牛扒先生 (青衣城1)

Open Now

Now Closed

今日在此買了三盒外賣。一個卡邦尼意粉/厚切牛脷番茄意粉/煎魚意大利粉。一打開，真係好失望！同照片的食物照片差好遠。個卡邦尼意粉，開了盒之後，好淡色，汁稀，完全沒有達到正常卡邦尼應該有的色，醬和味覺。但個意粉還可以。另外盒牛脷。家中老人家睇見食左兩口。已經話不想再食下去。個牛脷真的不能夠用「厚切」去形容。真係好失望😞之前食過佢個薄牛扒會比較好。但已Sold Out!今次太失望，我家人話去「一粥X」或其他快餐店仲好食。哎。。。。。。

自從疫情無得晚上食自助餐，就唯有揀D午餐半自助餐滿足下我的食慾！平日揀青衣呢間Mr Steak, 坐得舒服又唔多人。半自助午餐包括甜品沙律餐湯任食，都係百幾蚊人頭，十分抵食。而且沙律甜品都幾多選擇，我食左兩轉已經好飽，都試唔哂！竟然仲有豆腐花！講番主菜，其實對比起出面的自助吧，好似顯得一般，雖然幾大碟但又不是十分好食。太古分店好似整體的食物質素會好D, 不過呢間就少D人，坐得鬆動D。餐廳職員服務幾好，人手夠，我拎甜品時不小心跌了一塊餅，他即刻話唔緊要幫我清理好，要比個讚！

無意之中約咗個朋友在這餐廳食午餐，原來係半自助餐，沙律做得很好，有唔同款式，我比較喜歡食椰果什果沙律，芝麻醬豆腐等等，甜品有黑森林蛋糕，啫喱糖，綠茶卷等等，但我最失望是我order嘅炸魚柳，又硬又細，大家睇吓相片就明白啦

蝦爽口，但有啲腥飯係香港口味嘅質感 ，唔煙韌味道一般意粉幾彈牙質感煮得幾好但係好鹹而且冇咩香味自助吧反而質素唔錯雖然選擇唔係特別多但係啲嘢都幾新鮮薯仔沙律係令我有驚喜嘅個鬆餅係唔好食嘅...跟餐嘢飲冇得揀只有雪梨茶本身對甜品都冇咩期望但係又令我驚喜喎，質素都可以黑森林蛋糕同埋綠茶卷仲好過有啲酒店嘅buffet添問有冇唔甜嘅飲品侍應就話其他飲品要加錢只係免費供應雪梨茶我就加咗一杯雪梨茶最後睇單原來都係要加錢嘅咁我就問咗點解都要加錢啦⋯⋯就話只係包一杯嘢飲其他都係要加錢其實個問題唔係$8但如果一樣都係要加錢點解我唔揀我想飲嘅嘢呢？佢哋嘅服務質素真係有待改善!

對比起去放電⚡，阿囡明顯屬於享樂派🎉，更喜歡休休閒閒嘆美食☕，港女之育成，阿媽應該責無旁貸😂，因為由BB時代起就成日周圍帶佢食好野😋今次返完娘家去揾食，黎到青衣城 Mr. Steak HK嘆半自助晚餐，依度座位夠濶落，環境休閒舒適，Semi Buffet有齊沙律、頭盤、餐湯、甜品，main course自選，價錢由$188起，好抵食👍。🥬沙律菜夠新鮮爽脆，另外薯仔沙律🥔、青瓜蟹柳沙律🥒、螺絲粉、麻醬凍豆腐都好fresh好好味，沙律醬汁既選擇都好多，我最鐘意係意大利醋汁，酸酸甜甜夠開胃；阿囡就鐘意日式麻醬，一樣食得滋味😋。餐湯係濃稠既南瓜湯🎃，而餐飽仲係暖既🥖，細微位都兼顧到，認真細心❤️。🍽️主菜我地點左2款，因為想食埋semi buffet所以extra點多個兒童餐比阿囡，有茄汁意粉🍝、餐湯同果汁🥤。聖海倫牧場安格斯西冷🥩網燒西冷我地點左7成熟，煎得恰到好處，牛扒上放左一小圈香草牛油，隨熱力溶化滲透牛扒上，有提味作用✨。喜歡西冷嫩滑得黎仲保留左嚼勁，無渣唔韌肉味香濃，Mr. Steak既牛扒認真有水準🤩，伴碟仲有焗薯同薯角。三文魚柳芝士焗帶子黑松露野菌意大利飯阿囡鐘意食三文魚柳🐟，專登點

