神話屋 (Closed)

幾日月前見網上好多人嚟呢間Myth打卡藍白系嘅建築加希臘神話風嘅牆壁，一睇就非常打卡able特登book咗一日揸車嚟流浮山chill下但過咗咁耐先諗起想補返份食評🤣離遠就見到一整座藍白色餐廳，外觀夠晒sharp襯埋果日嘅好天氣藍天白雲真係好啱影相行入去有一大片人工草地，地方非常寬敞，可以帶埋狗狗嚟玩室內環境都唔錯，全藍白色調，夏天最好就都係book返indoor位今次我地被安排坐在室外帳幕區好在呢度坐出面都冇乜蚊，同埋有好多風扇都夠涼係等緊餐嘅時候我地就周圍遊下影相，飲杯啡嘆下拉花都好靚架午餐Menu★★★★XO胡麻凍豆腐·明太子櫻花蝦乾跟餐可以揀個前菜或湯，胡麻凍豆腐又涼又嫩滑，好開胃，除咗面頭鋪滿櫻花蝦乾之外，最估唔到係有唔少魚子醬！★★★★是日餐湯至於餐湯係南瓜湯嚟，味道都夠濃郁creamy★★★★半煎炸紐西蘭比目魚柳 配 話梅櫻桃汁·話梅粉末 $208魚柳表面經半煎炸後魚片非常之香脆，焦香口感好有水準，肉質亦嫩滑鮮甜，不過main嚟講份量偏少★★★★流浮山海味醬油蠔肉手工扭扭粉 $198幾中式嘅fusion菜式，又幾特別有新意，扭扭粉夠煙韌彈牙，而且好入味，蠔肉份量唔少，不過食

成日見到人黎打咭，終於都我喇，特登帶爸媽去high tea,好有幸食到Christmas tea set甜品款式好特別，亦都好靚，爸媽都讚好，鹹點味道都幾好，整體都唔會太甜太咸，我地特別鍾意甜品中既聖誕樹，另外都有試左千層麵同牛肉餅tea set,牛肉餅好好食，味道有多種層次，調得唔錯，千層麵都好食，但牛肉餅特別d🤣

經過流浮山泊好車位，看見外牆壁獨特風格，便走上前問下餐牌食物，食物方面多選擇，於是預約日期為朋友慶生日飯。當日侍應很有禮貌的詢問客人有否預約，做完一輪安心出行後，便安排外邊的坐位進餐，因本人預約時，要求坐外邊。侍應遞上餐牌，一一講解餐牌的食物，還推介優惠食物-生蠔🦪，是朋友最愛的食物。二人點了:八隻生蠔、新疆風味醬燒澳洲羊架、炭燒慢煮西班牙伊比利亞黑毛豬鞍配南乳忌廉汁。炸蕃薯

今次同朋友慶祝生日，事前，職員已經電話同我確認咗生日牌嘅詳情。我會用完美去形容今次嘅用餐體驗，環境擺設靚，多打卡位，職員服務態度非常之好，人手充足，好用心去觀察客人嘅需要，又會詳細介紹每道菜。見我哋調咗出去露天位置欣賞live band，主動問我哋要唔要暖水，好細心。食物方面，我覺得味道出色有新意，最鍾意清酒味醂鮑魚配凍椰子濃湯，飲品同甜品都有驚喜，基本上係讚不絕口。Live band令成晚嘅氣氛更加chill，仲有點歌環節，好開心，呢個組合好得，會揀呢隊live band表演嘅日子再嚟食飯。推薦大家嚟慶祝生日或者周年紀念！

