盛八日式燒肉放題店 (Closed)

Surely had a great wagyu dinner at Morihachi Yakiniku.The beef was tender and juicy , some of them just melted into my mouth.The seafood tasted fresh.I also tasted the Korean style of foie gras fried rice but only few pieces of foie gras provided. Special recommendation goes to egg tofu with lobster salad, matcha soba ,matcha cheesecake & signature ice cream (rocky road w/ caramel).Overall, I enjoyed the dinner so much so Noms!!

今日趁放假去銅鑼灣盛八食 lunch, 和老公各 order 咗個 lunch set, 一路食覺得啲燒肉無咩突別，但最唔好的係啲侍應服務好差。成間餐廳得三枱客，無 service 之餘，明明跟餐有餐飲提供，食完埋單都唔講，後嚟睇番佢地樓下嗰個 menu, 先發現有餐飲，於是上番餐廳問番佢地，佢地 (好求其) 話唔記得問我地飲咩，完全覺得自己冇錯gum，雖然最後俾番杯餐飲我地，但感覺極差！

系銅鑼灣行完街好想食肉 就上openrice見到呢間評價幾好 之前都成日見d food blogger推薦過 於是決定一試 平日6點半上到去 唔使等位 不過話限時兩小時 第一次來唔知點咩好 喊佐個二人套餐 發現原來都唔平 仲要加一 要七百幾蚊 套餐選擇系固定既沒得改 沙律尚算新鮮但係味道麻麻擺盤亦唔好 有個黑松露燒玉子 以為係玉子燒 本來好期待 但原來係蒸蛋 仲要自己燒 問個服務員一問三不知 牛肉炒麵又唔知會比炒飯定炒麵 牛肉炒麵係炒拉麵 味道有d過甜 搞到d牛肉好似用糖漿炒甘 好失望 燒肉方面 帶子好鮮甜 牛既部分全部都好好味 值得一贊👍 但係有個唔知煙肉包菠蘿 應該用酒浸過 但係一燒係甘起火 舊肉係好碎癡曬係個網到 燒完係得舊菠蘿 仲要好難食 最後個甜品奶凍奶味幾香濃又幾好味  總括而言如果要來食唔好喊套餐 主食 燒肉淨係喊牛已經夠 但係價錢真係貴 仲要一開始未食已經叫你join會員 join佐啊我 但係唔會再食 

同朋友收工都收得遲，又突然好想食燒肉，咁夜就食盛八佢九點半就會有宵夜時段，全部餐牌上7折最難忘就係和牛同埋個蠔湯但湯非常有驚喜，完全無蠔水味粒蠔仲要勁重味，好香口和牛入口即溶，必叫！

天啊！終於考完試喇🤗考試期間已經search定post exam target restaurant😎 考到9:30pm, 過到銅鑼灣10:00pm剛好係盛八宵夜優惠時段！fit到漏油當然二話不說即刻吹雞約埋班好友即book枱就係俾呢個宵夜優惠吸引左，決定試下！我地8個人一坐低就每樣特價食物叫一碟先，諗住好食嘅就encore！果晚係星期五，無得叫上面果個優惠套餐（不適用於星期五六及假期前夕）上台好吸引嘅貴族極級和牛肩胛，好好食！$79碟好抵食～我地叫左好多碟呢個係book台時已經預留嘅A5和牛（$169/碟）呢塊牛好薄燒完食落口入口即溶口感好滿足但牛味唔夠明顯燒左好多唔同種類嘅嘢食，始終都係牛最出色野飲都有半價，如果叫主餐牌嘅食物就7折，全單再原價加一埋單$2600，每人$325食到捧住個肚

朋友買左團購卷就過期, 佢愛人又唔得閒, 咁唯有益我啦, 哈盛八幾年前食過, 印象非常之好今次再黎回味下, 一D都唔失望食材非常新鮮好欣賞佢地每種肉都會選用唔同既香料去調味唔會食黎食去都係得一隻味同埋會因應唔同既食材切成唔同既厚薄大小可以食到最嫩既口感我最鍾意食既係牛肋條, 冇咩油份, 但食落口一D都唔韌, 充滿牛既蘇香雞翼都好正, 小小微辣, 帶D香草香海鮮好新鮮蠔冇沙, 夠肥夠大隻, 不過我地唔識足個火喉, 食落有DD韌帶子好彈牙, 牛油香啱啱好, 好正蝦我平時好少食, 怕麻煩同埋出面好多都好梅, 但哩個好新鮮喎, 就咁用海鹽調味已好夠, 我都唔怕麻煩食左幾隻另外因為有小朋友, 我地就叫左D澱粉個炒飯竟然幾好食喎, 好夠味, 帶D紫菜同蔥香烏冬就正常冇咩特別雪糕仲有我最愛既豆腐口味添, 都幾驚喜今次我地係食午餐, 本身仲以為選擇會少D估唔到都係一樣咁滿足非常抵食