因為無訂座，排隊話要等50分鐘，但基於我實在好想食佢個沙律吧，我見佢限時九十分鐘，所以照等。呢間Mr. Steak裝修幾靚，環境好，我地既主食叫左蕃茄肉丸扁意粉，同埋澳洲肉眼牛排，包咖啡或茶。等主食同時，就出去拎沙律同湯，今日係野菌忌廉湯，個湯好足料。沙律吧大部份沙律同甜品都好味，慕尼黑薯仔好香甜，雜菌味道好，青紅蘋果清爽甜脆，蜜桃都好甜，雞肉螺絲粉都有呀，真係一定飽，左下角既青瓜酸瓜芝士粒超級正，佢係好咸香既一款組合，好少見。甜品方面，佢地都做得幾出色的，有豆腐花，麵包布甸，有啫喱糖，抹茶卷蛋，仲有朱古力 brownie ，細細舊，可以畀你試多啲唔同野，不過個檸檬撻唔好食，好假既味，有款細細件既咖啡朱古力蛋糕仔，果款我覺得係最好食既，有層次。個澳洲肉眼排，好大塊，賣相正，不過佢血水後來流到成個碟都係，一切開，發現入面已經係全熟了，後來個經理話幫我地換過一份啦，但基於我地有啲擔心廚房會不滿，所以我地最後都係決定唔換好啲，餐廳名係牛排先生，但品質參差，我係食過佢葵芳分店無呢個問題，希望呢度控制牛排熟度會純熟啲。

商場有間西餐廳，一直都想入去，睇餐牌雖然外賣平過堂食，不過都想試下堂食係點樣咩服務🙊煙三文魚凱薩沙律🥗沙律醬已落到沙律，有啲油膩，勝在沙律菜夠多同fresh，煙三文魚好似花花咁又幾靚鮮木瓜海蝦田園沙律🥗海蝦有3大隻，已剝殼同夠凍，鮮木瓜甜甜地，都有5-6塊，落咁沙律醋酸酸地開胃好多Mixed Grilled安格斯牛扒，羊鞍扒，燒雞胸，香草腸每樣扒都有啲，令到無一樣野煮得好，我見其他人隻碟勁大塊扒，睇黎我叫錯左。5成熟牛扒都仲係韌，羊扒更加係，雞胸肉？明明係雞髀黎，不過幾緻嫩最好食😂香草腸不了，入面混左薄荷葉😑香煎三文魚柳：魚柳有點過熟，未夠嫩，可惜可惜芝士焗帶子：幾靚無咩味黑松露意大利飯：最好食既飯😍配黑松露無得輸，意大利飯粒粒分明有嚼勁😛😛😛餐湯：甘荀湯紅蘿蔔湯係出面半自助餐既湯黎😂甜品：朱古力好甜，好實正🤣

完成一個大 Project，lunch time 去慶祝🎉！又係去青衣 Mr. Steak，嘆 semi buffet lunch 🤭。我每次都可以食 2 round 沙律，有好多選擇，仲會成日轉款式😍！最鍾意就係和風豆腐＆薯仔沙律🥗。我今次主菜食［澳洲150日穀飼肉眼牛扒］🥩，穀飼牛嘅油脂分怖好平均，肉質好嫩好juicy ，淡淡牛味，啱晒我口味😋。同事食嘅［法式芝士焗龍蝦配小蕃茄青醬意大利飯］🧀🦞，開邊嘅龍蝦，啖啖肉😍，意大利飯軟硬適中，好有口感！最後仲食埋甜品🥧，今日嘅檸檬批好酸，啱晒食到少少滯嘅我😆。最驚喜係抹茶蛋卷🍵，濃郁抹茶配香軟蛋卷。希望下次可以黎食多次😋。呢度環境仲好好，坐得好舒服

偶然之下晚餐在OpenRice 落單外賣自取，原來第一次減$20，我叫了忌廉汁雞肉野菌意大利飯送是日餐湯，5:45落單最快（1815）取餐，5:55到鋪頭見有幾份外賣等取貨於是問一問係咪我張單，侍應哥哥一見就話1815取貨的未做，叫廚房即時起，結果1805可取，所以如果早到了還是可以問問餐廳早啲起貨。個飯白汁味道幾好又夠淋（唔多想食硬飯），雞無乜味，餐湯是野菌湯，好飲。$58我覺得正常，減了$20直情好抵。佢嘅外賣幾受歡迎，不斷有人在門口落單。

