ナカヨ食堂

Open Now

Now Closed

來康怡Aeon逛街，歌利亞首選的「飯堂」是Food Court 內是海鮮丼店。適逢海膽祭(16.3.2018 - 2.4.2018)，當然要order 當造的海膽料理。歌利亞選了店長推介的原板免治吞拿魚丼。原板上的海膽非常吸晴，海膽size 雖小，但鮮甜creamy。免治吞拿魚份量亦不少，配上適量香蔥，下飯一流。祖利安點了鹽燒鯖魚定食，雖不及海鮮丼令人驚艷，但也是水準之作。烤魚皮脆肉香，是令人懷念的日本烤魚早餐的味道。海鮮丼和烤魚定食都配了一碗麵豉湯。麵豉海看似油膩，原來是豐富的omega 3 。湯內有大量三文魚骨、紅蘿蔔、白蘿蔔，和昆布等，既富營養又清甜。兩set 套餐只需$248，性價比極高。

今晚去左太古既aeon style食晚飯，呢度有好多日本野食架，有大阪燒、洋意麵、拉麵、燒物、丼，簡直係花多眼亂，最後我地揀左食丼！環境：夜晚6點去到唔使等位即刻就有得坐，入面有bar枱同幾張二人枱，位置唔多，加埋容納到20個人左右啦，而且都坐得迫迫地。服務：枱上方有餐牌，睇岩就出去落order然後攞牌等侍應送餐黎，亦有檸檬水供自助飲用。衛生：地方都算乾淨，但係未用過個杯倒左d檸檬水入去見到有點點油漬浮係水面，即刻換過第個杯就冇事。味道：我地叫左個火炙三文魚腩飯set同燒三文魚頭飯set，叫set會配味噌湯，而三文魚頭飯亦有配菜另上。先講個三文魚腩，超級厚切，肥到食完成口油，正到不得了。而個三文魚頭都好香，不過配菜味道就一般般喇，係好甜既蕃薯，甜過頭有d奇怪。抵食：dinner set由幾十數到幾百蚊既丼都有，任君選擇。即使係幾十蚊既三文魚腩飯都有超水準質素，推介！

1️⃣) 🐟三文魚腩丼🍱 💲8️⃣9️⃣魚腩肥美，份量亦足🤤🤤🤤 佢地既米採用新瀉米🍚 米粒飽滿👍🏻 性價比高👅👅-2️⃣) 鰻魚重 💲8️⃣9️⃣鰻魚份量都多，而且鰻魚汁沒有過咸同濃味，唔會令人覺得好滯👍🏻👍🏻👍🏻-3️⃣) 帆立貝 (2粒) 💲2️⃣9️⃣非常薄unun，不建議order🤢🤢🤢🤢 所以連相都無特登影🤦🏻‍♀️🤦🏻‍♀️-4️⃣) 🔥鹽燒赤蝦🦐 (2隻) 💲3️⃣8️⃣都幾大隻 算抵食🤤🤤🤤

今日下午要去總公司培訓，所以早少少經過康怡廣場時食個午餐呢間日式定食食堂，之前經常排曬長龍趁今日早左出來未到繁忙時間食個午餐先之前都係食魚生丼飯，今日一於試下個燒魚鮫定食我揀左鹽燒油甘魚鮫定食, 再加$10轉免治吞拿魚飯另外再加兩隻鹽燒赤蝦，好豐富啊...鹽燒油甘魚鮫都幾有油甘味, 吾會偏咸吞拿魚飯就正常水準, 不過不失啦...燒赤蝦都算幾大隻，蝦肉算彈牙，味道都適中...埋單共$147, 間中豪一次好啦....

