那個ㄋㄚˋ ㄍㄜ (仁愛堂街)

Open Now

Now Closed

隨機嚟到依間台灣菜餐廳食晚餐平日晚上七點都差唔多滿座80蚊左右一個 好足料！👍🏻香酥排骨一睇就知炸得好，啖啖肉😋依個香酥飛魚湯麵回頭率我比100% ！💯個湯有比較重嘅「藥膳」」味，我都幾like🫶🏻飛魚同排骨一樣炸得好好，大大嚿，啖啖肉，食過返尋味🤤

剛行完山，中午十二點左右想食早餐，見到有蛋餅供應就打算試下一行2人入去，坐得兩成位到,坐埋角落頭4人檯到(其實都係2張2人檯拼出來),店員已經好唔客氣叫我地坐返出來你咁多位仲限制人地坐邊都唔知為咩咁算啦,打算試完個蛋餅拿拿臨走,人地始終做生意,咁一行2人叫多個小食叫左綜合蛋餅同小食三星蔥餅野食就好一般三星蔥除左有D油肉汁唔知食緊咩蛋餅就大量肉鬆無其他味道最有趣係上左年紀既女店員上完菜先同我地講有最低消費，要每人一個套餐，仲要好似欠左佢咁起碼我掃QR CODE同店面都唔見到有最低消費字樣嘈左幾句拿拿林比錢走,真係貼紙買難受,唔知以為去左屯門刀削宧丫~

想lunchtime搵間平靚正之選都唔系咁容易，今日試左間台灣野，連飲品都只系$60-70左右，質素仲要幾唔錯，值得推介喲嘉義雞肉便當$66嘉義雞肉飯D雞肉好滑嫩，愈食愈過癮加左秘製XO醬，味道更香口，食到停唔到口配菜有白菜、炒蛋同粉絲，都算多元化炒蛋幾滑，不過同個雞肉飯唔系好夾粉絲有少少油，得一撮仔，只系for 過下口癮白菜都新鮮，幾清甜 加台式飲品都唔貴，只系$6-$12 左右不過略嫌出菜真系太慢，等成20分鐘先有得食

又係一個冇圖嘅食評，實在太匆忙食飯，影唔切相。可以係lunch time食到好西，好感動，決定要寫食評。由於趕時間，所以冇點睇menu就點豬頸肉便當，同埋阿里山麥香烏龍茶，唔趕但最重要快。豬頸肉便當喺一兜過，入邊有齊粟米、菜、炒粉絲。豬頸肉薄切，肥瘦適中，啖落有油香，邪惡但好味。燒亦燒得惹味，面頭帶有少少燒汁配飯食令人回味無窮。係屯門區內暫時令人印象深刻嘅台式餐廳。烏龍茶正常，五分甜已經足夠，解渴一流。

呢次屯門覓食揀咗一間台灣菜嘅小店——那個，裝修風格簡約，店內約七至八張木餐枱，雖然店內空間不大，但氛圍也簡潔舒適玖香啤酒豬軟骨便當豬軟骨香氣非常突出，帶有甜味，而且煮得非常淋非常入味，入口即溶秘製嘉義雞肉便當嘉義雞肉嫩滑，配搭炸蒜食用非常香口，唯一雞肉稍微凍咗啲，如果熱返啲就更好便當因為選擇咗便當，會配有三款配菜，當日嘅配菜係粉絲椰菜同粟米，粟米香甜，椰菜清爽可口，粉絲都煙靭，飯入邊嘅醬汁鹹中帶甜，與主菜同配菜一齊食用嘅時候提升層次感，但份量略嫌有點少黑糖仙草牛乳牛乳選用無乳糖鮮牛奶，入口感覺似飲紅豆冰，十分驚喜，仙草則中規中矩

無意中經過呢間舖頭，原來都有幾間分店，就咁睇Menu應該又係買台灣便當珍珠奶茶加飯或者麵之類，食完之後都覺得冇乜太大驚喜，不過都叫做舒服嘅，其實一入到去最eye Catching就係叫我哋去做member, 要有email Address同埋要有手提電話去登記，咁樣就會有九折，不過最緊要就係佢要令到我有返轉頭嘅願望，可惜我應該唔會特登再去。我揀咗佢Menu入邊第一個選項，豬軟骨便當，老老實實個豬軟骨啫喱嘅部份真係好腍好遠好好食，最大問題就係嗰啲佢哋好似木頭一樣咁硬，又柴又爛咬，本來諗住可以買個外賣返去俾屋企冇牙嘅老人家都一齊試吓，一食第一啖即刻放棄咗。你overall味道係咪好好食啦普通啦，冇乜特別之處。另外佢哋招牌嘅嘢飲伯爵奶茶係個Menu嗰度lunch time時間就話已經售罄啦。退而求其次飲一個普通奶茶，味道一般般啦。埋單連埋discount $78正正常常CP值唔係特別高。仲有一題枱上面有兩種特別嘅粉，我兩個都試過可以為食物添加咁多風味，但係並沒有畫龍點睛之後。

