阿土伯鹽水雞 (東廣場)

Open Now

Now Closed

總共光顧過3次3次都係態度極有問題黑面嫌你阻住好似要一埋去就即刻剔好哂就俾錢第二次光顧買咗坐低食枱櫈污糟因為佢哋指意客人自己做哂佢哋唔會出嚟抹好有問題當然都係西面光顧過荔枝角店原全無哩個問題態度極好唔通人工好低所以要發洩喺啲客身上好味舖頭失敗在顧客服務上就好可惜希望佢哋快點改善

喺觀塘返工嘅，我通常都會嚟食呢一間鹽水雞最主要嘅原因係因為佢coupon真係比得太多😂申請，佢個會員就會有$5現金券，然後食吓食吓又好容易有卷😂而餐方面個人會比較推介食佢嘅一人餐，47蚊就有，覺得唔夠嘅話仲可以加$7要多一個拉麵比起有飯嗰一個餐，仲平咗一蚊而且仲用個$5現金券味道方面都OK，有三種口味可以選擇，有辣有唔辣，然後小食都可以有好多款可以選擇，我今次就試咗佢係雞頸，都幾有咬口而其他配菜我就揀咗蔬菜生果類嘅例如蘋果，咁就可以健康啲西芹嘅話，芹味就太重，個人麻麻但係我今日就遇到一個問題，個即棄筷子有少少霉😅所以惟有係ok大家都要注意下一個即棄筷子

其實味道唔錯，選擇亦都好多有得揀唔同嘅水果，亦都可以選擇肉定係唔要肉，個人會比較鍾意叫佢嘅芭樂同埋蘋果再配雞而且申請佢嘅會員仲可以有幾張$5現金券，但麻煩嘅係佢唔將現金券都要網上付費先可以，而且佢12點前唔俾點，但一定要12點之後先可以點單，所以覺得有少少麻煩

平日下午大約5點嚟到觀塘打算食個early dinner，咁啱仲有下午茶9折😌（2:30-5:30）之前試過呢間take away都唔錯，今日路過就想回味下台灣嘅鹽水雞是日嗌咗個一人餐$47+拉麵$7（1/4隻雞配3樣餸：甜不辣、杏鮑菇、百葉豆腐）想講。。今次水準差咗好多食材味道唔出，雞嘅份量亦偏少，唔知係咪加麵嘅關係😢淨係食到咸味同辣味，同時比較乾身，搞到食完要即刻飲嘢😫本來都抱住期望入嚟食，諗住人少少order唔多，質素會好啲掛，點知兩三分鐘整完，而且質素認真麻麻，街邊撈麵可能仲抵食，食完覺得晒咗出街食嘅quota😞總括而言，應該唔會再返兜食，想食都係去台灣啦🥹🥹

🌟鹽水雞一人餐 $47評分: 4/5 一人餐可以選擇三款配菜，今次就叫左杏鮑菇/高麗菜/百頁豆腐，另外醬汁要左小辣～每款材料都好清爽，雞肉都好嫩滑，係一口吃size～只係食到底會比較辣，但係overall醬汁都唔會好鹹，水準以上🥰 〰️夜晚經過觀塘口痕想搵野食，就去左東廣場試左呢間鹽水雞，舖頭雖然座位唔算多，但係勝在唔會好逼夾👍🏻 下次如果再經過都會encore～〰️環境: 3/5服務: 3/5地點: 3/5〰️

觀塘食飯時間周圍都係人，如果要快唔洗等哩間係唔錯嘅選擇！揀左個47蚊餐，可選4分1雞或4隻雞翼，另選三個配菜。我揀咗雞，還可以，不過雞有雪味，配菜揀咗甜不辣，超好食。花枝丸份量非常少。最後就係青瓜，青瓜唔係好入味。可以加7蚊加撈麵。不過份量唔大，係減肥既好選擇！

