ナカヨ食堂

Open Now

Now Closed

太古吉之島裝修左咁耐, 終於開返啦, 而且多左好多特色食肆之前新店既時間, 呢間日本的定食排隊的人很多, 人龍長得起碼半小時後先有得食, 難得今日黎到排隊人數只有10 多個人, 緊係試試佢啦 店長推介三迚魚海蝦定食三文魚新鮮而味道很出, 三文魚獨有的魚肉味非常突出唔錯, 而海蝦份量十足, 海蝦都是超大只的！ 口感一流, 只要加上適量的醬油, 蝦味更突出！ 豬仔大愛呀. 餐廳都是自助形式, 點菜都是到收銀處點都的, 而水是很細心的檸檬水～ 增添整頓飯的滿足感

自吉之島重新裝修後，此店已成為飯堂，每次都大排長龍。但今時今日first come first served 真係唔得。前面排左四人家庭，剛好有兩人食完，明明有兩人位唔比入，要等四人入左先到我地，望住張枱白白等了十分鐘😑但勝在店員耐心解釋態度良好👍🏽今次叫個二人餐，兩個海鮮丼加個芝士焗龍蝦，好豐盛，仲唔知點解多左條烤魚。烤魚香味十足，芝士焗龍蝦質素就一般，肉好似有點霉而且好細隻冇乜肉食。刺身整體質素都可以，但海膽唔夠新鮮，質素開始下降😔唔知點解每次食D匙羹都係好似未洗乾淨咁，好污糟😖

有次行過aeon style food court見到呢間餐廳排晒長龍，好奇望下menu有咩食，見到又有燒魚定食又有海鮮丼揀，咁多選擇，就決定一定要搵次黎試下。對於海膽控既我黎講，一見到menu個海膽三文魚丼咁靚，諗都唔諗就即刻落order啦！個飯一黎到，嘩賣相好靚，果然同menu上面張相一模一樣。仲隨餐附送一碗麵豉湯。麵豉湯入面既湯料好足，有豆腐，紅蘿蔔同白蘿蔔片，昆布，同少許蔥花。湯料既分量好多，每舀一啖湯都可以食到啖啖湯料，好滿足。麵豉湯好濃味，又唔會太鹹，絕對唔似係用湯粉加水沖果啲麵豉湯。之後就到今晚晚餐既主角 -- 海膽三文魚丼啦！呢個飯唔單止好睇，仲好食！壽司飯既酸味適中，不過略嫌有啲黏，如果可以做到粒粒分明會更好。海膽既分量有成接近半碗飯咁多，入口一啲都唔腥，好鮮甜，texture仲好滑！三文魚有五塊咁多，每塊都有一定厚度，肥瘦適中，算係不過不失。係出面食刺身丼一般都要至少百幾二百蚊，係aeon style food court呢到$109就食到咁高質素既刺身丼，真係好驚喜！絕對值得推介！

平時週末，行過太古城Aeon Style 呢間餐廳都排哂長龍。今日平日又見無咩人排，所以走咗去試一試！ 係Counter 比咗錢，就可以坐係Bar 枱等野食！ 麵豉湯-入口即刻就覺得十分香濃，唔似係平時啲餐廳咁用粉沖。 麵豉湯入面有一片片煮到入口即融嘅蘿蔔片，唔會太咸。只係略嫌湯料不多，對於湯渣控嘅我黎講，如果多番少少豆腐，昆布就更好！ （題外話. 有無人都有開麵豉湯蓋困難症架？ 次次都好難開😂）三文魚丼- 八片三文魚刺身伴以一朵小菊花🌼作點綴。刺身肥瘦均勻，色澤幾靚，唔會似某些餐廳鮮色得好似染上去咁。 👍🏻三文魚刺身都有一定厚度，絕非薄薄一片，得個樣。 魚生飯尚有少少餘溫，都幾軟熟，唔係硬到一舊舊涷冰冰的，亦都唔會太酸，剛剛好。海膽三文魚丼- 重點黎啦！ 海膽佔成四分一個碗，加上五片三文魚刺身，同埋果朵招牌小菊花🌼。海膽唔會溶到一pat pat，十分鮮甜，絕無腥味，以咁嘅價錢黎講分量都算抵！ 總括黎講，呢間餐廳既性價比都幾高，希望下次黎都唔洗排隊啦！

