Moreish & Malt (鴻圖道) (Closed)

約左家人喺公司附近食晏，揀左間未試過嘅西餐廳。餐廳裝潢走casual dining嘅路線，氣氛輕鬆寫意，有點似soho啲餐廳仔，入到去發現間舖都幾大。午餐大概$100至$150咁上下，觀塘好多中價西餐都係呢個價。我地兩個人叫左個蜆殼粉一個豬扒。忌廉西洋菜餐湯好似西洋菜鴨腎粥嘅味，好似食緊粥仔咁，幾得意，可惜個人覺得太咸，飲唔晒。檸檬牛油汁肉粒蜆殼粉，睇落去好似好齋又冇咩色水，但食落又好夠味，牛油味重，蜆殼粉質地al dante👍越食越惹味。燒豬扒就冇咩特別，個汁都普通，反而個煙肉薯蓉好好食，有咸香又夠滑，忍唔住清晒！

這家餐廳在我公司附近，話說小女子上個月生日，同事們請我食飯，可惜上個月太即興，無book唔切枱，結果就錯過了...今晚自己班好姊妹為我補祝生日，我就提出這間餐廳，估唔到平日夜晚8:00都爆滿，好彩今次有訂枱，餐廳安排我們6人坐在窗邊，自成一角，感覺幾舒服。不過傾計就要好大聲，唔能夠靜靜地ladies talk服務員既服務都幾，不需用紙去記低客人點既菜色，自己記晒入腦，我們中途又不斷問野，服務員竟然沒漏單，上菜時間都幾快，唔錯唔錯

今日探訪甜品師，得知他正設計秋天畫碟，他會逐漸加入大自然元素，線條簡潔精美，而不浮誇。甜品味道方面亦會有所改進，甜品師用含有vanilla 味的砂糖代替普通糖，增添香味。食材比例亦會調節，為求更符合港人口味。慶祝生日或紀念日，更可提早致電要求寫字。

呢間餐廳裝修都算不錯, 地方夠大, 坐得舒服服務態度好, 店員都熱情!前期會上包先, 呢到刻意講既係,包唔好食太多, 因為包已經會好飽, 呢間餐廳d野食都幾大份下!一陣食得太多包無肚食其他!先講下牛扒先! , 牛扒係400$到 特大件, 我覺得夠4人食左右, 牛扒本身整得好靚,偏向7成熟, 因為厚身既關係, 一定係熟d,如果唔係內心全部紅好難切同食, 係格離會有小小汁俾客人點, 當然我地都可以選擇點海鹽也可以.牛扒基本上係呢到既特色 絕對要試下!豬仔骨, 成條上,好靚, 肉質同表面都整得好好,入面d肉都鬆軟多汁! 所以廚師既技術算係咁上下!佢可以俾你配埋個小食, 呢間就咁睇呢2道菜份量都十足, 所以多d人去食會好d! 份量絕對大份~叫左d牛串黎食下, 整得唔錯既, 肉質十分軟, 有小小入口即溶既感覺,同fd去食每人一粒, 食太多照舊無肚食其他! 肉汁多, 唔硬, 夠易入口甜點方面, 其實呢d係泡芙黎, 入面個心幾好食, 小小甜為主凍凍地既, 不過就唔算太特色, 因為我係其他餐廳都係類似,但味道不錯~整體表現,認真不錯, 觀唐區里我食落數一數二, 價錢不算太高,性價比不錯~ 食物質素高,

甜品畫碟有特色，甜品師並非隨便畫，視覺效果加分！如果慶祝生日，仲可以提早致電要求寫字，啲字寫得好靚架。餐廳氣氛好，飯後一碟甜品，Happy Ending!每次同朋友去吃，我都一定支持甜品！

