美心烘焙所

Open Now

Now Closed

因為分店唔多，要順路才可試一試呢度嘅芝士撻今日嚟到都等咗陣，見到芝士撻仲焗緊，撻面漲下漲下，聞到好香嘅撻味，期待....出爐啦，新鮮滾熱辣，涼一陣就忍不住食一個先嘩....流心架！芝士流出嚟，似cream cheese，啱哂我口味👍🏻香噴噴，實在好吸引。唔使排隊食，而且只是$14/個，抵！

好耐之前聽過朋友話 cake lab 流心撻好食，所以今日有幸係呢頭附近就去試下！聽講以前係要排隊，今日係星期六都冇見人排隊，睇來已經唔再hit 了 Anyway 我地有四個，見話買 5送1 咁就買左兩個朱古力，四個芝士。店員話凍熱都好食，我之前聽比友講熱食先好，因為芝士流出來，so 攞左兩個芝士就即場食左佢試試，咬左一半影比大家睇真係流心Wor芝士唔係好膩，帶少少酸，不過個人口味覺得一般，反而鐘意個餅底多d朱古力個個冇影到，因為帶左去朋友屋企撞漏左朱古力出來，賣相唔好食左感覺朱古力味太重太膩，唔係幾好食，同埋朱古力漏走一半，如果未流出來會不會更濃更重

繼半熟工房，美心芝士撻:$12 @ 1個、$20 @ 2個。大熱Cheese Tart新鮮出爐，熱辣辣，芝士餡料濃香，滿滿的湧入口，好軟滑。撻皮好鬆脆，牛油極香口，厚度剛好又吾膩。

之前吃過半熟工房的芝士撻, 看見美心Cake lab 也有,價錢便宜一點(HK$14), 又不用排隊, 則即管一試. 先說外形, 很對板啊, 撻皮好像很香脆似的, 中間的芝士也很飽滿. 試一口, 芝士味很香濃, 雖然芝士帶點酸, 但口感也很creamy. 加上外層的曲奇餅底, 既香脆也帶有牛油香, 也很不錯啊!

經過發現一間好elegant 既餅店，睇真d，原來係叫maxims cake lab，係美心集團新line。鋪頭入面賣既面包價錢同美心西餅美不多。特既係多左一個open kitchen ，賣尼個軟心芝士撻，一個賣＄14。不過今日唔考慮佢，因為我想吃芝士蛋糕。望住個櫃，揀左好奈，最後揀左士多啤梨芝士蛋糕。士多啤梨都ok，pass 啦！到試下個芝士蛋糕點，比想像差。粉粉地味道，無咩芝士味，令願去番美心西餅買好過。好無特別，唔叫好吃。店面高貴，食物不付。

美心西餅為美心旗下最為人熟識、最大眾化既餅店，以前我都成日去買包買蛋榚，但係佢地既包餅質素係十多年前已每況越下，麵包越黎越輕，越黎越多化學成份，蛋榚就越黎越搵笨…好彩佢地發展左 Simplylife，當然Simplylife唔係餅店，不過佢地既包餅係有水準既。當然，美心仲有D高級Café啦…呢間Cake Lab，同美心西餅一樣，係餅店，定位比美心西餅高一班，但係始終係美心西餅心理影響下，都無咩動力入去。先牌上OR估唔到食評唔錯，咁就入去行下啦…吞拿魚 / 煙肉芝士焗薯包﹕先唔好講好唔好食，淨係賣相就好吸引，外型都真係有8成似…食落餡料充足，個包唔係太輕身，有麵包應有既質感，美心出品黎講，算係有驚喜！火腿碎蛋酥﹕本來想買14蚊既牛角酥，但係呢個有餡先賣10蚊…就轉左軚，呢個酥就普通左少少，不過餡料都多，個酥都脆口但無咩味！佢地仲有件裝蛋榚，賣相就一般，但係比起出面大件，下次有機會再試。

美心西餅十年前就好食，衣家已經係勁張貨就價，以前既Mousse Cake 已經無Mousse，外型不變但係Mousse變晒海綿蛋榚，其實係變相大加價。Cake Lab，算係做番D Mousse cake，雖然對美心集團無咩好感，但係佢地Simplylife 又真係做得唔錯……Cake Lab 呢條 Line 好唔好就真係要試過先知！食評上面有關 Cake Lab既差唔多一面倒係寫 Cheese Tart，反而無人寫Cake……Pistachio Dessert: 開心果Mousse 個樣ok，入面有Pistachio Mousse同埋綠茶蛋榚，本身Pistachio個味唔濃，佢呢個cake 都食到有淡淡Pistachio味，不過佢外層用噴槍，就影響左個口感。Chocolate Marquise: 朱古力甜品可以好容易做得好味，最梗要就係用料肯打本。可惜呢個甜品都係擺脫唔到美心一貫慳家既精神，用既朱古力份量唔夠多，一呢死濃甜，成個Cake 朱古力味唔出…甜味就好出！唯一可取就係較出面d較大件…不過人地有名氣又好食羅！

