南記飯店 (Closed)

九龍城搵食, 我間中都幾鍾意去南記嘅!  因為佢碗方魚蠔仔粥好食囉, 就係咁簡單!!!  今日公眾假, Honey問我想食咩?  我即時諗住碗粥, Let's Go, Go Go Go~六點半, 幸好仲有門口張枱, 南記一向好爆, 任何日子去幫趁, 七點後都要訂位, 否則閒閒哋响門口企番一個半個鐘又何必呢?!  叫咗我哋嘅'例牌'就係蠔仔粥同炒麵線, 嘻-嘻, 真係一路寫就一路流口水 , 諗番起都咁開心, 因為蠔仔同方魚都算夠多, 湯底用大地魚熬的, 好香又唔會有'師傅效應', 放心食啦!   炒麵線配料有蝦、 芽菜、 蛋、 豬肉、 菇, 在我標準來看屬油咗少少但又好好味, 問老闆娘婆婆攞碟辣醬混著來吃, 配著那杯濃茶, 滿足得不得了!  這個配搭都吃過十次八次, 每次都水準如一, 值得推薦!  餐後阿婆婆話今日送紅豆沙, 一睇張相識食嘅都應該估到係好嘢, 唔駛多講!       上次嚟就送咗清心丸綠豆沙, 又係非常正! 服務方面, 唔好睇見有幾個阿叔好似好Cool咁, 其實服務都唔錯, 要咩俾咩, 阿婆婆就直頭正啦, 好慈祥好傾!    環境就麻麻, 迫+迫+嘈, 唔好有任何

今晚一行三人黎到九龍城, 醒起呢度有間潮州野都開左幾耐下, 而且啲野食唔錯, 所以就去左試下. 喺門口就見到有個好似幾抵食嘅”二人套餐”, 話就話二人套餐, 但其實有成六個餸!!! 所以我地兩男一女就入左去食打冷了~潮州鹹雞肉質實淨, 但唔嚡口, 有好香雞味, 呢啲就係新鮮雞優勝之處喇! 鵝片份量就比較少, 每人食得果3-4塊, 但味道幾好, 唔好睇佢咁嘅樣, 其實係入晒味的, 而且夠肥夠滑, 如果個size大番少少就perfect喇! 至於豆腐就冇咩特別.方魚蠔仔泡飯亦都唔錯, 個湯夠晒魚香味, 應該係落足料去煲. 大大粒嘅蠔仔加埋口感煙韌, 帶少少鹹香嘅大地魚乾, 令我地幾個都食唔停口! 不過之後黎嘅鹹菜胡椒豬肚湯就唔好係幾好飲喇, 煲得太耐, 所有料都淋晒, 冇咩味.但估佢唔到嘅係成餐最好食嘅竟然係椒鹽九肚魚!!! 夠厚肉, 炸得香脆, 食落去外脆內嫩, 一流!  不過我最鍾意就係墊底嘅紫蘇葉, 因為而家已經唔係度度都有得食! 

一早已說過我和研究助理好友同屬懶人一名，在吃過洗塵宴不久之後到了今日，話咁快她又要離開了....順勢攪一個餞別午宴，自然就是一個刻不容緩的事....上一趟食的是泰菜，今次揀的卻是風格截然不同的潮菜。過往在龍城吃潮食我的首選當然是在"創發"，但今天不想太破費，只是兩個人求求其其吃一餐便飯聊聊的話，身處於衙前塱道的五十年老店"南記"相對來說會是一個較相廉的選擇....繼續貫徹我倆豪爽的風格，兩個人叫了一桌子菜，吃至人仰馬翻之餘，最後也食剩了不少....近月奉行節儉主義的我，固之然是不會浪費，將它們全部包走....鵝片價錢接近百大洋未免太貴，看來叫一個雜拼較實際一些。上桌時驟眼一睇是不太覺有鹵水的存在，各款配料是沒太上色之餘碟底也沒有太多鹵水浸着，但想不到除了幾件豬肉以外其餘的東西如大腸、豆腐及紅腸倒是頗夠入味的。大腸很夠淰但存在着少許異味；豬肉則無論在外觀以至味道都是尤如在食白烚肉一般，是乏善足陳的；豆腐沒有甚麼豆香，味道自然就差了一大截....我倆皆是愛食蠔之人，煎蠔烙自不然就一定要叫。這裡做的稍覺油份多了一點，食起來也沒有甚麼鴨蛋香，不過幸好蛋邊是煎得蠻香脆，而且蠔仔份量夠之外每只也算

