MUZI (Closed)

晚飯後梗係要整個甜品啦~心思思想食奶凍，於是就去買~成個凍櫃琳琅滿目，又有原味，又有朱古力味，仲有抹茶、奶茶、芒果……有選擇困難症嘅我完全唔識揀，經過來回地獄又折返人間嘅思考過程，最後我決定快刀斬亂麻揀咖啡味！！睇佢個樣就係一個正常奶凍應有嘅樣啦(唔係你想係咩樣？) 急不及待打開食一啖……唔，淡淡嘅咖啡味隨即充斥口腔，甜而不膩，即使一啖接一啖咁不停食，嗰種咖啡味仍然會繼續在口中，而唔係淨係得甜味~ $16完全值回票價！美中不足係佢無得堂食 下次去再試埋其它口味先

這間位於我家商場的台式甜品店"Muzi", 每天都會經過但從未光顧, 每次經過都見有學生哥排隊買珍珠奶茶, 但都從未吸引我停下脚步。媽媽只輕輕地提及我的小寶貝喜愛這裡的雞蛋仔, 這句話竟然深深地印在我心上, 原來成為母親的我已經徹底的把自己付出給我女兒。天下的母親總是這樣吧!今天女兒指著這店, 我便立即跑回頭為我女兒買雞蛋仔。雞蛋仔是香港傳統街頭小吃, 老中青都十分受落而且便宜飽肚的美食。雞蛋仔製作簡單快捷, 只需要雞蛋仔機、雞蛋、麵粉、淡奶和糖便可以。可是要做出美味可口的雞蛋仔又談何容易? 在我心目中, 好味的雞蛋仔應該外脆內軟，每粒餅仔都要相連，中間要鬆軟。"Muzi"的雞蛋仔只賣$12。即叫即做, 保證新鮮又熱烘烘。等了五分鐘終於有得食。雞蛋仔放在有不少氣孔的紙袋內方便散熱及避免倒汗水。立即拿取雞蛋仔跑去公園同老公及女兒齊齊分享。金黄色的雞蛋仔每粒都完整無缺, 而且每粒相連, 賣相對辨。把雞蛋仔撕開, 裡面不是空心, 絕對是足料製作。咬下去, 用料足可是太多麵粉做成不夠鬆軟, 口感比較死實。味道上也太重麵粉味, 少了份蛋香。由於這顆雞蛋仔實在過份實心，感覺上有點似食緊帶有蛋糕味的

每次行完山，都會食甜品獎勵自己，上網睇調景嶺真係無乜選擇，見呢間甜品都幾特別，搵到發現原來無位坐！咁都買來試下，由得肥髀自己揀！佢揀咗自選雪泥兩款加個脆碗（即食）！我就買個冰花燉四寶外買！自選雪泥加脆碗（$25）雪泥都幾多味道！芒果酸甜開胃，味道幾清新，似雪葩，紅豆質地比較散，真係似泥咁！紅豆味幾濃！中間夾雜紅豆！幾特別！脆碗比較厚重，唔夠輕盈，所以最後食唔晒！冰花燉四寶（$24）外賣返到家打開，見到好多元肉，元肉煙韌，紅棗兩粒大粒，味道酸酸地，蓮子重身沉底，去芯唔澀，糖水中間夾雜糯米，索晒糖水，令糖水有啲𡁻口，幾特別！食物幾好，包裝乾淨，店員有禮有笑容，如果可以坐低食就更好！始終雪泥快溶，唔方便一路行一路食！

探完朋友坐城鐵回來， 見到有檔甜品，只做外賣不設堂食，見到大多是30元以下勁抵食，外賣又大大碗就買回家享受做宵夜。今次叫了碗仙草芋圓， 23元。仙草份量多，食落似我們吃慣的涼粉，又滑又爽口。加上芋頭泥同3粒魚蛋咁大的包餡芋圓，但芋圓就好硬同實，食入口口感一般，無煙韌架口感。 加了球豆奶味雪糕， 豆味好出眾好濃香。

經過看到少有的甜品，買了木子特盛仙草試試，有香草雪泥、水晶珠、三色包饀芋圓及芋圓地瓜圓。水晶珠爽甜而十分有彈性，好吃；芋圓（像湯圓）有餡料鮮味但不易嚼；仙草（涼粉）不苦澀而有彈性，但由於沒有切細，較難用匙進食。此甜品配搭有特色，味道可以，份量令人滿意。

