阿木台灣麵 (豉油街)

Open Now

Now Closed

紅燒牛肉牛筋麵紅燒牛肉牛筋麵端上黎果下就已經聞到陣陣香味，牛肉湯味道濃郁，忍唔住飲曬成半碗，牛肉同牛筋係厚切，食落去啖啖肉，軟硬程度適中，唔會太淋/太硬。鹽酥雞、炸蚵仔酥🦪鹽酥雞同炸蚵仔酥粒粒分明，食落口幾香脆。芝士岩鹽四季春青茶奶蓋偏奶粉味🥲（唔太肯定，可以試下後卑feedback）仙草奶茶+珍珠仙草幾滑，珍珠煙靭，兩個份量都唔少，奶茶可能自己揀咗少甜，飲落去多數都係茶味，只有食到珍珠嗰陣時有d黑糖味，建議大家可能揀返正常甜度🤣店員親切，有台灣味道！

經常路過旺角都會看到這間台式麵店，人龍通常出現在七點之後，今天下午路過，便在這裏享用一個下午茶。店內除了麵食之外，還有台灣食品出售，非常有台灣特色。紅燒牛肉牛筋麵$79，牛筋軟腍可口，入口溶化，牛肉炆煮得很軟腍腍，軟中帶點煙煙韌韌，非常美味。麵是自家製的手打麵，彈性十足，口感豐富。肉燥時菜$43，肉燥大濃郁的醬油味道，加上番薯苗的味道，非常健康。台灣小香腸$32，香腸經過翻譯之後，香味十足，加點蒜片可以減少油膩感之餘，增加味道層次。芝士岩鹽奶蓋炭燒烏龍茶$25，芝士奶蓋味道十足，加上岩鹽和烏龍茶的香味，層次感豐富。金桔檸檬話梅紅茶（凍）$39，柑桔、話梅、檸檬都有三種不同的酸甜味道，混合在一起加上紅茶的茶味，變成一個開胃可口的飲品。

蕃茄牛肉牛筋麵 $79牛肉、牛筋各兩大塊牛肉厚切煮到軟淋、一咬就開唔會韌牛筋燘到帶膠質滑嘟嘟好正麵條似粗版上海麵煙韌彈牙浸耐左都唔會變淋煙韌勁中意！蕃茄湯底濃郁質地有少少稠身蕃茄味天然真材實料麵條越浸越掛湯出色既牛肉麵芝士玉米蛋餅 $49蛋餅唔係香脆果種餅皮質地軟軟地帶少許煙韌口感蛋餅包住一層勁厚既雞蛋嫩滑juicy夾埋爆漿既鹹香芝士同香甜脆口既粟米口感層次豐富味道鹹淡適中係一道飽肚又不失美味既小食金桔檸檬話梅汁 $17味道酸酸甜甜吉埋檸檬同桔仔多左陣新鮮既酸味十分清爽解渴飲完無負擔又解膩潤喉之選

今晚同朋友係新寶睇戲，大家都早左好多到，所以就打算食個early din🤣呢間阿木都有幾間分店，同普遍台灣菜一樣，牛肉麵、便當類、招牌台灣小食都有得食。但係成日都排長龍，咁啱涉到時間入去食。旺角總唔算大，但座位都好寬闊🤩半筋腩番茄台灣麵本身掙扎緊加唔加錢轉關廟麵or粉絲，不過最後都係維持原判🤣🤣，有四塊厚切牛腩同兩件牛筋，軟熟度我就好ok！好怕食D要大大力咬嘅（尤其係筋@@）味道都非常入味，所以再加碼叫多個紅燒牛肉小食😋佢碗番茄湯係偏甜嘅，麵咬口都好煙韌，係會好飽果種feel😂鹽酥雞排（小食）性價比高！裏面夠熱夠juicy，檯面仲有隻粉比你加落去可以試下其他聞到，但係我自己原味就好了～