一家人諗住出外食餐便飯, 大妹提議到九龍城食潮州野, 但我就覺得食潮州野不如去"陵發"或"潮匯館", 但可惜因為勢力分佈問題, 最終比女方勝出!南記係九龍城屬於老牌潮州店, 所以環境會比較舊, 沒什裝潢, 而座位亦比較迫. 由於我當晚遲到, 大妹已經點了菜, 菜未黎, 看到魚飯(烏頭) 即白火合魚, 只有魚, 沒有飯, 習慣了, 稱"魚飯"因為自己唔喜歡食魚, 怕醒, 所以吃了一口就停止, 而家人就以下覺得魚肉夠實, 蘸豆醬亦非常配合! 呢日才知道這種叫魚飯, 看了製法後更加知道"You 're not my cup of tea"!  主料：新鮮魚一斤（如烏頸、竹簽或大眼魚等。按魚的大小，切件或原條均可）、普寧豆醬一小碟。配 料：醃料：胡椒粉少許，粗鹽一茶匙半。做 法：1、把魚削後，洗淨抹幹水，用醃料醃一小時，再用毛巾擦幹。2、把魚放在竹墊或竹筲箕內蒸熟，約十分鐘，蒸得稍過熱也不拘。3、待魚完全冷後，取起盛碟上，蘸豆醬吃。此魚是凍吃的，熱吃便失去風味。鹵水有點鹹, 而鵝肉就有點"過韌"; 豆腐做底, 個鹵汁雖然令鵝片過鹹, 但反而令豆腐味道剛剛好! 真係妹仔大過主人婆!外相非常吸引,

今日打完羽毛球9 點半去食！去到即有台！全店都坐滿人！ 其實野食係ok 既... 但不是好特色...衛生情況麻麻！見到D唔係好想見到既小動物.....講反野食！我地唔想諗食咩野！所以叫左個六人餐！個豬肚湯最好！但衛生麻麻！一定不會再去！

當日食係星期日, 怕要等好耐位, 一早就book定位啦, 等左5分鐘入得嗌左咸雞, 方魚炒芥蘭, 蝦蟹棗, 滷豆腐, 潮式炒面線, 方魚肉碎蠔仔粥咸雞質地唔鞋口, 好味!方魚炒芥蘭, 佢整到又林又入味, 連我唔鐘意食芥蘭都覺得好好味!! 不過媽咪話佢應該烚左先, 唔係生炒既滷豆腐我同家人都覺得咸左啲蠔仔粥超足料, 湯頭好清甜, 唔會覺得落左好多味精, 蠔仔粒粒飽滿又大粒, 方魚一片片, 正!送既飯後甜品出乎意料係有海帶既綠豆沙, 正呀♥  滿足哂!!

九龍城除了泰國菜，亦有不少出色的潮州菜．這裡地方簡陋，沒什麼裝修可言，可是食物卻非常美味．魚飯嫩滑，雪白的魚肉，美味非常．雖然不是什麼貴價魚，也叫　人吃得津津有味很多時胡椒豬肚湯也不夠胡椒味，只有酸味，而這個辛辣足，又有胡椒的香，喝了胃部暖暖的，很舒服！

早幾日有事到九龍城，每次來這頭都係食泰國菜，今次就轉轉口味食潮州菜，上這裡找找，看這間的食評幾好，就決定來試試。我們叫了個二人世界餐，包括有潮州咸雞(例)、咸菜胡椒豬肚湯(小)、家鄉炒魚麵、潮州芥菜和甜品。潮州咸雞(例) - 一向唔多喜歡凍食，但這隻雞，凍食都唔差，雞肉唔韌，還帶有點點雞味，肥膏唔多，再加上醬汁就更加好味；難怪差不多每一都有叫。咸菜胡椒豬肚湯(小) - 胡椒味幾香，但唔夠濃，如可以再濃一點，就更好了。家鄉炒魚麵- 魚麵幾有咬口又好味，但放面的幾隻蝦就差，唔新鮮又腍，食半隻便放棄了。明知道這樣炒一定會好油，但又真係唔少。潮州芥菜- 芥菜一向唔多喜歡，因怕它的苦味，所以只食了少許。甜品- 綠豆沙，煲得都幾腍，又唔會太甜，可惜綠豆偏少；但在食店來說，已算好的了。食物都算幾好，價錢又唔貴，值得再來幫襯。

九龍城好吃的東西實在太多，通常來都是吃泰菜和火鍋，但其實潮州菜館也不少的。素聞南記飯店在九龍城頗為有名氣，是晚就即興和友人們去試試看。本來在九龍城區打滾多年的友人說南記沒訂位的話，不容易找位子。幸好得到上天眷顧，我們等了大約十分鐘就有檯了。畢竟已經開業近五十多年，南記的格局像舊式的小菜館，也像我小時候跟祖父母去吃的打冷店。負責落單招呼的都是老一輩的，感覺很親切，尤其是一位特別細心的婆婆。來這裡之前我們已經吃了一點東西，所以一行六人，只選了傳統榕城風味餐 (四位用)，另外用半價加了方魚蠔仔肉碎粥，再單點了滷水雙腸。本來我想換掉潮州芥菜，因為我不太喜歡那陣苦味，不過店員強烈建議我們要芥菜，說在家裡不容易吃得到的，所以就把它保留著。另外那個芹蒜半煎煮沙鯭，可以換椒鹽九肚魚，不過怕熱氣，最後也沒有換。潮州春菜介乎於菜心與芥菜之間，帶少許甘味，但又有點菜心的甜。這裡的春菜煮得很腍，也沒想像中的苦澀，挺好吃的。滷水雙腸。雙腸即是大腸與紅腸，滷水汁很香，味道恰到好處，只是略嫌有點油。大腸處理得好，而且夠肥夠腍身，很好吃。和紅腸不怎麼熟，還是不懂得分怎樣才叫好吃，總覺得在哪裡吃都一樣，哈哈。墊底的豆腐