今天五一勞動節有假期, 晚上我們去吃日式燒肉BBQ,  慶祝一下, 銅鑼灣最旺, 我們要湊熱鬧, 去軒尼詩道Sogo 對面的盛八日式燒肉店, 餐廳位於三樓。裝修以深啡色木為主, 入門有一間獨立房, 內有卡位, 長方枱及吧枱, 位置擺設不錯, 燈光柔和, 座位舒適, 只是坐下時, 枱面感覺有些 sticky, 好像欠些清潔,餐廳用日式鐵網燒爐, 由於裝修設備不是很日式, 看來帶有些韓式元素. 店員送來餐牌, 第一頁有盛八宣言：將肉塊烤至八成肉汁, 再烤另一面, 然後默數八秒, 待肉塊烤至八成熟 , 即可至最佳效果。餐牌圖文並茂彩色價錢中等，我們点了以下食品：先來日本煎綠茶及盛八的自製醤汁: 有鹽燒汁, 檸檬汁, 果味燒汁, 三款味道不錯 燒汁牛肋骨肉, 唔算特別好味, 正常品質.岩鹽青檸燒豚拖羅, 醃料既好味道, 肉質也不錯, 略帶甜味, 入口佳.青草牛油燒大蘑菇, 磨菇很大隻又好肉, 切分成 8 份, 塗上牛油,  邊燒牛油邊溶, 大家一齊吃, 入口帶牛油味, 頗香滑.再飲口啤酒, 大家碰碰杯, 快樂過神仙.日本產A4佐賀和牛肉眼，原價268激安價168 6折肉質好, 肉同脂肪比例也不

香港有唔少日式燒肉店，不過質素同價錢差距都幾大。雖然無食過好貴既燒肉店，不過盛八的確係有質素也唔太貴既選擇。會席二人盛金目鯛雙色蟹子蝦沙律花之戀山葵龍蝦米紙卷巴馬臣火腿蟹子沙律前菜幾特別，而且味道也不錯。特別喜歡耶個花之戀，用魚生包著蝦沙律，味道豐富，口感有層次。香草牛油帆立貝韓式辛辣醬魷魚究極車海老佢既韓式辛辣醬不太辣，魷魚很入味，不會怎點汁也很不錯。帆立貝鮮甜肉厚，香草牛油汁再加上檸檬令鮮味提昇。建議可以點佢既檸檬汁，會令帶子更鮮甜。海老應該係整盤既主角之一。海老差唔多由中指到手腕咁大隻，食材也算幾新鮮。澳洲貴族和牛里肌肉芝士黑七味砂肝韓式泡菜醬雞腿肉香草牛油大磨菇和牛當然係日本燒烤唔少既重點啦，牛肉軟身入口即溶，加上佢既燒肉汁簡直正。泡菜醬雞腿肉，不用怕會很辣，其實也只是輕輕既調味，用雞腿肉就算煮得太熟都唔會好硬。日式咖啡牛舌炒飯炒飯咖喱香味十足，牛舌也炒得夠林，調味再加強點就更好了。唔夠味可以加少少燒汁，這樣食也不錯。最後有盛八自家製奶凍，口感不錯，有誠意的。用不太貴既價錢有咁多款式既肉食，自己燒亦都係幾過引。喜歡日式燒烤可以試試的。