阿木牛肉麵之前真係食過好多次，隔咗一排再食返都係覺得差左！🍴 家傳鹽酥肉 $40 (7/10)炸得香口唔油膩炸粉係非常之薄，肉質食落去彈牙8🍴 平日午餐 紅燒牛肉麵 $70 （5/10）牛腱四大塊，好軟腍冇牛味，粗身嘅面冇乜特別，份量少左，湯係死鹹，辣醬都差左冇咁好食，個樽本身冇曬refill比得勁少，好似驚人食蝕咁，不了。推薦指數: 5/10食過咗好多次，今次最差，不會再去😂

每次食飯時間經過呢間舖頭都會見到長長嘅人龍，呢間牛肉麵人氣十足，今次終於去試吓！我哋order咗一個牛肉麵同兩個小食，兩個人share都已經好足夠！非常推薦紅燒牛肉麵，牛肉肉質軟腍，而且好入味，湯底味道濃郁，再加入自家製嘅麻辣醬更加好食❤️.芝士肉鬆蛋餅都係必點之一，肉鬆份量非常多，成個配搭冇得輸！鹽酥雞都係台灣菜一定要食嘅菜式，鹽酥雞炸得好酥脆，唔會太乾👍🏻👍🏻👍🏻.飲品揀咗仙草奶茶同芝士奶蓋烏龍茶，兩款飲品都好好飲😋.📍 阿木台灣麵 (豉油街) (旺角)旺角豉油街60-102號鴻都大廈地下3-4號舖

開業多年，相信好多人都一樣，想食牛肉麵就會諗起阿木。今次除咗食招牌菜牛肉麵麵，仲追加小食，一樣食到lam lam痢！紅燒牛肉牛筋麵半牛腩肉半筋的配搭，牛腩香酥軟腍，筋位滑嘟嘟，麵質軟腍適中。滷牛肚絲牛肚即金錢肚，以醬油滷香，汁料能襯托出牛肚味道，食落有微微甘甜。蚵仔酥(炸蠔仔酥)以鹽酥雞炸粉炸蠔仔作小食非常唔錯。蠔仔飽滿酥脆，外酥裡嫩。金鑽鳳梨四季春 ｜金桔檸檬話梅四季春 非常喜歡金桔檸檬加話梅，滋潤味美，滿滿秋季味道。🛎️必試指數：9/10🔆

放工去左旺角同朋友行街，行到咁上下突然好想食台灣麵，咁啱搵到附近有阿木台灣麵，以前都食過幾次，今次食覺得佢真係值得俾更多人試到，因為真係又正宗又抵食，份量足到兩個人share一碗麵都夠哂飽！紅燒牛肉麵我每次去一間新嘅台灣菜餐廳，都一定會試下佢地嘅紅燒牛肉麵。作為台灣既代表食物，坊間好多台灣菜餐廳其實都整得唔係幾好食，通常都係牛肉太鞋、湯唔夠味或者麵太稔。而阿木台灣麵既紅燒牛肉麵就做到樣樣水準以上，湯底濃得嚟唔會太鹹，麵質彈牙，舊牛肉非常入味，咬落口感適中仲好juicy，同朋友share一碗食到好滋味！芝士肉鬆蛋餅今次除左必食既紅燒牛肉麵之外，仲叫左個芝士肉鬆蛋餅。一上菜果一刻真係俾佢震驚左，個蛋餅用料超足！啲芝士同肉鬆幾乎係爆出嚟咁滯，個口細啲嘅人都難啲一啖咬哂。蛋皮食落好Q彈，夾住啲芝士同肉鬆，真係好邪惡！另外我地仲叫左黑糖珍珠奶茶同芝士奶蓋烏龍茶，兩款都好好飲，同出面台式飲品店味道一樣！建議經過旺角嘅你地都快啲去試下，真係好好食！

