木子甜品 (Closed)

第一次黎呢間食甜品 感覺好舒服 店內好擴闊 唔會好逼平時只係食開沙冰 窩夫 但見呢到有芋圓就好想試下所以嗌左個宇治牛乳芋圓 一黎到見到都幾大碗下牛乳有半碗甘多 上面有舊雪糕 入面都有大概7-8粒唔同味既芋圓 其實都幾飽下成碗野唔太甜但我見係用紙碗裝 覺得失左d風味 同埋好唔環保

初七人日，收咗工諗住係旺角附近搵個地方正正經經食餐飯，唔知係咪個個都要慶祝生日，所以間間都排晒大隊，結果谷鬼氣走咗去食KFC， 但食完會即刻覺得熱氣，要潤返下，加上想彌補番個心靈上嘅空虛，所以決定揾甜品食。好想食芋圓，但康瑞仲係放假中，無得食，記起之前都有人食過木子甜品，雖然毀譽參半，但都決定試下。可能能跟地點較偏/ 時間尚早有關，黎到嘅時候客人唔多，加上以甜品店而言，相當闊落，環境算不俗。睇過餐單先知道，原來佢地現在以cafe形式經營，除左超多款式嘅甜品，仲有提供意粉、沙律等輕食~~芋圓海底椰仙草 $31成碗嘢嘅份量睇落算幾多，芋圓、地瓜圓各有3至4粒，又有幾片海底椰，加埋一球椰子雪糕，賣相唔錯，幾豐富。芋圓同地瓜圓還可以，稱唔上好煙韌，但面頭有層糖漿包住，食多兩粒會覺得好甜。仙草質地唔夠滑溜，似涼粉、龜苓膏，口感都係其次，最慘又係甜。椰子雪糕味道唔夠清新，整體來講，就係甜上加甜，所以食到一半就投降放棄咗。宇治牛乳芋圓 $30一黎到，嘩！咩料？！成碗湯咁…上面有舊沬茶雪糕，芋圓、地瓜圓少量，連同紅豆，通通沉晒底，賣相唔多掂…一試，牛乳無味，唔香又唔甜加上紅荳同芋圓份量較少，真係似飲凍

早兩三年，我好鍾意食木子芋圓系列，當時抵食夾大碗，材料又豐富。今晚元宵想食糖水，叫咗碗紅豆湯蓮子芋圓，真係好失望，紅豆湯真係水一般稀，紅豆兩三粒，仲有係佢地只有好淺身嘅外賣膠匙提供，要"畢"啲咁稀嘅糖水真係好吃力，真係好想捧住個碗就咁飲就算。我地仲點咗花生糊，裡面啲白玉丸子完全冇口感，條脷一壓就扁咗化咗。自從佢年前裝修及改menu以來，我覺得冇以前咁好，又唔見坐得多咗人，食物質素又越來越差。我諗我有一排都未必會再考慮木子

😡😡😡今日五點半去左木子甜品食晚餐，叫了兩個意粉，一個沙律，兩杯飲品，等左半個鐘先出一碟意粉，但仔仔同我都一心想食另一碟，所以爸爸先食，之後又話冇沙津，ok，我同仔仔好肚餓，即刻加多碟意粉，再等左陣，先出杯錯嘅飲品，之後換返正常，再等了又等，催左佢，只答話整緊，但又見佢每枱都有出意粉，仲要枱枱都後黎過我地，仔仔不停催話肚餓，BB又開始叫，再催話等左成九個字，都只答我整緊，我話埋單，一個女waitress 即時話四號枱取消，咁我地自己食左佢！！聽到我更加嬲😤，有冇搞錯，等成個鐘都冇得食，一句對唔住都冇，離曬大譜！😡😤

以前經常去，因為味道ok價錢都平今晚去裝修了並也加了其他西式甜品，沙律意粉我點了黑糯米芋圓，布朗尼配雪糕首次布朗尼配雪糕，布朗尼係一舊硬磚，每用匙羹“筆”一下，布朗尼就飛左去枱度，可想而知件布朗尼有幾硬，我都無理照食，其後食落去味道怪怪，內裡的nuts就益左，我比朋友試，朋友也有相同感覺，所以我叫侍應換，等左一陣，最後一個廚師出來並同我講，我同另一個同事試左同一塊嘅係咁嘅味，無問題，佢暗示不會換，我堅持要換其他甜品，廚師即黑面兼態度差，不夠10秒，聽到該名廚師大大聲講:個個客食左少少話唔好食就換，我地點做生意…………(大約意思，之後講咩聽唔到亦唔想聽)。其實我真想叫另一台式糖水補番，但最後唔敢叫，費時比人加料黑糯米芋圓，不夠熱，味道不太甜都ok**客人覺得味道怪，唔係覺得唔好味，唔好味無辦法要忍，而家係怪味，叫我點食?如果係一間好嘅餐廳，應該即換，況且我又唔係白食，我只想換另一甜品都比人話，受人氣，真無理****態度差，不會再幫襯

星期日又係慢活hea嘅一day😄😄同老公食個lunch😙😙木子暫時係我最愛嘅食店之一😍😍價錢優惠又好食，最重要係環境坐得舒服，可以放鬆心情hea(木子下午過後有甜品提供，習西餐加糖水舖crossover)

