MX (綠楊坊) (Closed)

6-4-2024（Sat）朝，同老公去華富邨前食早餐，由於佢嘅教友俾咗啲優惠劵我哋，所以幫趁呢間，嚟到時大排長龍，老公負責買嘢，我負責等位，老公花咗10分鐘至俾到錢，佢用“週末早市 第二份早餐減$10.00”嗰張劵。老公買咗$47.00嘅雞扒腸仔麵配炒蛋多士，熱檸水，同$39.00嘅榨菜米菠蘿包，腸仔烚蛋同熱奶茶，減咗$10.00就係$76.00。老公食雞扒嗰份，我食榨菜嗰份，但眼見有我哋好耐冇食嘅菠蘿油同牛油開始熔，就同老公share半件交換多士。先食菠蘿油，佢微甜，菠蘿包脆到有啲硬，傳統牛油夠香濃;4分牛油多士唔脆反而韌;0.5分凍腸仔唔鹹，榨菜竟然唔辣;蛋黃顏色就好深色。3分熱奶茶茶味淡。1分環境:坐嘅位又係冷氣啱啱唔多夠。服務&衛生:要客人自己回收餐具，但唔係個個都會咁做，就成日有好多擺喺喥好耐冇人收。抵食係2.4分上次食評係喺2023年5月27日刊登嘅呢篇:https://www.openrice.com/zh/hongkong/review/blue-%E5%A5%BD%E9%81%8E%E5%A4%A7%E5%AE%B6%E6%A8%82%E5%95%B2-e483680

20-5-2023 (Sat)朝同老公出發去筲箕灣前食個早餐,由於要兩人食一份,所以選擇快餐店,就揀美心.我哋揀咗$41.00嘅龍蝦湯螺絲粉,雞扒牛油多士,加$3.00要凍奶茶.等咗一陣就有喇.我先飲凍奶茶,茶味比前一日喺大家樂飲到嘅更濃,甜度過咗火啲.味道:  2.8分雞扒就幾好食,本身醃得夠味,連個汁都好味,而且仍熱熱地.味道:  4.5分牛油多士同大家樂嘅一樣凍咗,但個邊仍脆,已經好過大家樂.味道:  2.8 分最後龍蝦湯螺絲粉呢?龍蝦湯味唔太濃,我記得以前食過係夠濃(嗰個食評係20196年8月25日刊登嘅呢篇:https://www.openrice.com/zh/hongkong/review/%E6%8F%80%E6%A5%B5%E9%83%BD%E4%BF%82%E5%97%B0%E5%85%A9%E6%A8%A3-e3514408),食物嘅口感就正常.味道:  2.8分上次食評係2022年11月22日刊登嘅呢篇: https://www.openrice.com/zh/hongkong/review/blue-%E5%9B%A0%E6%9C%89%E5%8A%B5-e4

快餐店賣斑蘭風味餐，我又喜歡馬來食品，於是買了一份巴東牛肉配肉骨茶回家試下。打開飯盒，映入眼簾的是那一團嫩綠的飯，色澤柔和，飯的兩旁分別有巴東牛肉，魚乾仔，花生，青瓜與熟蛋。飯應該用了斑蘭的汁去煮，所以是綠色，口感與白飯一樣，不同的是綠色飯帶有少許椰香味，但不濃烈。巴東牛肉口感嫩滑，啖啖肉沒有筋，混合香濃的醬汁同吃，十分惹味。魚乾仔，花生，青瓜都是爽脆好吃。肉骨茶就普通，湯味不濃，而且偏鹹，湯內有元龍眼肉，杞子，一字骨。一字骨易吃不韌。平常吃得多中式的午餐，換一個馬來餐轉轉口味也可一試。

之前一向喜歡吃這品牌叉燒炒蛋飯，性比價高，但今年加了3次價，由$47加到$52元，但飯底硬，炒蛋好碎，落好多汁好咸，最大問題係現在叉燒完全無燒區，質素同超市燒味$27兩餸反差不多。而且店員很耐未收拾抬面，又不主動抹枱上水汁漬，衛生麻麻。

大前日 (19-11-2022 Sat) 傍晚,因爸爸唔舒服,我就同老公去買嘢返屋企食啦,我就提議食粥,但我突然拎起美心嘅優惠劵,就俾老公睇有冇咩嘢啱,佢睇到晚市滿$20.00減$10.00,於是嚟睇吓有咩嘢啱.嚟到時見時間有啲尷尬,唔知係咪已開始晚市,行過嘅亞姐即刻答係晚市,唔錯.咁老公揀咩嘢食啦,佢揀咗$65.00嘅金沙蝦球小胡瓜飯,拎到返屋企睇,共有2碗1盒嘢,打開睇,白飯,湯同餸全部分開.開飯喇,我至黐食啲啲,金沙蝦球腍晒就一定,不過味道係唔錯.個湯係海底椰雪梨煲雞,幾好飲嘅,老公食雞腳都大讚好味.白飯就唔知喇,我冇食到,同老公都冇特別講.抵食係2.8分其他:佢啲外賣盒碗全部都合得好實,好難打開.上次食評係2022年7月11日刊登嘅呢篇: https://www.openrice.com/zh/hongkong/review/blue-%E6%B1%82%E7%A5%88%E9%A3%9F-e4453793

