牛扒先生 (青衣城1)

Open Now

Now Closed

今日難得想食豪啲，就去左呢間mr steak。我地兩個人6點去到晚市，所以冇乜人，即刻就有位坐。我地叫左兩個set一個係香煎三文魚柳·芝士焗帶子，一個係煙燻燒烤醬英國豬肋排，跟餐既特飲係龍眼茶。個芝士帶子好大粒，芝士都好足料，不過配既risotto就有啲多，最後都食唔晒。而個豬肋排就己經係第二次食，個bbq醬真係好好食，但食起上黎真係好麻煩，好難切，而且啲肉都幾多下，食完己經唔想食沙律吧既野。個龍眼茶都幾特別，幾好飲。雖然好飽，但沙律吧既野都要試埋既😋沙律吧有餐湯（今日係龍蝦湯），沙律，甜品。同埋佢期間限定，沙律吧好多都係泰式既野，例如木瓜沙律，鳳爪沙律，冷麵，粉絲，仲有泰式既甜品好似西米糕，同埋珍多冰！係西餐廳入面都真係幾特別，都幾值得一試😛😛😛兩個人最後埋單500幾，都幾貴下，不過啲野都值呢個價既🥺

同朋友星期日聚會，想坐得舒服d同耐d傾下計。就選擇Mr Steak本來想食lunch，貪佢半自助餐午餐有自助salad同甜品bar同有湯, 但因為星期六放工遲趕唔切食，非常可惜，唯有下次有機會中午食，後來選擇食下午茶3點15分時段。同朋友一致選擇左SRF 牧場牛扒，不過侍應無問我地幾成熟。香濃燒汁，牛扒外觀吸引，有碎粒青瓜，紅蘿白同茄子伴菜。牛扒切落去有d韌，食落口真係有d'鞋'口同韌，無咩牛肉汁 較乾身同埋無咩牛肉味，唔香。另外，叫左個甜品set，最上層係炸雞翼，起殼扇貝，香腸。中層係薯仔salad, 蟹柳salad。下層係Macaron，泡芙同朱古力蛋糕仔。甜品set還可以，但牛扒味道就較差。不過都坐得舒服for朋友聚會既。

今晚同朋友去青衣城食飯，想食西餐黎到牛排先生，其實今次已經第三次幫襯，半自助餐形式可以食幾多都得，所以就可以放開肚皮去食。一開始我就去攞龍蝦湯，朋友攞左沙津，BAR桌有好多不同種類的沙拉同蛋糕，一個價錢食晒晚餐，甜品，我認為係抵食。今次我試左最新既美國極黑牛，價錢算中等，食落去係肉眼牛排的味道，配埋芥末就真係好好食，份量算多，胃口不大的朋友可以先預留食肉的胃環境氣氛舒服，位置又多近海皮，我一定會再來。

人生有幾多個10年啱啱過去嘅528 就係我同皮爸嘅第一個10年今時唔同往日雖然係拍拖紀念日但自從有咗孩子之後我哋都盡希望可以帶佢出去一齊食飯就算係一個簡單嘅晚餐都可以親子下當然希望可以近距離地方食啦繼續光顧多次嘅 Mr Steak主要喜歡這裡有免費的沙律🥗bar有火腿、芝士甜品方面有蛋糕、🍮水果、啫喱糖、豆花等重要是可以任食啊主菜我們分別點了兩款這份肉眼扒重點除了是肉質鮮嫩外那層外皮煎到脆脆的 內裏卻是多汁軟冧的配上面那件牛油吱花簡直不得了溶化後香味撲鼻頂呱呱👍🏾這份香草燒雞是我專登前我家大少點的全因他喜燒啃雞腿🍗燒雞下有點薯蓉可以配著吃鮮嫩多汁肉質不會變老而且味道不會太濃烈當然我們家share來吃份量也是足夠啦最後呈上的是餐廳送上的甜品雖是簡簡單單的蛋糕🍰味道不會太甜但有幾層口感難得身邊人記得這重要特別日子鮮花就不要送了浪費錢之餘又不能吃這是生了孩子的媽心聲嗎？哈哈（餐廳寫的朱古力字體有待改進喔）