為食豬已經唔係第一次嚟呢度食糖水，必食嘅係芋圓，可以話係喺香港食過最好味嘅芋圓!仙草2號($19): 19蚊一大碗真係好抵食，仙草味道正正常常，某為食豬話好有仙氣。配料好豐富，有芋圓，蘆薈，豆，芋泥同最特別嘅一球仙草冰。呢度嘅芋圓唔止一團粉咁簡單，紫色有芋頭味，黃色又有蕃薯味，而且軟硬適中。豆亦煮得好粉，芋泥都有少少芋頭粒。唯一要批評係甜咗啲，食到尾會有啲膩，但呢個價錢完全收貨。

勁愛芋圓既我。。。又去食新野。。。。。係旺角地鐵站行過去都真係幾遠行左成15分鐘先到😹😹但舖頭環境幾好坐得好舒服唔會好迫叫左個辣牛肉意粉。。。都唔曳嫁。。仲要正常既份量但只要$50😂😂😂仲想有咩要求👍🏻👍🏻仲有杯熱情果紅茶🍹🍹🍹甜左少少。。但$20有咁大杯係啤酒杯咁大🍺🍺主角當然係我最愛既芋圓啦宇治豆花芋圓🤗🤗🤗個芋圓真係正。。煙煙 un un仲要$24有咁大碗邊到搵丫。。我地仲加左$8有3粒既有餡芋圓係紅豆。。蕃薯同芋頭味呢個真心正。。。大粒d更有口感咁個價錢有咁質素。。。👍🏻👍🏻👍🏻👍🏻👍🏻👍🏻

第一次打食評因為第一次食咁難食嘅糖水我最愛嘅芋圓一pat野咁 又無味黑糯米又未煲林……男朋友用好有咬口形容其他嘅都唔講啦同行有四個人都一路食一路彈我碗芋圓仲要食剩三份二……因為真係太難食所以我相信狂俾讚嘅就係所謂嘅打手希望大家唔好中伏！

得知木子甜品裏有些意粉、沙律的輕食，因為還沒吃午餐的緣故，所以便打算和妹妹在此吃正餐及甜品。約下午3時左右來到，便先點了鮮茄大蝦意粉和墨西哥辣味烤牛肉意粉，意粉一呈上，便覺得胃口大開因為賣相相當良好，配料又豐富，有玉米芯、杏鮑菇、荷蘭豆及車厘茄，意粉扁平爽滑，而大蝦彈牙有咬口，烤牛肉又不會過火，再加上濃郁的番茄醬，非常滋味然後便是甜品方面，我們都點了鮮芒仙草，再話加一份地瓜圓/芋圓，芒果香甜芳溢，地瓜及芋圓煮得很有有咬口，仙草凍亦清涼滑溜溜的，而且連那球雪泥也是仙草口味的，很新奇相配，這一頓飯也只是$15x，果真飽肚滿足

今日過深水埗見工，之後口痕搵甜品食。點了一客黑磚世界，一次有三款甜品.....先來食香草雪泥，味道適中，唔錯再來布朗尼蛋糕，質感夠實，可惜朱古力不夠最後食朱古力奶凍，夠朱古力味，但作為結尾，真係好膩。下次再食一定最後食雪泥

木子是一位朋友經常推介我去吃芋圓的餐廳，不過一直都未有的起心肝去試。最近被人撩起吃芋圓的心癮，就想起木子。之前說是在旺角，但現在已經搬了去大角咀，雖然天時暑假走過去都有點遠，不過為了一嘗她的芋圓，就花點時間吧！我點了一碗宇治仙草芋圓。*宇治仙草芋圓($24)首先，索價$24一碗真的很便宜，現在的糖水，起碼都收約$30碗，加上份量很多，簡直就是超值！芋圓煙un而且番薯味和芋頭味都很濃，不會感覺似吃麵粉一樣；紅豆很軟綿甘甜；仙草份量很多，而且夠清涼，可以消暑；宇治雪芭的抹茶味雖然不算太濃，亦不會太甜，但是可以接受的。吃一碗真的很飽！

今日食兩個意粉!一個係煙肉蘑菇意粉及煙三文魚意粉!等左大半個鐘!先有得食!黎到個煙三文魚味道超怪!同時間我以為食梗湯意!下次一定唔會再食這間餐廳!不知所謂！2柸野飲同飲凍水無分別!無味!

大角咀朋友極力推介木子甜品，今日帶台灣朋友黎食下，睇下有幾台灣。木系門面裝修，感覺寬敞。Menu選擇都好集中食甜品，有台式也有港式。我揀左宇治豆花芋圓，呢個mixed日系嘅配搭好正，有我鍾意嘅綠茶雪泥配甜甜的紅豆，加上店有名的taro and sweet potato ball, 好味又有嚼勁！豆花都好滑！性價比好高！台灣朋友也喜歡，覺得跟台灣的也蠻相的！

小編一向都係台灣芋圓的fans🖖🏻加上係美食就更加唔會錯過！今次黎到大角咀亮賢居樓下搵野食～呢間係木子甜品的總店，地方面積頗大，黎過幾次都未見full house🤔食物方面，我叫左個宇治金時抹茶紅豆芋圓豆腐花😍如下圖：一黎到的感覺係「廿幾蚊咁大碗？😱」無睇錯！真係廿幾蚊！由於小編太愛芋圓的關係，所以額外加多一份芋圓上去😋但其實佢本身芋圓份量都晤少！先講舊綠茶雪糕，有濃濃的綠茶味又不會偏淡或者太苦～芋圓口感煙un，少少甜甜地，超～好～味～☺️配埋粒粒紅豆同埋自家製豆腐花...媽呀～好幸福啊～☺️總括來說，抵食加美味指數係超過5粒星！小編高度推介啊，必定有下次！😋