今日經過突然好想雞，就睇吓觀塘附近邊度有得食🤤無意中發現了阿士伯鹽水雞🐔以前我有試過荔枝角分店，觀塘分店就第一次黎。當日大概夜晚5:40pm左右到，現場一個人都冇，所以我就影到以下環境相📸如下圖所見位置唔多，我黎到可以仼座🤓收銀隔離都有宣傳牌，介紹呢度特色調味和最受歡迎配菜。下單形式係填好落單紙，俾$等叫號碼，就可以拎餐🥳 當日時間大概5:45-55pm左右，我點了一份皇牌套餐😋包1/4隻雞和古早飯🍚配菜方面，我點了甜不辣和花枝丸，配阿士醬，微辣🌶一上菜就明顯知道係一人份量，個人覺得份量偏少（本人自覺大食），食完只有3/5飽肚感。味道方面，鹽水雞配阿士醬係我鍾意嘅味道💘雞肉鮮嫩爽口，配上胡椒味非常惹味，令我停唔到口😝微辣對於我來講剛剛好，本人唔太辣得，有微辣調一調未，令到雞肉和配菜都好出色。上面蔥花，剛好中和了微辣味道。古早飯係糯米飯，粒粒分明，飽肚感來自古早飯。一啖鹽水雞，再配上一啖古早飯，不用10分鐘我就清左成盤了。整體來講，阿士伯鹽水雞值得一試，味道出色，令我念念不忘。出菜速度快，適合速食，如果趕時間嘅話不妨過嚟一試。如果大食嘅話建議叫多份，因為我覺得我絕對可以食多份皇牌套餐🤣

員工同老細有仇？直頭趕客檯頭寫住「收銀淨係收現金八達通，要用消費券就用pinme落單」just in case行去問一問可唔可以用PayMe串串共咁話冇，然後數俾我聽visa master alipay wechat pay心諗我本身都係特登行過嚟幫襯黃店後面嗰兩個已經唔知想點算，照order，員工又係燶口燶面，講嘢聽唔到，眼神基本上係想反我白眼咁見胸口牌仲寫住店長order完話八達通，先話八達通機壞，隔離個員工仲要串串共咁攤大手指一指直接掉頭走咗，咁唔憂做唔少我一個

大隻仔今次覓食嘅店舖就係💥 阿士伯鹽水雞 💥 大隻仔好鍾意食鹽水雞，去台灣旅行行夜市一定必食鹽水雞，亦好鍾意買「阿土伯」既一人餐當宵夜食，香港要搵一間好食嘅鹽水雞店舖真係唔容易，大隻仔覺得「阿土伯鹽水雞」算好好食，有台灣夜市嘅水準。今次同朋友食lunch，叫咗皇牌飯餐包括一個古早飯，大隻仔都係第一次食阿土伯既古早飯。⋯⋯⋯⋯⋯⋯⋯⋯⋯⋯⋯⋯⋯⋯⋯5⭐️ 超班3⭐️ 一般1⭐️ 差味道 ⭐️⭐️⭐️⭐️抵食 ⭐️⭐️⭐️⭐️服務 ⭐️⭐️⭐️環境 ⭐️⭐️⭐️⋯⋯⋯⋯⋯⋯⋯⋯⋯⋯⋯⋯⋯⋯⋯⋯🔥 皇牌飯餐 （1/4雞+2配菜+古早飯）$55鳳梨＋甜不辣 & 馬鈴薯＋鳳梨鳳梨食鹽水雞加鳳梨簡直就係最好嘅配搭，微微既甜酸味會帶出鹽水雞既鮮甜味。甜不辣質感同香港魚蛋唔同，煙韌有彈性，似魚膠質地，食甜不辣就要好似食香港魚蛋一樣，配埋醬汁一齊食，會更加好食。馬鈴薯非常爽脆配雞鹽水雞一齊食更加滋味。古早飯古早飯口感有少少似冇配料既臘味飯，但味道偏淡，帶有輕微嘅台灣醬油味同豬油香。

