南記飯店 (Closed)

尋晚友人請客, 一行14人去了南記!! 老闆斯文有禮, 伙記經驗老到!!我地叫了:酸菜胡椒豬肚湯--- excellent 呀! 友人覺得太辣, 但我覺非常好味, 料夠, 味夠!! 首選!!蒜蓉炒芥蘭--- 好好味呀, "林"度適中, 揀料靚!!蠔餅--- 賣相相當好!! 蠔仔好大隻有肉!!蠔仔粥--- OK!!拆骨烏頭--- 清而好味, 點埋帶咸的麵豉汁, 野味極!!九肚魚--- OK!!甜豬扒--- 好味, 好合適小朋友食, 肉質夠"林"!!潮洲炒米線--- 一般!!菜甫炒蛋--- 一般!!!蒜蓉炒白菜仔--- OK!!鹵水鵝片(大)--- OK, 但略為細碟, 唔多抵食!!鹵水紅腸墨魚片--- 一般!!!鹽水鷄--- 好味, 但肉地較"鞋"口整晚餸菜, 大部份都好味, 而且似乎仲有好多野可以試, 所以一定會再去!!

五人飯局, 總胃納量算有相當的戰鬥力. 看餐牌上的價錢平宜得令人不能置信, 幾乎想將所有必食之選殺個精光...咸雞: 不要以軟滑作標準, 吃雞還是食味要緊. 咸香肉香相得益彰, 口感不至粗鞋就很好吃.炊烏頭: 店東的熱情推介. 才128元一條大烏頭, 肉稍鞋當然不能與即蒸即食比較. 唯靠背位置黃油滿溢, 鮮味十足.卤水鵝片: 油脂足且肉嫩多汁, 卤水味稍淡. 豆付不大入味但滑如水絹.方魚蠔仔粥: 蠔仔大且有蠔汁, 香菜方魚下料多絕不手軟. 份量十足的一道.方魚炒芥蘭: 方魚片大得不似配料, 芥蘭爽且新鮮.鼓油王鵝腸: 爽口非常, 鼓油上色靚而入味. 不過我還是喜歡萬發那種留脂的做法, 欠了油脂的鵝腸實在太似食用膠了.煎蠔餅: 蠔仔跟粥所用的一樣大, 咬開蠔汁激射而出, 但蕃薯粉蛋皮稍乾, 沒有糊糊的口感, 個人不太喜歡.以上味道稍有粗枝大葉, 且味之素下手不輕, 唯份量中見誠意十足, 埋單每人不消百二蚊, 謂之抵食相信無容置異.

一星期食三次打冷, 正常人食到咁會喊呢.但為了媽及女友, 再食多幾次都冇所謂啦.只要去第二間, 叫唔同野便行了.所以今晚到了這裡.係至 top 架呢, 知會爆，６　點正到，　但都要坐樓上．６：１５已看到要等位了，　４５年店子，　來頭也不小呢．３個人不能太貪心．叫了條烏頭，　兩隻細蟹，半隻盬水雞．烏頭先上，　大隻，　好肉．鮮．　唔泥．就咁食也好好味了，　點埋豉汁會略咸．細蟹其實也好肉．　也不用點醋，　因夠鮮．海鮮乜都假，　新鮮最重要，好明顯這檔的很好．盬水雞係唔肥的，啖啖雞味，又係齋食冇點薑蔥，又係因為鮮味嘛～見到隔離檯的魚腸，豬肚湯，大眼，水煮瓜，粥，滷鵝．．．．．．全都好靚．媽話要帶舅父ｏ黎，咁再食多次，有咁多好野，都唔知點叫．．．服務非常銀好．　叔好友善，有問必答，　不像其他老店的趕人／鬧人／串人／臭態度．盛讚！！！

時常來這裡吃飯，因為幾抵食，又夠地道！老婆唔係潮州子孫，不過食過之後都鍾意。每次有幾樣都必叫1.炒薄殼(細細粒貝殼生物，唔係好多人識，不過超海鮮味！)2.蠔仔肉碎粥，整得入味又夠住家feel。3.水瓜烙，又係唔多年青人識，即是蠔餅瓜肉版，香口又清新。有時多人就食下沙茶牛肉芥蘭、九肚魚、咸雞....一人一百蚊都唔使就飽住走

另一間喺九龍城既舖我最近去食既係南記飯店,佢係一間潮州打冷店,不過坐得幾舒服!我同仔仔兩個人叫了一條大眼雞,川椒雞,沙地牛肉芥蘭同兩碗白粥!大眼雞好新鮮,肉質夠實,點埋豆醬食仔仔好快已經食到得番骨!勁!川椒雞既玻璃葉好好食,醒胃,而雞肉用醃料醃到甜甜地,入口幾好味,份量都幾多!至於牛肉芥蘭個汁做得唔錯,又係大大碟,好彩仔仔啱啱係發育時期,都食得哂,不過食完要攬住個肚仔嗌好飽!哈哈白粥煮得算爛,通常潮州粥都唔係煮得好爛,有時都驚會食到胃痛,但係今次就唔使驚了服務方面,侍應都係一斑上左年紀既叔叔,但係佢地好友善,服務真係唔錯,我諗下次都要再帶埋老豆阿媽佢地嚟食先得!

