牛一 (始創中心) (Moved) New Location

在屯門店食過幾次澳洲和牛放題，表現都好穩定，今日經過太子店又再試下澳洲和牛。澳洲和牛較屯門店差，都係又鞋又硬既部位，食開就會明。接近我之前食"牛知己" 既韓牛後腿肉，似雞胸肉咁鞋 (韓牛後腿肉係更差)。試左碟極上美國牛，同澳洲和牛差唔多質素，早知叫極上美國牛個餐，反正都係伏，但平d。食過10幾次屯門店，佢地澳洲和牛既表現係好穩定。今日係太子店食澳洲和牛，係不太愉快既經歷。極上美國牛及澳洲和牛既性價比都好低，食完一次之後係唔會想再食，本人不敢再返啅。就算再食返牛一，都只會返屯門店。

話說時間趕趕地，但同老闆一齊食，竟然有人提議食牛一食火鍋但老闆無反對！便意想不到地一行人直奔牛一。各人爭辯食一碟牛肉的餐$72+定係任食牛肉的$128+，因時間關係，一人叫一碟美國肥牛今天勝出！我地叫了壽喜燒湯底，每位會送一隻雞旦呢～各人先出動取任飲的茶，盒裝飲料及汽水！第一次用touch screen的汽水機，同事試了Coke zero (orange), 佢話好飲咼～再出動取了不少丸類和蔬菜，覺得墨魚豚肉丸和魚肉年糕最好！而我地再不段encore萵筍和雨衣甘籃。圖中的麵都好好味的，另外自己酙的日式咖哩飯都得！剩下十五分鐘時店員會放底張單提我地仲有十五分鐘，咁唯有再出去攞埋雪糕啦～ 不過大家都麻麻地yogurt icecream.......

邊爐係我至愛，今日下午休息有小業務要辨，但未夠鐘，就去左速吃個邊爐。lunch time 可以吾食　unlimited 既肉，只選一碟牛或豬，當然無得添，但出面既配菜可以不停攞，60分鐘都只係＄72位！配菜有好多選擇，丸，菜，菇，面等！以往只吃任食，今次沒有，反而用心望左佢地既其他配料！要大贊牛丸，好爽口彈牙，粉絲亦都非常好味！飲品選擇都好多，汽水，檸檬茶，當然仲有乳酪！而且這間鋪空間很大，不會擠迫，最好係吾使排隊！

今日同朋友聚會，便去了座落太子的牛一食日式放題鍋料理。我們5大人1小朋友安排坐在卡位，但各位入座時要小心，我們都俾安放在枱下的落單器材撞了幾次🤦🏻‍♀️🤦🏻‍♀️🤦🏻‍♀️。我們點了午市90分鐘放題，美國牛-成人5份，而美國牛-小童1份，而湯底，我們選了蕃茄豬骨湯，而汽水及乳酪/軟雪糕+配料是無限添飲或食。美國牛肉，每次上的質量都有所不同。豚肉就正常。配料，有菜，丸、麵，烏冬等，選擇多，很好。飲品，有汽水，紙包飲品，選擇都算多。甜品，乳酪雪糕，唔錯，還提供很多特色配料給一起進食。

豬丸牛丸，應有盡有😝豚肉肥牛，肥瘦均勻😋牛尾湯底，惹味可口😎雪糕兩款，略嫌乏味🤨時間倉卒，匆匆的吃😪牛一之客，不宜牛一🙏🏻以上愚見，不吝賜教🙏🏻如有類同，實屬巧合🤔

今日一行9人打邊爐，朋友吾知邊度得來一張　coupon, 佢仲太腦定，無　book定位，我一心諗住有排等，好彩我地攞定飛，人都未齊，經已叫我地了！9個人可以揀3個湯底，餐廳算大方，有Ｄ4個人先一個鍋！我地揀左清湯，濃虾湯﹠蕃茄豚肉！環境吾覺迫，亦坐得舒服！我堅持要蕃茄豚肉放我張枱，個湯底好正，好夠味！有淡淡既蕃茄香！清湯那個真係太清，朋友撈左一Ｄ我地既湯落去　mixed 埋！肉既級數我地揀左＄178，都經已很不錯，枱旁有部平板可以自行落單，但侍應無幫我地開機，所以口講落單，但來得很有效率，叫12碟都比足份量！甜品有驚喜阿華田雪糕，很好味，吾會只得雲呢拿一款甘單調！

