My Italian Father Reeti Riwaz Griha

Open Now

Now Closed

本身想食隔離間泰國餐廳點知無預示下落哂場太肚餓唯有試吓呢間尼泊爾小店點知大有驚喜咖喱羊肉飯咖喱汁比較稀，好似湯，但味道濃郁，幾有特色配菜有豆泥，好好味，感覺健康（就算有芫荽，都唔會好大陣味）主菜羊肉，調味不錯，但肉質比較硬係敗筆整體嚟講，呢個主食係有驚喜雞肉餃子$5X 10大隻，每隻都好飽滿，餡料好新鮮醬汁亦都好有特色，唔會難食薯泥煎餅混咗其他香料嘅薯泥，煎完超級好味口感軟綿綿，味道係東南亞風味但接受到老闆娘都好好客，睇得出用心做菜會返去幫襯，試吓其他特色尼泊爾菜式，支持小店！

有幸獲HKGAA香港女童軍總會邀請，參與「油」來「友」往 多元為食遊，同大家介紹下油尖往區 少數族裔經營既餐廳今次黎到佐敦，同大家介紹一間尼泊爾家庭式小餐館 一 My Italian Father Reeti Riwaz Griha My Italian Father Reeti Riwaz Griha 由在港 尼泊爾人Charlie一家主理，雖然種族、語言吾同，但老闆同老闆娘笑容都非親切，比人有種街坊街里既感覺🌟Aloo Chop $35尼泊爾街頭小食之一，將薯仔壓成茸，加入特色香料等調味，制成薯餅，口感軟綿，搭配尼泊爾醬料，變得非常惹味🌟Pani Puri $40尼泊爾街頭小食之一，將麵糰炸成小球，加入香料、薄荷水、洋蔥、薯仔、鷹嘴豆等，小球外脆，內餡微微辛辣帶香料味，極具異國風味，完全系一種全新既味蕾體驗🌟Nepali Milk Tea $15同港式奶茶好吾同，尼泊爾奶茶有種好獨特，屬於香料既香氣🌟尼泊爾特色甜品甜品都幾特別，有幾分似酸忌廉加乾果、果仁、提子乾，酸酸甜甜📍My Italian Father Reeti Riwaz Griha地址：佐敦炮台街87號地下A&B號

今日全日毛毛細雨，我一人單拖重臨呢間尼泊爾餐廳，同店主Charlie 吹下水，順便食個尼泊爾晚餐。先呢一個 Mutton Set，入鄉隨俗用右手點汁放羊肉到白飯上撈勻放入口食，成個口感同用餐體驗即刻唔同哂！再嚟一道 Grilled Chicken Wings，繼續用手點自家製醬料品嘗，原來用手食會咁爽同更好味喎！跟接其後再品嘗 Fried Momo With Chicken，Momo 即係餃子，店主 Charlie 話用餐具將 Momo 一分二再用手點醬食會好滋味，咁我就照跟住咁食法，結果非常滋味又香口。佢哋所有 Momo 都係人手一個一個咁手作出嚟，真係手工心機嘢，又地道又亮麗。用心製作 手工顯得功夫一絲不苟！食得開心自然想再食其他嘢，之後再食 Onion Mixed Pakoda，原來呢度菜好受靚女歡迎，食食下有位靚女 local客 Jessica 指明要食呢道菜，咁又明嘅，佢唔太油又香口好味，佢嘅賣相都好吸引。呢次係第二次食呢個 Pakoda，非常正！呢哩度食嘢就一定會點 Aloo Chop 食！外皮唔油，內裡軟綿好有大自然感覺食材好新鮮，完全唔會有油利溢味，成個餐都好 Refr

今日早收工，即刻嚟到油麻地搵晚飯食，好奇之下嚟到呢間尼泊爾餐廳英，見到老闆娘用一口流利英文介紹餐牌，跟住佢老公就好有心機咁推介尼泊爾餐。好快我就點咗一道Mutton Set 同幾道當地家鄉菜。跟住一邊飲熱Milk Tea (比Indian Masala Tea更妳飲一千倍），一邊靜待佢哋恩愛兩公婆用心製作美食。Mutton Set 配有超特別秘製半肉，配有白飯同香脆薄餅、Einstein Soup、漬物同自家製味醬，好食到好似去咗天堂一樣。跟住再嚟Aloo Chop，咬落軟綿好特別好似有Muri 加Potato等材料嘅炸物，配上醬汁非常野味。去到食Grilled Chicken Wings果陣，我已經入鄉隨俗用右手食雞翼，雞翼好香口有BBQ炭燒味道，一下就單拖掃哂半打。見到隔呢枱印度西施食緊Onion Mixed Pakoda，我又叫咗一份呢食，佢哋用煎Pan燒熱炸油兩面淺炸，非常香口有口感。飯後甜品有幸福尼泊爾甜品，食完心滿意足！佢哋兩公婆都好恩愛同熱情，老闆娘就嚟生仔，除咗用英文祝福佢哋順産之外，埋單果陣再額外比Lucky Money佢哋，希望大家順順利利，生活愉快。

自己一路都對唔同嘅外國菜都有嘗試嘅心態，今日就搵到一間家庭經營嘅尼泊爾小店。一入去老闆見我係華人，就問一問我係咪第一次食尼泊爾餐，雖然我之前食過，但係今次食都刷新咗新知識。我叫咗一盤套餐加一杯奶茶，上菜之後老闆細心講解每一樣嘢點食，同埋佢嘅一啲成份，佢講先知原來尼泊爾餐嗰碗湯係會攞嚟撈飯食。個咖喱雜菜同埋雞肉味道都幾好，都同我之前食嘅尼泊爾餐差唔多，香口惹味甜品老闆介紹係用牛奶，椰子，米，薄荷呢啲做，仲話對健康有益，食落的確係比較獨特，味道都唔會太甜奶茶老闆就介紹用咗唔同香料，感覺飲落比印度特色嘅更加香濃，$15一杯一定要叫嚟試吓

一間只有六個坐位及價錢很相宜的小店，有一個很有溫度的老板，仔細介紹自家菜式，他們的奶茶有自家的配方並加入薄荷味，令奶茶多一份清新的味道🍵Puri Puri 跟 印度 做法的不一樣，以微酸及小辣入味，吃飽了也可多吃兩口😋主食吃了羊肉套餐，羊肉調配得很出色，很好下飯，套餐還有配菜、烤餅。餐牌上還有膜膜、烤肉，可惜兩口子吃不下那麼多，也給籍口再次光顧再嘗。老板也很健談及分享，給食客更能細味小店的氛圍及他用心的出品❤️