田記魚蛋牛腩專門店 (塘尾道)

Open Now

Now Closed

假日同朋友shopping遊車河, 係太子一帶泊車再到附近隨意入咗間粉麵餐廳。估唔到有驚喜!餐廳環境企理, 除了粉麵, 另有淨食、飯類同各式飲品。我地揀咗兩款餐廳招牌必吃嘅崩沙腩同牛腩粉麵,崩沙牛腩河粉:崩沙腩切件, 有d厚度, 整齊一排過放係面, 每件崩沙腩肉質軟嫩, 連帶爽而不硬嘅筋膜, 牛味香濃, 一次食到爽腍兩種口感; 清甜湯底中加入了腩汁, 林滑嘅河粉索咗湯底, 提升了味道。還伴有三件清甜又林嘅蘿蔔, 好滿足!金牌牛腩河粉 (追加雙併牛丸)對比崩沙腩, 牛腩偏林, 沒有爽筋膜連帶, 肉味重一d; 加左$8追加雙拼牛丸 (共2粒), 爽口彈牙, 咬落仲滲出牛肉汁, 夠juicy!淨鮮蝦雲吞:雲吞皮薄, 鮮蝦雖然唔係原隻大大隻, 不過蝦比豬肉料份量為多, 一口咬落食到鮮甜蝦味, 爽口又帶鮮肉香, 足料抵食!粉麵可加$10追加特飲, 揀咗凍檸賓, 沖得味道偏濃少少, 待冰溶化, 味道剛剛好唔會太淡。

經過太子想食一個快的午餐，平靚正之選當然是田記。食魚蛋粉牛腩河等等，$30幾就有一碗10分親民。牛腩牛筋河粉 $57 - 喜歡食牛腩牛筋的一定不可以錯過，見到上面是滿滿的牛肉牛筋，牛筋更是粗粗一大條，彈牙又有骨膠原。牛腩炆得很入味，肥瘦適中，咁多材料抵食。淨水餃 $33 - 如果不想食麵也可以叫淨水餃淨魚蛋等等，加入木耳更加爽口，又有蝦，食完水餃之後會好飽。另外加錢可以有菜及飲品，生菜配腩汁 $16 / 豆漿 $8，基本上兩個人食得超飽都是百幾元。而且環境乾淨上菜又快，一年四季都可以食。

無啦啦想食清湯腩，就上外賣平台搵下有邊間可以揀。再望一望openrice嘅評語就決定揀呢間。嚟到冇失望。賣相排得幾靚，味道都冇欺場。首先湯同埋麵係有分開上嘅。雖然伊麵要加六蚊我都係叫咗崩沙腩伊麵。因為細細個食9記大家都會叫腩伊麵，雖然伊麵嘅中伏率而家好高，因為好容易有油益味，但係呢間冇事。崩沙腩夠淋，而且冇呃我，唔會話一半係崩沙腩一半唔係。食瘦又太鞋、食肥又怕死、係食肉永恆嘅掙扎...崩沙腩就可以一次過滿足曬兩個願望~中間仲有啲輕輕爽口嘅（筋膜？）i like it另外店家有附一啲好似xo醬咁嘅醬，本人好少食辣，但係落少少真係好鬼香。本人又貪心加咗幾蚊食雲吞，連啲雲吞都唔欺場喎。湯頭唔係清湯腩嘅牛骨湯，感覺上似係清湯腩嘅牛骨湯溝咗兩成雲吞嗰種蝦籽湯。唔通係因為我叫崩沙腩加兩粒雲吞，所以佢連湯佢都同我blend 埋

