田記魚蛋牛腩專門店 (塘尾道)

Open Now

Now Closed

今天到附近辨點事,心思思想食腩,二話不說自然入座.已過了午飯時段,又沒有做任何特價餐,店內都有6、7成滿,不無道理.小時候不喜介蘭,因覺有少許苦味,但人漸大了,漸覺苦味全消,只有甜味.炸魚皮浸上湯,絕配.牛腩配蘿蔔,牛腩炆得來軟淋,蘿蔔無渣吸盡腩汁,清碟.又到自制撈河的時候,請店主攞隻吉碗,腩汁撈河粉.走時已三點幾接近四點,食客仍進進出出,不無道理.

中午心血來潮，突然想食牛腩麵 約咗兩個同事一齊去呢一間田記食，上網搵咗一陣，見呢間幾多好評就去試咗 環境都算闊落裝修都算企理，我叫咗招牌牛腩雲吞面 同事叫咗兩個崩沙腩河 再加魚皮同埋油菜 等咗5分鐘就可以食 湯底，濃濃嘅牛腩味 面質適中 唔會太淋又唔會太硬 牛腩入味，而且煙靭 魚皮都係有心機幾脆 浸湯食一流 但係試咗兩舊崩沙腩 發現崩沙腩先係大佬 口感一流 非常入味 超級推薦 雖然地址唔近地鐵站 但係下次都會再幫襯 暫時食過最好食嘅牛腩麵舖 價錢實惠 性價比極高

位於太子的港式粉麵店，位置較遠離地鐵站。招牌主打是牛腩、崩沙腩、魚蛋等等，配湯粉麵，另外還有飯類供應，定價也是街坊價格。麵食：魚蛋雙拼墨魚丸米線 加紫菜白魚蛋以新鮮魚肉打成，口感比平日吃的較軟腍，但也是彈牙的，有魚肉味道。墨魚丸則較爽口，大粒。每一枱都有一盤醬料，辣椒油都有兩款，分別是香辣及麻辣，加了點麻辣醬入清湯底，頓時味道提升，又麻又辣，更加惹味。油菜：芥蘭另外可以追加油菜，菜葉墨綠，菜莖爽甜，灼得夠軟腍。飲品：凍豆漿支裝的凍豆漿，解解渴。

當提到塘尾道,很少會記起這一段.但吃過了這裏的牛坑腩,我相信大家唔記得街名,都會記得這裏的牛坑腩,牛味夠濃,那份咬下去的口感和那份油香,會令人心感滿足,麵吸了腩汁~掂,在腕底的生菜份量不少,再沾上碗內的蠔油,自制成蠔油生菜,可能年紀漸長,對吃蔬菜需求漸多,再來個腐乳通菜.有上湯怎小得炸魚皮,這裏的魚皮比較厚身,浸耐少少,會令你有意外驚喜.小成員喜歡肉肉,又不喜肥膏,普通牛腩最適合,牛味夠濃,她差不多喝晒成碗湯.魚蛋及魚角夠彈牙,魚皮餃咬下油香滿滿,再沾辣椒油,在口中混合~~如果不是食了之前的食物,應該會再添~再添~~

最近屋企裝修真係搞到我頭都大埋，由旺角睇到太子都未睇完就已經餓都腳都軟，剛好見到間粉麵店，心思思想食碗牛雜麵😛餐廳好光猛，menu放晒喺玻璃枱入邊，睇起嚟好方便叫咗個牛三寶麵加牛丸，一次過可以試晒牛腩牛肚牛筋同埋牛丸免嚟到嘅時候好大碗，而且好足料。每樣餸都起碼有三至四大嚿，如果唔係咁肚餓，真係可能食唔晒😋牛腩少肥腍身，好香牛味。牛肚好爽口，而且冇騷味，牛筋軟身但唔爛，三款牛雜都好出色牛丸真係好爽口，而且入邊爆汁好juicy一邊食嘅時候聽到好多買外賣嘅人都話一定要辣椒醬，本身食牛雜麵都唔會加辣椒醬，既然咁多人講我就試吓枱面嘅辣椒醬見到都有兩款一款係普通辣椒醬，一款係麻辣。兩款都好惹味，唔怪之得咁多人都話要辣椒醬仲叫咗個腐乳通菜，通菜上面冇額外淋油，新鮮翠綠，而且份量都好多醫飽咗個肚就要繼續我嘅裝修買料行程，下次經開呢頭又可以再過嚟試其他牛雜，尤其試吓佢個崩沙腩都見到好多人叫😍