這篇是遲來的食評,因已是上週一的事了.上週一等太太20.00下班,一起到了衙前塱道的南記飯店試食.怎料到了門外,還看到10多人在等位,心想不是如此吧.但是我們還是繼續排隊等位.老板看到我們耐心等,所以不時出門跟我們介紹飯店的名菜及聊天,但是我們已經選擇了二人套餐了,到了20.50終於等到有客人走了,入了位,先上一壺一級鐵觀音(是焙火的),味道還可(比酒樓的好).不久先上一碟咸雞,雞肉有一點咸味及雞味,但是雞肉較"嚡"再來是胡椒豬肚湯,味道及湯料也不錯.除了豬肚外有少許粉腸,因怕不夠吃,所以半價多叫了一客方魚蠔仔肉碎粥.初以為潮州魚麵線是麵條,怎料吃著時,才發覺全是魚肉.問老板才知道是用"門鱔"去骨,再幻切的,真是很用心做的一道菜色.(魚肉線加上芽菜及甘筍絲炒的).反之椒絲腐乳通菜是咸了點.方魚蠔仔肉碎粥的方魚是比外間的大片,蠔仔也是較一般的大,有蠔的鮮味.飯後老板還送我們甜品,是海帶綠豆沙,不太甜的甜品.下次還需試食其他招牌菜.

晚飯係潮州菜,因為今次係大伯生日,所以喺南記食餐勁今次食物好豐富,有咸雞一大隻啦,蝦蟹早啦,花蟹啦,鹵水鵝啦,蠔仔粥啦,川椒雞啦,芥菜煲...成枱都係!咸雞其實係白切雞,不過又真係有少少咸咸地,味道幾好架,雞肉有少少鞋,不過味道好就得啦!蝦蟹早其實係炸蝦丸蟹丸,炸得好脆,好好味,不過咬既時候要小心,因為真係好燙口架!花蟹,鹵水鵝都好食,不過鵝唔係太多肉,但係鹵水味道好好!其他食物都有水準!大伯都食得好開心,生日真快樂了!

老豆提議打冷,於是一家人落左九龍城搵好野食我地叫左一條大眼雞,一碟川椒雞,一個大芥菜煲,一碟咸雞,一碟沙茶牛肉炒河同埋一碟鹵水鵝腸,都幾豐富架!大眼雞都好鮮甜,d肉結實,似乎幾新鮮咁播!點佢地個豆醬食好好味啦!川椒雞特別愛吃佢個炸玻璃菜,唔知係唔係紫蘇葉嚟,好香口,總之好食就得啦!不過碟底比較多油,肥左d,雞肉係雪雞柳,味道ok!大芥菜煲係一個個擺左喺度,有order就煲滾去上枱,味道唔錯,好鍾意食入面d冬菇,入哂味,沙茶牛肉炒河沙茶醬好味,好正宗潮式風味,味道幾好!鹵水鵝腸鹵水汁有水準,份量都幾多!一家人食得好開心,因為真係味道好好!

昨日心血來潮想打冷, 在這裡搜尋了南記飯店有幾多好評, 而劣評又相對少就去試... 我們4人叫了腐乳通菜, 鹵水鵝片 (豆腐墊底), 蠔仔粥, 蝦同蟹棗, 大眼雞, 炸9肚魚同2枝大啤...個通菜真是好好味, 比一般食店的炒通菜香, 軟, 又不會太鹹.個鵝片又好有味同個汁不會搶味, 配搭得好好, 一些鵝的騷味都無.蠔仔粥勁勁多料, 蠔夠甜, d方魚又不會太鹹喎, 反而夠香口. 蝦棗, 蟹棗同9肚魚都好好味, 唔覺得炸到好油, 香口又不會令人食到好口渴.大眼雞都好鮮...服務簡直係好好呀!! 好有親切感... 不停問我們要不要糖水, 已經食緊了, 實在太客氣.幫我們執野時, 見我們仲飲緊啤酒, 就話好唔好意思, 問我們要不要留番d未食完的來送酒, 我話不需要了, 有鹹菜(其實都不要的了)得了, 婆婆即刻話去廚房拿多些, 好好人呀~ 不過我當然話真是不需要了...結果埋單都只要件$421咋!!!! 嘩!! 超抵!一定會繼續拉大隊幫襯!