上之吃過旺角的盛八都不錯, 今日路經銅鑼灣, 最後還是選了盛八. 是一間樓上店, 不過客人都不少.我們點了套餐 : 會席, 二人盛. 總括來說, 如果好肚餓或者貪心想試很多款式, 叫這個餐就最好. 海鮮和各種肉類都齊. 巴馬臣火腿蟹子沙律沙律菜雖然種類不多但夠新鮮. 巴馬臣火腿鹹味有少少單一，不過配上大量蟹子，加上沙律醋和油的味道很好, 水準高，味道和西餐廳有得比.金目鯛雙色蟹子蝦沙律花之戀拼山葵龍蝦米紙卷前菜賣相非常漂亮， 金目鯛是這個餐其中一個亮點. 友人本來奇怪沒有魚生豉油, 其實和沙律一起吃，酸酸的己經很好味. 山葵龍蝦米紙卷，柔軟的米紙包着沙律菜，配上柚子醬汁, 味道不濃烈, 令人胃口大開。店員把火爐一開, 意味著我們的前主菜要來了. 店員還細心解說, 那種食材要放中間, 那種要放旁邊.香草牛油大磨菇用錫紙盤上很特別, 直接放上鐵板上烤就可以了. 大概見到香草牛油全融掉, 我們還反一反磨菇, 多烤一會便吃. 磨菇味道淡淡的, 咬下菇肉部份時, 汁料都在口腔裡爆開, 好juicy 呀.究極車海老相當大隻，肉質彈牙勁多蝦膏, 啖啖肉。大蝦中間夾上香草牛油，我們本來以為牛油融掉便

回想起讀書的時候，與幾個中學好友無論上學、放學也糖痴豆般一起，當各自上到不同的大學，見面亦越來越少，直至工作後，各有各忙，一年見面的次數更屈指可數。這晚竟可難得即興地相約其中1位友人K小姐晚餐。還記得中學時，K小姐最愛吃燒烤，故就帶她來到盛八刷日式燒肉。餐廳位於銅鑼灣SOGO對面的食肆商業大廈內，也不算太難找。踏出升降機，日式的裝潢配合暗淡的燈光捲入眼簾。內裡裝潢亦洋溢著日式東瀛風格。侍應安排我們到2人枱的位置，「會席二人盛/$688」其實也不錯，前菜、沙律、海鮮、燒肉、甜品等通通也包括，亦不用想太多。每人一碟醬料，有燒汁、檸檬汁及蒜可分別蘸上不同食物，燒汁一般是用來蘸上牛；海鮮用上檸檬汁提升鮮味；豬肉、雞肉就用蒜汁，當然各人口味也不同。最先到的是巴馬臣火腿蟹子沙律，沙律菜新鮮，混合和風醬及Wasabi，微鹹酸酸挺開胃，不過Parma ham較薄身，油脂不多。小妹十分欣賞這碟前菜－金目鯛雙色蟹子蝦沙律花之戀，賣相佳，金目鯛刺身包著蝦沙律，再放上蟹子，要讚的是當一夾花之戀時不會輕易散開，吃得出金目鯛的鮮味之餘，蟹子亦非常新鮮，每顆咀嚼時都卡卡聲，做得不錯。一併上的山葵龍蝦米紙卷，米紙卷色

盛八都有唔少分店，今次foodki食既係佢地既會席2人盛。整個set有金目鯛花之戀，蝦米紙卷，火腿蟹子沙律，牛油磨菇 ，和牛里肌肉 ，芝士七味粉雞匾，泡菜醬雞肉 ，牛油帆立貝， 辣醬魷魚 ，大蝦，牛舌炒飯同埋自家制奶凍。食物中規中舉😂。foodki最滿意係和牛😍，辣魷魚同雞肉。和牛肉質鮮嫩，脂肪比例恰到好處，可惜得四塊😉，根本完全唔夠食。魷魚同雞肉好味既原因，絕對係因為佢地隻醬汁好食，份量亦多比夠多。其他食物都唔錯😍，合格啦。香草芝士蘑菇但好可惜，，呢個飯絕對係拎黎塞飽你個肚，份量好多，炒飯無乜味😂，無鑊氣，應該係放係電飯煲拎上黎😂，不過都合理既。仲有一點盛八既裝修非常唔錯👍，有日式味道，坐得舒服，環境非常好。地址：銅鑼灣怡和街2-6號英光大廈3樓