難得星期天出外走走，帶了小寶貝去了一間值得去的餐廳，雖然遠不過去到充滿驚喜，建議可揸車前往前，請先致電餐廳問一下門口仲有冇位泊車。餐廳很吸睛，離遠已經見到一間超靚💙🤍屋，餐廳有indoor和outdoor座位，而且outdoor座位有一間有帳篷頂的，有長枱可容納一些大家庭聚會，ourdoor 感覺很chill, 如果搞event 應該都不錯！職員更表示世界盃期間晚上會有大螢幕，播放足球盛事，而且有啤酒飲🍻很有氣氛。食物方面，因為聽說餐廳有幾位米芝蓮大廚主理，就算食Tea set都感覺到非一般的味道，很有質素。▪️肉醬千層麵配蜜糖芥末醬$168千層麵表面有烘焙過，而且入口很juicy, 食得出有用心製作。Afternoon Tea Set $568▪️鹹點牛肝菌撻▪️甜點Rose Blueberry Cheese CakePassion Fruit Chocolate MousseLemongrass Green AppleExotic Fruit Mousse▪️新鮮烘焙鬆餅原味鬆餅黑蒜鬆餅配Homemade Strawberry Rose Jam & Clotted Cream🐶Pet夏威夷

每年親朋戚友生日飯都要諗下去邊度食，成街都係餐廳，想要壽星開心，都要揾間特別D呢間係OpenRice 找到，首先係比啲相片吸引咗，外觀睇就好特別，不過對我嚟講係好遠，但有美食靚景點都要試下。見到流浮山牌坊後望前一個舊區景，望去右邊就見到好亮好美好有藝術感的建築。餐廳入面細細，藍色主題，好優雅❤️外面好熱鬧、好型格感覺、食物精緻有特色，沙律的擺設好欣賞，海鮮確實好新鮮，特別係周打🦪湯、主菜配搭都特別，真的值得一試，當然每個人口味不同，可能有啲人會覺得咸啲，醬汁配搭怪怪，南乳配朱扒，但我就覺得夠特別，味道也不錯，最重要服務很好、每道菜都講解做法，看得出好用心，場景又美，價錢也不算貴，晚餐自由選擇沒有set好幾多個courses 這個我最愛，我們四人2沙律、2湯、4主菜、2紅酒、2咖啡、1甜品，都係$2300 品嘗完晚餐就在屋外影相、坐下傾計、完全沒有不歡迎或趕客的感覺，真的感到享受、愉快！

一直想去打卡嘅神話屋😍藍天白雲襯托着三層高的希臘式外牆，氣派十足！除咗外型吸引，食物質素都相當高，網上介紹係由兩位米芝蓮大廚主理，又靚又好味，唔怪之得人氣十足啦😍帶着小狗陽光下影相真係好靚！Lunch set 有幾款主菜選擇，我哋揀咗三款前菜各一，再加幾度主菜：- 叻沙鴨血闊條麵- 牛肚蝴蝶粉- 蔬菜千層麵加咗花椒的鴨血闊條麵最特別，辣辣地好香幾開胃！蝴蝶粉裏面嘅牛肚炆得好香又入味！闊條麵軟硬度啱啱好，偏酸嘅醬汁令人越食越想食😆最後甜品加個Crème brûlée 咁就為之大滿足了😋

朋友生日, 帶左佢去食中法fusion菜，環境優美，好多地方打卡。坐室內室外都舒服，室外有風機，唔會好熱，仲可以帶狗仔去門口有免費泊車，但唔多，可以泊佢附近停車場，有優惠平20蚊生蠔生蠔好新鮮好肥美!炭燒美國穀飼頂級牛肉眼扒配 蒜 香蜜糖豉油肉質幼嫩，牛味好香濃 好多肉汁好JUICY! 新疆風味醬燒澳洲羊架羊不會太酥, 肉質好軟好淋，醬汁好特別惹味！炭燒慢煮西班牙伊比利亞黑毛豬鞍 配 南乳忌廉汁、炸番薯擺盆好靚，最啱打卡，黑毛豬肉質好淋同乳汁醬好新奇，同豬鞍味道驚奇地好夾蟲草花野菌意大利飯個飯好細份，但好香，飯質地煮到啱啱好，同蟲草花異常地夾，唔會好膩梳乎厘可以預早通知餐廳加錢整生日牌食物是有質素，價格定位比較高，餐廳服務唔係太好，要叫很久才有人應!

