Video
1-min walk from Exit B3, Sai Ying Pun MTR Station
continue reading
Telephone
69529133
Introduction
This pet-friendly Western restaurant features orange colour to create a young and vitality atmosphere. Besides, it is decorated with animal ornaments, which are IG-able.
continue reading
Opening Hours
Today
11:30 - 07:00
Mon - Fri
11:30 - 07:00
Sat - Sun
10:00 - 08:00
Public Holiday
10:00 - 08:00
Public Holiday Eve
11:30 - 07:00
Above information is for reference only. Please check details with the restaurant.
-
Online Booking Service Not Available
店員令我感覺舒服同輕鬆， 明太子蟹肉意粉， 炸洋蔥圈，食物好味， 意粉亦可以走芝士， 可以慢慢坐住等待我嘅客人， 先來一杯凍美式， 再來一杯凍檸檬特飲， 使我從容不迫， enjoy Sat Lunch
continue reading
相約好友一齊食午餐，揀咗好近西營盤地鐵站B3出口嘅Moojoo Cafe 😄 Cafe地點非常之方便，一出地鐵站轉左就即刻見到😆我早到咗少少，所以預先入去餐廳攞定位先😄之後餐廳已經好快坐滿人😅好友嚟到之後，我哋兩個都係點咗嗰日嘅今日之選套餐- Black squid ink pasta with smoke salmon and roe 😋😋飲品都係叫 Iced lemonade 😋😆食物同飲品，好快就到😄食物質素唔錯，pasta夠彈牙，煙三文魚亦都好好味😋 配埋墨魚汁，整體我都好鍾意，所以好快就成碟食晒😆由於近排天氣都仲係比較熱，所以餐飲可以揀Iced lemonade 係冇得輸☺️如果遲啲天氣轉凍，我就應該會揀熱飲☺️Cafe環境唔錯，感覺舒服，我覺得係一個可以同好友一邊食嘢一邊輕鬆愉快地談天說地嘅好地方☺️😄 我同好友一邊午餐，一邊傾偈傾咗差唔多兩個鐘頭，非常盡興😄
continue reading
西環寵物友善cafe，下午茶時間冇咩人，可以靜靜傾下計；可惜店員服務態度麻麻🥲下午茶Set 價錢合理，小食/甜品可免費配Americano/檸檬特飲～🔹檸檬🍋撻 $38：味道ok，但餅撻唔夠crispy；Cream 亦打得唔夠挺身，有啲水水哋feel❤️明太子雞翼🍗 $68: 明太子雞翼表皮烤到金黃色，口感外皮酥脆，內裡雞肉保持軟嫩多汁，而明太子的鹹香亦剛好滲透入了雞肉中，整體不錯✨🔹Signature Cappuccino $46：奶味太重，咖啡味太淡，唯一係有🐱腳印圖案，可打打卡🔹Americano：咖啡味都係偏淡❤️檸檬🍋特飲：有驚喜，唔太甜亦唔太酸，再配上梳打水，幾fresh
continue reading