難得去調景嶺，真係想試下d特別野。平時係屋企附近都無乜特色雪糕，H字頭同D字頭係百佳都有得買，見到閘口出面就有間雪糕鋪叫MUZI，個名幾特別特登過去睇下。去到先知原來MUZI d 雪糕係專sell特色口味既，平時你係街邊食唔到既口味呢度就會有。再者，就算有都好貴啦，但係呢度就$10一球，唔算太貴。今次我就特登揀左黑糖味，食落去真係好香，真係好似成塊黑糖融係口，不過又有d雪糕淡淡既奶香，幾好食。下次一定要試埋其他口味先。

喜歡甜品，一看到這麼亮麉的甜品店，便不顧一切地衝上去, 芋圓刨冰我至愛，自然立即點一個。廿多元一大杯甜品，內有綠茶刨冰, 桔仔, 紅豆, 芋圓, 綠茶雪糕。看上去不錯，吃上去就是有點過甜，紅豆比雪糕甜, 芋圓是從糖水裡勺出來的, 咬口很好很Q, 桔仔則沒甚麼味道，底下的刨冰淋綠茶糖漿。其實吃甜品也是想吃甜, 但是這杯裡最不甜的就是那球正常的雪糕。話又說回來，它不至於甜得受不了，只是偏甜而。

廣告來的魔力，實在令人吃驚．．某日坐在剪髪店，翻上雜誌看到這漂亮之蛋蛋，已情不自禁地喜歡上它今日終於得賞所願，由老家走上將軍澳一試其美麗可愛之小蛋蛋位置很方便，一出地鐡便已揾到了不過有小小失望，原來舖面不設座位、起不是要我抱着隻蛋蛋邊行邊走、邊走，邊食 ? 又因事後有工作在身，所以不便外賣、最終唯有放棄設計好了店子除了蛋蛋，其實還有其他食品．．蛋蛋上漂亮的圖案很是可愛連帶廚娘也屈膝於玻璃前，忙着拍照你又會喜歡那一隻呢?最後．．我還是選擇上抹茶紅豆沙冰$20.大大杯的抹茶沙冰，啜一口原來頗甜，不愛太甜者切記（少甜）入口抹茶味很濃郁，加上超甜之紅豆、如果你是甜魔定必愛上將大大個雲尼拿雪糕球，混和之後略略上減卻了一點甜度香港漸漸進入入秋時期，我想它應該是我今年的最後一杯沙冰了。

今日放工，又去睇下有無豆腐奶凍，但亦然係賣晒：( 咁我就買芒果奶凍同奶茶奶凍返屋企當飯後甜品啦。(買果時大約8pm,得我一個客，但好似有〜4個staff.)返到屋企食完住家飯，過左10幾分鐘，就同屋企人一齊share  先試芒果奶凍（$16）。望落吾吸引，有有粒粒沙，感覺吾滑。食落原來好有原個芒果味。我估，一粒粒應該係因為芒果肉。我屋企人食一啖，都覺得芒果味好出，有原汁原味嘅感覺，好過好多其他品牌。但屋企人覺得甜左少少，我就覺得甜味適中，如果有花奶就更好。至於奶茶奶凍（$12），味道同樣特出，好有茶香！仲要個質地真係好好好滑！仲震騰騰！XD做得真係好正！擺入口，即刻開始慢慢溶，好滑潤，食完仲有少少茶香。雖然芒果奶凍已經吾錯，但奶茶奶凍更加好味同出色。$12一盒，又好平。食完lam lam脷  佢奶凍整得咁好，豆腐奶凍又成日賣光，我估應該超好味。下次去睇下仲有無先^_^Ps: 佢個膠盒都算硬淨，自家整芒果布丁或中式糖水時，可以循環再用。

之前的格仔舖關了，開了間新甜品舖。印象中調景嶺没有一間正式的甜品舖。放工回家經過，特然想吃豆腐布甸。而Muzi有豆腐奶凍，可惜店員說已售清，當時約8時。我看看menu,點了藍莓芝士慕絲（$22）。店員給我收據並叫我去右手邊等叫飛。當我走去右邊，才發現他們有雪櫃show出各甜品。剛才被柱遮住了視線。不消幾秒，店員已用膠袋裝好慕絲，並叫我的飛號，雖然我只買一樣甜品，但她們也算快手。我對店員說不需要膠袋，因較環保^_^用手拎著回家，走了約7分鐘。紙盒都算保冷，打開時，才發現慕絲同瓷器裝@0@ 個瓷器設計簡單美觀，仲有本士風格的叮叮，抵讚！味道方面，有蛋黃香味（好味），都試到芝士味。有好多空氣，質地軟冧。都算矛滑。對於一間外賣甜品舖，佢的食物包裝同食物質素都算上佳。^_^有機會會介紹朋友享受享受下佢其他甜品^0^