任食打邊爐，我同朋友揀左牛一。點知⋯等左45分鐘至有得食，因為星期六唔想行黎行去，估唔到要等45分鐘，anyway，最後都有得食。我地揀左極上美國牛，都唔差架，好想知最貴個款牛係點，但真係幾貴。有一樣野一定要開心share，因為我發現有款丸俾牛更加好味，就係黑蚊蚊既墨汁豚肉丸，每一粒都好juicy好好味，我好似食左十幾粉，大家真係要試試。另外有好多其他野食，有秋葵，蟲草花，平時打邊爐都冇依兩款，依到有。啲嘢食都算新鮮架啦，對得起$188加一既收費。總結：45分鐘真係有啲耐，如果唔洗等的話，感覺會完全唔一樣。再要提提個墨汁豚肉丸，真係幾好味。

逛完花園街，點知落大雨，到始創中心避一避，順道醫肚。星期一至五，11:30am 至4:30pm前為之午市套餐，選了60 mins 混合套餐(美國牛肉、豚肉），配昆布清湯。這裏是在門口的員工幫你落單兼已開始計時，然後才帶到座位上，地方都幾大，會浪費了時間的。為咗用盡每一分鐘，唯有策略是湯底未到先取食物，回枱時湯鍋已到，將食物倒入鍋中，再去取其他食物和醬汁。回來正是滾熟之時，便能開動了。限定一碟的肉，牛豬各有3片，份量不太多，不過其他任食的食物應該能讓你吃得滿足。放自取食物的地方很鬆動，種類亦多，淨係丸類、腸、餃子都有6-7種以上，蔬菜有羽衣甘藍，乾麵、通粉都有。調味料方面，有黑蒜醬油，特別是芝麻醬不是一般很creamy的麻醬，而是偏稀食到芝麻碎的醬汁，味道較清淡，蘸多了也不覺滯住。飲品有茶包、汽水等。甜品區有乳酪和綠茶雪糕，配料很多款式，原味乳酸爆珠、迷你麻糬和紅豆都很夾雪糕。

不吐不快! 從沒試過未夠時間就遭受催迫埋單交枱四次之多!!!一直愛到牛一，惟太子分舖就第一次，亦無下一次! 當日是平日兩點多，當然全場吉枱多不勝數，隨你坐，但不快事情來了!!!距離90分鐘交枱尚餘20分鐘，有個男侍應著我們埋單，我向他展示入座紙時間，他看看點頭離開。 再過十分鐘，同一侍應又叫我們交枱，我已用眼神表示不滿，不想說話，算! 別給他破壞我好心情! 大概吃完杯小小的乳酪，還像小朋友捨不得之際，他又來叫交枱，我苦笑說，我地會嫁嘞!!! 還未夠啊! 再來一次，他""教""我們如何到收銀處付款，*天呀! 佢真係好有問題*! 看看錶，只過了交枱時間三分鐘，亦已準備離開，用不著這樣足足四次催迫客人，沒錯是"迫"你走! 這種服務態度令人好討厭,好討厭!!!

上次同fd黎始創時掛住行街無拎定位,搞到無得食好野,焗住食唔飽,今次醒目喇,早左黎到,拎定飛,行完先睇下等幾耐,同fd去左金魚街買魚,大概一個鐘左右番到黎,正！仲有2張枱就到我地！等多15分鐘就入得,今次朋友話不如試下日式和牛,橫掂頭2個lv都係一般貨仔喇,叫第三個,不如加多少少錢叫第四個,玩到咁大,好！小弟就跟！睇下牛一食300蚊係咩玩法原來日本和牛係薄切,遇湯即熟！我就快快手夾起佢,食落口,雖然唔係入口即溶,但起碼食到牛肉既嫩,無諗過放題都食都d唔錯既牛肉呀,出去拎下配菜,朋友介紹食雨衣金蘭,原來係沙律既菜,之前配沙律食就覺得苦,但滾熟左又真係唔錯！新嘗試,有驚喜👍🏻