希臘女神神話屋法國餐有D驚喜喎😍😍估唔到流浮山都有咁靚嘅打卡地標🤩呢度有兩層連一個幾大既戶外地方因為帶埋狗狗🐶所以坐戶外真係幾曬幾熱～不過影相好靚💜💜🌟推介：海神話潛艇有軟殼蟹➕流浮山金蠔配埋酸青瓜個味道幾夾，仲好飽🤭鍾意❤️食甜既Tea Set 可以一試，侍應會每件介紹完之後先擺上個架度打完卡快D食，因為天氣好熱朝係會溶架😂😂#元朗 #流浮山 #打卡 #Chill #Friday #寵物友善 #米芝蓮大廚 #法國菜 #神話屋 #日光戶外餐廳 #歎下午茶

之前見到呢間藍白系嘅打卡餐廳,嗱嗱聲訂咗搵日去試下😂喺流浮山係有點遠…但喺天水圍站或者元朗站都有車去🚌,都算ok啦~揀咗呢款鹽酥雞粒,新鮮炸好熱辣辣🔥外皮好脆,而啲雞肉好滑~最特別係用雀巢上,非常igable📸點咗兩個午餐,一款叫咗珍珠帶子藜麥沙律,上檯有驚喜😍珍珠帶子同三文魚籽都好鮮,加埋酸酸地嘅藜麥沙律,真係最佳開胃菜沙律菜原棵上好得意🥬!新鮮爽脆嘅羅馬生菜加埋煙肉碎同脆脆麵包粒,估唔到凱撒沙律可以咁有趣~我最鍾意呢個炭燒北海道原隻魷魚🦑佢燒得好香,唔會韌,個醬略帶辣味但又好惹味🌶。個意式香草蕃茄醬蔬菜千層麵好精緻,裏面有好多菇菌類🍄加埋酸酸地嘅蕃茄醬好惹味🍅不過份量偏細,作為主菜唔太夠食🙈是日蛋糕係海鹽榛子蛋糕🌰,實物好精緻好靚😍一條係軟嘅蛋糕底,一條係脆嘅餅底~但上面嘅cream都好香濃,又帶點鹽味🧂,令到個甜味有更多層次😋當日嚟都唔少人帶咗狗狗🐕因為戶外位鋪咗假草,好適合帶埋主子嚟~呢度除咗影得靚,嘢食都幾精緻,味道都有驚喜👍不過佢就喺迴旋處旁邊,不時都有啲大貨車經過🚛介意嘅朋友可能選室內比較好~

Decent foods and nice decor for IG snapshots. To me I found the home made chocolate coke and ice cream are exceptionally good.The lasagna was a vegetarian. It was my first time having a lasagna without any minced beef inside for the chewing. Nevertheless the prime value of a lasagna is not on the meat, but the sauce. Many western restaurants offer lasagna. But seldom you find two sauces tasted alike. Good God that sauce was good. I mopped the dish dry with the pasta in the end… so you can tell.

食物有水準，由前菜到甜品，完全食到廚師嘅心機。不得不提就係侍應們嘅服務質素，比很多高級酒店好很多。又帶領泊車，落單、傳菜、介紹菜式、結帳、以致送客都十分有誠意，完全由心出發，並非集團式機械人反應。打卡一流，睇吓以下嘅相就知😚食物係高質嘅，雖然價錢貴咗少少，但因為食得開心，都覺得值嘅！😊另外要提吓，戶外座位可帶埋心愛嘅寵物陪同，實在難得🫰🏼未試嘅朋友，快啲訂位😂⋯⋯我無收錢寫稿架😅，只係純粹真心覺得好又可以支持小店，有heart 嘅小店買少見少了，唔想比大集團搶晒成個市場，大家都要出一分力😙

