那個ㄋㄚˋ ㄍㄜ˙ (埃華街) (Moved) New Location

身為大角咀名物 相信大家未食過都一定見過因為佢既便當出名大大份 但究竟好唔好食呢？值唔值得排隊呢？以下為大家揭曉🧏🏻‍♀️- 那個滷排骨便當 $68講到明招牌 黎到當然要試下啦排骨既份量真係好多 基本上係鋪滿晒見唔到啲飯只係見到側邊既配菜 包括粉絲 蘿蔔絲 茄子 蓮藕 洋蔥🧅等等⋯但排骨都幾乾柴 肉汁完全唔夠 亦炸得唔夠香脆雖然淨係食餸都夠飽 但飯黎講份量都幾少 而且唔夠熱整體同我想像中都幾大出入 有啲失望 🥲- 香酥脆雞便當 (鹽酥) $64比起排骨 覺得呢個先比較似招牌至少雞食落去係嫩滑既 但都係味道偏淡反而有驚喜既係跟餐既養生湯 絕對唔係街外果種味精湯 好飲！- 秘製麻辣鴨血 $32食落去第一下會有好強烈既藥膳麻辣味但只係流於表面 簡單黎講即係得個辣既感覺 但鴨血本身係唔入味 唔合格啊😟對比起其他台灣餐廳 呢間係大份抵食既但味道真係相對普通啦 唔太值得要排隊去食⋯

今日大角嘴美食遊去到傳説中的《那個》；因為久仰大名，亦確認為長期人龍店；今日難得可以早走五分鐘食飯，便快步往店攞位。《那個》位置，其實前身係小儀車仔麵檔，在大角嘴埃華街尾，君匯港對面。可能習慣人多，侍應早已準備餐牌供食客在舖外等候時，可以先選定午餐便當。不過，其後我哋留意到有些「即日特式便當」便未有印上，想試新菜式朋友不妨留意牆上大餐牌。今日選了《招牌滷排骨便當》連熱烏龍茶。等了十五分鐘多，熱上。滷豬扒的確非常巨型，目測十三四厘米闊有多，四五厘米厚，滷水微甜，豬扒軟冧，軟得可以用膠匙羹切開。飯面舖了《本周配菜》上既前菜，我選了玉子，茄子，粉絲。相當開胃，跟餐有鴨湯與各式花茶（我選了烏龍茶）伴飯。與附近另一台食名店《老厝邊》相比，我喜歡《那個》既滷排骨入味，雖然沒有《老》店酥炸豬扒既脆，但同時亦走了油膩。總結：《那個》既鹵排骨便當喺味道，份量，賣相，性價比的確在大角嘴云云台食中較優 - 吾怕排長龍既話 - 誠意推薦。

今次黎到大角嘴搵野食，老實講，大角咀呢個地方人生黎既次數真係五隻手指數得晒，但次次黎都係搵食，呢頭真係有唔少好味既小店😊今次黎左人氣黃店，晏晝大概三點鐘左右到，避開左最旺場既時候，等左五分鐘就入到👍🏻毫不考慮就揀左佢地既招牌，滷排骨便當，果然無揀錯👍🏻排骨大塊到就黎連個碗都裝唔晒😂開頭都驚塊排骨炸得太勁而家𠝹口，但因為佢佢淋左滷汁，反而令佢唔𠝹口，但又唔會林晒👍🏻👍🏻Good balance👍🏻👍🏻那個滷排骨便當 $66香酥台南蝦捲便當 $70蝦捲好食，甜甜地👍🏻