今天第一次試, 一定不會再來因朋友生日要來, 90分鐘趕到死點了158我牛肉豬肉火鍋, 味道一段, 牛肉每碟只有幾片, 自己拿菜, 魚皮, 丸, 飲品, 雪糕, 醬油, 無特別, 只有牛丸比較好吃不自動加熱水, 而且每次只加少量, 擔心客人吃得太多, 連筷子也不夠, 要請職員補給臨走去拿了原味乳酪, 甜死, 試了一口已不想再吃

牛一，我就成日食嘅…毒毒咁一個人去食都試過。黎呢到，我主打食牛、蟲草花同雨衣甘藍!我比較過牛一同牛X鍋….兩間最平而有牛嘅價錢…牛一係平10蚊到,但係就少左雞,咁就啱晒我喇,我都唔食雞嘅!今日同男人黎食,男人第一次…我地叫左SUKIYAKI湯底(要加少少錢), 會每人送隻雞蛋嘅,男人首先出左去拎野食,佢一番黎, 我咀都O晒…😱佢拎左成10粒芝士丸佢以為係平時任食D邊爐….我就拎左大量蟲草花同羽衣甘藍番黎食。仲整左碗咖哩和牛炒飯..每次都必整架又係!今次我地仲叫左六十幾蚊嘅一碟蠔,粒粒都好大粒,熟左都仲好大粒！但由於我唔食嘅,全部都由男人清左。呢度最平嘅牛都好高質架!90分鐘,準時走,埋單仲送左張現金券下次用,2130後,滿350蚊可減100蚊!

今日工作天，中午時份臨到食飯時間，老細就話想打邊爐，想食牛一，老細叫到梗係捨命陪老細啦（明明自己前一晚先打完）。去到就兩點零鐘，加上平日，所以都大把位嘅，揀左90分鐘放題，極上美國牛肉、豚肉放題，就148蚊位，另收加一。湯底牛肉、豚肉任食，講真，你都估到牛肉咩質素，薄身嘅，不過都好過早幾日去嘅另一間放題。出面拎嘅食物、配料款式都多，丸、瓜、菇等等都差唔多三十款。雪糕、乳酪任食。汽水係汽水機野，另有紙包飲品、啤酒等，有啲人鐘意有啲人唔鐘意啦。食個午飯百五蚊，打工他黎講，梗係貴啦，不過間唔中一餐半餐都ok嘅。食90分鐘都夠嘅，可以傾下計之餘，亦見難得大家冇拎手機出來督督督，食得愉快。

星期六行完街突然間想打邊爐就諗起牛一了 當日拎咗飛大約等45分鐘到就有得食啦 我自己都幾鍾意黎牛一打邊爐， 百幾蚊嘅價錢黎講佢哋嘅食材算唔錯， 我哋點咗美國牛肉，豚肉餐平日$158 一位，， 但係星期五，六，日及公眾假期晚市每位另加十蚊。一入到去坐低店員就會送上兩碟肥牛&兩碟豚肉， 仲有鍋底，跟住我哋就可以出去出面攞嘢食啦😋😋 出面有唔同種類嘅食材，菜類，丸類， 麵類， 醬料， 飲品， 如果想再添加肥牛及豚肉就要落單等店員再次送上。 不過佢哋上菜效率都非常之快，抵讚！有各式各樣嘅丸類， 我最鍾意食佢哋嗰度嘅新鮮淮山同埋冬菇肥牛薄切入口即溶豚肉都唔錯 顏色紅潤又唔會太肥我哋叫咗淡十勝芝士豚骨湯最後點少得食雪糕呢今次仲送咗張100蚊嘅coupon， 所以我好快又會再來幫襯呀

牛肉质素不错，有牛味但稍易碎，相比之下牛涮锅会更好些。汤底好味！番茄锅和麻辣锅味道都不错，番茄锅尤其美味配料选择还算多样，超爱豆芽海带结翡翠苗年糕，不过丸子种类很少，仅有的几款好像也没馅儿不好吃雪糕好味，乳酪味和紫薯味都不错。服务还算ok，不过不明白为什么6个人要两个锅底都要加钱