其實未被某網媒賣廣告之前都食過幾次，見到廣告即刻仆黎食多次先，我諗之後就會勁多人。未坐低就放低咗個番茄香草包俾埋橄欖油同意大利醋俾你點，麵包好軟。今次食咗個夜晚二人套餐包兩個是日餐湯今日係薯蓉忌廉湯，食到啲粒粒嘅薯仔粒入口沙沙既感覺一個雜菜沙律，菜嘅種類都OK多份量相當大，汁唔係普通黑醋橄欖油汁仲溝左啲蜜糖甜甜地幾開胃主菜牛扒同烤豬肋骨之間選左豬肋骨，估唔到都幾大份至少有10條骨，豬肉都林燒得唔算乾身，燒汁多包住肉保留到啲肉汁，配粗薯條但普通。同埋carbonara，佢唔用即食煙肉片粒粒，係成舊煙肉切粒，不過大粒左啲有啲硬，不過就香口好多。個汁濃食落唔漏啲細蔥粒簡直係神來之筆仲係happy hour就叫咗買一送一啤酒都幾抵飲。周圍都多左鬼佬飲酒吹水。是日埋單500，質素OK但係就有啲嘈，晏晝嚟就好hea啲。

朋友又係open rice搵好野食，平時search 觀塘區都唔見呢間野，朋友仔果真犀利！初初見到其他食評話趕客，禮貌差都有少少卻步，因為假日食個brunch 都真係想慢慢食吹水relax下！Brunch menu事後發現仲有好多其他野食呢個menu無既～我地都叫左chef recommend 既餐～下面係粟米，豆，洋蔥同好多好多薯餅粒。不過太熱氣，食剩左好多薯餅。蔬菜絲，豬肉絲加大大條脆皮熱狗腸，好juicy好正！唯一缺點係太多肉🙊🙊🙊食到中間我挑走左少少肉，可能食肉獸會更愛！仲有薯條大大條好香口，不過咸左少少。最後叫左杯Flat white, ok ge,唔夠熱～真心唔錯，服務都好好，無趕客，坐左接近3個鐘已經想encore再食

Having a devilicious #brunch on a cozy morning with #partnersincrime 🤤🤤🤤 we can hardly finish everything ... 🙈originally planned to have crazy shake and bagel at macau but trip got cancelled and surprisingly u got me and had the same pick 😳😳.🤤🤤🤤Have this #monstershake is completely devil👻 after having a marshmellow choco pie and kinder... already half filled 🤦🏻‍♀️... the chocolate is a bit too sweet for us, but it's chocolate 🤷🏻‍♀️ of cuz much sweeter than tea without sugar 🤣 .😳😳😳MM madness burger

今日中午又試新野。有別於一般新的觀塘餐廳，呢間地鋪令人眼前一亮。環境較亮，好有朝氣活力的感覺。Lunch Set大部份 $100-150 ，唔算好便宜，但是卻值回票價。首先來的是鬆軟麵包，再配黑醋橄欖油。濃郁的餐湯。香煎三六魚，揀咗5成熟。但原來都唔會太生，個表面煎得幾脆，切開又多汁，好味喔！上面有蟹肉絲和蟹杍，下面鋪著的是煎紫洋蔥，配菜一樣出色。雜菌黑松露闊條麵好香好入味。不過奶油太多，好快好飽。另外，侍應好細心和有耐性。我們兩個女孩子吃不完，想打包。他們會問清楚想放兩樣一起，還是分開。放在一齊還會用兩塊麵包隔開食物。

和家人一星期一次的聚會，當然要食好啲，一於試下朋友介紹的西餐～水牛城雞翼味道夠，小辣，不過我覺得醬汁多咗啲，但可以接受蟹肉脆餅蟹肉好多，餅亦香餅，屋企人都超喜歡炸蝦反而比較失色，炸粉多，蝦也不太爽口，可能因為粉多吧呑拿魚沙律吞拿魚有輕微烤過，沙律汁都好好味，份量亦足豬肋骨唔乾身，有肉汁，好味Cowboy ribeye 1KG肉眼扒五成熟，烤得剛好，有肉汁又冇太多血水，熟成度控制得好好！順帶一提，佢地個炸薯條好好食 而且工作人員個個都好好，會主動介紹特色食品及優惠。最後我哋仲加左個甜品拼盤，因為覺得主菜唔錯所以甜品的都不會太差，果然，甜品亦很贊很高興觀塘有如此有水準的餐廳，一於擇日再戰！

