田記魚蛋牛腩專門店 (塘尾道)

Open Now

Now Closed

12月，天氣又轉涼，這些季節中午最喜歡去粉麵舖，又平又快又暖笠笠。.田記是很多街坊之選，喜歡他好多肉丸類都是自己自家製作的，感覺上比較新鮮及有保證。.爽口牛丸河粉 - 一碗粉有五粒大大粒有彈牙的牛丸，牛丸吃得出與街市買的不一樣。一次過吃五粒牛，除了爽就是爽！招牌魚蛋米線 - 我見不少人叫招牌魚蛋呢，魚蛋非常彈牙，也配搭了魚片。淨鮮蝦雲吞 - 我覺得雲吞也是招牌，雲吞粒而且一咬下去見到有幾隻鮮蝦，就是那種10分傳統味道的滋味。令我叫了一碟蠔油生菜幾個人一齊share。而且加$8就可以配飲品，包括可樂、凍、熱飲或豆漿（沒有錯凍飲不用額外加錢！）

📍🇭🇰 田記魚蛋牛腩專門店 (塘尾道).隔左一排，又再來食田記啦！🤤🤤質素仍然維持👍🏻👍🏻 店員也很nice！諗起想食平靚正的麵食，全日係田記都食到呀！今次我們兩個人叫左兩個餐及一份小食！.📌 魚三寶麵{HK$39}（魚蛋、魚片頭、魚皮餃）加配凍檸檬可樂 ｛+HK$8}- 大大碗麵又不會太重鹼水味，湯底可轉做腩汁，加埋配料及飲品，真心很飽！.📌 崩沙牛腩河粉🌟 {HK$54}加配熱咖啡 ｛+HK$8}- 每次來都要食招牌菜-崩沙牛腩麵/河！大大塊牛腩，食到啖啖肉！.📌 追加生菜一碟｛+HK$17}.📌 小食：炸魚片- 不是叫貨的魚皮，而看得出是他們自家製炸的魚皮，清楚連骨都見到，炸得很脆口，正👍🏻.等我經過又再來食先！

落雨的晚上，不想走太遠吃飯，就近近地吃個田記牛三寶面 而 男友就叫了 牛坑腩河、另外叫多左個腐乳通菜 同 兩支玻璃樽裝 汽水，承為$141。本身冇諗過寫OpenRice ，所以冇相…味道係好味既，通菜都係嫩既。但最難忘唔係佢個味道，而係佢個收銀呀姐既服務態度！我地兩個由坐低食野到走前後半個鐘都冇（唔係食完坐係度吹水），去比錢… 收銀個位標明 可以支付寶、微信支付、八達通… 於是我同收銀姐姐A講要 支付寶比錢，講完我都開左個支付寶 嘟 比錢個板，A都收左錢； 之後另一個姐姐B衝出黎話A冇收到錢，話佢地個系統係收左錢會彈另一板（我心諗咁關我咩事）B一路望住我眼神都似我食霸王餐咁，我再向B從申係比左錢 已經彈埋去成功個版 亦比佢睇，B之後影我電話畫面仲問埋我電話號碼，話收唔到錢打比我🤔（我比左錢、扣左數、你收唔到錢唔係應該搵客服處理咩？咁關我咩事？！）成世人咁大個女未食過餐飯咁委屈⋯⋯ 咁既服務態度同質素，我會將佢永世列入黑名單。

每次去朋友家也會吃，價錢合理。有多款面底，選擇也很多，棒牛腩魚旦河香濃的湯底，港式風味之牛腩河，滿滿經典，魚旦彈牙，惹味的牛腩，也帶軟綿綿感，牛味濃郁，屬半肥瘦腩。味道清甜，河粉煙韌爽口。墨魚丸鮮蝦雲吞米線内餡豐富，鮮蝦令人感受到海鮮的鮮美。蝦肉質鮮嫩，口感彈牙，棒。墨魚丸品嚐到鮮甜，滿足。炸魚皮黃金之炸魚皮，連骨脆口，好食吃，即炸魚皮連骨，有驚喜！吸引，口感清脆，與醇厚湯底相互融合，帶來獨特感香港特色