話說有日肥豹係太子🤴🏻開個openrice睇下🍚驚見有間牛腩河竟然有成200幾個舔舔舌😋仲要冇dislike即刻去試試咩料🐮🦭直接一句：「真太子第一崩沙腩，連外國人都特登要黎食」今次肥豹試左🦭1. 崩沙腩 (粗麵)佢既崩沙腩比既份量都偏多👍🏻賣相亦都肥瘦剛好👍🏻一口咬落去既感受反而唔係剛烈既牛味，而係好舒服既牛肉味🦭再咀嚼多兩下，啲牛油牛脂既香氣就揮發曬出黎👍🏻扣一分係因為佢個湯既味道唔太突出，但整體好正👍🏻2. 牛三寶 (幼麵)佢牛三寶就包牛腩、牛肚同牛筋。牛肚煮得係偏腍個種🐮咁要睇個人口味🦭牛筋就仲係保有啲膠質，食入口非常豐富。而作為配料既蘿蔔係甜身、腍身同無渣👍🏻非常好👍🏻唯獨扣分位就係牛腩，係同崩沙腩比較下就偏乾身少少🦭3. 淨鳳城水餃佢既水餃餡料主要係蝦同木耳🦭水餃皮超薄，仲要係有咬口個隻皮🦭難怪佢係呢個水餃林立既太子都生存到👍🏻隻隻都大隻豐滿，每隻都包左起碼4隻蝦🍤🍤🍤🍤好唔錯👍🏻豹言豹語:欣賞間鋪頭即使係做牛腩河都唔會太hea同污糟🦭仲有心咁執好啲醬料👍🏻值得去食既平民菜👍🏻

湯底裏有死了的烏蠅真的非常污糟！！！本身這間餐廳的服務態度很差，但由於方便，所以沒有理會 照光顧這間餐廳。但今天我真的非常生氣，沒想到吃到最後，居然讓我在湯底裏找到了一隻 死了的烏蠅！是死了的烏蠅！救命，真的非常污糟！我發誓，我以後不會再去這裏食。其實這間餐廳的服務態度，一向有很多街坊都非常不滿意，店員冇禮貌 面目猙獰，而且上呼喝客人。很多次的，明明是他們出了錯誤 - 例如落錯單，但是他們還堅持 自己沒有問題。還斗膽叫客人 照食，因為佢會加一句「都是一樣雲吞麵，不過是米粉和雲吞麵搞錯咗，照食啦」。所以，我真的不推薦 大家在這裏食，無謂讓自己吃到一肚火及感染腸胃炎，因為不值。

📍地點：太子🍴點了四道菜：牛根河、牛根牛丸米粉、菜心和淨水餃。🥩牛根河：牛根煮得剛剛好，口感嫩滑，湯頭鮮美，讓人一口接一口。🍜牛根牛丸米粉：牛丸彈牙，牛根肉味濃郁，米粉爽滑，配上特製的醬汁，味道十分美味。🥬菜心：菜心煮得剛好，口感清脆，與其他牛肉美食搭配得很好。🥟淨水餃：淨水餃裡面的餡料鮮甜可口，皮薄餡大，是不錯的選擇。💰價格：價格非常實惠，四道菜加上飲料和小菜只需$139。👨‍👩‍👧‍👦環境：店內環境整潔，裝修簡潔大方，適合家庭和朋友聚餐。👍總評：田記魚蛋牛腩專門店是太子必訪的牛肉美食，牛肉菜式煮得入味，配料新鮮，讓人一試難忘。價格實惠，服務周到，是一個值得推薦的餐廳。如果你是個牛肉控，那麼一定要來這裡品嚐他們的招牌牛腩菜式。