飯後同朋友叫左甜品拼盤（158元），有1件cheese cake, 3條閃電泡芙，是日甜品，雪糕1球，1件檸檬白朱古力mousse cake. 算低吃！芝士蛋糕好軟滑，香濃，配藍莓醬一流。閃電泡芙醬好似係茶味，茶味濃，清新！58元有三條，絕對值得一試。雪糕正常甜味，好滑！是日甜品有三，四件。酸酸甜甜，外面有椰絲幾開胃！蛋糕入口好香。lemon mousse有兩層，上層應該係白朱古力慕斯，下層有檸檬酸味，幾夾！

awesome restaurant / bar with lovely staff. descent prices, good service. really enjoyed it. I went with 2 other friends, everyone are quite happy with a choice. good job!

天花嘅燈飾，為漆黑中增添幾分情調 Crabmeat Tostada餅底香脆，餅面有大量蟹肉同晶瑩魚子，係好好嘅開胃菜。燒豬肋骨肉質鮮嫩而大份，用刀一切就開，可以睇到係D肉幾嫩滑。甜醬適中，幾好呀。Cowboy Ribeye1 kg 超大份量，好彩同行多男仔，先食得哂。外層香煎，鎖住肉汁，食落非常juicy。MM Madness Burger又係幾大份嘅Burger,包皮軟綿，配上芝士同香煎嘅漢堡排，真係食指大動。

之前黎咁多次MM都係夜晚 鐘意佢食物正氣氛正 今次2點度黎食lunch 唔係好多人而空間鬆動所以唔會好嘈 感覺舒服Lunch set都跟上有莓粒係入面既包 點黑醋同橄欖油食 好開胃 餐湯揀左蕃茄濃湯 杰身香濃 香辣忌廉汁大蝦闊麵, 羽衣甘藍忌廉汁份量唔多 辣味亦唔係好重 但杰身既汁足以沾上每條闊麵 而健康既橄欖油取代左醬汁既角色 令麵條濕潤 調好味既大蝦數量幾多 每隻都厚實爽好 點上碟底既橄欖油食更加香 羽衣甘藍本身幾硬身又苦苦地 不過切成細細片連埋意粉一齊食都幾易入口 又再增加左健康元素MM既魅力令人lunch time都想摸摸酒杯底 坐到唔想走🥂

本身今晚約左幾個舊同事聚舊，但不幸遇上地鐵故障，打俾餐廳，餐廳好好咁話幫我留枱，加分我地最後都係遲左幾個字到。餐廳位置都離地鐵站有啲距離，都要行2，3個字先到。雖然今晚係平日，但從餐廳既透明玻璃窗見到入面已經有八九成枱坐滿客人，當中有唔少係外國人。入面既燈比較暗，播住英文歌，環境舒適，令人好放鬆呢間餐廳係主要食墨西哥美國菜，呢個組合幾特別。坐低冇耐即有麵包食，麵包好鬆軟，既有香草味又有夾雜住小茄子肉係麵包入面，配埋橄欖油及黑醋點黎食，味道好夾Sharing plates我地叫左牛油果三文魚籽蟹肉脆餅。外表望落去，幾colorful下，牛油香口，三文魚同蟹肉fresh，三樣野mix埋幾夾喎！個餅底脆而香口另一樣小食，就叫左個snacks platter。呢個拼盆好豐富，有3樣野食，仲有唔同醬可以點。雞翼有2款可以揀，有亞洲風味同水牛城辣雞翼，我地揀左後者，一咬落去雖然都幾辣，但好野味，忍唔住會食曬吉列炸蝦，外脆而不油膩，蝦爽口！另外，仲有墨西哥芝士洋蔥餡餅，餡料豐富，好有口感，配埋牛油果醬，味道一流扒類方面，見menu廚師推介左燒日本穀飼有骨豬鞍，仲有4款小菜可以俾你揀，我地揀左炸薯條。