極上牛気 (圍方)

Open Now

Now Closed

【大圍•牛氣】@ππππππππππππππππππππππππππππππ大圍牛氣 多款極上牛及泰式主題甜品放送融合了澳洲穀飼黑安格斯牛和SRF美國極黑牛的放題，加上豐盛的海鮮放題，絕對是喜愛肉食及海鮮的饕客的理想之選。兩種牛肉的搭配，無疑地為這道菜單帶來了濃厚的風味和口感。另外，泰式主題甜品的出現則為整體菜單增添了獨特的風味，將整餐的味覺體驗推向高潮。而麻辣湯底和壽喜燒湯底的組合，更是為這頓饗宴添上了充滿活力的亞洲風情。麻辣湯底的辛辣與壽喜燒湯底的溫潤相輔相成，為整體菜單增添了多樣的滋味選擇。牛氣仲特設期間限定嘅泰國主題嘅甜品畀大家選擇例如有榴槤糯米糍泰式奶茶雪糕楊枝甘露榴槤味嘅雪條等 多不勝數餐廳環境：🔥🔥🔥🔥🔥服務質素：⛄⛄⛄⛄⛄食物味道：🍾🍾🍾🍾🍾性價比：🎟️🎟️🎟️🎟️🎟️消費 HKD 770/2✨✨✨✨✨✨✨✨✨✨✨✨✨#大圍美食 #牛氣 #web3大圍牛氣大圍車公廟路18號圍方4樓432號舖

第一次幫襯，有$168，$238，$268，$408 同level 5 & 6揀左level 1, $168加一，120分鐘Reception 安排座位嘅經理哥哥好有禮貌，入到去全部staff 都好nice 好helpful 做會員食Level 4以上，可以免費贈一碟靚牛會員生日平日可以免費食多30分鐘環境乾淨企理唔會侷促，座位闊落坐底會先上一盤牛肉一盤豬肉，再order 就QR code 落單第一盤牛，豬牛好食，豬好鞋第二第三盤牛+雞，冇哂牛花，好鞋第四盤牛肉，牛花番哂黎，牛肉滑返第五盤牛肉，超靚，有牛花又滑Overall 牛肉都質素參差，完全睇你運氣其他菜，丸，醬料，甜品，飲品，面食，熟食就去自助區取

我同老公攞咗啲響鈴嚟食，食到第二舊食到好大浸臭油溢味。食完飯之後嗰晚開始唔舒服，第二朝我哋兩個都又屙又嘔。雖然好核突，但係我都要形容一下，嘔出嚟嘅時候仲係聞到嗰啲響鈴臭味，應該殘留咗喺我個胃度。雖然見到啲響鈴係放咗喺個櫃入面熱住，望落好似好衛生，但係應該真係出咗問題。其他食物冇乜特別，係呢一樣嘢出咗事。依家我仲未好返，一諗到響鈴就想嘔，希望舖頭可以注意吓，啲響鈴應該擺咗好耐。二人晚餐本身都六百幾蚊，唔平，食到唔舒服真係好唔抵。

今次第一次嚟，一入店感覺好乾淨，門口帶位男士很有禮貌，一坐低一陣店裏員工即上火煱同牛肉、豚肉，肉類好新鮮上菜速度很快，值得一讚就係店員會自動加湯，服務很專業，值得推介

在新年和朋友參拜完車公廟後，前往圍方尋找餐廳共進晚餐，最後選擇了打邊爐出名的牛氣！😋店舖環境乾淨，湯底、牛肉種類多，店員靚仔靚女。美中不足的是，晚市時候很多壽司都Sold Out了😢，但士多啤梨心太軟很好吃！🤤

新年期間去完車公廟拜神之後，就步行過左去圍方食牛氣任食火鍋。有6個level比你任意選，Level 1-4 係任食90分鐘，而level 5-6就任食120分鐘。職員服務態度都好友善，食物質素都唔錯，而且有唔少熟食甜品選擇，絕對值得一試。

天氣突然轉冷，真係最啱打邊爐，約咗朋友去大圍圍方商場行街聚舊，晚餐大家都想打邊爐，所以就去咗牛氣啦，呢間分店仲係極尚version嘅牛氣呢！由於我地都唔係話食好多肉，所以叫咗最便嘅90分鐘放題 （$198加一），入座前要揀好湯底，一坐低已經有牛肉、豚肉、雞肉隨即送上，非常之細心。放題區有各式各樣嘅蔬菜同丸類食品，仲有5-6款嘅熟食比大家選擇，由於掛住食唔記得影相，印象中有魚蛋、燒賣、豬軟骨、咖哩……仲有幾款炸物，食飽仲可以去埋甜品區食甜品，仲有軟雪糕同棉花糖機任食添呀！當然飲品都係任飲！值得推介手打烏冬！一定要試！