見有港式鐡板餐推出，7pm牛扒已賣晒，叫了什扒，取餐處見牛扒其實幾薄，同相片份量有距離。最失敗個龍蝦湯咁早亦都冇供應，只好叫中湯。到取什扒餐，個豬扒雞扒好小塊，只有條腸大條。D汁倒落鉄板無滋滋聲，塊板唔夠熱。炸薯條亦唔夠脆。整體唔係好值，至少其他日式鐡板店肉相對份量較多。

噚日(10-7-2022 Sun)朝,同老公送膠前食嘢,諗唔到去邊喥食,老公話Euro GoGo或美心,咁美心啦.我哋嚟到時都多人,排隊買飛都排得耐,最後我哋要咗:1. $32.00嘅G6家鄉銀針粉餐呢個配炒蛋多士,先食家鄉銀針粉,佢嘅口感正常,但如果係炒銀針粉會吸引啲,湯嘅味道清淡,但飲到蝦米同冬菇嘅味道.味道:3.5分炒蛋同多士呢?炒蛋都算嫩滑;多士烘得夠,好乾,一定要塗牛油食.味道:3分2. 加$9.00要珍珠奶茶奶茶本身冇乜茶味亦較甜;珍珠雖然煙韌但未完全腍透.味道:2分3. $31.00嘅粥,炒麵餐,加$3.00要凍檸水我食一啖炒麵,食到好濃嘅味,從未食過咁濃味嘅炒麵,口感就正常嘅.味道:2.8分粥係菜乾粥,唔太鹹,粥水唔稀亦唔濃.味道:3分抵食係2.7分上次食評係2021年12月6日刊登嘅呢篇: https://www.openrice.com/zh/hongkong/review/blue-%E8%B6%95%E6%99%82%E9%96%93%E4%BB%8D%E6%9C%89%E4%BD%8D-e4259204

噚日(5-12-2021 Sun)同老公去公司喺廸士尼攪嘅節目前食早餐,去EuroGoGo冇位,牧場冰室亦冇位,由於趕時間,於是去美心,禮拜日咁早都已經有咁多人?好彩美心有位,就拿拿淋買嘢食,由於我想食粥,於是問係咩粥,答案係菜乾粥,好啊,咁我要$29.00嘅粥+豉油皇炒麵,飲熱奶茶啦.等咗一陣都齊,老公就食西式早餐,番茄湯腸仔扭扭粉,吉列魚柳配牛油多士,要熱檸水,我冇試仍嘅早餐,只食自己嗰份.我嘅粥麵都係暖暖地,菜乾唔太多,有肉碎同花生,味道唔太鹹,OK嘅.味道:3.5分豉油皇炒麵豉油味好濃但唔鹹,口感ok.味道:3.5分熱奶茶唔落糖都冇問題,濃而唔澀.味道:4分呢篇食評嘅分數只計我嗰份.上次食評係2019年9月21日刊登嘅呢篇: https://www.openrice.com/zh/hongkong/review/%E4%BB%8A%E6%AC%A1%E9%A3%9F%E6%99%AE%E9%80%9A%E9%A4%90-e3544577

朋友話MX下午茶有車仔麵食，而且水準都吾錯，剛好星期六下午可以試試。去到鋪頭都幾多人點車仔麵，我一心黎要試當然睇下有咩麵揀，一般車麵見到既餸都有，而且喜愛牛既朋友有牛腩牛什等選擇。價錢就$35/3餸，$40就4餸，再加就$6或$8一款。下午茶餐包飲品一杯我既選擇：湯底：辣麵底：幼麵餸：我今次選擇4餸，瑞士雞翼、豬紅、酸齋同豬腸（雞翼同酸齋係推介餸）飲品：茶走評分：湯底：濃濃味道,好有車仔麵feel以快餐黎講就意料之外，加左分唯辣味就吾算好出幼麵：正常蛋麵餸：1）瑞士雞翼夠入味，睇個色都見到深深既瑞士汁顏色2）豬紅有質感，吾係淋pat pat咁，略嫌吾夠味3）豬腸：淋身又入味，又吾多肥膏4）酸齋：分開上。味道真係吾錯，夠酸味但吾搶喉，酸酸甜甜好醒胃，點下麵湯汁先食，味道更加豐富，可惜個酸齋個心就偏硬左啲。飲品：用黑白奶沖既奶茶，快餐店都可以叫茶走整體來說吾錯，可以再試其他餸如果有埋辣油就perfect 啦