今次嚟到ナカヨ食堂搵食！ 有事來到一年都不會踏足一次的太古～沒太多時間事前查一下有甚麼餐廳吸引在Aeon走著走著就進來吃～整間餐廳是開放式的～大部分位置是bar枱只有約14個座位是普通坐椅近期Aeon的推薦主題是明太子～所以此食堂推出明太子刺身定食明太子刺身定食 （$99）外觀不錯！有甜蝦、吞拿魚、三文魚、帶子和明太子～可是一夾起刺身～一陣陣蒸氣隨之飄出～What?熱的刺身飯？😱😱會不會驚嚇了一點⋯⋯刺身方面尚算新鮮～輕輕烤過的明太子特別美味～附送的湯應是日本叫的豚汁、有大量白蘿蔔及昆布提味～不錯！另外要一提的是wasabi超辣～要小心！實在不明白為何餐廳會以熱辣辣的飯去做魚生飯…可一不可再…

I went AEON Kornhill store to buy my favorite furikake.This store got stylish after remodeling.I wanted to eat someting delicious before shopping.It's always a very difficult decision to choose the restaurant, because there are a lot of delicious-looking Japanese restaurant.I chose "Nakayo Shokudo" that grilled fish teishoku and kaisen-don restaurant.Nakashima suisan that famous sushi store in supermarket is runnning this restaurant.So Nakayo Shokudo must be good!I found 明太子燒三文魚腩 in Recomend Men

是日和友人來到剛翻新不久的吉之島覓食,最吸引的地方不莫過於是Food Court最新引進的新食肆.其中一間較為吸引的,是日式丼物為主打,標誌新鮮的丼物店Nakayo.位於food court的店鋪,店家本身提供的座位相對較少,大約只有5張桌,10多人. 當然,食客也可以惠顧外賣,到旁邊food court的自由餐桌區進餐,相對坐得舒服一點,但位置較少.在店員安排座位後, 2人坐在一張細桌用餐.不久, 我們點的二份丼物分別上桌,包括 海膽三文魚丼 ($109) 和 三文魚赤蝦丼 ($89).先談談海膽三文魚丼,店家用上新鮮(挪威)三文魚和加拿大海膽,配以日本新瀉米煮成的醋飯.失望的是,三文魚筋未有被切斷.海膽更是腥苦.... 飯煮得軟爛但沒有醋味.....推薦指數: 2/5至於三文魚赤蝦面臨同樣情況.... 幸好赤蝦和鮮甜,成為挽回分數的關鍵.推薦指數: 3/5綜觀餐廳的環境和味道,有點令人失望.... 同樣價錢,也許用更好的選擇.

Aeon in Tai Koo revamped recently and installed a food court with a number of different Japanese restaurants. One place is Nakayo Shokudou. It offers pan fried fish sets or sushi donburi sets. Menu is in English and Chinese and there is no 10% service charge. You pay, cash only, when you order at the cashier. It's fairly inexpensive but seating is not comfortable. It's definitely cramped.All sets come with a bowl of rice, miso sou and pickles.I got this: grilled black cod ($99).  The fish was co

行完山經過AERON food court, 發現呢間日本食店價錢相宜，於是就排隊試下！叫了個2人餐：2個海鮮丼，一隻芝士焗龍蝦，2碗麵市湯，再送條魚都只係$349兩款海鮮丼：整體都新鮮，用料豐富，帶子唔腥，海膽都靚。只係生蝦無咁新鮮，80分芝士焗龍蝦：最差，無蝦味無芝士味，肉質也一般，奇怪日本餐廳會有焗龍蝦！50分魚： 肉質爽口，煎得好香！唔錯，係有少少咸 70分湯：豐富湯料，好多白/紅蘿蔔，正！值得再食，原來有很多分店

由於今晚年30晚，人們都聚在有全港最大年宵的銅鑼灣，所以選擇左太古食晚餐。在AEON的fd court中，想試一間刺身飯店好耐了，所以今日就排隊試一下。😁等了約十分鐘就入座了，望了餐牌一會兒，還是決定想試一下推廣中的新年大餐，因為食物種類都很多，挺吸引人。😋餐廳是沒有飲品可以供應，所以都是自己拿杯子倒檸檬水喝。上餐的速度都很快。這份燒赤魚的定食份量是有點大，看外面時，想著應該挺多骨，以為比較少肉。怎知道，一起骨時，裡面的肉都很多，只有一條大骨，魚的味道不會太淡而且也挺滑滑的。算是一個意外的驚喜吧。第二份到的是這一份，鹽燒赤蝦。蝦都很大隻，而且燒的時候不單是外殻有鹽味，連內裡的蝦也沾上了。在剝殻時，會覺得比較咸，因為鹽都在殻面上燒，所以吃完一整隻後需要喝一杯水來中和一下。然後上的就是這個焗芝士龍蝦，龍蝦肉很輕易就從殻上剝下來，內裡也有很多龍蝦膏。不過因為龍蝦肉的味道本身比較淡，所以吃的時候都是以芝士的味道為主。最後就是這一個海鮮極盛了，可以從照片上看到刺身的種類有很多種。整體上的味道都很平均，沒有那一種是很突出。個人認為新鮮度屬於一般，不過這個價錢來說，它的性價比其實挺高的。吃完這份新年