🥗煙三文魚凱撒沙律煙鴨胸芝麻醬 配甘筍湯砌成花型的煙三文魚，加上清新沙律菜、麵包粒，十分醒胃⋯⋯爽脆雜菜配煙鴨胸，再淋上香滑的胡麻醬，是清新開端。 🎃甘筍湯香甜稠密，飲到啖啖甘筍蓉，胃口大開。🥳烤肉拼盤$138 十分豐富：安格斯牛扒、羊鞍扒、燒雞及香草腸，羊鞍入口軟嫩，帶有炭燒香，純樸的羊味，邊沿焦香，輕輕一切，骨肉輕易分離，肉質細膩。牛扒油光亮澤，表面呈深褐色，咬下去充滿肉汁，跟配燒汁或honey mustard，💋肉嫩可口，愈食愈滋味。🐮安格斯特級肉眼扒$158厚切肉眼燒至七成熟，內𥚃肉質嫰紅，肉汁豐厚，配上少許的肥膏，入口軟腍、黏牙，牛香在口腔回盪，十分吸引。驚喜是墊底的薯蓉，質感奶滑，吸收了牛汁精華，令人回味。🍰Tiramisu蛋糕質感綿柔，芝香濃郁，十分窩心。入口充滿可可粉香氣，夾層慕絲帶咖啡香，入口甜思思。

平時使月Openrice訂座多，今次第1次使用Openrice訂外賣自取，感覺好方便。跟原定時間去到取餐，十分方便。牛扒先生使用環保飯盒，夠環保，keep温度回家都ok.食品質素都唔差，仍保持水準，發覺外賣比堂食大份些😂，加上疫情間有折，抵食不過。

食物可以保持新鮮，味道同堂食差唔多，價錢適中，用openrice的alipay仲可以平啲，真係一大的驚喜，所以有好多人取外賣，希望可以在這疫情下繼續提供這些優惠給予市民，謝謝！

今年無得去旅行周圍食下野都幾好留港消費下行下街都好呀前陣子同男朋友去左青衣城行街慢活行下下都已經一個下午肚餓了，所以我地晚上去左商場內既Mr steak食飯Semi buffet，多啲選擇開心啲嘛去到剛好有得入座Starter 是自助的主菜就係指定既我地揀好左主菜後就出去拎野食多數我都會食左沙律先感覺食啲菜個人refresh d 除咗自助沙律同埋甜品外食主菜之前仲有個海鮮拼盤海鮮拼盤包括有生蠔、蝦、青口等二百幾蚊呢個價錢，有咁多嘢食都真係好抵法式芝士焗龍蝦配SRF牧場牛扒黎到mr steak ,當然要食番塊扒我地選擇左medium rare，熟度岩岩好入口juicy ,肉質又唔韌法式芝士焗龍蝦配香煎是日精選魚柳龍蝦好鮮甜，用芝士焗特別惹味配上魚柳，魚柳好大舊好飽肚，真係好似食緊個海鮮餐咁食完主菜，出去拎埋甜品就岩岩好甜品方面有我最愛既麵包布丁即使個肚食到好飽，都一樣要食埋甜品先

半自助餐 主餐牌 揀了最貴的龍蝦 和7成熟牛扒。牛扒太熟又黑黑地 似全熟 下次揀5成吧！龍蝦大隻 好味送了一個冷海鮮盤峴沒有鹹味 ，但其他不錯。自助餐選擇足夠但由于還有主餐 不要食太多自助餐有不同口味的沙律選擇有西湯 好像是磨菇湯 幾好味有甜品抹茶蛋糕不錯（自助餐取食物 必需配帶口罩，入場前職員 已說明。但有小量食客沒有帶上，職員可能比較忙又看不到，希望可以留意一下，衛生很重要呢）環境舒適 近海邊 雖然海對面是墓地。座位寛闊舒適，和其他食客有點距離，比較安心。

Mr. Steak嘅semi buffet性價比幾高👍🏻百幾蚊就可以食到 而且一定飽 因為出面有好多食物嘅選擇😋先講前菜 嗰度有salad 湯 ham等等 而且有好多款式選擇 個胃細d嘅話都可能會好快飽😍Main course係全個晚餐嘅重點 黎到Mr. Steak當然要叫牛 所以我地兩個main course都有牛喺入面😋呢個係龍蝦配SRF牧場牛排 好香牛味 medium嘅熟度令佢好淋身 而且份量都好多 又厚又大塊 啱晒鍾意食肉嘅人😍個龍蝦都好大隻 肉質幾好 上面嘅芝士同個龍蝦好夾🤩佢仲配埋黑松露薯蓉 好香嘅松露味真係幾開胃👍🏻另外我地叫咗個安格斯西冷配鵝肝 鵝肝入口即溶 外層煎得好香 食落去好有口感 而且一d都唔油膩👍🏻個牛比啱啱嗰個更加淋身 好易咬😱甜品都高質 最欣賞嘅係tiramisu 其他cheesecake 綠茶蛋卷都咗錯㗎😜仲有呢度坐位闊落 成個晚餐食得好舒服🤩