與老友二人在銅鑼灣相聚，這天來了盛八日式燒肉店。這裡店面以木為主，十分平實！一看餐牌，有個會席二人盛 ($688, VIP$538)，實在太好了，不用想吃什麼！我們就直接點這個了！前菜 － 金目鯛雙色蟹子蝦沙律花之戀拼山葵龍蝦米紙卷金目鯛雙色蟹子蝦沙律花之戀有點驚喜，首先賣相己不錯了，壽司飯以蝦沙律代替，每一口都是蝦肉，加上爽口的金目鯛，口感味道同樣十分清新！山葵龍蝦米紙卷，薄薄的米紙包着沙律菜、青瓜絲、蘿蔔絲 和梨絲，不少得還有龍蝦肉，配上柚子醬汁是十分清新的味道。看似不清新的前菜，但驚喜是味道十分清新！這個有特色！沙律 － 巴馬臣火腿蟹子沙律這個有點失色，因為蟹子不見了！只有沙律菜及巴馬臣火腿，不過以清新的沙律菜配上有鹹香的巴馬臣火腿，再配個沙律醋，味道也不錯！燒烤拼盤香草牛油大磨菇 ／ 澳洲貴族和牛里肌肉 ／ 芝士黑七味砂肝 ／ 韓式泡菜醬雞腿肉 ／ 香草牛油帆立貝 ／ 韓式辛辣醬魷魚 ／ 究極車海老香草牛油大磨菇 － 香草牛油份量剛剛好，不會太濃地蓋了大磨菇的鮮味！究極車海老 － 相當大隻，肉質彈牙鮮味，可惜當天的蝦膏沒預期中的香味。特別在已經開邊夾上香草牛油，令燒時很香。其他

由於join 左做會員，要快d用積分, 所以盛八成為我同老公嘅飯堂。因為我地都係牛魔王, 所以全部主菜都點左牛, 牛，同牛。正！！P.S. 個人喜歡叫碗白飯去襯托番牛嘅香味

很久沒有跟好知己吃飯, 大家又在港島上班, 而且她說很想吃燒肉, 所以就來這了, 之前在尖沙咀吃過蠻不錯, 今次就來銅記分店試一下!!因為平日的日子, 所以不是太多人, 而一入門口發現有一個比較舒服的大房, 應該是比多人BOOK的, 好自家一角的感覺, 如果多人不防試一下, 但應該有最低消費; 環境間間分店都差不多以木色日本居酒居及燒烤店格局為主, 雖然好像地方跟尖沙咀比較沒有這麼大, 但還是很舒服的, 我們被安排了四人座, 坐得舒服點~~看到有二人餐, 感覺蠻抵的就叫了, 雖然不是VIP會員, 但貴少少同散叫應該餐是抵及多野食一點, 餐枱放了三款醬料, 醬油(牛肉)、檸檬柚子(海鮮)、普通醬汁(豬及雞), 小妹覺得後者最無咩味道, 可能本身雞已醃過了, 前兩款感覺較出……巴馬臣火腿蟹子沙律~~~先來一個沙律, 感覺幾新鮮爽口, 而且還加了醋及蟹子作配料調味, 幾清新的感覺, 加上很少見到有巴馬作配料, 燒肉之餘喚喚口腔之作……金目鯛雙色蟹子蝦沙律花之戀~~~本來我唔太鍾意吃生野, 不過見到金目鯛個色幾靚同埋係包住沙律, 所以就放膽吃了, 很不錯的味道, 鮮味再加上混合的沙律, 除了平

同事早前很有心與我慶祝生日, 今個月輪到她生日, 當然也跟她慶祝, 帶她吃最喜歡的燒肉, 亦趁機會談談她新工作的情況。今次選了一間日式的燒肉店, 一出升降機門以看到凹凸木條的牆身上掛了店名, 還有菜單和設置數張木櫈。走進店內, 環境光猛, 右邊全是四人卡位座, 中間和左邊則有多張二至四人枱和一個L型的吧枱, 最盡頭還有兩大張八至十人枱, 枱與枱之間空間甚多, 地方寬敞, 坐得很舒適。不過, 每枱並沒有抽風設備, 而在燒烤時, 爐面相當 "慶" 手, 攪到不停縮手, 真的不知如何才好…… 我倆不用費腦筋點菜式, 因一早已在食評上看中了會席二人盛 ($688, VIP$538), 直接點菜吧! 二人盛包括有前菜、沙律、海鮮盛合、燒肉盛合、御飯和甜品, 看來很豐富。******************************率先出場是一客清新的巴馬臣火腿蟹子沙律, 雜沙律菜上加了數片細小的巴馬臣火腿, 但不見蟹子 的踪影……沙律菜 不算太新鮮爽脆, 幸兒車厘茄 清新多汁, 而加入醋汁 份量剛好, 還灑上黑胡椒粒, 酸咪咪中帶點微辣。數片薄而細小的巴馬火腿 色澤紅潤, 油脂不多, 略為亁身,