🤔🤔呢個包我第一眼睇心諗咁重手成個都焗薯 個樣勁似🙄😂😂重要擺係個錫紙扮熱著佢咁外面做到焦焦地🔥甩薯皮咁一咬落去 係超級軟熟嘅麵包🍞😨但個包係凍嫁wo👍🏻👍🏻中間夾著薯蓉 還有d薯粒🧀🧀芝士味不淡 面頭有芝士薯蓉入面又撈左d芝士醬😍👍🏻👍🏻但成個包吾會好溜 一啖包一啖芝士薯蓉 岩岩好😍

公司在灣仔，聽人說灣仔cake lab的芝士撻十分美味，中午時間當然要買cake lab的軟心芝士撻試吃拉。我買了2個軟心芝士撻和1個朱古力軟心芝士撻。味道方面，軟心芝士撻的撻底十分脆口，十分美味。雖然十分脆，不過完全不會碎，不用擔心吃到周圍都是餅碎。不過，這個芝士撻的主角是芝士，雖然芝士是流心，不過芝士味十分淡，沒有什麼芝士味，味道一般，十分失望！朱古力軟心芝士撻方面，其實叫軟心朱古力撻比較好，因為完全吃不到芝士味，只有朱古力味。朱古力味十分濃，有點太甜太（漏），都是味道一般，有點失望。唯一比較好的是，撻底都是十分脆，味道不錯。價錢方面，軟心芝士撻和朱古力軟心芝士撻都是$14，價錢中等。總結來說，cake lab的芝士撻沒有傳說的十分美味，味道只是一般而已，有點失望。

cwb sogo 既 cheese tart我相信排到年尾都未必有得食，所以見呢間高級版美心有得食就買黎試下啦，買果時咁啱做緊買5送1幾抵woo,又唔洗排隊講返個tart先， 新鮮出爐，個曲奇皮夠香脆，個tart面濃濃地,裡面流心得黎唔會好漏但芝味就差少少好似日芝cheesecake咁淡,或者鍾意清爽FEEL既人會ARM食DFOR我呢個芝士怪就覺得可以再濃番d希望快d可以試到sogo果間啦🙈🙈

年廿八，去Maxim's Cake Lab買了半打芝士撻，給家人品嚐。曾寫過相關食評，故不再評論了。在甜品櫃中，見到年廿六，同事升職請吃的粉紅唧花小蛋糕，原來叫「瑰麗草莓」。瑰麗草莓$34名副其實，賣相夠瑰麗，粉紅色唧花層層遞進，呈一朵玫瑰花狀似的，頂部以金箔作點綴，更顯其高貴不凡的美態。蛋糕可細分為外中內三層，外層乃香甜細滑輕盈的莓味慕絲，中層乃質感偏濕淋的莓味蛋糕，內層則是深色莓味較濃的濕淋蛋糕。入口酸甜有致，只略嫌蛋糕稍為甜膩了少許，質感也偏濕淋。另一款的士多啤梨拿破崙$32，層次分明，拿破崙夠香夠薄夠脆，吉士醬香滑甜美，再配上香甜士多啤梨，沒有難吃之理﹗

試過bake 和半熟2間人氣芝士撻後，專程到灣仔maxim's cake lab 試埋佢嘅芝士撻。當日完全無人，買了2件芝士撻和1件朱古力撻回家品嚐。回家後將1件芝士撻放雪櫃明天試凍食，另外各一件放入沒有預熱的焗爐，直接 180度焗7分鐘。熱度啱啱好不燙口，好流心，撻皮很鬆化，芝士味不太濃，反而覺得太甜。朱古力撻也很流心，朱古力味很濃不太甜，但整體很一般無特別。 凍食的芝士撻當然就無流心啦， 但無咁甜，好似new York cheese 咁，反而仲好食😍👍👍👍

早前吃過Maxim's Cake Lab出品的芝士撻，今日，同事買回其最新力作 - 朱古力流心撻。未吃，只見其貌，已知勢必甜膩人無比，故決定與老爹一人一半。用刀把朱古力流心撻切開，內裏朱古力漿瞬間流出，不負流心之美名，下層撻皮則頗為硬脆，要費勁始能切開。撻皮牛油味都幾濃郁，夠香脆。朱古力流心入口仍帶溫熱，朱古力味十分香濃且突出，滿嘴濃稠朱古力，十分膩溜！吃半個，已感到too much了!

飯聚時同事介紹美心新開了一間CAKE LAP話佢的芝士撻唔錯, 買唻試咗, 想寫食評時, 原來所有食評都是圍繞著這個可口的流心芝士撻因為買5送1咁抵, 即使食唔哂, 都照買5個以我自己個人感覺而言, 味道沒有崇光那麼濃, 崇光的感覺較濃及有微酸, 而CAKE LAP的芝士味較清, 但甜度適中, 芝士亦好流心, 亦好鍾意他的餅底夠脆。因為唔係即時食, 攞到回家時只是暖, 食落有點膩的感覺, 食唔哂便放入雪櫃, 反而雪凍後我覺仲好食, 像很綿蜜的芝士蛋糕

聽聞cake lab出左朱古力流心撻，即刻過來試下！買到葛時候係暖暖地葛，賣相已經好吸引，撻皮同芝士撻葛一樣，牛油味都幾濃，夠酥脆。而朱古力流心就不得了，一咬落去即刻飆出來，朱古力味好濃，但又唔會太甜，好正！美心出品真係唔錯！