極上牛気 (圍方)

Open Now

Now Closed

早前睇咗段片介紹圍方牛気，被深深吸引，決定去試下。周日午巿，食客絡繹不絕，超有人氣，輪候約1小時多。終於入到座，揀咗LV2套餐，$308一位。套餐有兩款湯底，我揀咗鴛鴦湯，一邊係川椒麻辣湯，一邊係秘傳牛肉清湯。麻辣湯夠辣夠香，牛肉清湯就夠清甜。主打嘅牛肉有三款，特選小牛排、PRIME美國肩胛肉眼同豚肉。特選小牛排質素一般，肉質偏韌，冇乜牛味。PRIME美國肩胛肉眼好睇唔好食，肉質偏嚡，唔算好嫩滑。豚肉薄到透底，雞腿肉就幾嫩滑，值得一讚。手工火鍋配料有好多款，我試咗手打黃金蝦丸。蝦丸餡係用鹹蛋王做嘅，味道幾特別，都幾好食。