一個人食飯 附近多數都係大排檔 無乜選擇 見倒呢間野裝修幾靚 野食又唔差咁 就入左去食晚飯因為時間尚早 無乜人 入到去係用qr code落單 但大部分食物都無相嘅 問呀姐會唔會有menu 佢話無 網上面果d有就有 無佢都無唔緊要 但出面有餐牌入面無 上網點餐又無 係咪啫係我要出門口睇？叫左個酥炸雞球便當食 初初睇個樣 以為都ok wor 望落幾靚仔 份量又足 一食入口 d雞完全無味 都唔知自己食緊乜 反而D配菜 粉絲炒得ok睇食評見倒d人要排隊 真係r哂頭 咁都要排隊?.?

人氣台式餐廳嘅下午茶，套餐送嘢飲都算抵食服務員態度都十分之好秘製嘉義雞肉飯雞肉份量適中，不過始終都係下午茶，所以飯量偏少，有少少唔夠飽雞肉上面嘅醬汁相當好食，好惹味唔會太鹹用尼送飯簡直一流，係成個飯嘅靈魂🤤招牌總匯蛋餅即叫即製，所以落單之後都要等一段時間先會上菜。蛋餅入面有好戶餡：台灣肉鬆，粟米，芝士蛋餅熱辣辣，亦都唔太油，而且份量多相當飽肚，餡料都好多，算係幾抵食。下次想食台式野，我都會再次光顧。

❣️玫香啤酒豬軟骨飯豬軟骨控因為呢個豬軟骨飯吸引過黎！肥瘦適中，肉質鬆軟，再用埋啤酒醃製，令味道更加香甜🤤鍾意食豬軟骨既朋友可以試試❣️那個滷排骨便當另一樣吸引既係滷排骨便當有成個飯碗咁大！排骨揼到好薄，薄薄上左炸粉去炸小，炸完再浸滷汁。排骨肉質雖然有少少鞋，但係豬肉味幾重，而且炸皮薄得黎浸左滷汁都幾脆，索左滷汁味道鹹鹹甜甜，撈飯一流。便當關仲有五種配菜，餐廳會不定期更新，每次都有配搭有新鮮感🤤🤤🤤❣️前排新推出蛋餅同出面食開既蛋餅唔同，係脆皮又有肉鬆🤤🤤❣️炸雞Ho juicy 🤩🤩

見都幾多食評話ok,就諗住食下..都無咩特別期待或想法入到去 門門有成排位..重有其他吉位我地打算坐低之際叫我地坐去廚房門口個四人位…又貼住收銀位…其實坐呢到都阻住出餐啦（完全唔理解但事旦啦，明明當時7點半左右既食飯時間，完全無人排隊）然後叫我地qr 點單…話晚市無套餐，飲品要正價Round$2x蚊一杯（如果叫左飯/麵可-10蚊）….然後一碗麵/飯麵價錢around $8x蚊….係屯門街邊鋪來講，價錢唔算平…又唔叫貴..但可以有更好既選擇。叫左個酥炸排骨麵…（上餐時，個店員擺低之時，我問佢呢個係咩餐？佢望住我但無答我….唔同連佢都唔知？ 甘唯有我地自己分餐…因為我地同行三人…我地唔知大家叫咩餐）見到個餐時開心左二秒 ，因為甘大份…但真心難食…炸到勁硬…舊豬扒完全唔鬆軟…咬都唔想咬…然後個湯底…我真係完全頂唔順個陣味…明明係牛肉湯？點解可以一陣藥材味…但又唔係藥膳湯底個種味道…最慘係d麵吸哂個陣味…真係完全唔想食然後家人重叫左其他…飯個餐 ..家人覺得ok 叫左杯野飲…係化學物品既味道..假味假甜蛋餅 …正常味道..但一夾就散走既時候…大家都無食哂…因為真係食唔落…沖左去711買茶漱口…

