南記飯店 (Closed)

飯友K先生M小姐約埋我同老公去九龍城「南記飯店」試下潮州嘢老字號舖，佢哋好有誠意，一個星期前已經訂位。 七點半去到，已經枱枱滿座。 裝修欠缺，服務亦普通，但食物相當有水準，價錢好合理，這就是“老字號”嘅作風同皮氣。鹹雞、蠔仔餅、胡椒豬肚湯、方魚介蘭和鹵水鵝片豆腐都好好味道，真係底佢咁多生意!

打冷野都係平常可以食到既，只是咸雞就唔係咁多地方有供應，樣子好似白切雞咁，多了一份咸香，雞肉唔太嫩滑，不過就好有鮮味。鵝片好嫩滑，鹵水味十足，有一定年月，整體唔錯。條魚飯就好多黃油，好美味，魚味鮮味並存，如果可以再大條d就好開心。墨魚拼大腸就好夠味道，而且我鍾意墨魚既顏色，絕對無上橙色，大家都知道啦，出面十間有九間都上了橙色，呢d色素始終對健康都係無益架嘛。接下來，有個值得推介既湯，蕃茄紅衫魚湯，但係呢個湯都唔明點解會係潮州野到出現，仲要係熱賣食品，唔通佢係潮州人所創出黎，不過佢地煮得真係好好飲，鮮茄味香濃，魚味出眾。蠔餅就唔係太好食，唔鬆脆，好似蛋餅咁，蠔仔份量都唔多。蟹棗同蝦棗都做得幾好，炸得唔會太燶，配上桔油同吃，更加滋味。豉椒聖子好夠味，炒得好好，夠哂火喉，唔會靱。個沙嗲牛肉芥蘭亦都好夠味，沙嗲味又唔會遮蓋左牛肉味同芥蘭配合得天衣無縫。潮式炒麵線好好味，不過太多油。水瓜肉碎煮魚鰾真係好好味，我一個人差不多食哂成碟。最後梗要食番個蠔仔粥黎完結啦，蠔仔數量多，湯底鮮味十足，整體都唔錯。南記既份量好大，價錢公正，食到好飽，不過環境就好一般，唔好期望D人好斯文，同好好服務。

一家人在聖誕節晚飯，簡簡單單來個潮州之夜 鹵水鵝片拼豆腐 -- 十分入味但又不會過鹹，晚市才供應 ㊣㊣㊣㊣㊣ 潮州咸雞半隻 -- 雖然是冰鮮雞，仍然幾滑，但我中意鹵水鵝片多d ㊣㊣㊣ 蓄茄豆腐大眼鶏滾湯 -- 好鮮甜，不過要趁熱飲，否則開始有點腥。㊣㊣㊣㊣伙計叔叔主動將大眼鶏另碟上，再奉上頭抽一小碟，好細心，讃呀！ 椒鹽九肚魚 -- 好~好~味~ ㊣㊣㊣㊣㊣ 外脆內軟，入口半溶化，魚肉滑一滑，食到停不了口 鹹檸檬蒸烏頭 -- 因家人不好凍魚，換成熱吃。魚鮮味美，份量十足，跟鹹檸檬配搭一流，如果有多點黃油更好! ㊣㊣㊣㊣ 沙爹芹蘭牛肉炒河 -- 沙爹味不太濃，河粉都幾油，比較一般。伙計叔叔又主動送上潮州辣醬，稍稍拌一下河粉，好~吃~ ㊣㊣㊣ 方魚肉碎蠔仔粥 -- 不用多說 ㊣㊣㊣㊣㊣ 另外再點了炒菠菜，亦不俗! 值得一提是奉茶的烏龍茶，茶濃帶甘，我一杯接一杯，結果眼光光一個晚上 之前見到食評投訴服務不週，雖然伙計叔叔年齡不輕，說話可能大聲點，我覺得他們相當親切哦！絕對會encore!