今日突然想食牛腩麵，見天氣涼涼地，於是山長水遠都要由深水埗行去食田記。塘尾道呢間環境乾淨，座位空間闊落。今次去到，仲多左數碼落單👍🏻。平時會叫魚三寶，今日當然叫左牛腩河，啲牛腩夠曬腍，河粉又煮到岩岩好，真心推介。我見同場好多食客都叫崩沙腩，望落都好似好好食。另外，每次必叫炸魚片，呢度嘅魚片炸到金黃色，大大碟，又香又脆，性價比高。仲有，加$8就有凍飲，唔係講笑，千祈唔好低估呢度杯凍奶茶，水準真係好高。

之前去過油麻地田記佢地既牛腩好出色今次帶埋老公去食試下太子塘尾道分店中午時段唔係好多人我都係揀返招牌牛腩+河粉可惜今日無崩沙腩🥲佢地啲牛腩肥美適中好好食架而且湯底濃郁食完都唔會好口渴👍🏼我配埋蘿蔔蘿蔔浸左湯索哂啲腩汁又係一流老公就叫左牛三寶 +紫菜+粗麵牛三寶有：牛筋、牛腩、牛肚粗麵+紫菜又係好夾再加碟菜心+腩汁絕對要加腩汁超入味唔好加蠔油呀😂值得一讚佢地碗粉真係好大碗好足料大食既人就岩哂一定夠飽最後叫返杯凍檸樂好滿足

在「田記魚蛋牛腩專門店」用晚膳，店舖整潔光亮，座位相距不迫，吃得舒適。崩沙腩湯伊麵~崩沙腩肉味鮮濃、滑溜可口，白蘿蔔清甜無渣，伊麵在那些年是壽麵，可以作送禮佳品，現在加$8就可以添口福了。淨水餃 ~大大隻的水餃餡料有鮮蝦、豬肉、菇、木耳絲，吃起來鮮香爽甜，滋味無窮！ 淨魚三寶~是魚蛋、魚片頭、魚皮餃。魚蛋口感彈牙，魚片頭香酥味鮮，魚皮餃的餃皮魚味香濃，厚身爽滑，肉餡味美。熱柚子蜜~是秋天最佳潤喉飲品。凍檸啡~是走奶咖啡與檸檬的味道。結帳後外賣魚疍回家與家人分享。

自從上次食完田記，我一直對崩沙牛腩河粉念念不忘，知道太子有分店，拉埋朋友一齊食。一人一碗麵加雲吞和油菜，好飽肚。金牌牛腩河粉 $39牛腩軟嫩入味，味道鮮美而不油膩，湯底濃郁香醇。河粉則十分彈牙，與牛腩和湯底的搭配恰到好處。崩沙牛腩河粉 $54崩沙牛腩軟嫩，牛味濃郁，屬半肥瘦腩。配有白蘿蔔，味道清甜，河粉煙韌爽口。(數量有限 售完即止)淨鮮蝦霎吞 $35淨鮮蝦霎吞的內餡豐富，至少有2至3隻鮮蝦，令人感受到海鮮的鮮美。蝦仔肉質鮮嫩，口感彈牙。每一口都能品嚐到蝦的鮮甜，好滿足。油菜(每碟）$17(生菜、菜心、芥蘭、通菜）小編點了腐乳通菜，通菜鮮嫩，口感清脆，與醇厚的腐乳醬汁相互融合，帶來獨特的風味。餐牌如下

Seaweed soup 🥣 紫菜湯 $14大大碗嘅紫菜湯裏面有好足料嘅紫菜，可以同朋友share 添加落自己碗面度做配料，又或者就咁成碗homemade 紫菜湯飲都正😍Mr Tin fish ball & fillet with flat rice noodles 招牌魚蛋河粉 🐟🍜 $35田記嘅招牌魚蛋用咗百分百新鮮魚肉，每日新鮮製造夠晒有誠意，魚蛋口感超級彈牙🍢，而外皮炸過嘅魚片頭都醃得好入味，配埋滑捋捋嘅河粉一齊食，性價比好高又好食，值得推介👍🏻Beef triple combo with flat rice noodles 牛三寶河粉 🥩🍝$54 呢一款牛三寶河粉喺餐廳嘅推介美食，顧名思義有味道非常濃郁嘅牛腩🍖、超級彈牙嘅牛肚同埋啫喱狀又充滿骨膠原嘅矜貴牛根，撈埋香噴噴嘅蔥花同埋芫荽🌿食，確實唔錯！Soy milk 🥛 凍豆漿 (L) $12Lemon with honey 🍋🍯 檸檬柑橘蜜 (R) $20左邊嘅香港製造凍豆漿有品質保證，係一款健康嘅飲品，而右邊嘅檸檬金橘蜜🍊配港式粉麵好match，味道清新天然🌱，酸酸甜甜，又夠冰涼好開胃