呢間同the one既牛氣啲牛肉都係嚴重貨不對版 我估其他分店情況都係一樣應該都係集團既方針所以去過幾次都會聽到有啲枱會要求換過 個收費都唔平但啲牛肉質素可以話係幾個連鎖集團入面最差就算之次試過叫最貴個款第2 round都係會比翻差牛肉你以往個幾次都算但今次呢個質素真係差到唔可以唔拎出黎比大家睇隊碟咁既野出黎都過到自己？仲要2round都keep到個水準都係一樣咁差所以絕對唔建議大家去幫襯就算真係好想食日式火鍋而附近又得佢一間去 都叫最平個個就算數以後都唔會再幫襯呢個集團既餐廳

一直以來都人氣高企，長期排隊，終於有時間親自一試，今天一家四口品嚐了$300左右的套餐，牛肉質量非常好，物有所值，牛肉方面，個人比較喜歡黑安格斯牛和肩胛肉，脂肪比例均勻，色澤鮮紅， 10分新鮮。除了牛肉外，其餘食物選擇十分多，有多種丸類、蔬菜🥬選擇，比較特別的有麻吉燒選擇。熟食方面亦比一般日式放題多。甜品亦十分出色，有多樣選項包括季節性甜品（栗子撻）、慕斯大福……雪糕（栗子奶油、低糖牛奶味）的配料，除了一般朱古力豆和穀物片外，配有乾果和無花果乾整體而言，餐廳座位闊落，長期滿座，有不少食客點最平套餐$168，除了牛肉外還有大量食物可供選擇，的確唔是一個不錯的選擇。

早前睇咗段片介紹圍方牛気，被深深吸引，決定去試下。周日午巿，食客絡繹不絕，超有人氣，輪候約1小時多。終於入到座，揀咗LV2套餐，$308一位。套餐有兩款湯底，我揀咗鴛鴦湯，一邊係川椒麻辣湯，一邊係秘傳牛肉清湯。麻辣湯夠辣夠香，牛肉清湯就夠清甜。主打嘅牛肉有三款，特選小牛排、PRIME美國肩胛肉眼同豚肉。特選小牛排質素一般，肉質偏韌，冇乜牛味。PRIME美國肩胛肉眼好睇唔好食，肉質偏嚡，唔算好嫩滑。豚肉薄到透底，雞腿肉就幾嫩滑，值得一讚。手工火鍋配料有好多款，我試咗手打黃金蝦丸。蝦丸餡係用鹹蛋王做嘅，味道幾特別，都幾好食。

只從大圍開左果新商場「圍方」後，我都少左出去沙田區外揾野食啦，今日我又去圍方揾食啦，行過成日都見到有間日式火鍋店叫「極上牛氣」，每次去親都見到勁多人排隊，所以今次我醒左早幾日打電話去BOOK 定位試下呢間「極上牛氣」。 我地就選左澳洲極上和牛海鮮餐，湯底我就選左鴛鴦湯底，一邊係壽喜燒另一個係豬骨湯底，我真係覺得啲牛肉超正，牛肉味濃，油花分佈得好平均，同埋我鐘意啲牛肉唔會好肥，而海鮮款式都幾多，我最鐘意係果鮑魚真係好鮮甜及新鮮。 而好多菜類及甜品種類都好多選擇，而我覺得最正的係好啱榴槤控食的貓山王及D24的榴槤甜品🍧。

平均每人＄300（LV2），唔使去買，唔使清洗，食完就走得，物超所值！特選牛小排比較有牛味，肉質軟腍。Prime 美國肩胛肉眼，肉質更軟腍，可能因為係薄少少。兩者雪花都唔錯，見到都心心眼。穀飼牛肩肉，雪花冇咁多，所以口感就比較……菜值得一讚，臺灣人參菜、茼蒿菜 好嫩口。娃娃菜同生菜正常都唔錯。蜜瓜味雪糕都幾好，放題少有，味道又唔會太假。最驚喜係整棉花糖，整嗰時幾需要技巧，食嗰時都要技巧。布甸唔夠焦糖味，燉奶唔夠奶味，兩者口感都唔係話太滑。飲品選擇足夠熟食雖然選擇比較少，但係主要食牛同火鍋嘅詬我覺得okay。鴛鴦鍋，加＄10就有，黑蒜豚骨湯+月見壽喜湯。PS：只要 like 社交平台，仲有一碟三件三文魚刺身。

