找新興肉骨茶，今日一定要係度嘆返幾碗先至大滿足，唯一美中不足既地方就係冇油條相伴，味道方面都有地道既神韻。食星馬泰菜又怎會少得了泰式菠蘿海鮮炒飯，每口飯都炒得粒粒金香之餘還充滿夏日既鮮菠蘿汁及夾雜大量海鮮肉碎，非常惹味可口。其實若以自助部份計，的確比起上環另一間酒店純提供泰式半自助餐來得吸引。除此之外，凍盤還有沙律菜及各式配料供自由搭配，海鮮類還有新鮮且肉質爽口既中蝦及細嫩鮮甜既藍青口，其餘既還有煙三文魚及凍肉盤及意式扒菜沙律等等。食

跟朋友去開灣仔，黎到駿景酒店Monkey cafe醫肚，見食評都唔錯所以試一試，果然非虛，半自助形式加主菜，又有水果又有甜點，啱晒我，正！冷盤有蝦、煙三文魚、各款火腿、沙律菜，配搭任君選擇，熱盤有炒蟹、炒蜆、炒飯、炸春捲，慢慢揀選，仲可以食多幾轉，同朋友一邊傾一邊食，十分寫意！主菜都有好幾款可以選擇，我就揀左烤肉眼扒配燒汁，七成熟剛剛好，唔會太老又唔會太生，牛扒很嫩，肉汁流出充滿香濃的油脂，配上燒汁，一絕！最後我們還吃了水果及芝士蛋糕作甜品，還沖左杯熱檸水消消滯，非常滿意！

在皇后大道東近跑馬地這邊較靜，與朋友本想往銅鑼灣方向「找吃」，但見到原來有間英皇酒店，已過8:30，肚餓的我們決定試試酒店的咖啡室。入座時餐廳約七成滿，大部份看來是遊客（應該是住客）。本打算吃沙律或三文治的我們驚訝地發現有set dinner，還要是以經典懷舊作主題，價錢由$98起，在酒店的outlet這個價錢實在不貴。$98起的套餐有餐湯、主菜和飲品。是日餐湯是南瓜湯。主菜我選了鐵板西冷，果然是經典懷舊，連醬汁也是經典的黑椒汁和洋蔥汁之選擇。我選了黑椒汁，波浪型的薯條也很有懷舊感覺。當侍應生把汁倒在鐵板上而產生大量蒸氣，要用餐巾擋著的情形發生時，我與朋友相視而笑，很有兒時與媽媽吃港式西餐的感覺。

銅鑼灣想搵個唔洗排隊價錢又合理兼坐得舒適，呢度算係唔錯既選擇！响時代廣場行落跑馬地馬場對面，就有呢間英皇駿景酒店，我係超級估唔到原來呢度雖然係酒店，但定價適中，同朋友嚟傾計慢活一流，環境濶落乾淨，嘆杯茶食個餐都幾好架~今晚同FD就食到佢哋收工先走~有個open kitchen俾你睇到佢哋煮吓嘢、出菜既樣，都幾治癒既~雖然有咁舒服既環境，但佢哋既餐原來一啲都唔貴，呢期做既係港式懷舊鐵板餐，講緊都係八十幾至百一二蚊左右~我就點咗個肉眼扒，份量夠晒我食~不過個人就覺得個餐飽同湯係最好味既~南瓜湯好足料，夠濃夠香，餐飽仲暖笠笠好好食呀~最後一杯餐茶慢慢嘆、傾吓計，都係百二蚊埋單，淨係食環境都抵！

重陽節連休三天，真是悶到發瘋 ，老友一個call約吃午餐，馬上飛到去。雖然地點有點隔涉，但環境非常之清靜，在香港是很難得有耳根清靜的餐廳。可能和地點有關罷!這裏星期六日 是做semi buffet lunce，半自助餐主菜方面有四款選擇。價錢位 $228, 另加10%服務費。最近是東南亞周，有肉骨茶， 避風塘炒蟹，海南雞飯 ，泰式辣鳳爪沙律， 有各種西式的沙律菜，可惜沙律醬只有一種，沒有得選擇😐。 有凍蝦和青口 ，煙三文魚， 也有少量甜品咖啡茶任飲。沙律菜很新鮮，凍蝦也鮮甜爽口😋。煙三文魚很新鮮嫩滑👍。主菜我選擇了烤肉眼扒，肉眼扒外面烤微焦香，配合濃味燒汁味道不錯，size還很大塊。可能是酒店的關係，客人多數是外國人，沒有喧嘩吵嚷聲，真是難得好地方。

這是位於酒店大堂的一間Cafe，這陣子在做經典港式餐，看見環境別緻，便上前來一試。首先會送上餐包，餐包微暖，配上牛油，挺好吃的。我點了一個西冷牛扒鐵板餐，牛扒幾大塊，肉質鬆軟，中間沒有血水，可以選擇洋蔥汁或者黑椒汁，醬汁沒有死鹹，以這個價錢來說算是幾高質。配菜的薯條亦炸得香脆，非常好吃。配菜亦有附上番茄和烚西蘭花，賣相整體果然是非常有港式鐵板餐的風味。整體來說這個鐵板餐在對比其他茶餐廳和港式扒房，是十分出色的。

今日倆口子去左英皇駿景酒店入面間Monkey Cafe 食野～ Cafe 你大堂直入。環境好舒服，好似去左藝術館咁～坐得好舒服😌餐廳裡面提供半自助brunch (而家主題係東南亞）同埋單點～ 我地就選擇左單點。叫左一客公司三文治、海南雞飯🐓公司三文治配有薯仔及沙律菜，睇落分量都唔少。不過公司三文治餡料唔算好豐富～如果加返塊豬扒🐖比較好d 。薯條都炸得香脆👍海南雞飯好彩地有雞髀位，肉質都嫩滑、油飯都香～不過飯係凍既。失色少少～海南雞飯仲配左一碗蛋花肉片湯，不過不失啦！配清雞湯或蔬菜湯比較適合總括：環境舒服、食物尚可、價錢合理～都可以下次再黎試下其他野😎