今日飯團熊同工作夥伴去咗西營盤嘅「MOOJOO Lifestyle Cafe」食商務午餐。餐廳喺西營盤地鐵站B3出口一出轉左就到，非常方便，另外呢度都係一間寵物友善餐廳🐈🐕，所以有陣時都會見到客人帶同貓貓狗狗入嚟食嘢，而餐廳入邊都會有唔少寵物嘅裝飾，會有貓狗嘅壁畫、貓貓咕𠱸同埋貓架等等 🐈🐈⬛🥯 煙三文魚牛油果配酸種麵包 ($88 + 1)喺煙靭嘅酸種麵包上面查滿咗用牛油果🥑做嘅果醬，有好清新嘅感覺，另外再加上兩片煙三文魚，令到食落去嘅感覺唔會太寡，望落去份量唔多，但係食完都好飽肚，係健康之選！推薦指數：🍙🍙🍙🍝 明太子蟹肉蟹籽意粉 ($108 + 1)忌廉意粉入面加咗蟹肉🦀同埋蟹籽，但係就唔係好感覺到有明太子嘅味道，不過整體味道都唔錯，口感好Creamy，但蟹肉嘅份量就唔多，亦都比較碎，所以無乜蟹味，只係一個普通嘅忌廉意粉 😅推薦指數：🍙🍙🍙🍳 英式早餐配雞蛋仔 ($128 + 1)呢個係呢一間Cafe嘅招牌菜式，英式早餐包括咗茄汁豆🫘、兩條煙肉🥓、兩條腸仔、蘑菇🍄同埋兩隻太陽蛋🍳，另外再加上一底雞蛋仔，啱啱送上嚟嘅時候覺得份量唔多，但食落原來都幾飽！不過除咗雞蛋仔比較吸引之外，個英式早餐就都冇乜特別，個人認為可以一試用嚟打卡，但未必會再返兜 😅推薦指數：🍙🍙🐟 經典炸魚薯條配沙律 ($128 + 1)呢炸魚薯條係比想像中大份量，炸魚都係熱辣辣啱啱炸起，肉質都嫩滑，另外薯條🍟都好夠粗夠脆，味道啱啱好！😋推薦指數：🍙🍙🍙🌭 雜錦香腸拼盤 (四川麻辣、冬陰功、黃咖喱) ($88 + 1)呢個小食反而有驚喜，雜錦香腸有三個口味，每樣有兩條，外皮係脆皮，三個味道都非常之出，例如四川麻辣🌶️真係會有麻辣嘅感覺，但係又唔係辣到要狂飲水嗰隻，而冬陰功🇹🇭就有淡淡的香茅味，黃咖喱🍛就會有濃郁嘅咖喱味，三款嘅味道同腸仔都好夾，值得再試！😋推薦指數：🍙🍙🍙🍙除咗雜錦香腸拼盤小食之外，以上四個套餐都包左飲品，可以揀美式咖啡或者檸檬特飲，以西營盤Cafe嘅午餐價錢嚟講算係可以接受，質素中等，可能對於有寵物或者鍾意寵物嘅朋友會比較吸引 😊
continue reading
又係西營盤🤣🤣係呀，因為我住係呢度，落街就可以周圍搵嘢食！話說呢一兩年係藝里坊開咗唔少餐廳🍴，間間都有特色，今次就食呢間寵物友善餐廳！MooJoo嘅環境係幾好，採用開放式嘅裝修，可以靠窗邊坐又得，坐入面想寧靜啲都得！最緊要係咩？我平時好早起身，呢間算係藝里坊附近比較早開嘅餐廳！我喜歡早上，無乜人之餘，空氣都好啲！今次就揀咗入面嘅榻榻米座位！睇睇個餐牌，幾特別，好多都係以雞蛋仔為主嘅嘢食！早餐就梗係叫All Day Breakfast啦！我哋就點咗3個餐！🩷英式早餐配雞蛋仔All day Breakfast間間都大同小異，但呢間最特別係配咗雞蛋仔，我哋小朋友見到開心到傻咗！🩷煙三文魚、煎蛋配雞蛋仔呢個幾香，開頭見佢份量好似唔算好多，但竟然係飽肚喎！🩷煙燻牛肉、羊奶芝士配雞蛋仔呢個好特別，以為煙燻牛肉會好靭，但咬落一啲都唔靭，小朋友都食到，羊奶芝士唔羶味，入口都好濃香！✨飲品方面我哋就叫咗朱古力鮮奶咖啡☕️、Dirty同一杯朱古力🍫！可能店家係採購咖啡品種時都落咗啲心思，口味唔會太澀，入口香濃！整體來講，呢間都係幾舒服嘅一間餐廳，如果有寵物嘅朋友會比較開心，佢哋都會提供到適合寵物玩樂嘅物品！唯一係比其他餐廳食個早餐貴少少囉，不過咁特別都值得嘅，有機會都要黎試試！環境：⭐️⭐️⭐️⭐️⭐️食品：⭐️⭐️⭐️⭐️⭐️服務：⭐️⭐️⭐️⭐️⭐️價格：⭐️⭐️⭐️⭐️
continue reading