紅燒牛肉牛筋麵$79非常慷慨的一碗紅燒牛肉牛筋麵！無論牛肉還是牛筋都好大塊，而且係厚切，入口即溶，再飲番啖湯，食返口面，實在係好享受！麻醬拌麵$42 麻醬香滑，麵條煮得彈牙，食落煙靭有咬口，唔錯！台式炸大腸$49神作！外脆內軟，味道濃郁，廚房有功架！絕對會為咗再食多次呢份大腸而回頭！蚵仔酥 $49 食到充滿台灣味嘅酥炸粉之餘，仲食到充滿肉汁嘅肥美蚵仔，同平時食蚵仔煎嘅口感有啲唔同，幾得意鹽酥雞$39炸得唔錯，肉質保留水份，味道正常發揮芝士玉米蛋餅$49上枱嘅時候芝士已經呈熱熔狀態，趁熱食好過癮，好味珍珠奶茶x2 $60奶茶甜度剛好，珍珠軟硬度亦剛好，滿足

{🍽️ 香港搵食 🍽️｝阿木台灣麵去咗呢一間位於旺角嘅台灣牛肉麵，叫咗幾樣一直想食嘅美食，真係大滿足❤️ 首先係紅燒牛肉牛筋麵，牛肉夠晒嫩滑，入口溶化，牛筋爽滑彈牙，加埋個紅燒牛肉麵嘅湯底，帶有微微辣味，加埋彈牙嘅麵條，一口接着一口，簡直係食到津津有味，好惹味！！芝士肉鬆蛋餅呢款蛋餅煎到外脆內軟，芝士溶得剛剛好，同肉鬆一齊食嘅味道真係好夾，濃濃嘅芝士味，令到整體味道提升咗一個層次👍🏻👍🏻 蚵仔酥 蠔仔會有蠔嘅鮮，而且炸到好酥脆，食落口熱辣辣，脆卜卜，正🤤🤤粒粒白桃四季春 有好多細細粒嘅白桃，桃味香濃，非常解渴金鑽鳳梨四季春好香菠蘿嘅味道，飲落好fresh無論食物嘅質量同埋服務嘅態度，呢間餐廳都真係唔錯，值得推薦大家去試一試😎

🎀旺角。平民地道台灣菜 仲可代購台灣食品🔄🎀🪄店名* #阿木台灣麵🔮地址* 旺角豉油街60-102號鴻都大廈地下3-4號舖🔮🗾分店地區🗾 旺角,荔枝角💰價錢$211 (2人)➖➖➖➖➖➖➖➖➖➖➖➖➖想睇更多同區推介👉地區搜尋🔍🗾#pickyme_旺角剩系食呢一類👉食物類型搜尋🔍🍜#pickyme_台灣菜➖➖➖➖➖➖➖➖➖➖➖➖➖🎵餐廳環境🎵一直聽講呢間台灣菜都屬於性價比頗高 今次黎到旺角分店 見到店鋪外面設計幾特別 有擺放貨架可售賣代購台灣食品 以及更獲多個獎項👍🍽️食物質素🍽️食物方面選擇種類有各款牛肉麵,便當,拌麵,蛋餅,肉燥飯,地道小吃及飲品等 份量大碗飽腹感十足～👀評分💖💖💖💖🪄 紅燒牛肉麵$76份量比我想像中大碗 可以揀選自己喜歡既麵底 牛肉都幾軟淋大塊 湯底幾濃 配上粗面 相當有飽腹感👀評分💖💖💖💖🪄炸甜不辣$32口感煙煙靭靭 好有咬口 賣相好似番薯條甘👀評分💖💖💖💖🪄 蚵仔酥$49呢款小食味道幾唔錯 由於新鮮即刻炸 等候時間會相對耐少少 但係外皮香脆而且柯仔後濕潤感 很鮮甜👍👀評分💖💖💖💖🪄 芝士岩鹽奶蓋炭燒烏龍茶$20 & 黑糖珍珠鮮奶$34飲品都幾大杯 不過偏甜 建議大

