牛気 (如心廣場二期)

Open Now

Now Closed

打邊爐放題，朋友介紹試試這間肥牛，同佢慶祝生日要食豪啲，澳洲和牛任食套餐每位會平$50，包括有三文魚刺身，海蝦帶子，可惜得90分鐘食得比較趕，湯底選擇不多，但環境不錯，好滿足可以再去

第一份的牛肩比較好，色香味俱全，之後的就麻麻，不過如果想食飽飽的話，呢間都是不錯的選擇。但食個半鐘就會好趕，如果想好好享受一下晚餐的話，就不太適合。服務一般，或許太忙做到麻木左。

朋友問我慶生想食咩，我話好耐無打邊爐，仲想要瘋狂食牛個隻。哈哈，咁去牛氣食先，我鍾意牛氣啲牛，同佢間店乾淨過其他同類型嘅牛鍋店。疫情價有二人同行一人半價優惠，食九十分鐘個款餐就可以用呢個優惠。中午時段客人不多，基本上可以即刻入座，入座有口罩套送。店內還提供圍裙，有需要可以取用。是日選了麻辣同甜豉油湯底，朋友無辣不歡，我就覺得日式牛鍋一定要配甜豉油。肉方面揀了牛小排級別，個人喜歡呢款多於和牛，和牛太快膩了（雖然都好好味～）。牛小排都好滑㗎，仲有好香嘅牛味，好好味，好好味，好好味呀！仲有豚肉同雞腿肉都係任叫，雞我就一般啦，豚肉都好食呀，無牛肉咁滑但都唔會鞋口。仲有墨魚滑都係無限添，不過今日想黎食肉，所以淨係encore有牛同豚肉片，好似食左十幾盤，哈哈。飲品有不少罐裝揀，仲有熱水同茶包，加錢有啤酒無限飲。除了火鍋料，有咖哩魚蛋，燒賣等小食。醬料就梗係要大量日式麻醬，麻醬配牛肉特別正。食左咁多肉，又係時候食番啲菜，自助bar有各式蔬菜，丸類，麵食等。最後梗係食埋甜品，有和菓子呀～激甜好正，哈哈～仲有軟雪糕機，太飽就無食了。折完後四百幾蚊，兩個人都飽到爆呀，食得好盡興。

現在冇晚市，間間餐廳都要扭盡六壬救忙，避免關門，呢日想食shabu shabu，想起好耐冇去牛氣，避開Lunch time，2點半來到🥢原來現在做緊第二位半價，我冇問每位激減$50係適用邊個餐，反正一入咗已經計咗第二位半價，相對來講平咗更多🥢因為唔大食，所以我地揀咗$248套餐，黑蒜豬骨湯，主要想食牛.🥢第一轉的牛，賣相唔錯，比得大方，牛肉又大塊及有小小厚度，幾唔錯🥢第一轉的🐷同🐔，係用雞腿肉，難怪雞肉好滑，豬都唔錯，本來對🐷冇期望，食過邊爐的人都知好多時豬肉淥完有陣味，d肉又韌，我好怕，但是呢間完全冇👍🥢出面自助有🥗、🍣、魚蛋、飯、咖啡茶之類，而邊爐的食物比起牛涮鍋選擇唔多.🥢第二轉牛，竟然同第一轉一樣喔😆，值得加分...食過shabu shabu的人知我講緊咩，冇錯，好多時佢地第一轉牛好靚，第二轉開始走樣，我試過食幾轉，每一轉都唔一樣🙄🥢埋單價錢$422/2位，好抵食.🍲今次全場唔會爆，完全不用等位，一路食到走d外面都不用等位，入場當然要度體溫同搓酒精消毒雙手！有個高高瘦瘦的侍應哥哥值得讚許，好有禮貌至於，佢每次經過每一台都會問你要唔要加d肉，又主動執台，係佢的言詞同語氣看到出佢係

牛氣同其他牛x系列可以話係糧尾救星今日去開荃灣 突然想打邊爐 但又唔想食咁貴 於是去左如心廣場既牛氣我地本住無希望就無失望既心態入去食，今次我地揀左日式甜豉油同埋蕃茄湯底，湯底不過不失啦。至於肉方面，第一盤既雞牛豬拼盤永遠都係最高質，食落口唔鞋，正正常常。但之後refill既肉，都不意外地係鞋過沙紙，好硬好難咬。不過一分錢一分貨，呢個價錢算性價比好高了，出面有丸類、蔬菜、烏冬、公仔麵等等配料任拎，款式都算多，幾抵食！令我地最驚喜既係，竟然有魚蛋燒賣質素同7仔差唔多。飲品既選擇都幾多，另外又有少類款式既壽司、甜品、沙律，雪糕仲係任食架！

今日出荃灣諗唔到食咩好，所以去咗打邊爐，見呢間午巿算喺抵食就一於幫襯佢啦午巿套餐揀咗牛肩肉，盛惠$108另加一，限時一個鐘，牛肉唔係任食，每人只有一碟，但喺其他火鍋配料、醬料同飲品就喺以自助形式提供，仲有自製雪糕食，性價比唔錯蕃茄湯底好出味，而牛肉好易入口，仲有飯、湯任裝，下次可以試埋晚市套餐，因為有得任嗌牛肉，最近仲做緊優惠