河粉份量多之店子，湯底清清，食物又好吃。調味度亦很好，看落雖然簡單，吃得很滋味和滿足～店子的人也很好喔。高質牛腩飯我喜歡吃港式粉面。店子的又平又好吃，棒牛腩肥瘦均勻，牛香味重，非常出色，味道的層次高～牛腩份量多，炆得軟腍入味，邊位之薄膜爽軟帶膠質，非常香口。飯吸收腩湯汁，好吃。白蘿蔔軟腍入味，很腍又沒有渣～鮮蝦雲吞河河粉湯底清清的，條條分明，吃到一半加點辣椒油～棒。皮薄餡多，爽滑，不同口感。快樂一餐～雲吞大大份量，蝦肉爽滑彈牙，質素同樣不會差 生菜 追加的份量很大，生菜爽脆感滿湖，味道清清，簡單不會很咸，剛剛好。大碟又鮮綠，加上味道十足之醬，兩個人輕鬆清！魚旦米線魚旦質感彈牙。店員很好，說是百分百魚肉，以及自家工場做的，河粉滑溜有米香味，不會易斷，証明來貨品質非常好。下次試貴少少之崩沙牛腩，也會不錯的～牛香味，對比起台灣牛肉面更出色喔食物份量多，價錢親民，店員服務勤快有禮，店舖位置十分方便，如果要醫肚，快靚正，店子是好選擇。

太子一直是港人的美食聖地，這裡有很多小店都值得一試。其中，田記魚蛋牛腩專門店就是一個不可錯過的地方。進門後，店員友善地招呼我們，介紹了他們的招牌菜崩沙腩米線。這道菜是他們家的招牌，肉質鮮嫩，配上米線更是絕配。味道鮮美，讓我一試便愛上了。除了招牌菜，他們家的牛根飯也很不錯。牛肉煮得剛剛好，入口即化，配上濃郁的醬汁，讓我一口接一口。不過份量稍微有點少，建議可以搭配其他小菜一起享用。腐乳通菜是一道清淡的小菜，是我們點了的另一道菜。腐乳的味道不會太濃，通菜也煮得剛好，讓我們品嚐到清爽的口感。整個用餐體驗非常愉快，店員服務周到，讓我們感受到家的溫馨。而且價格實惠，三道菜加上飲料只需要不到$120，性價比非常高。總之，田記魚蛋牛腩專門店是太子的一個小寶藏，值得大家一試。他們的招牌菜崩沙腩米線實在是太好吃了，還有其他不錯的小菜可以搭配，讓你一試難忘。

見咁多人話正， 行過路過唔好錯過， 崩沙腩肥瘦適中， 瘦嘅地方淋得來咬口， 肥嘅地方咁香美味， 湯頭啖湯都唔錯朋友唔食牛， 叫咗魚三寶（魚蛋，魚片，魚皮餃）舖頭話魚蛋及片係日日新鮮做， 朋友都話正， 地點唔算方便， 但係鋪面乾淨企理， 任坐又唔嬲