本來一心諗住食三文魚頭或油甘魚頭定食，但可能我嚟得比較晏，兩樣都冇貨。忽然記起係秋刀魚季節，去旁邊嘅大戶屋問竟然未推出秋刀魚。返到Nakayo望吓見到有，而且只係$69，記憶中大戶屋秋刀魚定食要差不多$120一條，$190兩條。俾錢時服務員提我要等約15分鐘因為係新鮮燒嘅，當然冇問題啦。第一次見到秋刀魚可以燒到咁栩栩如生，啲皮仲一段段咁𠝹開咗。初時以為只係為個做型設計，食落發覺方便咗，冇咁容易夾到啲骨。但唔知會唔會漏咗啲多少魚油出嚟喇。今次呢條好肥美，個肚部分好甘香。絕對要Encore。

今日遠征太古城😂 最少3年冇去過，順便食下好野😏。聽聞呢間ナカヨ食堂不錯😋，去到已經見到排咗10幾人，期間睇下menu, 研究下有咩好食，排咗大概20分鐘有得食🤓成個menu除了海鮮丼，便是燒魚餐。今日目標是燒魚餐🤣我竟然叫了平時唔多會食的鰻魚飯😙係d肉韌咗少少，不過味道好正🤤最怕骨，對骨好敏感嘅我，唔係間間的鰻魚飯都會食，呢間幾好！食成個飯只有一條骨係我感覺到。飯的份量都幾多，我食唔哂。男友則點了燒赤魚。要讚一下左邊的小配菜！那個荀好爽好好味！而燒赤魚好香，肉好滑，傍邊的魚旗位燒得好脆，好好食！即使只有檸檬汁，沒有其他醬油，也好好食的！😋😋有機會會再試其他魚😊😊😊

Aeon Style Food Court呢間初初開嘅時候真係長期大排長龍， 當然開咗咁耐都有， 不過真係比當初少咗人嘅， 我最鐘意食佢地嘅燒魚定食， 但都只係食一款咋 (因為d骨比較大條) .我最鐘意食佢地嘅西京燒比目魚定食($59) ， 比目魚肉質好滑， 無腥味，但有油脂， 真係啖啖肉㗎。 老公就要西京燒鮫魚定食($79) ， 鮫魚肉質比較硬， 好留魚味定食本身跟麵豉湯， 漬物， 再跟日本產米， 份量 ok.. 另外老公再加多份鹽燒赤蝦 ($38) 2隻， 赤蝦都算大隻。 佢地除咗有燒魚定食之外， 仲有海鮮丼， 下次再試吓先。

今日太趕時間，所以都不知食什麼好，突然見到這店舖有新推介，朋友又好想食鰻魚飯，所以便排隊等位。之前剛做推介二人套餐已食過，感覺良好雖然不是什麼大型店舖和裝潢，亦不是可有太舒適位置，但勝在食物新鮮，價錢大眾化今天見到做鰻魚祭，我們就點選了一個鰻魚重和一個免治金槍魚丼鰻魚重，真是名副其實很重份量，烤好的鰻魚配上鰻魚汁，兩片小黃蛋，加上熱辣辣的飯，美味可口鰻魚重和免治金槍魚丼都有個超多材料的味噌湯付上，很少味噌湯有那麽多豐富（ 白紅蘿蔔片， 海苔，豆腐）到我至愛的免治金槍魚丼，肥美厚切的金槍魚片和軟綿綿免治金槍魚，新鮮美味，正常鮮甜刺身都不會用芥辣，我也沒用，只加了點點日本豉油調味這餐很滿足

康怡太古Aeon 裝修後地下層超級市場及美食廣場轉晒美食廣場有鐵板燒同呢間專食海鮮刺身飯～餐牌有好多款，今次揀了 海膽三文魚 同 海鮮極 ！睇圖都知佢用料新鮮！尤其係海膽，完全冇腥味！赤蝦又新鮮又多膏！一個字 - 正！值得再次光顧，食第二款～見隔離枱客人食燒魚，自己就唔太鍾意，鍾意食魚既人可以一試！

