飯先生

Open Now

Now Closed

【大角咀•飯先生】@ππππππππππππππππππππππππππππππ大角咀性價比高包羅萬有主打米飯外賣小店和風一口芝士野菜燒汁慢煮雞扒丼蘭王醬油漬牛肉丼首先，和風一口芝士給人一種清新的印象，搭配芝士的鹹香與和風料理的清淡口感非常有趣。至於野菜燒汁慢煮雞扒丼，慢煮風味通常能帶出食材的鮮美，而野菜燒汁的獨特風味可能為這道料理增添豐富的層次。最後，蘭王醬油漬牛肉丼的名字就令人垂涎欲滴，蘭王醬油帶來的濃郁風味給牛肉注入了豐富的滋味。餐廳環境：🔥🔥🔥🔥🔥服務質素：⛄⛄⛄⛄⛄食物味道：🍾🍾🍾🍾🍾性價比：🎟️🎟️🎟️🎟️🎟️消費 HKD 150✨✨✨✨✨✨✨✨✨✨✨✨✨#大角咀美食 #飯先生 #web3大角咀飯先生大角咀海景街36-46號富貴大廈西座地下6號舖

大角咀又有新店啦！呢間主要做外賣，主打多款特色系列，包括蘭王醬油漬、外賣便當、和風滑蛋丼飯、日式咖喱丼飯、鰹魚湯烏冬、關東煮同小食，價錢親民，值得一試。老細推介蘭王醬油漬牛肉飯，120G嘅牛腹肉配上珍珠米，牛肉嫩滑多汁，飯軟糯可口，醬汁甜甜哋，另外附上蘭王醬油漬蛋黃同紫菜，撈埋一齊啱啱好，性價比高。關東煮亦係另一大招牌菜式，八貫包含大根、油揚、魔芋、黑蒟蒻、蔬菜魚餅、豆乳魚蛋、竹輪同溫泉蛋。湯底清甜可口，配料煮至入味，如果加埋烏冬應該會幾match。小食方面要咗個蝦多士，六小塊一口一粒，炸至金黃酥脆，唔錯。

餐廳：飯先生地點：大角咀海景街菜式：外賣便當餐牌：蘭王醬油漬丼，外賣便當推介，鰹魚湯烏冬，日式咖哩丼飯，和風滑蛋丼飯，可加錢配小食，飲品或者溫泉蛋，仲有關東煮。蘭王醬油漬M5和牛丼 $108呢款蘭王醬油漬M5和牛丼係招牌。和牛丼用紙盒裝住，餸同飯隔開，熱辣辣。好多和牛粒，伴有椰菜絲沙律，蒜片同蔥花。紫菜絲同蘭王蛋分別用膠兜上。一開就聞到好香和牛醬汁味。M5和牛好嫩口，唔怪得係招牌！醬汁夠送飯，加埋蘭王醬油漬蛋撈飯入口多汁又滑溜，正！飯量多不過一樣夠醬汁。蘭王醬油漬封門柳丼 $78蘭王醬油漬封門柳丼都係招牌。M5和牛就變成薄少少既牛肉片，口感好嫩，味道一樣好食！日式一口唐揚雞球 $38日式一口唐揚雞球一客六件，灑上香草，下底墊有椰菜絲，另配沙律醬。鷄肉夠嫩，加埋沙律醬入口好滑溜。每盒飯仲包一罐飲品，有凍冰冰椰青水。包裝乾净衛生，返到屋企已經係半個鐘後食都熱辣辣，質素無問題。

奧海城內都是連鎖餐廳為主，發現附近新開一間日式外賣店，好像更吸引😮反正友人家就在附近，外賣回去更舒服職員友善，食物配搭、品質感覺都有心思若可以多加些配菜，價錢則更有競爭力～ 🍴加一服務費：✖ ✿ 玉子蒲燒鰻魚飯 $70鰻魚肉有彈性，有一定厚度，是我喜歡的質感😆鰻魚跟玉子燒一樣，味道甜甜，很好配飯飯量適中，珍珠米質感煙韌，軟硬恰好 ✿ 蘭王醬油漬封門柳丼 $78友人的，一打開蓋先聞到很香的炸蒜!試了一塊封門柳，肉味濃又不韌加上醬油漬蘭王蛋，友人不消一會就完吃😋 ✿ 紫薯金栗薯餅 $32喜歡甜品的會特別喜歡這款，甜度偏高😳外表微脆，內裡濕潤綿密，有少許紫薯、栗子粒粒 ✿ 一口炸蝦多士 $34發現跟餐+$10有兩塊其實更划算🙈炸得香脆，配蛋黃醬必定好吃🤣蝦膠分量多點更好 ✿ 茶一刻檸檬茶 跟餐$0✿ FIZ 椰青水 跟餐$0配上一罐椰青水，滿足(≧▽≦) 本來也想試試他們的關東煮，但最近大家都醒覺越來越心廣體胖，還是節制一點，下次再來😂