💛那個💛🔸芝士可樂餅呢個可以唔洗試😉 唔好食，配料亦唔夾。芝士喺重點，但芝士本身唔好食。面層再配埋海苔就更加唔夾。成件事可以不了。🔸芋泥蕃薯丸一咬開會見到滿滿嘅蕃薯蓉同芋泥，滿足。而且會食到蕃薯甜，而非自己加嘅糖。但芋泥唔夠綿，而且成舊丸都好實，口感麻麻。🔸臺南蝦捲便當（海苔味）$58蝦捲口感似魚丸，彈牙，都幾得意，但size偏細，不過都有三條蝦捲，所以都可接受。而且食到甜甜哋，唔錯。但海苔味唔出，幾乎冇。蝦捲表層油膩感都幾重，可能呢方便要改善下。🔸香酥脆雞便當（鹽酥味）$64第一次食到香酥雞喺偏甜，但小編都喺鐘意食返咸嘅香酥雞😉 香酥雞都幾大舊，同蝦捲一樣有三舊。質地正常，有少少汁，唔‘鞋’。整體就喺正常。配菜正常。玉子幾好食，不過可惜唔夠滑。焦糖雖然甜甜地幾好食，但係可以免，因為好飽。粉絲，玉子，粟米都正常，但小編覺得可以增加多少少開胃菜，如果唔喺全部加埋都有啲濟肚。簡單講，便當正常，有朋友想食可以再食，但唔會專登排隊再食。小食可以唔洗叫。

一向都知呢間台灣菜好多人捧場要排隊先食到，見今日係附近唔係好肚餓就諗住邊排邊消化😂最後用左接近45分鐘終於坐低。落單後等左超過20分鐘先上第一個主食，之後小食陸續送到，第二個主食最後係用左接近40分鐘先出現。明白生意太好等耐少少都係正常，不過呢個上菜速度真係要改善下，呢餐飯連等位食左兩個鐘有點不能接受🙉而且部份食物有唔夠熱嘅情況。-🍱香酥臺南蝦捲便當 $58作為第一個上枱嘅主食，一口咬落去竟然係常溫狀態，男朋友表示不能接受。自己估計有機會係舖頭冷氣太大食物整好咗擺喺度冇人拎出嚟所導致，因為成餐飯一路食一路都覺得好凍🥶蝦捲其實幾好食，如果熱辣辣會更正。-🍱那個滷排骨便當 $66話係排骨其實比較似豬扒⋯滷得唔夠入味同腍，比較乾同柴，但係又矛盾地多肥膏🌝外皮浸到淋曬唔脆，咬開後皮肉分離，但係浸到咁豬扒又無乜味？雖然大大塊係抵食不過都無食曬，招牌嚟講都幾失望。-便當仲會跟5款配菜，今次有味噌金針野菜、香炒沙茶粉絲、白菌洋蔥粟米、焦糖玉子、本日涼菜（好似唔係好覺有）。其實配菜都佔咗便當一半份量，估唔到有咁多，味道都不錯。呢方面我幾欣賞佢配菜都有用心準備，唔係是但比兩條菜而係有設計過款式👍🏻-🌐鹽

每次夜晚經過都超級多人排隊今次專登晏奏一點幾出去碰碰運氣去到大概有7個人排前面大概等左10分鐘就入座排隊既時候店員拎左餐牌出黎比我地簡左野食先入座可以揀scan form 網上填紙仔今次揀左好出名既那個滷排骨便當黎到個排骨超超超大size炸粉厚度適中食落好juicy配菜有炒過既粉絲，玉子，粟米粒配菜都好入味好有驚喜飯係珍珠米 雖然飯量相對較少 但係本身排骨真係超大 所以食晒都已經好飽飲品揀左唔使加錢既綠茶正常發揮既水準唯一有個可以改善既位係我問店員有冇刀既時候佢話原來餐廳係冇刀提供既結果要自己用羹去撕開個排骨

看到很多食評都推薦這間台灣菜，今日突然想食台灣嘢便專門去大角咀試試， 原本想食棒棒蝦便當，但發現menu沒有這樣item, 只好另選其他，我叫咗台南蝦捲便當 係餐廳推薦必試人氣item， 蝦卷可以選擇海苔原味還辣味， 我揀了海苔味， 便當內附三條蝦卷、 一件小小煎玉子、 紅蘿蔔絲炒米粉、 紹菜、 粟米和酸菜。 我還order了B+C($30)追加item即係 台灣香腸一條家養生湯。 先講便當本身飯嘅質地ok不是很軟亦不是很硬， 但飯嘅溫度不是很熱只是比室溫熱一點點， 對於我比較喜歡吃熱辣辣的飯嘅人感覺不是很好吃。 酸菜 ok， 台南蝦券是新鮮炸的亦是這個便當唯一比較熱辣辣嘅東西， 煎玉子的味道 比較甜我不是很喜歡， 炒米粉ok, 台灣腸係蜜蒜味烤得香口， 養生湯係茶樹菇排骨湯， 味道比較辣味道一般，但好在不是味精湯。 便當本身有包一杯飲品 我將佢upgrade度餐廳推介的鳳梨冬瓜茶， 鳳梨味道較重不太吃得出係冬瓜茶。 便當整體嚟講味道ok， 價錢亦合理。 但唯獨等候時間實在較長不會再去吃了。