多人話康怡好行又多野食 ，就老遠去睇下，的確大又行得舒服。之後見這店刺身丼價錢吾錯就等左10個人就入去……豪華北海丼 $169……長腳蟹睇落好大，但食落腳少肉但蟹膏吾少，刺身份量都新鮮同多，味道吾錯三色丼$119 ....以這價錢黎講都合理，份量都飽但壽司飯偏酸左少少，米口感吾錯， #蝦 大隻都新鮮，但 #海膽 味道只屬一般，但起碼冇好腥，整體合格意外覺得面豉湯好味吾太咸冇料，剛剛好，好味。其實熱食都好抵食，五六十蚊就有交易，吸引程度吾差得過刺身丼

1月2號公眾假期, 行完太古城後, 雖然時間稍早(大約下午6時前),但為求不用排隊, 決定提早食晚餐~環境上, ナカヨ食堂如同縮細版正宗日本餐廳食客圍住中間廚房, 甚有回到日本的感覺雖然是food court, 但座位並無一點擠迫!菜單種類豐富, 有百多完的刺身飯, 想便宜一點, 亦有低至$59的燒魚定食點了一個海鮮極丼(上圖), 特上四色丼(下圖), 各$159材料大同少異, 主打都是海膽, 三文魚, 赤蝦等等, 以賣相來看, 特上四色丼更膀一籌皆因蟹腳相當有氣勢, 亦有多一條赤蝦; 但另一邊箱, 海鮮極丼亦有帶子, 魚蓉, 大家可因個人喜好選擇值得一讚的是三文魚十分厚切!, 口感實在, 沒有雪味, 十分新鮮海膽亦不錯, 沒有腥味跟餐還有一碗麵豉湯, 濃淡適中, 好喝!雖然已做足功課才選擇到此進餐, 但亦喜出望外, 以$150價位, 能吃到如此高質的海鮮丼期待下次試試燒魚定食~

今次第三次嚟食，最正既地方係可以自己按加飯加芝麻走蔥個啲選項，而且好抵食，味道都唔錯，不過今次海膽無咁新鮮，三文魚一般，但整體嚟講都仲係抵食既！比其他主打海鮮飯既日本餐廳嚟講，呢間價錢係幾優惠既。

Foodcourt食物，一般的傳譯是等同連鎖式的快餐，價格優惠，能吃飽就算喇， 不能有太多的要求。但這晚在康怡AEON百貨的一次Foodcourt 偶遇就令我完全改變看法了。來過這個百貨公司多次每次都見到有小人龍在排這個店。這次看見排隊的人不多就馬上跟隊。不消15分鐘，就能入座了晚飯就豪D點了一個兩人海鮮及海膽飯套餐。又大概等了15分鐘，東西一個接一個的來。燒龍蝦是第一樣上桌的，體型不大，加上典型的頭大身細，剩下的肉其實不多。很不容易才弄出了一塊肉，哇哇，非常结实彈牙; 味道沒有過度烹調，只是鹽烤，加上Cheese蓋在上面，這個前菜，有暄賓奪主之嫌，哈哈。再上來就是海膽三文魚飯及海膽海鮮飯，完全"豐滿"的馬糞海膽蓋了半個飯面，加上味道鮮得不得了，感覺就像把自己的舌頭也吞進肚子的感覺; 這餐飯實在太滿足了。However埋單時也了解到一份錢一分貨的道理，盛惠三百多大洋；果然不是"一般"的foodcourt！

Aeon style 裝修之後，地下超市果層多左好多野食。平日既中午時份，有一條人龍，排既店舖無花巧，主打魚生飯同埋燒魚定食。同友人叫左三文魚赤蝦丼($89)仲有海膽三文魚丼($109)。私心推介赤蝦，好鮮甜。海膽亦都唔錯，唔會苦澀。三文魚就不過不失。係香港食一個普普通通既魚生飯動輒都要百幾二百蚊，呢度價錢絕對便宜，食物水準中上，不失為一個好選擇。