今日想去朋友屋企玩，想食lunch但食飯時間周圍都好多人，朋友介紹左專做外賣便當嘅舖頭，就決定買走上去佢屋企食。間舖頭位置都有少少隱世，但行多兩步絕對值得。蘭王醬油漬M5和牛丼 🅰️🅰️🅰️🅰️🅰️難得嚟到，就試下最特別嘅，又蘭王蛋又和牛就一定要試。和牛份量夠多，煮完唔會硬，仲係好軟身，好易咬開，食到油香有肉味，配埋隻蘭王嘅蛋香，撈埋飯真係冇得輸！關東煮10貫 🅰️🅰️🅰️🅰️小食嚟講，呢10貫個性價比幾高，大大舊，選料亦唔錯，我特別鍾意食隻海帶，爽得嚟都可以吸到湯頭嘅味道，唔錯。仲有私心推薦嘅獅子狗（見親都會叫😂）當然仲有多隻蘭王蛋啦😆我朋友就叫多個稻庭烏東。我見到個樣咁吸引都偷食左d😝隻烏東唔係普通貨，煙煙韌韌，配埋酸酸甜甜嘅日式芝麻醬，係咁熱嘅天氣真係特別夾。呢間小店主力做外賣，係大型商場、連鎖餐廳林立之下，可以提供到另一d選擇畀附近工作嘅人，算係佢嘅一大賣點，重點當然係食物唔錯，員工好nice，我地叫餐嘅體驗很好，推介畀大家！

呢間餐廳只做外賣，餐廳有多款日式丼飯選擇，食物種類都算多，我叫左一個A4和牛丼飯，價錢唔係好貴但食到嫩滑厚切既牛柳粒，牛肉味都幾濃郁。咖哩吉烈豬扒丼飯：咖哩汁自己煮入面仲有紅蘿蔔同薯仔粒，吉烈豬扒分開裝唔會令到塊扒淋左，豬扒炸至外脆內軟粉漿唔算好厚，豬扒肉薄身左少少。飲品+$10揀左台灣茶味道都幾fresh唔會好苦既茶味。蝦多士：細細粒入面有蝦肉都幾好味，但玉子燒就同想像既有dd出入係有蛋味，但偏細塊同埋同平時食既玉子燒個樣有d唔同，推介蝦多士。

呢間外賣店開咗幾個月，雖然舖仔細細，但外面都好有心思放咗張bench 同枱仔，for d 等拎外賣嘅人坐或選擇快快地立食都得。今次叫咗兩個飯同三個小食。呢間小食店好貼心咁將飯同餸分開，咁叫兩個飯就可同朋友仔share 啦！舖頭即叫即整，喺窗會聞到煮食嘅香味。蘭王醬油漬牛肉丼 $58蘭王蛋同紫菜分開上，返到家先自己加落飯度食，提升咗個儀式感。首先個醬油好夠味，用嚟撈飯一流；個牛肉薄切，有牛味，唔會係食柴皮咁；牛肉面仲有炸蒜片，將牛肉沾醬油再加埋蒜片食，超香口。野菜燒汁慢煮雞扒丼 $53個燒汁有d似牛肉丼嘅汁，雞扒好嫰唔會鞋恰恰，最重要係無騷味！和風一口芝士 $34外脆內軟，芝士味好香濃。一口炸蝦多士 $34香脆嘅麵包中間夾住蝦餅，個饀幾鮮甜。就算食到最尾攤凍咗，個包都無變到又硬又靭。海鹽鴛鴦炸薯條 $32蕃薯條crossover 薯條，一次食晒兩隻款，再配埋茄汁同黑松露汁，好香口。另外，所有食品（小食除外）都包飲品，性價比都幾高。返工食外賣嘅話，呢個會係我嘅首選！