燒味獸

Open Now

Now Closed

第二次下午茶堂食，估唔到過咗午飯時間都有好嘢食，水準keep住。下午茶餐$50雙拼仲有嘢飲，上次叫叉燒燒鵝瀨粉，瀨粉比較似米線質感。今次叫叉燒燒鵝撈粗，皮薄、皮脆肉汁多，完全唔柴，比某中環米芝蓮好食。鵝油撈粗麵豉油好香，重口味但好好食。單點乳豬叉燒飯，乳豬肉厚嫩滑、脂肪少，叉燒半肥瘦軟熟入口化，但呢個係神秘部位唔方便公布，我驚之後食唔到。一啖叉燒一啖熱辣辣嘅飯，絕對肥仔餐。希望keep住個堅持保住水準啊。

之前係筲箕灣食燒味飯通常都係去太興或者棋哥。不過最近原來開左間新既燒味飯店<<燒味獸 >>，本身都無乜特別留意到佢，但佢門口有張海報寫住 ～香港人鼓叉旦喇！～ 呢句宣傳咁特別就令我停左係度睇埋其他內容，佢寫住香港人有幾耐無飲過一杯似樣既奶茶，有幾耐無食過滿意既燒味？正因為呢句我決定要試一下老闆既執着做出嚟既食物。然後我一試過之後竟然係一日之內午餐同晚餐都係食佢，真正做左燒味獸😂 ❥ 午餐 - 鼓叉蛋顧名思意就係鼓油叉燒蛋飯，叉燒三分肥七分瘦，每片都厚厚的，叉燒稍為製作至微微燶邊令叉燒整體更香脆，肉質軟腍又帶有油脂香，而雞蛋佢地都係用左日本雞蛋去做配菜，看似普通既叉蛋飯食起黎係一d都唔是叉但👍🏻❥ 晚餐 - 金牌四寶飯四寶都係同平時燒味店相約包括叉燒，白切雞，紅腸，咸蛋。我覺得如果好鐘意食叉燒既食鼓叉蛋應該會好d，因為四寶飯入面既叉燒相對黎講係無咁厚，但四寶飯就勝在可以食多幾款餸無咁單調。食飽老闆仲請左我地飲左個是日老火湯，原來原價都係$10就有一碗，超值，火候夠之餘味道又清甜，湯內仲有好多配料又大碗，推薦大家黎到都記得試埋🤤

附近有幾間燒味店，見新開幫襯吓啲新店，價格不平，外賣點叫义燒、腩仔上湯麵($67），义燒尚可，惟腩仔變沙梨篤咸到苦，配上一條乾身菜心，真係多謝。做咗一次老襯，算！

因小弟有事去筲箕灣，完成後去附近搵食。當我看見鋪頭櫥窗的燒味，感覺高質，經我向店員再詢問後，堂食和外賣同價，感覺老實，沒有用平價吸引人，不令人如目混珠。當時正值晚上6時20分，暫時人客不多，我安排坐5號卡位，叫左叉燒腩仔飯，汁另上。從食前和食後的相片顯示，證明食物高質。希望稍後我再去筲箕灣，先揀燒味獸為首選食店。

豉叉蛋飯$58叉燒十分高水準，半肥瘦，入口即有滿滿油脂香，juicy不乾柴，必叫叉燒，飯量都蠻多，配流心蛋吃很滿足例湯（+$5)有驚喜，湯水非常清澈，味道十分清甜，加了很多料，有雪耳，木瓜，豬骨，口感豐富，沒有味精真材實料，性價比爆燈，另一必叫燒鵝拼油雞$138油雞肉質夠嫩，雞件多肉，燒鵝燒得皮脆肉嫩，還伴了鵝汁，配了汁味道很香濃，份量都很多，可以3-4 人share乳豬拼燒腩仔$78乳豬好像很搶手，當日去的時候只剩最後一份了，主要都是吃他的脆皮，再配個甜甜的乳豬醬很不錯燒腩仔比較有驚喜，肉量都比較多，表皮燒得很脆口，味道不會過鹹，配上芥末醬吃更醒胃百香果梳打（+$12)超大杯，給了一整瓶梳打水，百香果酸酸甜甜很好喝💰人均: $51-100🌟推薦: 例湯豉叉蛋飯百香果梳打🧚🏻‍♂️祝各位食極唔肥 Nevergetfat ~

今日去細佬屋企玩貓貓，點知佢要開OT，只好同媽媽先食個港式燒味飯。 這間燒味飯聽說是最近新開的，但我比他們的名字所吸引「燒味獸」。店內環境簡約，闊落舒適，雖然滿座，但不算太噪。職員非常友善，老闆娘非常好客，為我們介紹招牌菜。門面的各種燒味都非常有光澤，很吸引！餐牌上有著不同的燒味配搭，相信有一款一定岩你。最後我們決定叫以下食物。1.鵝脾拼燒腩仔飯（ $120 ）鵝皮色澤亮麗，薄身脆口，肉質嫩滑， 鵝香味十足，整隻的鵝脾食落不太油膩。配上秘製的酸梅汁，好味！燒腩仔香口咸脆，不算太肥有幾層的口感，先是脆脆的外層，再來是肥瘦相稱均勻的內層，配上自家製的芥末醬，媽媽最愛。再加一隻蛋（+$5 ），蛋用上日本的雞蛋，食落有蛋香味。2.叉燒拼油雞瀨粉（$52）叉燒半肥瘦，少少燶邊，食落啖啖肉，入口軟腍，帶點甜甜的蜜汁，好味。油雞的雞皮爽，食落有雞味，且有有一種古早的味道。瀨粉尤其是秋冬天大家真的不能錯過，有着濃濃的胡椒味，可以暖胃。3.鵝汁菜心（$20）菜心新鮮，配上惹味的鵝汁。如想清淡一點，可叫上湯菜心。 4.百香果梳打（+$12）百香果梳打用上蜜糖作為糖漿，而非採用一般的糖水，飲落清甜，中和油膩

試完覺得唔錯嘅~ 叉燒夠稔唔硬又有肉汁~ 燒鵝唔太多肉皮都脆~ 雞一般水準有肉~ 飯質中等硬度~ 汁幾香~ 尼排買滿一佰減 $20~ 太夜嚟所以冇晒湯~ 聽門口歌仔話原全冇味精好快賣晒~ 😬😬😬

我今日第一次去 燒味獸 食午飯，地方窄，食物及環境一般。例湯(+$5)、餐飲(+$3) 另外加錢，叉燒還可以，燒鵝沒有肉，餐牌食物單調，只有雙拼飯麵，連四寶飯 都沒有⋯☹️