同朋友行完山好攰好餓，想食返餐好嘅，於是就黎左青衣城食Mr Steak啦~之前只係食過銅鑼灣個間全自助餐嘅Mr. Steak Buffet à la minute覺得非常高質但就無試過食semi-buffet嘅Mr. Steak cafe今次終於有機會啦🤤！佢嘅semi buffet dinner包自助沙律甜品吧，連埋餐湯都可以無限refill，加一杯特選飲品，而主菜就另外叫，唔同款就唔同價錢(價錢大概由$178至$318都有)，如果唔叫主菜淨係食自助沙律甜品吧就$158是日餐湯係濃郁嘅南瓜湯🎃，我唔係特別好南瓜湯但都覺得幾好飲～而個好似麻薯波波嘅小餐包都意外地好食(我本身係唔中意食包😂)，點埋湯食一流👍🏻其他前菜有沙律、炒雜菌、烤南瓜、凍豆腐、凍螺絲粉同火腿等等；甜品方面有面包布甸、豆腐花、紅豆沙、啫喱糖、桂花糕、生果同各式蛋糕糕點。款式其實比較少，味道就正正常常，唔係太特別🤔我地兩個女仔share左一道主菜: 精選烤肉盤，入面有安格斯牛排，羊鞍排，燒雞同香草腸，配菜有普羅旺斯炒雜菜同黑松露薯蓉。我地叫左7成熟，但黎到啲排類起碼熟八、九成🤔有點熟得制好un，個牛排面頭直頭有少許燶燶地

原本想去青衣戲棚掃小食，點知落大雨，於是喺青衣城搵嘢食。剛巧見到想試好耐嘅Mr.Steak Cafe，於是即刻攞位等食。會揀呢間嘅其中一個原因係呢度有個沙律&甜品半自助buffet，叫主食時個價錢已經包埋，啱晒我呢啲好鐘意食菜嘅人。我同朋友叫咗個豬勒骨排配燒春雞同意大利飯，就出去拎沙律同湯食喇。沙律同蔬菜都算新鮮，就算係就快last order，waiter都好努力添食物。個湯好好飲，不過甜品就麻麻地，但勝在有西式cheese cake亦有中式豆腐花，豆腐花都幾滑，可以一試。

Semi buffet 沙律有好多選擇，甜品都唔錯，個apple crunch 好味，主菜叫左燒雞，肉質嫩滑，個魚都好味既，生蠔都好新鮮，二百幾三百蚊一位，又無限時，係同朋友聚會傾下計既好選擇

晚餐時間行下青衣城睇中而間既半自助晚餐好耐之前食過一次，今次再一試去到叫佐兩個一樣既龍蝦牛扒set🤤主菜未上，就去沙律吧拎下前菜值得一讚，款式多選擇，食落都覺得新鮮👍🏻最怕食到沙律d醬好似放佐好耐甘😫冷盤有海鮮拼盤，生蠔大隻，海水味吾重，反而蝦好有彈性,好食🤣主菜 本身係期待塊扒，但反而係龍蝦好食過塊扒，搶哂風頭、扒就是普通扒，龍蝦大隻又彈牙，仲有少少膏，好食好食🤤🤤當中去到都好多人等位，最好book定啦

之前食過佢地喺葵芳嘅Semi Lunch buffet，都覺得不錯，今次就嚟青衣食下，一行8人同班friends嚟食下傾下，地方舒服寬敞，比葵芳店更大一點👍👍沙律款式好多，有藜麥、新鮮水果、多款新款蔬菜沙律😋😋仲有提子鬆餅、雜菜湯、多款甜品，價錢都好抵，叫埋主菜大約$150-$250一個人，夠晒經濟實位，而且又唔駛趕住走，一班friends嚟個午聚，確係一個好地方😍😍待應服務態度亦不錯，有禮貌👍

