MOZY Cafe & Bar

Open Now

Now Closed

經過利園蘭芳道，見到有間新開嘅日式木系cafe, 好靚好chill, 決定入去試試！佢個set lunch 定價係銅鑼灣嚟講唔算貴set lunch 我哋叫咗一個意粉一個沙律，包湯： 沙律，同一杯咖啡，都只係百幾蚊咋！而且賣相好靚，好啱打卡，見到會食指大動 👍🏻👍🏻👍🏻食物質素方面，竟然係性價比極高！ 個意粉係用安格斯牛肉整，百幾蚊都食到安格斯牛肉呀，好抵食！沙律方面都好大份，用料十足而且新鮮！絕對感受到大廚對食材嘅用心、講究執著！室內裝修都好日系，好適合嚟同閨蜜打卡！聽老闆講，呢度會不定期轉菜單，好期待下次嚟試新嘢！ 😝😝

銅鑼灣蘭芳道新開嘅Cafe，位置好方便。去開利園附近順便就去試吓呢度嘅Lunch Set。店內嘅木色系列桌椅及擺設都幾吸睛，我嘅焦點放咗喺窗邊嘅盆栽同埋牆上用綠色植物製成嘅裝飾品上。再行入餐廳少少就會見到有少量室外座位。這家Cafe提供嘅食物唔見有多士、貝果、酸麵包之類呢啲Cafe常見嘅食物。我反而覺得佢哋喺餐單設計上幾有心思 - 午市套餐分開咗3類: Light, Medium, Rich; 味道由輕至重，食客可以根據個人口味去選擇。▫️北海道帶子意大利飯配櫻花蝦 (HKD138) - 落單時已選擇了番茄湯作頭盤，天氣凍飲碗熱辣辣嘅湯真係好正。 意大利飯每粒都沾滿醬汁，口感軟滑有咬口。配上煎帶子一齊食好惹味。套餐跟熱飲一杯 (咖啡或茶)。 呢度嘅咖啡選擇唔只限於Americano，連Flat White, Latte都可以揀👍🏻我揀咗杯熱Latte慢慢嘆。午市套餐只限星期一至五供應(11:00 - 14:30)，星期六、日另有提供Brunch Menu。

銅鑼灣蘭芳道最近都有好幾間轉左新餐廳，經過見到呢間啱啱11月中開既Cafe，比門面既木系裝潢吸引左就走入去試新嘢😋而且門口旁既櫈都幾igable架🙌🏻餐廳入面都係走簡約木系風，加埋牆壁既綠草環境好舒服🌱不過可能啱啱擺完聖誕裝飾，d枱枱櫈櫈都係閃粉有少少扣分… 當日見到除左lunch menu之外，原來下午三點之後仲有數款輕食，搵日撞啱時間又試下先😀.炙烤法國黃油雞配黑蒜薯蓉 HKD138雞脾煎到金黃色，皮脆肉嫩，幾juicy🐓底下墊左混合左黑蒜既薯蓉，唔會好膩，同醬汁幾襯；不過如果份量多少少會好d，食完有少少空虛🥲另外Lunch set配是日餐湯或者沙律，而我揀左前者，當日係黑松露忌廉湯，都食到淡淡黑松露味；同埋餐飲揀左breakfast tea，黎到一壺幾得意自己沖出黎慢慢嘆，飲完一壺唔夠仲可以加水添～.