mrs boss

Open Now

Now Closed

午餐想食沙律，但又唔想全部都係凍的蔬菜類，發現這間小店，品種選擇都非常吸引，價錢性價比高。All day breakfast 有雞蛋、茄汁豆、漢堡、蕃茄、粟米、酸蘿蔔、蘑菇、腸仔、薯餅、魚柳、多士，我不吃漢堡，老闆娘幫我轉半份蛋，非常貼心。先講包裝充滿「Thank you 」的字眼，打開盒子色彩繽紛吸引力非常高，重點茄汁是熱，醬料有茄汁、醮魚柳用的白汁、還有一盒藍莓及杏仁，這個真是非常驚喜。下次必定試其他款式及早餐，推介的小店。

每天上班都經過這小店，有天終於試了早餐的雞肉三文治卷（連飲品$28），食物不錯，包裝難得地精美，特別欣賞附送的一小盒藍莓和果仁，看得出店主很用心，值得支持。不是打手，但平時很懶寫食評，看見值得支持的小店令我獻出第一次 😂

返工有時好難出去食飯，所以今次同同事決定叫外賣！今次我地叫咗份ALL DAY BREAKFAST！😋 首先，我叫嘅係佢哋嘅豐富早餐A，價錢就係$66，仲有凍檸茶配添！喺鰂魚涌嚟講，我覺得價錢都算OK！💰👍 打開餐盒嗰陣，真心有少少驚喜，見到有果仁同藍莓靚靚咁裝咗喺一個精緻嘅小碟入邊，呢個係我第一次食外賣見到送咁啱口嘅小食，真係覺得好貼心呀！🥗🍇 再嚟就講講主菜啦，我最鐘意食嘅就係嗰啲金黃酥脆嘅魚手指。外皮炸得啱啱好，加上一啲沙律醬，味道真係好好嘅！🐟👌 另外，早餐入面嘅沙律菜都好豐富，令到呢一個早餐（雖然我係喺下晝食嘅）都好似好健康咁。青翠嘅蔬菜、鮮紅嘅番茄，色彩繽紛，食到我心情都好啲。🥬🍅 總括嚟講，Mrs Boss嘅呢份早餐真係留俾我好深嘅印象。唔止營養均衡，味道都好好食。下次有機會，我一定仲會再叫呢間外賣嘅！🔝🙌無論係早餐定係午餐，我都推薦大家試下Mrs Boss嘅ALL DAY BREAKFAST，保證你唔會失望嘅！👏🌟

Mrs boss舖位前身轉左好多手，主力都係買一啲精緻嘅便當。而「老闆娘」嘅裝修綠油油，仲有她嘅icon放喺招牌度，好吸睛。Mrs boss嘅便當，打卡係一流嘅。至於飽唔飽，依稀記得我食過一次佢嘅九宮格，一般飽。今次，我order咗佢嘅全日早餐。經OpenRice外賣連飲品叫all day breakfast 都係$50，唔貴，呢個包裝好精美，淨係對住個外賣盒都可以打一輪卡。甫打開，見到佢嘅份量比想像中嘅大，鰂魚涌係一個商業區，好多OL打工，佢亦都定位為一個「港女餐」，所以很精緻，勁多菜。佢嘅菜真心多，我近排減肥，呢個早餐幾啱我。佢有2條魚手指🥰😍，不過略嫌鹹少少。最開心嘅，個早餐奉上咗一啲果仁同藍莓做小食，呢個飯前菜，相當吸引呀！Order既一杯奶茶，中規中矩，絕對比唔上茶餐廳嘅奶茶。整體來講，呢個全日早餐非常有驚喜，再加上佢舖頭裝修好潮，外賣很精美，「老闆娘」個頭像很「性感」，就算人唔飽，用電話影相都影飽晒。

小店早餐。。。今早經過，望到個早餐餐牌。。見到午餐肉卷。。幾吸引。。咪走入去點餐。。老闆係一對夫妻。。看店名就知誰是大老闆。。🤭點餐後，很快就有。。包装很貼心。。長形小膠袋內有一杯港式奶茶，一個杯形纸盒內有兩件獨立包装的午餐肉卷，一小盒小食午餐肉卷。。生菜，蛋，午餐肉條。。三樣配合好味又不滯。。正奶茶有茶餐廳水準。。吾錯亮點在小食。。藍梅，杏人。。作為開工前早餐。。有呢份小食。。好似為自己加加油，打氣。。去迎接新一天工作

最近外賣午餐食來食去都係果幾間，開始覺得有Ｄ悶，於是我決定去試下同事推薦嘅呢間新外賣餐廳。餐廳嘅最大特色係名叫九宮格嘅便當，即係每個便當會有肉類、沙律、澱粉類食物等總共9種不同的小菜。我覺得呢個idea幾有新意，因為通常市面絕大部分嘅便當通常只有3-4種小菜。除咗3款九宮格（炸雞、豚肉及蔬菜），餐廳亦有提供不同種類嘅沙律以及All Day Breakfast。第一次幫襯，我揀咗炸雞九宮格，裡面分別有2格炸雞、1格煙肉釀啡菇、2格蔬菜沙律、1格薯蓉、1格紫薯1格芽菜同埋1格酸菜。炸雞同埋煙肉釀啡菇味道唔錯，而且沙律用嘅蔬菜幾新鮮。一開始我擔心冇白飯會不會唔夠飽，但係其實超過一半嘅格都有生菜墊底，所以食完都有足夠飽腹感，又唔需要擔心之後會飯氣攻心。雖然80幾蚊一個便當唔算話太抵食，不過我覺得店主在設計小菜配搭上落咗唔少心機，令到大家享用美味食物之餘又可以攝取均衡營養。我誠意推薦呢間餐廳俾所有追求高質素食物，又想食得健康嘅上班一族。

今日喺寫字樓遲咗落街食晏，行過公司附近见到間新開铺頭Mrs. Boss，见到佢啲餐牌都幾有特色，于是一行3人決定買外賣。烟鸭胸沙律- 鸭胸嫩，沙律菜又多又新鲜，不單配菜蕃茄仔甜，估唔到侧邊啲桃都好清甜（肯定不是浸糖水）同鸭胸好匹配。炸鸡九宫格 - 睇落每樣小小分量，但食完之后都覺得好飽肚，劲有日韩feel，酸瓜醒胃，薯蓉creamy，紫薯適中帶甜……细细粒炸鸡脆口肉嫩有味，清底九格後好飽肚。咖喱炸鸡意粉 - 炸鸡味道同上，咖哩係日式味道，淡淡帶香，意粉弹牙，呢个份量夠晒我公司肥仔食。凍咖啡 - 加6蚊有，不太濃不酸，我個人喜歡晏晝飲淡一点兒的咖啡，普通茶餐廳冇得比比。後記：啲餐具都好正又够環保