田記魚蛋牛腩專門店（Prince Edward）之前見網上哩間鋪頭評價都好高🤔 呢日啱好經過太子 想平平哋食餐好嘅 認真有得諗😎😎⌖ 崩沙牛腩河粉 🐂💰$51限量供應嘅崩沙牛腩 牛味香濃😋 煙韌又爽口 完全唔怕癡牙🦷 價格又幾抵😌 白蘿蔔清甜 河粉配加左腩汁嘅清湯幾唔錯😗😗 呢個價錢份量十足 小編已經飽到不得了😳😳⌖ 淨魚三寶配鮮蝦雲吞 🐟🦐🥬💰$37 + $8魚三寶包括魚片頭、魚蛋、魚皮餃🥟 通通自家製 百分百魚肉🐟 尤其欣賞魚蛋 望落普通 食落好爽口彈牙🫣🫣 加咗$8配多個淨食 鮮蝦雲吞皮薄餡靚😋 生菜底清清地都係幾好嘅選擇～😙😙⌖ 蠔油芥蘭💰$16芥蘭好淋甜😛 有得揀腩汁或者蠔油又得～⌖ 凍豆漿💰$8飲翻枝豆漿夠曬爽💦 解渴之選😙😙☻ 回頭指數：7.5/ 10 ❝ #Amiの九龍覓食記#Fatshit_ami #Lunchtime #旺角美食 #太子美食 #香港美食 #港式美食 #食好西 #崩沙牛腩河粉 #崩沙牛腩河 #淨魚三寶 #自家製魚蛋 #百分百魚肉 #鮮蝦雲吞 #自家製鮮蝦雲吞 #蠔油芥蘭 #平民餐廳 #港式餐廳

田記魚蛋大王鮮魚打魚片,爽彈有魚味,食落香氣十足,粉多料多,抵食夾大碗呢度既食材都係由師傅每日新鮮做,食到最好既水準牛腩大份抵食,炆入到味,牛味濃郁,湯底香又夠濃, 配麵定粉都一樣咁好食平均消費$33可樂係支裝版本,夠爽夠曬有氣, 雲吞夠大粒,有蝦肉肥肉,食起黎夠甘香有少少脂肪皮身夠薄之餘餡大隻環境服務都唔錯,好快上菜油菜夠新鮮之餘份量比足夠2個人食田記魚蛋牛腩專門店 (塘尾道) 太子塘尾道201號華安樓地舖

經過太子田記聞到陣陣牛腩香，走咗入去嘆番碗😚招牌崩沙牛腩河冇理由唔食嘅，叫咗碗雙併加埋雲吞，崩沙牛腩口感超正，爽口又軟身，肉質又夠軟嫩，一啲筋都冇，而且河粉底有質素，唔會一夾就斷，又索晒湯汁嘅精華，好味道😍鮮蝦雲吞河係水準發揮，鮮蝦雲吞足料，咬落啖啖蝦肉，夠晒扎實；河粉好多，好抵身，加埋金牌牛腩，非常推薦☺️再加配咗個$10通菜，通菜爽口，配埋啲鹹香腐乳，正🤩飲品方面叫咗杯檸檬可樂同埋凍檸茶，正常發揮，檸檬好多片，飲落透心涼👍🏻舖頭空間感都唔錯，唔算窄，而且相對比其他粉麵店嘅舖面更整潔，食得都算舒服開心😋

田記魚蛋牛腩專門店 (塘尾道) (太子)太子塘尾道201號華安樓地舖又到平民區發掘美食嘅時間❣️❣️招牌牛腩麵加蘿蔔 ($45)呢個牛腩嘅份量都幾多，湯味都算濃😍 ，不過口感有少少似火腿，唔似平時食開嘅牛腩，都幾特別，而麵質好食同好爽口🤤啲蘿蔔都幾甜❣️💥評分:7/10淨雲吞($33)雲吞比較重胡椒味🤎，肉幾實，味道不過不失✨口感仲有少少脆💥評分:7/10魚蛋麵 ($33)呢個白魚蛋好林🤤🤤如果再彈牙啲會好食啲，不過魚片反而幾好食😍❤️炸過後幾香💥評分:7/10💥總評分:7/10👍🏻環境都算幾乾淨✨整體黎講不過不失，性價比幾高👍🏻