早前睇咗段片介紹圍方牛気，被深深吸引，周日午巿，食客絡繹不絕，超有人氣，輪候約1小時多，揀咗☆LV2 ☆🔆飲品🔆多款罐裝飲品供應🔆肉類🔆特選小牛排☆質素一般，之後每況愈下……大家睇圖，不作解釋😑PRIME美國肩胛肉眼☆好睇唔好食，肉質偏嚡😔豚肉☆薄到透底，冇乜口感🤷🏻‍♀️雞腿肉☆幾嫩滑👍🏻🔆手工火鍋配料🔆手打黃金蝦丸☆鹹蛋王做餡，唔太啱口味😵‍💫手打牛丸☆幾爽同juicy😋韭菜餃☆唔錯😊🔆自助配料區🔆多款新鮮蔬菜、熟食、麵食，平時個仔最愛嘅烏冬，見佢食咗一個就冇再攞，咁奇？？我又試試，口感似偏硬嘅上海麵，唔似食緊烏冬😵‍💫，反而幾鍾意個麻吉燒，好似食緊芝麻湯丸🤤🔆壽司&迷你丼🔆蟹柳、玉子、八爪魚、熟蝦壽司，仲有迷你丼，不多作介紹，因為冇特別🤷🏻‍♀️🔆甜品🔆焦糖布甸☆呢個好食，又唔過甜👍🏻芒果黑糯米☆糯米煲得過腍，面頭嗰粒裝飾芒果酸到一個點😎見隔離枱兩個靚女，估計係LV4以上套餐，榴槤甜品任食，好明顯衝著榴槤而來，都冇乜點過牛😆整體而言☘️沒有食評中提到如此高質，有點過度吹捧，性價比低

*:.｡. .｡.:* 極上牛氣-大圍（圍方）*:.｡. .｡.:* ✨任食火鍋（Lv4) ✨呢個set 除左牛肉款式多 仲可以揀埋海鮮🦑🦐🦀牛肉🥩質素非常好，牛味重，切得好簿身，令牛肉可以快啲熟👍🏻👍🏻本身對於海鮮都唔抱太大期望，點知一上枱見到隻蝦🦐咁大隻嘅😱好surprise，肉質好彈牙 ，食得出好新鮮🤫除左蝦蝦🦐，帶子都超大粒，仲要碌完都唔會縮晒水。但三文魚🍣就麻麻地，完全無味，可以唔需要試，無謂浪費肚仔空間😂山椒魚皮估你唔到咁好食，平時我真係好少食呢啲野，而且其他餐廳食都唔平，今次就破例試試。魚皮好脆口，山椒味出但又唔會蓋晒魚皮味，推薦👍🏻👍🏻出面嘅熟食bar 款式都非常多，連關東煮都有埋，係其他任食火鍋真係好少見🫣最最最特別係‼️依家只要+$48/$28（視乎你揀咩lv)就有一隻大閘蟹🦀蟹蟹🦀️雖然細細，但蟹膏都算多👍🏻👍🏻可以過口癮呢餐食得非常開心🥳而且員工服務態度有善，講解詳細👍🏻👍🏻

😁 星期日下午 lunch時間嚟，都要等大半個鐘，近門口就係攞嘢食嘅位置再行入啲仲有好多座位， 相距攞嘢食位置比較遠 ，要行多兩步。我哋坐卡位，位置都算闊落，三大一細 嗌咗最平嗰個餐， 人均消費大約200蚊，最吸引有唔同嘅熟食，豬軟骨，咖哩魚蛋， 榴槤炸彈 等等，仲有小朋友最喜歡嘅棉花糖機，飲品， 軟雪糕任攞， 仲有響鈴炸魚皮等， 質素同其他分店牛氣一樣。 埋單之後，發現原來有99蚊定量餐(平日)，唔可以任意加肉 (好似係包一碟肉)， 如果只食出面嘅熟食同埋其他火鍋配料都算幾抵，啱曬啲唔係太鍾意食肉嘅人。