那個ㄋㄚˋ ㄍㄜ˙ 聽就聽得多，打都唔識打，何況食🫠，今日入屯門做野竟然俾我見到佢，熱氣中都要食，雖然舖頭細細，位置唔多lunch hour 冇乜人幾舒服，店入面係QR Code 落單，好貼心有得揀多飯少飯，多汁少汁，重點稱讚👍招牌香酥雞便當 🐔$68個雞個面勁脆，但入面勁滑，台式便當最愛係炒粉絲同粟米，如果酸菜有得再多d ,我諗會再滿足d😏那個招牌濃厚奶茶+黑糖波霸 $xx(😵‍💫腦霧唔記得加幾錢）🤪🤪本人走甜好多年，但想要珍珠，佢d 珍珠只有黑糖煮，不過我又覺得啱啱好，唔過份🤪🤪，very nice

之前有留意過大角咀嘅店所以一直都有bookmark😗而家喺屯門開咗就去咗食,店內環境都好闊落唔會好迫而木系為主🪵🔸那個滷排骨便當 $76一上枱真係嚇親,超大塊排骨真係大過塊面😳排骨有炸過而且好淋冇一個位置係咬唔到的😚調味都剛剛好!!而且仲可以落3款調味粉令味道更有層次🤪但個飯就真係麻麻落得太多水好軟一坺嘢咁口感十分不好😥加上冇任何醬汁也偏乾🥲飯旁邊有一點點配料,粉絲,粟米🌽菜,胡椒味也偏重~整體來講排骨是幾好的但飯就真的不太行🤥🔸黑糖波霸奶茶 +$12茶味超級重,奶味就相對弱很多有蜜香的感覺😙黑糖珍珠就正常微煙靭但不是太黑糖🖤🔸之前睇comment見好似很不錯所以抱有頗大的期望去食但結果就真係麻麻了🥹🥹整體不算差的但希望啲飯可以有所改善~🤤好味度 : 6/10🔙回頭率 : 5/10

跟住同事lunch time覓食，幫襯公司附近開張不夠半年的「那個」台式小店，湯麵同便當都好好食，味道有驚喜，值得一試再試！麵食湯底味道香濃，推介玖香豬軟骨粗麵，豬軟骨炆至入味軟惗，味道恰到好處，同事吃的炸雞和炸豬扒外脆內軟，亦非常可口！

話說收工又約左老友食晚餐，大家都無乜目標就周圍行下先，我就順便去馬會入錢，入完行下附近見到呢間主打台南風既小店，門口望下餐牌價錢唔算貴，見有位就入去上試試啦。店面好細，大約唔夠10張2人枱，人多數就拼埋一齊，落單用QR code，台內得1位店員負責傳菜同執枱，位與位之間會比較迫d，另外都有免費既茶同水自助飲用。砍香啤酒豬軟骨麵，麵有3款揀我揀幼麵，麵質都ok唔會過腍，湯底都幾濃味偏甜，豬軟骨都算腍但肉質好鞋，比較老，略差少少，另外有得選擇跟個櫻花蝦辣椒油，唔洗加錢，都算幾香加埋麵增添左風味。古早味手工滷肉拌麵老友揀既，滷肉味都算幾濃幾香，麵都係幼麵正常。薯餅跟餐加9蚊追加左炸薯餅，超市急凍貨無乜特別，勝在新鮮炸夠香脆。夜市雞皮卷跟餐加25蚊，外皮香脆包住雞肉，調味粉都木惹味，呢個幾好食。店內都有多款台式特飲選擇。總結黎講台式小店正常水準，食物質素不過不失話好差或好驚豔，價錢算係ok。

26/10/2023📍 那個ㄋㄚㄍㄜ 係大角咀起家嘅台灣菜 原來已經開多咗兩間分店 今次去屯門分店 店舖座位唔多 當晚都排咗大半個鐘✨那個滷排骨便當 （$76）舊排骨真係好大舊 先炸後滷真係好邪惡啖啖肉又好入味 側邊仲有唔少配菜 有椰菜、粟米同粉絲 以男仔食量嚟講都會夠飽✨三星蔥餡餅 （$12）外皮偏油同硬內餡冇乜汁 就係幾香蔥味✨塩酥甜不辣 （$18)第一次食鹹嘅甜不辣 上面好似係孜然粉但啲粉唔係好平均 有啲位冇乜味✨黑糖梅子地瓜薯條 （$28）份量有啲少 地瓜條偏粗身 熱辣辣 同梅子粉幾夾 但同黑糖一啲都唔夾 我地後面都無掂過啲黑糖⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯好食嘅台灣餐廳有好多 呢間都唔差 主食ok不過小食就唔推薦 而且如果要排咗耐隊就唔值得啦 我哋兩個人晚餐食咗 ～$160推薦指數🌟：3.5/5