田記魚蛋牛腩專門店 📍太子塘尾道201號華安樓地舖好味😋抵食👍🏻港式粉麵店牛三寶麵 🙌😋必食推薦 $51一次過食哂牛既精粹🤤牛腩～肥瘦層次分明～牛肚～爽口又厚身～牛筋～彈牙～好重膠質湯底係濃濃腩汁～好好味鮮蝦雲吞拼鳳城水餃🥟拼牛丸河$53呢碗係自選🤭開心～一次過叫哂想食既鮮蝦雲吞～有原粒鮮蝦😆鳳城水餃～有雲耳豬肉蝦肉～勁大粒啊手打牛丸～爽口彈牙❤️🙌一定要食炸魚皮$22係黃金魚皮😆係連埋魚骨一齊炸香脆可口👍🏻食唔停口腐乳通菜$16跟餐餐飲+$8凍檸檬茶 & 樽裝Zero +$8 呢間麵店好有地道風味～價格親民👍🏻🙌大家來試下😃港式傳統店

男朋友最鐘意食牛腩麵♥️估唔到呢間潮州粉麵咁高水準，除咗有牛腩，仲有崩沙腩，係最好味嘅部位🤭店內環境裝修簡潔，但勝在坐得唔會太過迫夾，而且冷氣好涼爽🤣哈哈男朋友叫咗崩沙腩米，雙拼雲吞崩沙腩係牛肚、橫膈膜嘅附近位置筋膜連住牛腩位置，口感特別爽軟🥰崩沙腩牛味濃郁，夠嫩滑内裏一層層肉同薄膜，骨膠質特別多，好好味雲吞大大粒，皮薄餡多，食到有鮮蝦同豬肉，好足料我叫咗 招牌魚蛋米魚蛋都好出色啊，白魚蛋爽彈滑身係每日用新鮮魚肉製作嘅手打魚蛋真係唔同啲😛魚味比較濃郁加咗碟生菜，新鮮而且份量好多呢間崩沙腩粉價錢貼地，可以再食🥳

最近行過太子見到有間魚蛋粉 見個招牌都幾eye catching 入去試吓原來係出名食牛腩嘅入到去餐廳好乾淨 啲姐姐好有禮貌崩沙牛腩米線拼鳳城水餃 $51 + $8 雙拼見到佢係數量有限既 所以見到即刻叫左先同埋好似好少地方食得到咁上網search 下究竟係咩部位先原來佢係牛肚皮的腩位，位於牛的橫膈膜附近又長知識了見到牛腩上有塊薄軟膠質 食落口感係又爽又軟唔會硬 仲有好多肉汁添鳳城水餃 大大隻 皮夠簿好多餡料 又juicy 米線軟硬度適中仲附上兩件白蘿蔔 清甜多汁無渣 好出色再加埋煮牛腩既腩汁入清湯度成件事好夾呀金牌牛腩河粉拼招牌魚蛋 $36 +$8 雙拼牛腩好入味 肥瘦均勻 好易咬魚蛋較軟身 不過幾彈牙蠔油芥蘭 $16大大碟嘅芥蘭食落去好甜無渣

咁啱朋友喺附近辦啲事，約佢出嚟太子食田記，已經不是第一次食了，但呢間分店係第一次嚟，質素的確有保證。招牌牛腩河粉牛腩瘦肉比例較多，足足有七至八舊，每舊都好完整，牛味突出，比崩沙牛腩實身，河粉最高境界係滑捋捋又唔容易斷，食完很飽肚。淨墨魚丸搭咗幾條生菜🥬，墨魚丸有類似蔥、芹菜喺入面，咬落試到一粒粒索索聲，口感層次佳，比一般彈牙墨魚丸冧身少少。鳯城水餃和雲吞都見到原隻蝦，肉有調過味，就算煲過一段時間，依然可以鎖住啲味。腐乳通菜，醬汁落喺側邊，任君選擇點或不點。啲菜青BB幾新鮮，冇黃葉👍🏻環境都乾淨、明亮