今日妹妹生日，好少一家人去食潮州菜，南記飯店在 Openrice是九龍城區潮州菜排頭幾位的餐館，試一試啦，點知有驚喜~門面好舊式，同生日飯好似格格不入，不過反正都到了，又諗好哂食乜，照入。叫了四人餐潮州咸雞---好夠咸香,雞味濃,簡簡單單,好掂。咸菜胡椒豬肚湯---我個人覺得好正,胡椒夠多夠辣,但老婆覺得太辣(好少同我相反...)芹蒜半煎煮沙鯭---芹菜爽口,沙鯭煎得香,但沙鯭無乜肉。蝦蟹棗雙拼---必食,估唔到炸得彈牙,又鮮味,好難得。潮州芥菜---太"諗",唔夠苦,可以再好 D。方魚蠔仔肉碎粥(加大)---好大碗,方魚好香,蠔仔飽滿,回味中~~~另叫了潮州鵝片---肉質嫰滑,但鵝味普通。潮州拼盤---好味不過即時擔心會肥咗，怕肥千其唔好叫,肥腩肉,肥豬腸。煎蠔餅---未試過咁多,又咁大隻蠔的蠔餅,D蠔好正....不過餅身唔夠脆口,又留有太多油,估計D油唔夠熱。今餐大家都食得好飽好開心,每人先至$100左右,抵抵抵~

昨日7月31日, 四大一小 叫了以下的:1) 胡椒豬肚湯, 好鮮味, 咸菜和豬肚都好味, 但小辣, 個女飲吾到2)炒潮州麵, 普通, 有蝦有冬菇炒, 幾油, 真正潮州麵只有韭菜, 芽菜, 旦絲, 乾身的, 所以無下次3)魷魚肉碎粥, ok, 無特別, 只嫌米多過水好多, (少粥水)4)炸蝦蟹棗, 麻麻地 , 無乜蝦蟹, 下次吾叫5)半隻咸雞, ok, 可以再叫, 值得讚是碟薑蓉, 好味6)煎蠔餅, ok, 無特別7)潮洲春菜, 好味, 夠軟夠霖和好香總結: 價錢和食物算成正比, 服務, 環境普通, 我會再去吃的, 但隔多四,五個月先,或者想吾到其他選擇啦, 但記住打電話訂位, 可以快d有位total:$452

今次睇完食評先至叫！到達南記時係下午18:15，即係未到人客高潮，所以待客都比較寬容，無之前咁話要你一粒鐘走人！坐低叫咗蕃茄豆腐大眼雞魚湯、半隻鹹雞、方魚芥蘭，加兩個飯。由於個湯真係唔錯，於是連相都唔記得影，不過其他食評已經有，所以講聲唔好意思！鹹雞就一般水準，應該唔係冰鮮，不過半隻要$118就略嫌貴咗啲！方魚芥蘭味道都可以，不過就師傅落勁多油！如果係青春少艾，又或者注重健康人士就希望你地接受勸告：呢類菜危害健康！埋單近$270，每人都要$140，算OK啦！

標題以一個字-- :抵! 來形容去南記食後感係好貼切, 因為叫一個二人餐, 其實四個人都夠食試想想, 兩個人食, 有半隻雞, 一碟薑蔥沙鯭魚( 十二,三條左右), 一大碗咸菜豬肚湯, 再加一碟炒菜, 咁又點會係二人份量呢, 好彩三個人食, 原先仲想二人餐再加野, 結果唔駛加味道以咸雞同沙鯭魚最好食, 咸雞雖然隻雞唔肥, 但好黃油, 雞的味道好香濃, 連骨都有味, 正! 半隻雞食到一件都無得剩! 沙鯭的魚肉鮮甜, 仲要十多條, 只係份量已經值回票價, 何況仲好好味咸菜豬肚湯比較一般, 味太淡, 沒有胡椒, 唔夠辣, 食得唔夠痛快!下次如果六個人食, 要叫四人餐, 費時要打包

九龍城對我黎講唔太就腳，通常會等到假期多d時間先會去。是日端午節，同屋企人中午去南記飯店雙料慶祝端午同週日既父親節。去到先發現，原來有次夜晚去九龍食飯，見到有間好多人响門口等位既食肆，就係南記，今趟親身揭開咁多人食既真正原因。點左一個4人套餐，然後再散叫其他菜。點知餸一到，屋企人就急不及待下筷，所以影唔切相，請見諒、見諒！ 咸雞半隻：黃皮雞，一試雞香油香即沾滿咀，肉質非常嫩滑，就知一定係新鮮雞，凈係咁已經得分唔少，加上剛好既咸香味，家人一齊大呼好正呀！ 卥水鵝片加卥水蛋：呢個係一位小朋友指定要既菜式。平時唔鐘意食鵝片既我，今次真另眼相看，事關鵝片肉質不老且嫩，卥水夠香，不過個人畧嫌咸左d。而卥水蛋外皮吸收左足夠卥水香味，裡面唔乾，恰到好處。 潮式芥菜：第一次食黎種煮法，有d似半醃製既咸菜，都ok架！ 胡椒豬肚湯：久違左既美味番黎喇！湯底見有唔少鮮豬肚、豬粉腸加咸菜煲成，加上濃濃既胡椒香，比市面一般胡椒味欠逄既，簡直天同地，誠意之作！ 冰鎮涼瓜：味帶甘、甜、酸，不過不失啦！ 方魚肉碎蠔仔粥：做到平均水準，ok呀！ 鴛鴦棗：即蝦棗拼蟹棘。家人認為炸得有d過火，個人就認為ok。"涵" 料夠新