屋企人一直想黎試，終於book左星期日lunch。位處流浮山係遠左少少，但可以順手plan個天水圍/元朗一日遊都唔錯。係Openrice訂枱，侍應早一日打電話confirm booking仲會問定要坐室內定室外有寵物嘅朋友可以揀室外 佢仲有寵物menu由於驚落雨/熱我揀左室內估唔到細細一幢入面會有𨋢，裝潢亦幾靚幾有心機。一坐低侍應就講返今日餐湯同甜品我地每人揀左唔同嘅main，咩都試下前菜 沙律 正常發揮醬汁好味，小米沙律都幾特別主菜 牛扒 - 叫5成，煮得略為太熟，但冇筋唔會靭，有牛味。唯獨醬汁有d太甜魚 - 雖然係炸皮，但魚肉仲好嫩滑，加埋甜酸醬都幾惹味，仲要冇骨岩晒懶人😂蝴蝶粉 - 蠔同青口略嫌有少少腥，整體都唔錯意大利飯 - 質地唔算特別硬，味道唔錯

是日風和日麗，入嚟流浮山試吓呢間好適合打卡嘅餐廳。餐廳入邊好多打卡位，平日嚟嘅話想影幾耐都OK☺️Lunch Menu二百幾蚊就有前菜+主菜+飲品，我地叫左：芋頭煙肉忌廉湯 (7/10)：感覺有啲似鹹鹹地嘅香芋牛奶，因為入面有忌廉，入口好creamy，加埋脆脆地嘅煙肉同麵包粒，係個幾特別嘅西湯珍珠帶子藜麥沙律配甜椒蛋黃醬。檸檬胡椒(8/10)：整體配搭幾Fresh，個醬食落有啲似千島醬，酸酸甜甜幾開胃炭燒北海道原隻魷魚配馬來西亞香辣參巴醬 (8.5/10)：魷魚好大隻，好新鮮，調味適中，加埋個參巴醬好惹味，配菜係外脆內軟嘅番薯條，番薯嘅甜味中和左部份辣味，成件事幾夾蘭花蚌蝴蝶粉配海膽忌廉汁 (7/10)：聽侍應講呢度嘅pasta全部都係手造，蘭花蚌份量偏小，海膽忌廉汁有少少腥味但可接受法式朱古力布甸撻配蝶豆花雪糕 (+$58, 5/10)：呢個甜品就有啲失望，朱古力布甸唔夠香滑，食到有顆粒，撻皮亦係淋嘅。蝶豆花雪糕係冇乜特別味，同埋食落似雪葩多啲，唔太Creamy芒果「斑」環 (6.5/10)：呢個甜品賣相好靚，「斑」環外層係白朱古力脆皮，入面有芒果Mousse同芒果肉，上面就有啲翻糖裝

週末嚟晚餐一嘗新餐廳知道係「打卡」餐廳本來都係諗住一試無妨但嘗過就覺得食物都非常好味廚師值得一讚😋而且待應們更值得稱讚由book枱到埋單都非常有禮貌盡心介紹菜式食材同烹調方法幫手「抬」bb車而且又多次主動換碟夠膽講比某d酒店服務更體貼🫶🏻由沙律食先老實講初初見到擺盤裝飾係有d吃驚有少少老土又覺得係咪fusion所以有d踩界唔理啦一入口又幾好味原來蟹肉在黑蟹子下面😂哩個雞肉花盤嚇咗一嚇是晚開生蠔包兩杯白酒🥂紙包魚、豬鞍、肉眼、pasta、risotto 等都幾有特色係豬略硬重頭戲嚟啦甜品估唔到非常出色又靚又好味橙上的雪花好靚😍講咗句好似fozen粒雪小朋友就搶住吃了😂-餐廳內有洗手間入去感覺氣氛大不同坐滿客人但非常安靜我就比較喜歡戶外啦望住天空又有音樂可以開懷暢談比較舒心💕