今日中午去美心買外賣，唔想食飯餐，見到有喇沙參參香茅豬扒，即係米粉加油麵的組合再加豬扒，湯底係參參醬煮成。睇張相個賣相都唔錯，於是要杯凍奶茶跟餐外賣回家吃。店家把麵料和湯分開盛載，豬扒又另外放於麵盒上，返到屋企先把湯倒回麵條內，咁就唔使驚麵發脹變左軟淋淋，影響口感。喇沙的配料不多，有兩片魚片，幾個豆卜，半隻滷蛋。麵的分量適中，麵爽口，食得飽。湯底的顏色像龍蝦湯，但味道是不夠濃也缺少椰香味，只能說係有喇沙參參的樣子，卻沒有那種馬來食品應有的食味。香茅豬扒炸得脆口，但是香茅味不夠，肉質還算嫩滑不是乾乾硬硬。凍奶茶茶味也不夠，比較淡口。

最近參加了 MTR 搶現金券活動幸運兒 😀成功$20 運動完之後，感覺疲累，肚餓不如先去附近 綠陽坊換領券順便逛逛商場下午茶時間到😀美心 MX 甚少來，即管試吓啦餐廳裝潢，環境不錯，空間闊落，坐得舒服，抬頭睇吓有咩食，公司三文治 🥪烘底 $35，使用券，補回 $15 ， 真的好創意設計的擺放, 中間放上薯片咸咸哋，好味 薯片😋脆卜卜豐富口感：-沙律醬、番茄、青瓜、雞蛋叉燒、生菜、火腿 餐飲： 熱檸檬🍋水食飽飽，坐巴士 回家 👌

早上要到荃灣工作，先在綠楊坊的美心mx食早餐。今天轉吃雞扒，雙蛋，多士餐。雞扒厚厚的，上面有些醬汁，切開小片的吃，有油脂，好滋味。很佩服雙蛋一直都能煎的差不多賣相。多士就差一點，快餐店質素，肯定是凍的，只好自己切皮吃。咖啡很香，提醒佳品。

今(21-9-2019 Sat)朝,同老公去銀行前食早餐,佢話去美心食,我要$28.00嘅西式早餐,烚蛋,腸仔配厚多士,要熱檸水.老公要噚應該係$34.00嘅雞扒餐,加$3.00要凍奶茶.食得,烚蛋全熟同仍暖;腸仔唔太鹹,幾好.老公俾咗啲雞扒我食,一食,凍噚?厚多士OK.睇份量,個餐唔係好多嘢,但都可以飽好耐.服務:我買完嘢等執餐等咗好耐,但都老公,佢好快就拎返埋位.而我哋,因為有兩件厚多士同兩個牛油,老公見人哋有果jam,就醒起係喎,有果jam喎.於是我拎一個牛油出去換,職員都幫我換.上次食評: https://www.openrice.com/zh/hongkong/review/%E6%8F%80%E6%A5%B5%E9%83%BD%E4%BF%82%E5%97%B0%E5%85%A9%E6%A8%A3-e3514408

今日天氣唔錯，希望晏d唔落雨。先到綠楊美心食早餐，味道不錯。我比較鐘意食龍蝦湯螺絲粉，普通餐廳少見。今天蛋同多士賣相很好，不過多士都系涼的，好失望。今天牛扒特別大份，不知為甚麼。

噚日(24-8-2019 Sat)朝,同老公去電腦節前食早餐,去邊喥食呢?老公提議呢喥.OK.去到都仍有位,我要咗$31.00嘅龍蝦湯腸片螺絲粉,配厚多士炒蛋,飲熱奶茶.老公要$34.00嘅雞扒配厚多士煎雙蛋,加$3.00飲凍奶茶.炒蛋嫩滑;厚多士唔脆;龍蝦湯味道濃;螺絲粉口感正常;熱奶茶滑但茶味唔濃,不過可以唔加糖飲.老公嘅雞扒唔大件但好厚,唔係好o鞋,算唔錯嘅,不過老公食完佢個餐後話唔夠飽.味道係3.25分, 抵食係2.8分上次食評: https://www.openrice.com/zh/hongkong/review/%E7%BE%8E%E5%BF%83%E9%83%BD%E4%BF%82%E4%B8%AD%E5%BC%8F%E5%A5%BD-e3271460