去完春生雷參觀之後…見有少少餓…望到正正對面有間港式粉麵店…睇落光猛明亮… 一於入去品嚐吓久違嘅牛腩滋味啦… 坐低之後本來想叫招牌牛腩河…但諗諗吓既然咁耐冇食呢啲…不如就食好啲…所以揀咗 🌟 崩沙牛腩河粉 … 崩沙腩賣相好靚仔…筋肉層次分明…入口又腍又有口感…幸福！！同行朋友叫嘅🌟 牛三寶河粉 亦都唔輸蝕… 牛筋膠原豐富充滿彈性…牛肚望落紋理清晰且食落軟熟…牛腩都牛味重兼唔嚡身…重點兩碗河粉都爽滑無碎濕濕😌😌然後我哋仲叫咗🌟 淨招牌魚片頭 分享…魚片頭魚味濃…唔錯唔錯！同埋🌟 油菜 要咗腩汁通菜…都新鮮翠綠無overcooked...最後想一提杯🌟 凍檸檬菜蜜 真係沖得幾好飲🍯🍋酸甜味平衡得當！

太子呢間真係勁好食,30蚊起食到大大碗魚蛋粉麵呢度招牌既魚蛋粉,30蚊有魚片魚蛋,魚蛋魚片魚味鮮甜,湯底偏淡,食落魚蛋夠軟身,溝粉少先做到呢種質感呢度仲有就係好快會賣曬D野食,試過6點就無粉賣,想食就要7點前比較好牛腩都係限量,呢度主打牛腩雲吞水餃同魚蛋牛腩牛濃,帶肥帶筋邊位,口感豐富,帶點膠質,鮮中帶肉味,唔柴又嫩,口感柔軟有彈性淨雲吞都係30蚊碗,七粒大雲吞,皮身夠薄夠香氣,湯底都係太淡味粉麵底大碗,抵食一流,個人力推淨雲吞同牛腩都係5星之選!平均消費$60食物水準高又好食#田記魚蛋牛腩專門店 (塘尾道) 更改太子塘尾道201號華安樓地舖

話說睇食評見呢間牛腩好出色，所以今日特登黎試下叫左崩沙腩拼雲吞米粉$56等左5分鐘左右就有得食，果真好快手 睇樣係唔差嘅，兩大件蘿蔔、兩粒鮮蝦雲吞、好多件崩沙腩，一大羹蔥蒜、湯頭唔算濃，睇都令人食指帶動😆飲一啖湯，滿滿嘅牛味好香，唔油膩。雲吞見狀好似滾得太耐咁，皮都有d爛喇，咬落蝦係濃嘅，不過我覺得普通。崩沙腩就真係唔係講笑，見佢每件連筋位加少少肥指，肉嘅部分食落係好稔身同易咬，筋位就帶點彈性同爽係好正，食過原味再試埋佢嘅辣椒油哇! 呢個又係另一驚喜蒜香辣咁，點住d肉黎食超正味道又上昇左一個層次 真係好

田記魚蛋粉專家太子有間魚蛋粉專家,牛腩專家食過返尋味,由太子行去約5分鐘~!牛三寶 有牛腩,牛肚,牛筋$46 牛腩軟嫩入味,牛肚仍有爽口感,夠軟淋,牛筋原件上夠膠口份量又多大大碗,湯底濃郁,牛腩滋味鮮香粉底嫩滑唔易散另一碗係雲吞水餃麵 另加15蚊要一碟菜心每款3粒,新鮮即包,水餃皮薄,餡料鮮帶脆,重胡椒味,幾特別水餃要脆又要大隻咁先好食,餡多料多好食蝦肉雲吞夠大隻,皮嫩薄餡夠味蝦甜肉鮮消費$50一個人 #田記魚蛋牛腩專門店 太子塘尾道201號華安樓地舖