半年前食過一次，當時排隊都起碼排咗半個鐘先入到去，仲要係食晏時間，今次再去明顯冇咁多人排隊，可能我時間晏咗啦，入到去例牌一定要叫個個肥豬肉飯，我叫佢肥豬肉飯姐，台灣腸，鹽酥雞，再要加個珍珠奶茶走甜，其實lunch個選擇都算係咁，一嚟佢係黃店，大家都好支持，同個friend兩個人去食埋單百幾蚊，Lunch來講算係咁啦，不過坐就坐得比較辛苦，枱比較細張，不過快啲食快啲做等人哋做下一輪生意，希望那個可以keep到大角咀嘅水準！

放假見網介紹大角咀d餐廳！見佢好似幾正 就去試下佢啦！我地去到5：45未開門 就周圍行下！！六點開門 佢有得簡用安心定填Google問卷！幾好 ！環境ok!!冷氣超勁！要準備外套！安排左係窗口坐 本來幾好 但個鎖又有d阻眼同危險 如果唉埋個窗好大機會比個鎖整到！！！叫左香酥雞便當 加30蚊 要埋台腸同養生湯！！睇個擺盤就好吸引！！粉絲味道幾好但凍凍地！！雞有肉汁 但唔夠脆有d失望！！焦糖脆蛋有驚喜！！！！！碗飯唔多同溫度上都唔係好熱加上環境有d凍 要食得快d...唔係好快凍晒就會好難食台腸！！好味 仲有d味鹽係上面增加左味道架複雜！正養生湯味道幾好 全晚最夠熱架食物！！！飲品如果大家堂食要叫少冰！！太凍飲到一半都係拎走慢慢飲！！味道酸甜！開胃！！寒天口感好爽口！！值得一試！價錢唔係吸引！可以試一次 要排隊我就唔會再食！溫暖提示今次5：50去排就食到頭輪！

這間位於大角咀的台灣店舖我已經聽很多人說要排定隊吃！ 趁住今日自己有空便約三五知己五點半到這餐廳門口，原來六點才開門，所以一個人也沒有排隊！我們唯有在附近逛逛後再去！ 接近六點已有幾個人在我們前面排隊了！我諗這間台灣美食一定好豐富呢我們三個人選左三個飯！ 每個飯都有些配菜，例如:粟米丶椰菜及粉絲，加埋啲飯很好吃！ 我們叫咗一個台灣排骨飯！來的時候成塊排骨非常之大就好似台灣吃的大大塊炸雞扒！ 另一個叫蝦卷飯，有三條紫菜味的蝦捲！ 最後一個我們叫傳統配菜飯加個可樂餅小食！正呀！ 三碗飯都有跟嘢飲 ！大大杯三個字形容～平丶靚丶正😎😎😎😎😎期待下次再去！医護仲有折扣優惠！

之前經過見門口好長人龍食唔到今日6點幾就黎到，成功避開晚市既人龍滷排骨便當姐係豬扒～好大塊有埋幾款配菜，送飯一流整體味道中上另外跟餐有幾款飲品揀如果要跟其他就加錢