在旺角的**阿木台灣麵**，我品嚐到了台灣風味的精髓。這裡的**紅燒牛肉牛筋麵**，湯頭濃郁，牛肉軟嫩，牛筋彈牙，麵條更是吸滿了湯汁，讓每一口都充滿了肉香和醇厚的味道，令人陶醉。🍜緊接著，我點了**蚵仔酥**，炸至金黃酥脆，裡面的蚵仔鮮美，外皮脆口，搭配特製的醬汁，味道層次分明，令人一試成主顧。這道小食，無疑是搭配主菜的最佳選擇。🦪此外，我還嘗試了**芝士岩鹽奶蓋炭燒烏龍茶**，無糖選擇配上珍珠，奶蓋香濃，茶香四溢，與珍珠的Q彈相得益彰，為這頓美食增添了清新的口感。🥤整體而言，阿木台灣麵不僅提供了美味的台灣料理，更讓人感受到家的溫暖和親切，實在值得一再光臨。**阿木台灣麵** 地址：旺角豉油街100號鴻都大慶地下-3-4號舖

麻辣牛肉牛筋麵：充滿香濃嘅麻辣香氣，未食已經流口水。牛肉煮得好腍，牛筋Q彈有勁，麵條彈牙，吸滿咗湯汁嘅精華。湯底麻辣鮮香，辣度啱啱好，唔會過於刺激，超推薦！！蚵仔酥（炸蠔仔酥）：平時食台灣小食多數都係炸雞，第一次食炸蠔仔酥！外皮炸得金黃酥脆，內裏嘅蠔仔鮮嫩多汁，一咬落去就爆汁，口感一流，好驚喜！芝士肉鬆蛋餅：呢個蛋餅真係超級正！蛋餅內裏夾住滿滿嘅芝士同肉鬆，每一口都充滿濃郁嘅芝士香同肉鬆嘅鹹香。芝士岩鹽奶蓋炭燒烏龍茶（凍）：推薦呢杯飲品！炭燒烏龍茶嘅香氣配上芝士岩鹽奶蓋，味道層次豐富。奶蓋鹹中帶甜，配埋茶嘅清香，好夾。台式檸檬紅茶（凍）：正常檸檬茶，不過茶膽好似濃啲，茶味比出面嘅香啲，想飲啲清新飲品嘅話，呢杯檸檬紅茶係一個唔錯嘅選擇。鍾意食佢哋嘅麻辣醬的話，仲可以買返去架！好貼心！

#旺角美食 #小莲星呑食旺角🔻 阿木台灣麵旺角豉油街60-102號鴻都大廈地下3-4號舖/食台灣菜嚟講，阿木台灣麵喺我心目中排名都好，真係好有台灣原味道，久唔久都想出去旺角食吓/🧃 麻醬拌麵麵條煮得啱啱好，滑溜又有咬口，口感一流，麻醬味道濃郁，帶有陣陣花生香，配上蔥花同黃瓜絲，清新又開胃/🧃 芝士肉鬆蛋餅蛋皮薄薄一層，包住濃郁嘅芝士同肉鬆，趁熱咬落去即刻芝士拉絲！加埋咸香嘅肉鬆，食唔停口/🧃 古早炸排骨 滷肉拌麵（套餐）炸排骨外脆內嫩，肉質鮮嫩，油脂香得來唔油膩。滷肉拌麵就更正，滷汁入味，麵條吸收咗所有精華，搭配埋排骨簡直完美！/🧃 牛肉麵 鹽酥雞 （套餐）牛肉麵湯底好濃郁，牛肉軟嫩，味道入得好透。鹽酥雞就外脆內嫩，加埋香料，咬落去超有口感/#food #foodie #hkfood #hkfoodie #foodporn #foodstagram #hkfoodblogger #foodblogger #foodlover

呢日我黎到旺角, 好想食台灣野, 見到呢間阿木台灣麵, 就好想食下! 我見隔離枱既牛肉麵都好吸引! 所以我都忍唔住叫左! 我地左紅燒牛肉麵, 真係超好食, 個湯底地濃好好味, 牛肉又重牛味, 食到我lamlam 利, 個麵又唔淋, 岩岩好, 重點係熱辣辣! 個湯都俾我飲哂! 哈哈, 另外仲有D 前菜食下, 中和下油膩感真係Perfect!!!!!!!! 佢仲有好多其他野食, 我下次都要試試佢!下次要飲埋D 台式飲品!!!!!!!!!!!!!!!! 我見人地杯野飲都唔錯, 但我已經好飽了, 下次要叫多幾個朋友一齊黎再叫多D 小食一齊試!