牛一 (始創中心) (Moved) New Location

今日想食牛肉，所以約朋友lunch來個日式任食火鍋～去到門口無人等位，接待處既職員帶位時，途經自助區，提醒我們取食物時需要帶口罩，但正正有一個女人除了口罩加完橙汁就係我地面前除口罩飲，但職員並沒有上前作出勸阻。請問牛一的管理層是如何給指引分店推行？坐下後，職員便自動送上4碟牛1碟豬雞。$148+1 的價錢，在意料之内的食物質素，只想同朋友有個地方坐低傾計，打下邊爐。最後，有一位女職過來話夠鐘喇！我心想截單吧？我便答無野要加了。佢仲好無禮貌甘講 要離座喇！ wa⋯⋯點解呢度個手法甘奇怪？唔會在夠鐘15分鐘前過來同你講截單，而係一夠鐘就過來直接叫你離座？ 甘我便立即同友人起身離開。。。過程中，這個女職員講了3次 要離座喇！ 。。。催我們即時起身。其實店內無乜客的。收據上幫我地收錢寫住，就是她又不禮貌又趕客要人即離座的女職員！希望管理層正視員工態度問題及離座通知是否不會預先通知？

放工同先生行完魚街，返去煮飯又略嫌太晏，索性食埋晚飯先返去，先生想食火鍋，喺和民同牛一之間做選擇，同和民嘅火鍋定食比較，牛一嘅火鍋放題似乎抵食啲。火鍋放題限時90分鐘，我哋揀咗美國特選級穀飼牛肉放題，二百蚊有找，做會員仲送花枝蝦滑，價錢相當吸引。除咗豬、牛同雞肉之外，自助吧仲有多款配料，有丸類、各種菇蔬、豆製品同粉麵飯，全部象徵式用膠蓋冚住，感覺比較衛生。飲品方面主要係陽光紙包飲品，選擇唔多。木瓜海底椰白魚湯真係有半個木瓜同幾件海底椰喺湯底入面，看似足料，但味道好淡，飲落冇乜魚味，令人失望。侍應先送上肥牛兩碟同少量豚肉雞肉，豚肉雞肉冇乜特別，不過不失。肥牛方面雖然係特選級穀飼牛，但質素唔太靚，肥多過肉好多，而且食落牛味亦唔濃。花枝蝦滑唔新鮮，有陣怪味⋯⋯雖然係贈送，但咁嘅質素真係令人懷疑係咪貨尾所以先會送俾客人⋯⋯菇蔬類幾新鮮，選擇亦唔少，丸類質素平平。全晚最驚喜係有乳酪雪糕食，仲可以自己加topping，味道唔錯。雖然火鍋放題二百蚊有找係幾吸引，但湯底同肥牛質素麻麻，贈送嘅蝦膠唔新鮮，最令人無言嘅係衛生情況同服務，湯殼污糟想請侍應更換，等咗好耐都冇人理會，但我哋入座時間尚早，店內亦未

系星期四午市期間去嘅，到左之後話冷氣壞左叫我地等，等左半個鐘啦，因為附近亦無我地想食嘅嘢。選擇左128嗰個，有牛有豬有雞。放食物個廳咁大，但絕大部分係菜，無乜肉。本人比較偏愛有籽嘅肉丸，魚包蝦魚包蛋個D，但系呢度乜都無，淨係有一D實心嘅肉丸。同埋本人最喜歡炸魚皮，問左先知係要晚市先有（我認為午晚市食物有什麼分別應該要列明嘅）D雞有種奇怪嘅味道，無辦法食。牛同豬OK啦，是一般水準。試左白蒜雞湯底，都幾好味，同埋個乳酪雪糕帶點酸味，唔會膩。除左雪糕同湯底，其他都唔可以算好滿意

我同男友食量都唔大，次次叫得一兩碟肉就飽，所以專程奔住午市去，結果太子呢間店都幾搞笑，到左話我知，午市60分鐘要三點後才有，話明係午市，三點仲叫午市？不如直接換成下午茶套餐好過啦。我知依家經濟唔好，但洗唔洗做生意只做貴價嘢，唔理顧客需要呢？唔怪得人唔多啦