黎過兩次, encore當然有原因個人評語如下凍蟹 - 我叫隻大既, 百五至百九蚊左右(不記得了). 有糕又有肉, 肉地唔霉, 糕香, 雖則唔算好多. 點醋好味, 小小鮮甜咸雞 - 其實我覺得麻麻, 可能唔夠滑, 但係有雞味的炒魚面 - 油左d, 唔鯹, 但無乜特別, 唔會話有魚香腐乳通菜 - 大碟, 夠青綠, 又夠淋番茄大眼雞湯 - 有陣怪味, 應該係荀味, 不過唔算好勁. 條大眼雞雖然變鞋左, 但仍然香鮮. 飲左又唔會口渴魚腸蒸雞蛋 - 唔係焗架, d蛋好滑, 碟頭勁, 有胡椒粉味, 有魚膶既甘香滷水併盤 - 腩肉唔算肥, 恰到好處! 又彈牙! 滷水汁是比較淺色的, 但有味, 不會過咸 (本人不嗜咸)但此併盤沒有鵝片, 墨魚的, 因為只是45元, 記得還有紅腸和豆腐, 有興趣落單可以問下伙計.番茄鯇魚腩豆腐湯 - 本人認為較大眼雞湯好飲, 因為沒有那陣"荀味". 魚腩煎好才煮湯, 不會鯹, 而且不會像大眼雞鞋, 可以食用, 連不嗜魚的男朋友都吃了很多. 又係飲左唔會口渴.總括而言, 足料! 唔貴! 可惜之處是坐得不太舒服, 行動不方便或老人家會辛苦些, 亦不要期望很乾淨. 由於地方

創發之後, 繼續試試九龍城其他潮州菜館, 今日一行 5 人就0黎到南記. 一直知道呢度都幾出名, 但可能食過創發有比較, 食完有少少失望0既感覺:- 潮州鹹雞 (半隻): 客家鹹雞食得多, 凍食的潮州鹹雞真係第一次食... 隻雞都幾肥0下, 層皮厚厚的, 亦真係幾鹹0下; 肉質幾0鞋又少少硬, 不過雞味幾濃, 幾好食.- 鹵水鵝片 (豆腐墊底): 鹵水汁味道好淡, 帶酸味, 唔 ok; 鵝片肉一般腍, 幾0鞋口, 愈食愈無心機; 豆腐幾入味, 不過因為 d 鹵水汁實在唔好食, 整體印象係幾差的. 好在有碟泰式辣汁 (而唔係白醋) 蘸0下!- 大眼雞豆腐蕃茄湯: 好住家 style, d 湯落了大量薑絲, 飲落只有蕃茄的甜及魚鮮味, 唔錯; 另外絕對要食埋 d 大眼雞湯渣, 幾鮮甜的.- 潮州炒魚麵: 有好杰的芡汁, 魚麵一般彈牙, 味道係淡出個鳥來. 都係行落兩條街間「陳興發」d 魚麵最好食!- 蠔仔餅: 賣相成個 pizza 咁, 份量好巨! 條邊煎得好脆, 中間就幾嫩滑, 亦幾足料, 唔會落得過多蛋 / 薯粉, 唔錯, 不過就油得厲害, 而且就咁食好淡口, 一定要

照牌咸雞：好味的一碟，有雞味同十分嫩滑。肉碎豪仔粥:蠔仔很多及新鮮,重有大大片方魚(大地魚干)炒魚麵:好有魚肉感又唔煋鹵水腩肉拼墨魚:入哂味,豆腐又係入味蠔餅：炸得很香脆(可惜太多油)牙帶魚:炸得好味糖水送的：海帶綠豆沙好正唔太甜豆起沙。

上次來南記, 冇10年都8年, 都唔記得食咩? 1830去到 嘩! 裡邊坐滿, 外邊仲係人山人海, 幾點呀? 儍咗呀? HK 人老板幾好人, 俾個菜牌我地睇吓先, 不時又出來招呼吓我地, 慰安佬一樣, 等到1920左右, 我地人齊, 殺入去喎?半隻咸雞, 一d 都唔肥, 都好滑, 少少咸味鹵水鵝片, 唔錯! 肥瘦適中,胡椒豬肚湯, 少少辣, 好香胡椒味, 豬肚又淋, 我本人冇吃粉腸, no comment! 炒魚麵, 嘩! 都有3-4隻大蝦, 手指咁粗, 味道唔錯!

本人在四月十四日晚上光顧南記飯店,店鋪裡充滿懷舊色彩,但食物水準十分高. 以下是本人在此店所品嚐的食物:1) 卥水鵝- 十分香及卥水味十足2) 咸雞- 十分滑及入味3) 凍蟹- 一流的水準,肉不太淋,鮮味十足,但它所給的腊就減少本身蟹的鮮味,所以不加腊食也很美味. (本人不太食蟹也食了很多,但有一點貴)4) 蠔仔粥- 蠔仔很多及新鮮,食了很多碗,也不會覺得口渴.有機會一定再度光顧,

前日去kowloon city南記食，今次叫幾個但味道依然保持水準好好味。其中凍蟹、楜椒豬肚湯、咸雞等等。叫方魚肉碎豪仔粥--蠔仔好多好味凍烏頭魚--始終都係呢間最好味味菜炒鵝腸--食過豉油皇炒較味菜惹味腐乳通菜--菜夠嫩冇渣最欣賞佢地飯後的糖水令到成餐飯更完滿、果晚送海帶綠豆沙好正唔太甜豆起沙。雖然呢間店較舊坐位較逼但呢D小店的水準不比大酒樓差，更好過某D高檔食店喎。所以去開kowloon city我必定到此大吃一餐！