體檢完就轉線去到大角咀💛本來想打卡蒲燒鰻魚便當但店員說已經停止供應了😭幸好玖香啤酒豬軟骨還有🙌又加了黑蕎麥沙拉菜，茶樹菌排骨湯😋本來其實我今天胃口不太好😔但是！！當我回家打開看到滿滿三大塊燉得很好的豬軟骨立馬就餓了🤤🤤上次吃過就驚為人生的豬軟骨！！！這次感覺量好像比上次更多？🙈🙈醬香濃郁肥瘦均勻，超入味又夠軟腍，軟骨的部分嚼起來也毫無壓力，不像外面有的餐館雖然肉的部分口感和味道都好但軟骨就還是會剩因為不好嚼😂😂配菜錯過了上週我最愛的茄子有點可惜，不過本週的配菜也很棒，我個人最喜歡香炒沙茶粉絲，粉絲有咬口又夠晒滋味，味噌金針野菜就稍微鹹了一丟丟🤏，白菌洋蔥玉米也很好吃但我不敢多吃因為消化系統太弱😂鐵打的焦糖玉子和本週涼菜（感覺像酸菜？）也棒棒～茶樹菌排骨湯，講真如果是外面其他餐館我可能不會嘗試，因為本身我對箘菇類其實並不太感冒，屬於沒有討厭吃但也不會主動去吃的那種😂但是喝過的幾款養生湯都不錯所以我才敢放心加🙈果然這款湯也沒有讓我失望呢😋有白蘿蔔的清甜還有茶樹菇的清香，讓我整個對菌菇類的接受度又變高啦🙌黑蕎麥沙拉菜直接是晚飯來😂😂我每次都會一起買，因為中午有便當和湯已經飽到喉嚨？晚餐直接沙

大角咀雖然有好多餐廳 但係一到食飯時間呢間餐廳就會大排長龍 試過中午12:00黎食 門口都已經排咗好多人.為咗唔使排隊 今次6:10就黎到 餐廳下晝會有休息時間 夜晚六點先會開返 6:10黎到既時候原來仲未入得去 不過只係整咗5分鐘餐廳就開了.🍱那個滷排骨便當🍱香酥脆雞便當兩款都係餐廳最受歡迎嘅食物 .滷排骨係炸完先攞去滷 雖然外面有層醬汁 但係都食到少少香脆 啲醬汁非常送飯香酥脆雞炸得好香口 每一啖咬落都會索索聲 而且裏面仲有好強肉汁而每個便當入面都有好多配料 有椰菜 粉絲 玉子 同豆腐 口感豐富

看過有關這間店主的訪問，他有一句話說得很對的，就是「好唔好食由客人評價，但我哋對得住個價錢。因為你有無用心煮，其實一食就知。」🧡而在這個便當的配菜就能看出他的用心，每一個便當就有五款配菜，包括咖哩炒冬粉(星州炒米的味道啦~)、醬燒茄子、焦糖玉子及燴炒香蔥薯絲，每一款都是精心制作獨立烹調，而且原來配菜是每週都不同的。每一個便當配一杯無糖茶，很好的配搭。不過可能是因為即點即做，下單後需要等比較長的時候，餐點才會到，不過環境挺舒服的，邊聊天邊等也就還好啦。🔸那個滷排骨便當 $66🍽味道：🟠🟠🟠🟠⚪️這是店內最推介的便當，說實在的吃台式店來來去去都是酥炸什麼的又或是滷肉飯的，但是這個滷排骨便當讓我大開眼界了。原來現時店主調製的滷水，單是香料已有廿多種，是特意向台灣朋友請教的秘方，味道比一般滷水汁濃郁、香甜好吃。而且那個排骨大得差不多是整個碗的大小，就是男仔吃起來也特別的飽足，這個價錢超值了吧。🔸香酥脆雞便當 $64🍽味道：🟠🟠🟠🟠⚪️香酥脆雞絕不輸給招牌菜，酥炸過的雞塊超級香脆，就憑咬下去的聲音已能證明，而且不會炸粉多雞塊少，而且雞肉也是嫩溝的，枱面還有香辣粉和鹽酥粉自由添加，調製最適合的味道。

好食又特別既台灣小店，encore左兩次。平日黎一定要等好耐位，不過疫症期間，竟然有位。以前成間鋪本身都未必有20個位，仲拎左兩張枱4個位出黎擺口罩同搓手液，搬咗舖又再黎試，一樣保持到咁高水準。黎3次都必叫排骨飯，冇咩係第2度食過尼個味道，好好食。不過有時塊排骨會老左少少，唔夠林。塊排骨大都不得了，下面鋪左5種配菜：甜不辣、芽菜、辣粉絲、豆腐同青豆（有記錯既可能），連飯一齊食好有口感，配菜下面就係飯。好彩飯少，唔係我就食唔哂。野飲方面，唔算好特別，但係叫一杯台式飲品，成個午餐好似先叫完美🥳