很久沒吃鍋了，今天路過太子剛好來吃牛一。到的時候有午市90分鐘放題以及60分鐘單盤肉的選擇。我們沒有很餓所以選了60分鐘的set。今天選的是干貝清湯，湯裡還真的有一粒粒飽滿的小干貝呢。選的肉是豚肉，我們個人覺得味道最好吃牛一跟吃其他幾家類似的火鍋連鎖最大吸引我們的是有數十種的新鮮蔬菜，看我們一盤又一盤拿的都是蔬菜。另外他的火鍋料丸子等等也非常好吃更特別的是有牛肉蛋炒飯以及牛肉咖哩飯可以自己拿，真是太滿足了推薦給喜歡吃鍋喜歡吃很多蔬菜的朋友們，喜歡吃多肉或是吃更飽的朋友也可以選擇90分鐘或以上的set唷

今天去了牛一吃火鍋自助餐，我們叫了安格斯牛肩餐。他的食法是牛肉可以添加，也有自助的火鍋料。菜也有很多生菜、娃娃菜、油麥菜、皇帝菜，更特別的是有羽衣甘藍。丸類很多，有芝士魚腐、牛筋丸、牛肉丸、魚蛋、年糕魚腐等。主食除了有飯、粉絲、意粉等。而最難得的是有桃膠。牛肉送來時，油脂分布均勻，放在自選的湯料當中沒多久就能吃了。牛肉嫩滑多汁，但牛肉味不是太濃。其他的材料也10分新鮮，最出色的是桃和炸魚皮，若來一定要吃。

很久沒去過打邊爐了，因為之前新聞說打邊爐的一家人有人確診肺炎了，我雖不認為有關，但也認為避一避好d。眼見牛一的會員的生日電子現金贈券就到期了，就和家人去把它用了吧！現在入座都不用排隊，三人也被安排到卡位，很闊落舒適，人少也有人少的好處。為了防疫及衛生點，就把食物及醬料都加上蓋，事實這樣做心理上會比較安心!選了180的中價牛，第一碟好靚，脂肪分佈均勻，軟滑，但第二碟跟之後3碟都偏瘦，較硬，但跟侍應反映後，就轉換跟第一碟一樣的了，讚!這間食咁多年都仲係好抵食，老人又有優惠，性價比高，如可堅持得住，以後仍會繼續支持的!

我同先生於除夕夜當晚6:30到貴公司太子始創中心牛一分店享用120分鐘鹿兒島A4黑毛和牛放題晚餐，等左15分鐘位獲得安排入座，被安排坐最尾既位置對正一部坐地大風機，問待應可否掉位，對方回應座位已經同套餐連結不能再掉。牛肉質素不錯但刨得太大塊，食完頭盤後想再order發現部tablet是壞的要用店員直接order，由於坐位比較窄，隔離位走既時候掃跌左一隻豉油碟，彈到我地對腳都係，幸好裡面只有青蔥，待應話無豉油既有既唔係咁既色啦！基於褲又整污衊左，部坐地風機不停吹住我後尾枕於是乎食左都無個半鐘個人都吹到病病地就急急雞埋單走人！埋單$9xx完全係受罪！

牛一梗係食牛一 幫朋友慶祝生日 大家又係火煱燃 超愛邊爐之人 所以就揀左去牛一食件任食火煱既然係生活飯 梗係豪一豪去揀左食鹿兒島和牛任食火鍋放題呢個放題算係幾高質幾貴㗎好似400幾蚊一位再加一所以你嘅和牛真係好高質全部都係好大塊完全冇肥膏啖啖肉真係超正我哋兩個食咗原先嘅四盤已經好飽啦而且外面嘅配菜有好多種選擇鍾意食菜嘅我有好多種唔同嘅菜揀亦都有薯粉烏冬炒飯等等真係好多選擇而且全部都係高質㗎應該佢哋有啤酒盒裝飲品等等任飲食飽飽之後仲可以食乳酪雪糕添今次真係非常滿意下次試吓平少少嘅牛肉睇吓質素會唔會keep住咁好先

牛一大概係以前中學既時候先會去食就真既，出左黎做野後好多時既選擇都會多好多（其實洗曬d 錢係食到)。但係隨著人愈大愈會開始著重養生，當你收工已經係7點幾8點既時候如果屋企無飯食都唔會有咩餐廳有多菜小肉既選擇。所以今次黎呢到既主打係食菜，佢呢到有得食Kale 羽衣甘藍同唔其他款既菜。如果你google 都會知Kale 係一樣有豐富營養同抗癌功效既食材，出面買都要幾十蚊先得細細包。所以除左focus 係肉之外，呢到既菜款都有好多選擇，食得肉太多黎食個蔬菜buffet 清潔一下自己個胃都好緊要（為左可以繼續周圍食）。重點就係，第二日個肚入面乾淨曬 ！（你懂的）（好評就真係俾落個羽衣甘藍到既）