今次係三次來到這間台店， 每次食完離開總是念念不忘， 因為佢嘅飯及配搭材料可以多選擇! 醬汁口味有原味、 阿土醬 、芝士味， 3種口味的試過， 個人認為原味汁比較配合"皇牌套餐1/4+古早飯x2配菜：玉米筍、小黃瓜配菜：皮蛋、西蘭花古早飯有菜、有臘腸， 好食到難以形容

食過好多唔同牌子既雞 依間個雞其實係唔錯 微辣都辣 味道算重口味 岩晒我依家生酮飲食順帶一提依間店既員工態度有問題 直接講就係西 唔知係間野既公司政策定點 買過幾次唔同人都係咁 是但講下衰咩1. 收銀既唔熟收銀d 制 要後面d 老屎忽幫手先落到order2.後面整雞d 老屎忽串77 唔講以為我殺左佢祖宗18代 西住塊面 不過見其他食評都有提到d 員工有問題 希望佢地可以改善下個問題 或者炒左有問題果d 員工有辣有唔辣 去唔去食就大家自己衡量啦

🔹觀塘// 阿土伯鹽水雞🔹人均約$54🔹▫️1/4隻雞&海帶+青瓜+貢丸+拉麵 $54真係成日都食🤣今次第一次海帶！好好入味🤣青瓜好爽口！貢丸正常街市果隻🤭我自己純粹鐘意食貢丸😛必加拉麵！好入味🫢我簡左阿土伯醬！好味😋係偏甜！唔辣都好味🙊🙊另外一款醬係比較咸啲！🔹好飽評語真係食左好多次🙈有時想食個快既或者以前未疫情可以掃街！都好好食😋又好多間分店覺得好似都係觀塘最好食🐵🐵🧠回頭指數：9️⃣🧏🏻‍♀️打卡港女：6️⃣🌬冷氣溫度：6️⃣🚽廁所評價：⏹🧾性價比呢：7️⃣

今日咁啱約咗客係觀塘飯後開會 於是就想快食一個lunch😆 行過東廣場時 就比呢間舖頭吸引咗😝舖頭裝修好有台灣攤檔feel 未食就已經覺得好似去台灣咁🇹🇼經個店員細心介紹之後 因為今日比較肚餓🤨最後揀咗王牌套餐🤩王牌套餐有¼隻雞 + 兩款配菜 + 古早飯我揀咗最鍾意食嘅豬耳🐷同埋台灣地道嘅花枝丸🦑鹽水雞大家都知道最主要係食調味😆今次呢間鋪調味好啱胃口🫶 少少辣得黎又芝麻味好香，聽講係佢哋自己調教出嚟（阿土醬 小辣）😙豬耳🐷同花枝丸🦑就唔錯 同平時會出面食到差唔多🤔鹽水雞有驚喜👍🏼真係做到滑得黎 又有口感 😈同埋仲保持到淡淡雞味🐣古早飯一開始以為係糯米飯 雖然飯比較深色 但覺得唔係好入味 😞

之前食過係幾好食既，所以今次係附近做完facial 就去幫襯下啦，去到因為都夜晚8:30，好多野都賣晒店員態度一般嗌左一個一人餐同半隻雞餐（半隻雞+三款配菜）自己就另外加多左一款配菜（+$8）點知番到屋企食左兩啖先知佢比少咗一款配菜，仲要係加左錢既😑😑整體既調味就唔差既但啲雞比起以前鞋左好多，雞胸真係好難食同埋感覺係冇半隻雞咁多配菜份量偏少麵既份量都係偏少男士一個一人餐係唔飽既我自己就食完半隻雞都感覺好空虛可能我大食啦🫠🫠經過今次都唔會再試了

想食台式鹽水雞 呢一間真係一個唔錯嘅選擇👍而且佢一人餐抵食之餘又夠飽肚😗首先有一大兜雞 都幾嫩滑🐔仲可以揀三款配菜 唔夠飽仲可以加埋面底 份量相當之大😍而且營養均衡 幾健康🤓