一行7人5月7晚訂了晚上8:00吃飯，7:45早到先入坐，7:55到了6個人，其餘1人要8:30先到。我們也不好意思，因此先點菜，叫他們8:30左右才上菜。也因為不好意思關係，叫了2碟小食，鹵水雙拼及春菜先食。8:25開始上菜，我們也下等遲到那一位人兄開始進食。8:28老闆行過來對我們說："如果係聽日，我一早pound你地走"。聽後一肚火。8:30齊人，食到8:45老闆話要上糖水，我們話NO，佢好fu氣又比面色我地睇。9:00我門走人。埋單向老闆投訴，我們hold你張枱一個小時也不過份，鄰抬6個大隻佬比我們更早入坐，到我們走時他們還叫炒蜆、通菜及2支啤酒，為何不叫他們走？老闆話佢地成班爛仔.......各位，這個故事教訓我們：食飯時一定要大聲講粗口，不要太斯文，還要訓好一身肌肉。不然就"人善被人欺"這間南記，免費都不會再去。各位準食家，若然自問不乎合上述3大條件，請三思。

family gathering,原本想吃泰菜,但爸和我一個下午在sms狂記掛著蠔餅於是地點仍舊,轉場去了南記吃潮菜早年自己仍然是個豆丁時就去過吃,可惜人童年的味覺記憶總跟新鮮/好玩拉上關係,估只記得R66,熱帶雨林餐廳等GIMMICK事,連吃過什麼也忘了(只記得當年festival walk的熱帶雨林餐廳有一條假貝貝,好多人朝它扔coins,及後真貝貝出現後我好奇人們會否也朝它仍coins)說回正題,一坐下點了蠔餅和鼓油鵝腸爸點了大蜆,媽則點了魚麵蠔餅:這兒的蠔餅不像平常疊得高像蜂窩一樣的樣子,反而是蝦仁炒蛋一樣平平的蠔不太多,體型卻蠻大,爸說它用了鴨蛋煎,我吃不出,反正香口就是了,蠔汁和著魚露很美味,鮮甜鹹香,不枉我想了一天鼓油鵝腸:鵝腸爽口鼓油味濃香,配啤酒一流,可惜吃藥零酒精中,爸沒有了對手,而媽只好捨命陪太子淺酌,不然有啤酒伴濃濃的鼓油鵝腸,定是天下美味鼓椒大蜆:subtle的辣,味道足料,大蜆新鮮,不錯魚麵:炒魚片條,我不太喜歡那玻璃茨.而且魚味一般,過多的芽菜family gathering,這兒也算是好選擇,沒有tatto的大廚,沒有江湖味的打冷反而有一種家庭飯局的溫暖

原意來到九龍城是為了吃泰菜~但是日天夜較熱卻萌生起打冷的念頭~~我倆的打冷次數簡直一隻手數得晒~~所以這天~要吃~就吃最受歡迎的南記吧~~~雖然兩個人去打冷乍聽已覺頗有挑戰性~眼闊肚窄者尤是~~umumu~~~孤注一擲吧!推開門說明2位~幸好店後方有面壁的二人 L 位~正合心意~~雖然打冷向來是大夥兒的樂子~但店方也設有二人世界套餐~不乏招牌菜咸雞,胡椒豬肚湯等~~但還是散叫自由度較大~而且weekdays三免之外送糖水還有九折~~潮館潮樓吧~~早就不入眼簾之內~~~眼夠闊卻不曉得自已肚也窄~~久未打冷就把想吃的通通叫來~~咸雞拼鵝片~鮮茄大眼雞魚湯~金銀蛋白菜和方魚肉碎蠔仔粥待應叔叔嬸嬸上上下下都非常健談有禮~不會板起面口~我倆就坐在食物lift的側邊~所以經常有店員在這裡站崗~haha~就算前菜小碗菜甫~已經好味~微辣微甜微咸~菜甫厚身爽脆~其實叫碗白粥已經很幸福咸雞拼鵝片[$78] : 即叫即斬~見不少食友覺得過咸~但我倆均覺得咸淡度恰到好處而且肉質非常嫩滑~新鮮雞是關鍵~雞有雞味嘛!鵝片亦肥美不韌~不會被纖維阻礙~啖啖肉兼吸滿鹵水汁~~墊底的豆腐水準不錯~膺最佳大配角鮮茄大眼雞