聽講太子有間牛腩麵幾出名，適逢今日同爸爸來附近探朋友，就決定黎呢度食碗粉先走～——————————🔸崩沙牛腩河粉 $54估唔到爸爸成日自己走去食雲吞牛腩麵，原來一次都未食過崩沙腩🥹崩沙腩其實係牛既橫膈膜，有層橫膈膜連著腩肉，所以肥瘦剛好，比一般牛腩更軟腍🐮湯底牛香重，入口鮮甜；整體份量大，牛腩有整整8塊，加上好幾塊清甜的白蘿蔔，呢個價錢絕對值得👍🏻🔹魚三寶河粉 $39個人想食得清淡啲，就叫了碗魚三寶河🐟最愛魚皮餃，外皮煙韌，內餡鮮味濕潤；魚蛋原來係店家每日新鮮手打，不加防腐劑同麵粉，難怪食落咁爽彈；魚片頭一樣鮮製，因為有略炸過，多了份油香😊🔸腐乳通菜 $17通菜一向係本人食粉麵既標配，呢度既腐乳不只鹹辣，仲食得出酒香。🔹炸魚皮 $24識食既就知炸魚皮連骨會更加脆口好食，以前屋企人間唔中仲會專登出九龍城買❤️估唔到呢間粉麵店既炸魚皮居然連骨，好驚喜！🔸凍豆漿 +$8

【太子•田記魚蛋牛腩專門店】@ππππππππππππππππππππππππππππππ抵食田記牛腩粉麵店牛三寶河粉（牛腩牛肚牛筋）凈魚蛋凈鳳城水餃凍齋啡及熱鴛鴦牛三寶河粉（牛腩、牛肚、牛筋）牛三寶河粉是一道令人滿意的經典廣東美食。這道菜的靈魂在於三種牛肉的完美搭配。牛腩軟嫩多汁，肉質入味，搭配著爽脆的牛肚和彈牙的牛筋，口感層次分明。河粉滑順，與濃郁的湯底相得益彰，每一口都令人回味無窮。凈魚蛋一款輕盈的選擇，魚蛋的口感非常柔嫩，彈性十足。每一口咬下去，都能感受到鮮魚的鮮美。這款魚蛋的調味適中，不過於鹹，讓人能夠品味到魚肉的自然鮮甜。凈鳳城水餃餡料非常豐富，無論是豬肉、牛肉還是素餡，每一種都讓人垂涎欲滴。水餃的皮薄而不易破，包裹著多汁的餡料，咬下去的瞬間滿溢而出。搭配上特製的醬油或香醋，風味更加出色。凍齋啡及熱鴛鴦凍齋啡的口感滑順，香氣四溢，讓人感受到咖啡的濃郁和甜品的清新。而熱鴛鴦則是經典的港式飲品。餐廳環境：🔥🔥🔥🔥🔥服務質素：⛄⛄⛄⛄⛄食物味道：🍾🍾🍾🍾🍾性價比：🎟️🎟️🎟️🎟️🎟️消費 HKD 140✨✨✨✨✨✨✨✨✨✨✨✨✨#太子美食 #田記魚蛋牛腩專門店 #web3太子田記魚蛋牛腩專