今日突然想去太古行吓，咁啱星期三又係Aeon特價日，醫咗個五臟廟先，七點幾一位唔洗等好耐就有可以入坐，睇咗想食丼飯，不過就太多選擇，最後決定食四色丼，跟著舉手示意落單，店員行埋嚟，我就同佢講唔該要個四色丼呀！店員話要出去收銀落單先㗎！（今次出醜啦🙈🙈樣衰到核爆），咁出去買啦，收銀姐姐問我有位未(幾細心)，跟著就比咗個No.連架我等咗一陣我嘅晚餐嚟啦丼飯跟味噌湯，飲個湯先，味道啱啱好唔太咸順便暖吓個胃先食生冷食物，感覺冇咁曳嘩！睇吓幾新鮮閃閃發光咁有三片三文魚、兩件赤海蝦、兩件帆立貝同大約四瓣海膽，全部都好新鮮好好味，下次要試其他先

一直是油甘魚的粉絲，但上個月的魚質偏淋沒有彈性，好像腐化的肉質。停了一個月後，再次期待當初的鮮香美味；今天發現肉質回復鮮味、彈性；家人的臉上重獲笑容。希望繼續保持水準！

開始已經漏打單，跟著同樣一個烧魚餐，先送給比我號碼後的顧客先，我還要等下一燒好才是我的，很大油煙，邊吃邊吸，開業以來從沒想過改善。今天特別憤怒，因為父親節竟碰上這事。

太古Aeon裝修後係大戶屋對面呢間飯堂嘅魚生飯已經係我地Lunch食魚生飯首選👍今次去到見到有個二人餐跟埋芝士焗龍蝦, 平均每位都係百幾蚊, 當然要試啦😋呢間飯堂入坐方法係要先排隊攞到位店員先俾張劵去收銀買野食, 店員再送餐去坐位, 不過買完唔駛好耐個二人餐就送到我地面前😍個二人餐兩個魚生飯係唔同嘅, 仲要一個d料靚好多, 我地為免要打架, 所以平均分左兩碗d料😂信魚生飯水準keep住咁好👍不過隻芝士龍蝦就一般d, 唔夠熱同埋芝士味唔夠濃, 但呢個二人餐300幾蚊堅抵😄平分左嘅魚生飯原裝魚生飯1號靚料2號😋芝士焗龍蝦

當天為星期六，我14:30左右去到，亦見很多人，故等了一陣先安排到位。配菜的蘿蔔頗爽口，帶點醋酸味。鯖魚上枱時一點都唔熱，應是一早已燒好。故魚皮已不脆身，且滿是魚骨。反而醬汁味道唔錯，亦不會太醎。白飯上灑上了一點黑芝麻，但不特別食到芝麻味，而白飯亦普通，不是特別有飯味。但呢個價錢有一條魚食都唔可以咁有要求....相比起鹽燒鯖魚，呢個好味得多。雖然鰻魚頗瘦，唔肥厚。但勝在整個飯夠熱，醬汁味亦夠濃，唔會太醎，亦無魚骨，可放心大啖大啖食。兩個定食都包一個麵豉湯，湯夠熱，用的是紅麵豉，故味道偏濃。湯內有少量紫菜及豆腐粒。

見係太古入面，呢間日本野食評都唔差，今晚同女友黎左試一試，點知食物質數極差。我地叫左一個3色魚生飯同一個4色魚生飯。首先講海膽，好唔新鮮， 腥臭嘅， 竟然有啲似s味咁！未試過係餐廳食到咁差嘅野， 我同我女友兩碗都係咁。連隔離女仔都同佢男友咁講！ 海膽食淨曬，極浪費。三文魚一般般。 赤蝦琳嘅，冇口感。帶子叫OK。做日本魚生，新鮮是底線吧。收得人百幾紋個魚生飯，比啲咁差嘅質數。女友飯後仲肚痛，呢間以後唔會再黎！十萬個嬲！！！！