九龍城內有很多泰國餐廳﹐但因聖誕節日將近而熱氣及濃味的飯局以安排﹐所以是日到這潮州老店吃比較清的一餐。 鋪內環境沒什裝飾﹐枱櫈亦是普普通通的摺枱及膠櫈﹐看似一間雲吞麵鋪。 餐牌內這店所推介的菜式不但圖文並論﹐還有一小段文章介紹所用的食材及烹調方式﹐給顧客一個很清晰的印像。 是日叫了大腸併墨魚﹐芹蒜半煎煮沙猛及海鮮炒魚麵。 因時間已過了午飯時間﹐所以每道菜都是即叫即整﹐熱騰騰。大腸併墨魚 $40 - 鹵水味道有很重的香料味道﹐不會只是死實實的鹹味。 大腸沒有一點異味及鹵得夠時間兼入味﹐肉質軟熟。 墨魚肉質爽口﹐作踐底的豆腐也很滑口﹐一點也不鞋。芹蒜半煎煮沙猛 $60 - 沙猛一共九條﹐有大有細﹐魚肉新鮮﹐實肉。 因這道菜用上煎煮的烹調方式﹐所以這道菜不是乾煎香口那款﹐而是有大量芡汁浸著及放有大量芹菜作為調味。 雖然魚本身不太鹹﹐但芡汁味道幾濃﹐所以味道得到平衡。海鮮炒魚麵 $65 - 這道菜的海鮮是指八隻已脫殼的蝦肉﹐雖然不是很大隻﹐但肉質爽口﹐新鮮。 配料有蔥﹐冬菰及紅籮薄絲。 麵條側是用上魚肉做成﹐但因這炒魚麵的味道較鹹及油﹐所以吃不到魚麵的鮮味。 如調味能控制得較淡一點﹐相信很特顯

去九龍城唔係食泰國o野，就係潮州o野等位時個疑似老闆幾攪o野，成日出o黎同客人吹水車神硬係唔肯定o黎唔o黎，結果我o地四個人霸o左張大檯前菜o的菜甫同豆腐都幾好食來一支泰象啤，第一次飲，好味過其他我飲過o既本地生啤，仲要係更加平想encore 時就無晒lu，唯有其他鹹雞拚鵝，前者鹹o左o的，唔係現代健康人所喜好；後者幾肥美可口，少少鹵水味啦墨魚片生腸，爽口唔韌，o的腸亦唔會肥到一口膏或"押"味方魚蠔仔粥就普通o左o的，不過唔腥就好好喇鮮蝦炒魚麵，又係鹹o左o的，不過第一次食，魚味唔出，亦非想像中彈牙。蝦大隻又夠多水瓜烙，好食喔，口感獨特，煙煙韌韌唔油膩。必食推介！一班人熱熱鬧鬧食呢o的大排檔feel o野，啤啤佢，好過食泰國菜啦位位一百一十蚊左右，好抵食喔

打冷通常去陵發,見呢間好似唔錯,二人叫左:1)海鮮炒魚面-ok嘅~有胡椒香完全唔腥,可能怕魚面'"痴"埋一齊,落左好多油去炒.... =.=2)蟹棗拚虲棗-呢个得喎!!食到一絲絲蟹肉~但跟餐嘅汁略嫌唔夠酸香同埋食唔出虲蟹嘅分別囉...3)大眼雞蕃茄豆腐湯-都幾好飲!魚肉又可以食埋~但真係太大碗飲唔晒...4)炒西蘭花-又係好多油...如果唔介意小菜比較多油,呢間價錢,食物,服務質素都不俗嘅~

唔使講咁多~ 好食~個老細搞搞笑笑咁, 幾好人豉油皇中蝦xx蝦蟹棗蝦醬通菜- 鹹左d紫菜肉碎蠔仔粥 蠔餅 超好食!! 一d都唔粉! 好足料~~~~~~反沙芋附送甜品綠豆沙五個人去~食到好飽~~~值得再去~~