最近鍾意咗食牛腩河，呢晚嚟到田記魚蛋牛腩專門店，當然要試吓佢哋嘅牛三寶河粉（$54），仲加咗一支豆漿（$8）。呢碗牛三寶河粉，真係料足味濃，仲加上我自己嘅秘製調味料，真係好食到停唔到口。牛三寶包括牛腩、牛肚同牛筋，牛腩炆得非常嫩滑，啖啖肉但又唔會過爛；牛肚保持住彈牙嘅質感，處理得好乾淨，冇腥味；至於牛筋，啖啖膠質，滑溜溜，係成碗河粉嘅亮點之一。湯底清香，但稍微平淡，呢個時候就要用我嘅秘製調味料。首先落一茶匙辣椒油，連啲渣都要落；跟住加差唔多一匙滿嘅浙江紅醋，最後再落少少豉油。咁樣混合出嚟嘅調味，將牛腩點落去食，真係一流，辣味、酸味同鹹味完美融合，牛腩嘅味道即刻提升，完全停唔到口。河粉嘅口感都非常好，煮得啱啱好，唔會太爛。豆漿就屬於解渴之選，冇特別驚喜，但整餐食落去非常舒服。餐廳內部簡約實用，有一種懷舊茶餐廳嘅氛圍，坐低食個簡單晚餐正正好。最值得一提嘅係呢度嘅辣椒油，真係好出色，無論點牛腩定係加落湯底都非常夠味。牛三寶河粉$54，牛腩同牛筋出色，配合我嘅秘製調味簡直令人一試難忘。辣椒油係靈魂所在，鍾意食辣同牛腩嘅你，絕對值得嚟試。

最近鍾意咗食有關牛嘅粉麵，所以收工之後就同朋友一齊嚟到呢間係塘尾道嘅牛腩專門店。第一次幫襯田記粉麵，見網上都好多好評，所以當然要試吓牛腩中嘅極品崩沙腩，朋友見餐廳嘅魚片係自家製，所以非常有興趣就點咗魚片麵。粉麵未嚟之前就叫咗碗淨水餃食吓，水餃皮薄多料，口感爽彈味道鮮甜。崩沙腩河 ($54) : 份量唔少之餘仲有蘿蔔伴碟，蘿蔔清甜無渣，崩沙腩肥瘦適中，久煮慢炆後肉質軟嫩，不愧為牛腩中嘅極品，如果以呢個價錢就食到呢個級數嘅崩沙腩河，性價比非常高。手打魚片麵 ($34) : 朋友 share 咗啲比我試食，果然自家製同交貨嚟真係唔同味道，魚片口感更彈牙，味道更鮮美，油麵亦無鹼水味。

講真，田記魚蛋牛腩專門店真係有啲令人失望。😕首先講佢哋嘅崩沙腩啦，真係一般般咋。🥩 唔係話難食，但係都冇咩特別，完全感受唔到佢哋所謂嘅「專門」喺邊度。食完都唔會覺得「哇！好正呀！」咁。🤷‍♂️至於魚蛋呢，都係麻麻地。🐟 彈牙程度一般，味道都冇咩突出。食完真係覺得自己可以喺街邊隨便搵間魚蛋檔食到差唔多嘅嘢。😅個環境都係普普通通啦，冇咩特別。🏠 老實講，我覺得香港真係有好多更好嘅選擇。🍜🥘 如果你想食正嘅崩沙腩同魚蛋，真係可以搵第二間。我自己食完一次之後都冇再去過喇。🙅‍♂️ 如果你真係想試，都可以去睇吓。但係唔好抱太大期望啦，咁先唔會太失望。😉

❇️位於太子的田記魚蛋牛腩專門店，是一間小型茶餐廳,提供簡單且親民的粉麵類美食。在工作忙碌了一天後,和女兒相約在這裡小酌休憩,享受天倫之樂,是件非常惬意的事。❇️我點了牛三寶（牛腩、牛筋、牛肚)幼麵~$54,份量適中,牛腩入味可口,配以幼滑爽口幼麵,兩者交織,口感層次豐富。✳️女兒則選擇了牛三寶拼魚蛋的粗麵~$62,看起來也頗為吸引。粗麵配上肥美彈牙的魚蛋,以及軟嫩可口的牛三寶,可謂是一道美味十足的粉麵佳餚。❇️我們還點了一道蠔油生菜$17,清新爽口,彌補了主食的濃稠感,令整個用餐體驗更加平衡。❇️飲品方面,女兒選擇了冰凍的阿華田$8,清爽怡人,而我則選擇了冰涼順口的豆漿$8,可謂是一對清新爽口的搭檔。