Mr Steak嘅晚餐係以半自助形式，1份主菜再可以去自助吧攞湯，沙律，前菜，甜品等等。我地叫左個精選雜扒拼盤，有羊架1件，牛扒1件，燒雞同昆布蘭腸1條，配黑松露薯蓉。雜扒普普通通，個薯蓉就好香好滑。另外叫左個龍蝦拼牛扒餐，龍蝦餐仲包左個生蠔海鮮盤，紅/白酒1杯同埋咖啡或茶。呢個餐好多野食，係塊牛排可以好食啲，因為話哂牛扒都係餐廳嘅主打，叫左5成熟但可能因為塊扒薄，食落起碼有7成熟。自助沙律吧就好多野都好好食，Refill得好快，好有誠意。

本來以為貴野，就唔會中伏結果完全浪費金錢$348 150日澳洲肉眼，可以完全冇味，超級多根衰過超市扒$348加一=382,但只有超市$60質素蠔係冇味(免費，算)成晚，得沙律吧叫ok，款式ok多，食物多，冇缺過特別坐車由元朗出青衣，$40來回去食成本$85*3+82.8=$337.8+$40=$377.8早知自己煎好過,$300起碼冇禁多根唔會再中伏另外，我左右枱叫7/8成，上枱頂多得一半熟，超多血水叫之前，想清楚

今日兩個人黎行下青衣城 係到諗緊有咩好食因為黎到都7:00 周圍都係排隊等入坐錦我見E 間 有半自助餐 就去排下啦其實人多但等左15MIN 就有位 唔算耐等既期間就睇下餐單先啦:佢平均價位由$178到$348 都有玩法係叫一碟主菜 包自助沙律+甜品+餐湯BAR 同埋一杯特選飲品(當日係柚子水)係食正餐之前畢左餐湯飲下 今日係黑松露磨菇湯好好飲 有西餐廳水準 磨菇味好濃 同埋好黑松露 好出味 值得一試!之後就拎左D 沙律 沙律菜大多都好新鮮 蕃茄仔好甜  左下方係芝麻醤豆腐加上木魚碎 咸咸地幾好味中間既水果沙律就係罐頭個隻 無咩特別我既主菜係迷迭檸檬燒雞:有兩塊雞胸兩塊雞腿份量黎講 我覺得足夠既味道黎講 迷迭檸檬都唔出味 雞唔夠滑 略覺得OVER COOK 左所以有D '鞋'口  味道一般!我朋友就叫左燒脆皮德國咸豬手:雖然話脆皮 我仲滿心期待會係切既一下會有 卜卜聲點知 唔係話好脆 有種人地燒豬放左一段時間錦 唔太脆但味去到好林既交界咸豬手又唔夠咸 真心一般食曬正餐之後 食左少少甜品有紅豆沙 JELLY糖  檸檬撻等等我就覺得檸檬撻最好味 酸酸甜甜總結:服務其實唔錯 好快會幫你收走食完

假日半自助晚餐，貪佢平平地，成人大約三百元一位，小孩只需七十八元。價格ok, 主菜賣相可以，意大利飯幾好味，但可能是因貨就價，龍蝦、牛羊肉質麻麻，啲牛扒又硬又痴，用盡力切了很久才切開，切完已冇牙食！反而豬扒整得幾出色！

一家大細去buffet,如果小朋友多，好多時會覺得好唔抵，因為細路通常玩多過食，又食唔多。Mr. Steak呢個semi buffet就係其中一個好選擇。八歲以下小朋友係可以就$68既兒童餐，仲包buffet bar,而大人就由$138至$298不等。我地加左個海鮮凍盤，D海鮮都幾新鮮既。至於個牛扒就冇乜特別，但龍蝦就太細，冇乜肉食。Buffet bar既前菜大約有二十多款，包括凍肉及沙律，而甜品約二十種，包括迷你冬甩和啫哩，所以真係好啱細路食。整體來說，我覺得buffet bar才是主角，主菜其實可以不吃也擺。

食物質素不錯，半自助形式的西餐，可以食多不同種類的食物，而且味道不錯，其中我覺得黑松露飯份量多，味道很好。我們總共二十多個人，一半成人，一半小孩，每位大人付了$400。價錢算是合理，食得很飽。