Video
6-min walk from Exit B1, Kwun Tong MTR Station
continue reading
Opening Hours
Mon - Sat
08:00 - 20:00
Sun
Closed
Above information is for reference only. Please check details with the restaurant.
因為腸胃不適，返工lunch去買外賣，要清湯米粉加底結果外賣拿回去公司打開是咖哩汁(本人最憎咖哩) 都算，再行返去叫佢換，換完打開見到d墨魚丸是8成黃色2成白色好明顯係把我之前那碗d餸直接過到新那碗我當場已經問係咪張舊餸直接過了去新碗到，d職員說不是當我拿出門口數步忍不住再打開仔細睇下 ，真係見到d餸呈現黃色真的是咖哩汁浸過再回頭去店中，個男廚直接出來說是正常是這樣，我問佢為什麼白色墨魚丸清湯會有8成黃色2成白色？ 他說煮時是這樣什麼什麼我一開始已講明我是唔食咖哩的，個男廚都要死頂，沒打算換一碗真正的清湯給我我就算了，當我被騙，以後不會再去大家也小心(病先來玩我，真黑仔)
continue reading
今日lunch嗌左三餸外賣，其中一樣餸係生菜， 打開得一條都算數 ，食到底仲要有隻有翼有腳既昆蟲。唔想肚屙真係唔好食 衛生差到咁 打去反映仲要無啲禮貌，已轉介食環處處理
continue reading
果日返工做野晏左食lunch 變左食下午茶 行過見到30蚊3餸麵仲有汽水送 真係抵到震 嗌左豬紅魚蛋豬皮粗麵 份量都頗大 而三種食材都好高質 三樣都好入味 如果係觀塘返開工 可過去嘗試一下 CP值真係高
continue reading
呢個價錢黎講($30)真係平, 湯底好味, 足料 👍🏼食過3次 今次食完覺得佢地好好 要推介中海日升中心最入面 可能好多人會錯過事情係差唔多6點 南記已停下午茶 咁我就再去食B仔 蘿蔔蠔油齋菜餃米,汽水$30拎麵果陣（自助既）阿姨話1隻餃子爛左補隻雞翼俾你好唔好我覺得爆左少少無問題 所以我話唔食雞翼架唔洗啦😊佢就話轉冬菇俾你啦好無呀我都熱情難卻 呀咁好啦 多謝多謝！佢仲話唔洗客氣 叫我食飽d呀可能佢見我瘦 聽到果下真係幾暖馨✨本身已經好平! 而家仲加多幾件冬菇俾我🙈🙈冬菇好滑好滑! 最後食哂成碗 真係好飽 !😋
continue reading
隨著越嚟越多公司搬到觀塘，呢區餐廳啲價錢亦越食越貴📈。早幾日去開觀塘，想食平啲啲，喺朋友介紹下，嚟咗呢間平民價啲，專門食車仔麵嘅小店🍜。.呢間車仔麵店位於中海日升中心地下，店舖唔算起眼，要直行入到最尾先搵到佢😯。店內有三款套餐可選擇，你亦可自由組合自己鍾意食嘅餸同麵😋。.#細B套餐($48)，餸菜都幾豐富，一碗有齊豬皮、豬紅、魚蛋🍢、蘿蔔同時菜🥬，數量都唔小添！當中陳皮魚蛋肉質紮實彈牙，蘿蔔清甜入味，阿叔鍾意👍🏽！不過最鍾意都係呢度嘅辣汁，你知阿叔唔辣得😅，喺店員極力推介下加咗少少呢度嘅秘製辣汁，店員果然無介紹錯，辣汁極度惹味，又唔會太辣，各位一定要試！😙.#香茅雞翼($25)，隻隻都肥嘟嘟嘅雞翼🐔，全部即叫即炸，新鮮熱辣，外表金黃色，內裡肉質鮮嫩。👍🏽.#甜酸齋($8)，麵筋軟腍，吸收晒酸甜汁嘅精，開胃好味！👍🏽
continue reading