好耐好耐冇出街打邊爐，今日同老公出街見到呢間牛氣做緊午市優惠，門口位店員又親切介紹，就試試佢啦。我地揀左最平既套餐，選擇昆布湯，同其他同類型餐廳一樣，一開始都會先送上豬牛雞各一份，d色水都唔錯，味道亦過關，唔會覺得自己食緊好渣既肉，一般平時只會瘋狂encore牛肉，但今次呢個豬肉又幾好食，我地都加點左幾次。落單係靠店員人手協助，我地食3點，人手明顯唔夠，有時要舉手好耐先叫到店員，不過上菜速度好快，唔會特登拖你，所以整體感覺良好。自助區食物都幾新鮮，亦唔會出現空盤冇人full既情況，款式比較大路，個人覺得餃子好食，唔會煮兩煮就爛哂；而邊爐必備既丸類雖然選擇唔算多，但食得出唔係cheap cheap貨；蔬菜都係提供返基本款，賣相同味道都正常。熟食區有飯、咖哩汁、碗仔翅同湯等等，我只係食左碗仔翅，都唔錯。平時會放出黎任夾既壽司依家就要向店員落單。醬料區企理乾淨，比較特別係有七味粉，除此之外都係大路野。飲品同甜品選擇偏少，不過餐廳有貼心咁將部分飲品放室溫，同埋有好多人都鐘意既乳酪雪糕，但呢個雪糕真係我唯一唔推薦既野食，口感同味道都好好好奇怪。總結，款式大路但食材唔錯，店員幾好態度，如果遇到唔洗

之前食過一次附近商場另一間連鎖日式火鍋店，質素同服務令我唔想再幫襯...見到呢間新開又成日都好多人排隊，就喺openrice訂定位，去到唔洗等，用餐時間90分鐘有少少趕，但都可以接受。我地揀左極上美國牛小排放題加左$10要鴛鴦鍋：昆布+黑蒜豬骨欣賞佢個昆布湯唔會好似其他日式火鍋店咁就咁一塊昆布加清水，佢個湯底唔錯！牛小排好正，無限添加自助區都有好多選擇，丸類正常，菜類菇類新鮮，另外仲有啲熟食例如辣魚蛋、日式咖哩牛肉飯，仲有壽司(不過唔記得影)。飲品選擇都可以，當日甜品有啫喱、芒果糯米飯、蛋糕仔，仲有軟雪糕機，不過雲尼拿味就麻麻地嚕...最驚喜係居然有棉花糖機，雖然有啲浪費時間，不過好耐冇食，我又坐得近，所以冇所謂啦！如果唔識整職員仲會教你。呢間性價比比我想像中高，下次再食

同朋友行行下街肚餓，去左食火鍋放题，6點鐘開始食，用餐時間有90分鐘。我哋揀左極上美國牛小排套餐。自助食物區嘅食物選擇好多，蔬菜，丸類，菇類幾乎齊全，今次仲多左新嘢：墨鱼滑！食落去都幾彈牙，好新鮮，同埋都係任食，野飲任飲，甜品任攞，食材質素都好好。牛小排套餐包牛小排，牛肩肉，豬肉和雞腿肉，都係可以無限添肉，d肉厚薄適中，口感又好，湯底揀左四川麻辣湯，將牛肉係湯底入面輕灼10-15秒，牛味更加突出。整體來講，性價比真係好高

和朋友逛街完就準備找好吃的，結果發現了這家超級棒的日式火鍋，趕緊來推介給愛吃的朋友！ 鍋底口味有7/8種，菜品還是自助的！保證吃到飽~飲料也是自助式的，冷熱都有，無限續杯~甜品的自助棉花糖也很棒！ 價位大概有五種，我們選擇了極上澳洲和牛+海鮮放題。肉的質量非常棒，且分量真的太良心了，因為可以無限加肉，真的是肉食愛好者的巨大福利！另外🍤🦪海鮮真的非常新鮮，也是可以無限續加！性價比超高！ 真的真的超級喜歡！強推！！！ 

2020年1月1日 六點幾黎到等位，等咗差唔多八知字先有位，如果早多小小可能趕得切食第一輪。我同太太兩個人叫咗第三個餐，有海鮮又有三文魚。牛分別有牛小排同牛肩脊。一坐低好快就有湯底，啲餸都好快上咗。好快食完第一輪，再叫就要等內小小同會錯單。我地總共叫咗三輪，最後戈輪等到天方愛未老。兩款牛都好好食，牛都好新鮮同埋冇雪味。牛肉放得好好，可以好方便一片一片咁夾。海鮮都唔錯。拎醬料同埋配菜位置都多選擇。雪糕都非常出色。不過如果唔係想食三文魚我唔會叫三號餐。二百零蚊食牛肉都算可以，三百幾蚊加埋海鮮就好似唔係咁抵。整體來講都算係好好味嘅