早兩日贏左比賽，一於用D獎金請屋企人食返餐好既！點樣先可以又好抵食又好食？就係帶佢地lunch time食最貴既set！牛一午市放題最高級果隻特級日本和牛９０分鐘任食先收２４８！足足比晚市平左７０蚊。我地揀左蕃茄豬骨湯。事源我之前食過蕃茄蝦同新果隻牛乳湯都覺得麻麻地。個湯真心正，蕃味好濃，唔使點醬都好有味道。黎到重點既日本和牛啦！兩個字：肥美！D雪花真係靚到冇得頂。我明白到食過好食既牛係返唔到轉頭，平時我叫開最平果隻就算，今後可能已經唔想再食次品了！以後真係荷包大出血…

暑假平日去食日式放題, 免等位還是訂定位較好到達牛一門口已經有價目表, 店員會要求先選擇湯底, 時限和肉纇的價錢. 然後才入座.呢間日式放題並不像一般店, 是提供一個大鍋. 這次點了蕃茄龍蝦湯底, 百多元一個lunch 放題當然沒有龍蝦肉, 味道亦只有蕃茄味, 至於牛肉和豚肉真係好一般,無咩特別但出面任取的配菜如:蔬菜, 丸, 菇纇......種纇比一般日式放題為多若怕不飽,還有咖喱飯 和麵可以選擇, 最後吃杯乳酪就很滿足

為補祝姊妹遲來的生日飯，所以揀咗呢間同事推介唔錯的放題。到達店舖時門口已經排長龍，感覺要排好耐，好在店員安排得好快好快就可以進入（卡位較多）。行入去是一路會見到周圍嘅擺放的食物新鮮度感覺良好。最抵讚係湯底有牛蒡清酒雞湯（姊妹揀嘅）比較特別，牛肉質素唔錯！特別推介金橘綠茶，解油膩，味道唔錯。仲有我鍾意嘅羽衣甘藍！氣氛唔錯！可惜係限時食完要走啦！

呢間牛一晚市長期都會企滿人 (無論平日假日) 不過好彩佢有得用APPS預先攞飛同睇派飛情況，唔洗企係度等同埋原來登記做會員唔洗錢之餘仲可以即時享用會員價加送一碟安格斯牛肉粒，梗係即刻登記埋先啦餐廳環境幾大幾企理，座位都幾舒服，設有好多二人枱同埋都算闊落，唔洗坐到逼住哂。坐低唔洗一分鐘侍應就會送咗肉黎先，仲有免費送嘅個碟安格斯牛肉粒，都幾靚仔喎等緊個湯底滾起之際就出去拎嘢食啦。火鍋配料選擇都好多，有大約5款丸類，蔬菜類都有大約7款。值得一提係佢有萵苣同羽衣甘藍，出面任食邊爐係好少見，同埋佢哋粟米都好甜，應該係超甜粟米嘅品種。粉麵方面佢居然有通心粉同螺絲粉，不過驚要煮好耐所以無拎到飲品都多選擇，大路嘅各式汽水同埋果茶之外，紙包飲品居然有健康工房我哋叫咗干貝清湯+麻辣湯底 (鴛鴦鍋要加$18)麻辣湯底幾惹味，唔算太辣，怕辣嘅我都食到，用黎食肉類幾唔錯干貝清湯都唔錯，都真係幾多干貝粒係鍋底，用黎滾蔬菜或者粉麵都好夾今次啲牛肉就偏瘦同埋鞋口，反而豚肉幾唔錯，之前食過幾次都係有呢個情況。牛肉粒滾完之後好細粒，但又幾淋身好食，好重牛味第三輪出去拎配料發現有炸魚皮，大部份都係大大件，炸得幾脆口新鮮，無

呢次係咁啱好想自己去打邊爐，咁啱，晚上嘅時候又非常好我好想食個自助嘅餐同食太涼嘅食物所以就揀咗呢間又一。佢哋門面裝修非常新淨，入到去係用電腦下單所以，唔會經常需要做服務員嚟幫手。食材方面嘅選擇一般啦見仁見智。每次落單叫嘅豬肉或者牛肉佢哋都會非常態噉樣送上嚟留單所以呢個可能係用電腦下單嘅好處。飲品方面除咗基本汽水機可以飲到嘅飲品之外仲有好多盒裝飲品都係我哋飲個牌子，甜品方面都幾得意除左油塘食之外總會有芝麻味同嗰啲臘味嘅雪糕兩個溝埋食落去非常之得意。店鋪整潔度，合格的，食物質素都合格，服務方面因為用左電腦下單所以很方便因爲我試到真正嘅服務。