得閒食吓麻甩嘢😆其實有時都幾暢快😋幾滋味~行過太子附近見到間好乾淨企理嘅魚蛋牛腩粉麵舖人來人往,就入去試吓～估唔到誤打誤撞,簡單嘅食材都非常有質素!而且員工都好溫柔有禮,粉麵鋪嚟講😏難得少見～價錢又經濟大碗,值得推介!魚三寶河粉($37)每日新鮮製造嘅魚蛋非常出色!!🐠魚蛋並唔係平時食開爽彈口感,但食得出魚肉新鮮,咬一口已有濃郁魚味.個人本身特別喜愛魚皮餃😍依個魚皮餃真材實料,同樣食到啖啖魚味～而魚片頭外皮炸過,爽口一點. $37依個價錢,真係只有讚冇彈～牛三寶河粉($51)當中包括牛腩,牛肚及牛筋.牛腩被筋膜包住同時亦有啫喱狀嘅膠質,入口非常軟腍.完全唔會黐牙.牛肉味香濃而湯底清甜.牛肚彈牙爽口牛筋入口溶化🐮🐮非常滿足～腐乳通菜($16)粉麵鋪必叫油菜～因為用鹼水烚菜色澤最綠最靚🥬腐乳香濃而不死咸,通菜新鮮凍奶茶(跟餐+$8)茶味正常少甜剛好～茶記必叫,而且冷熱同樣加$8特別一提~店舖辣椒油都非常香!辣度亦唔會嗆喉而且更有四川風味感重嘅麻辣口味🔥原來店舖亦有分店在油麻地行過嘅朋友😋✨想快速食平靚正粉麵,值得一試👍🏻

-田記魚蛋牛腩專門店🍽-崩沙腩拼魚皮餃呢度既崩沙腩係招牌菜👍鐘意食牛腩既人都會叫呢個😉崩沙腩煙韌得黎唔會咬到一口渣吞唔到而且牛味十足但又唔會食到好蘇既味😌-魚三寶除左牛腩其實佢d魚蛋都好出名😉魚蛋好彈牙另外一讚佢個魚皮餃食得出係自己包因為勁大粒個皮亦唔同一般四洲個隻🤣-炸魚皮呢個炸魚皮必點！佢真係條魚皮去炸連魚骨都炸到勁脆🤣但建議都係浸下湯食唔係咬甩牙😂-腐乳通菜食得魚蛋粉配腐乳通菜就係必定既😂冇左佢就會覺得少左d野🤣-凍檸賓平時唔係成日見有利賓納食！呢度有檸賓正👍-🌟評分:🏅🏅🏅🏅🏅📍地址: 太子塘尾道201號華安樓地舖-#foodieluveat#foodieluveat_hk#foodieluveat_太子#foodieluveat_港式#hkfoodie #foodiehk #foodiehkig #hkfoodblogger #hkfoods #hkfoodlover #foodiegraphy #hkfoodblog #hkfoodbloggers #香港美食 #食在香港 #相機食先 #吃貨 #食好西 #港式 #港式粉麵 #魚蛋粉 #牛腩河 #太子 #太子粉麵

崩沙牛腩河粉店舖推介，崩沙腩份量好多👏🏻入口有口感之餘唔會痴牙，肥瘦適中👍😍好食但限量供應，食唔食到要睇彩數😅🤪招牌魚蛋河粉同樣係店舖推介，一碗有齊魚片同魚蛋，店員話係每日自家制，佢地出品係軟漿魚旦，口感軟滑亦帶有少少🤏彈牙，This is my cup of tea 🍵芥蘭可以選擇 牛腩汁 或 蠔油汁👍份量很大，兩個人食先啱啱好😋👍👏🏻調味料不得不提，佢地既調味料都齊全，辣椒油都分咗兩款，有 辣椒油 同 麻辣辣椒油，兩款都係店家自制👍👍潮州辣椒油辣度有點辛辣，但十分之香，沾肉沾魚蛋都好夾，愈沾愈多！ 麻辣款會多咗一點花椒香味，都非常香，但個人喜歡普通版本多一啲😆🤪

依間屹立多年既田記魚蛋牛腩專門店位於太子！早前睇到開飯都多好評！今日決定行去試一試，貪心既我當然叫碗牛三宝米粉（牛腩，牛筋，牛肚）一次過試三款！可惜，阿姐落錯單變左河粉，唯有照食，非常多蔥，牛筋夠霖，好膠質，非常彈牙，正😋 ，份量都算多，而牛腩好有牛肉味，肉味香濃，軟腍，果然係出名牛既粉麵檔至於牛肚有啲韌，好難咬開，遜色一點！湯底都充滿牛味，沒有味精！另外叫左碟芥蘭加腩汁，芥蘭新鮮，翠綠既菜，煮得剛剛好，加上腩汁超入味！