九龍城食潮州菜, 有平有貴, 平民一點的, 我還是首選呢度.地方舒適, 但又不會太貴.今日和大豬來, 因為有人想食粥及魚飯~7點來到, 仍有位, 不用等, 好采~就照原定計劃~ 另心血來潮, 加個川椒雞先, 真係好而冇食了呢條都成100蚊, 但真係幾好食, 唔腥, 啖啖肉, 點d 豉醬, 少少咸就夠.粥都幾足料, 唔少蠔;招牌菜色之一, 唔會失手.肉碎都不少.川椒雞略油, 雖然預左, 係呢碟真係有d過份也略咸, 唔送粥食唔倒咁滯...只能俾個ok 喇呢餐.服務ok 喇, 但希望大叔 set 枱擺杯碟/ 收碟入洗碗膠筒輕手d 得唔得?

平時都多人的南記, 適逄父親節更是迫爆. 不過估唔到喺幾年前已發誓母親節唔出街食飯的我, 今年之後的父親節都唔會出街食飯! 三個人叫咗例牌咸雞, 海鮮水瓜烙, 蒜蓉生菜,例牌咸雞 - $80 同碟頭飯上面的雞份量差不多, 又唔夠咸, 好似未夠時間咁海鮮水瓜烙 - 見到嘛 油浸水瓜烙好似貼切啲蒜蓉生菜 - 呢碗係佢啲油, 多不但只, 仲要黃色的萬年油最重要係我以為去咗法國餐廳, 食完一碟, 等, 消化完再食另一碟, 咩mood都冇哂, 超down

突然間想食蠔餅，於是在Openrice 找到這間餐廳。可惜質素實在不行，主要都是選料問題。我們叫了煎蠔餅，方魚蠔仔肉碎粥和椒鹽魷魚。價錢方面尚算可以，兩位不過$150，而且是沒有任何茶錢或加一收費的。煎蠔餅賣相不錯，跟台灣熟食店的出品有點像，就是雞蛋在底，粉漿在上，不過這裡的蛋漿比粉漿要多。我們對師傅的功力沒有任何懷疑，煎得金黃之餘蠔仔沒有過熟，但問題是蠔仔居然不新鮮，有臭味的！這樣的一個失誤絕對不能接受！無論是因為夏天使食物難保存，還是來貨的水質問題都是不能接受！至於方魚蠔仔肉碎粥是三道菜裡面最好的。奇怪的是，這裡面的蠔仔沒有怪味，是否因為師傅怕不新鮮的蠔放進這道菜後臭味會特別明顯，於是這道菜就選用新鮮的蠔呢？方魚應該就是一片片的魚乾，雖然夠鮮味但味道稍苦，潮州人的特色吧。因為有魚有蠔，湯底是奶白色的，加上一點芫西，味道鮮甜，而且肯定不是味精吊出來的味道，是今天唯一可以讚的地方。椒鹽魷魚應該是急凍貨，硬實之餘又沒有鮮味魷魚味，對不住其七十元的身價。最失望的是粉漿太厚，而椒鹽則太少，食起來實在是平平無奇。臨走時老侍應送上一碟應該是話梅涼瓜的東西，味道特別，涼瓜的苦味已經消失，變成甜甜酸

上網見咁多好評, 諗住去試下啦.一去到都好滿座,心諗無死, 門口仲有少少人, 我話要2位, 個待應打眼色問係咪張生?張生? 我即刻明白,想比位我先,就話係啦,咁就上左去上左去樓上就知死, 行到勁入係廚房門口夾硬開多張台, 令到廚房佬得番一個人位出入, 廚房佬出出入入, 衛生勁差, 開始後悔, 果然人地吾肯上去係有理由, 仲以為咁好彩.個肥佬丫叔侍應聲大大,好粗魯好吾客氣.個MENU都清楚, 價錢吾平, 有D餸寫住特價, 2個人點左2餸一粥(椒鹽九肚魚, 蠔餅, 蠔仔粥) , 就開始等, 等丫等....等左半個鐘先黎第一碟餸(椒鹽九肚魚) ,粥仲未黎,可能多客啦,我都接受既,慢慢食住等啦. 點知再食多半個鐘都未黎其他野,有無攪錯? 後面果台遲我地半個鐘入都齊哂餸,最重要係一樣既粥竟然佢地到左先喎,,真係斯文人好蝕底等多陣正想投訴果下,粥終於黎,足足等左九個字, 九肚魚已經凍到硬左,諗住慢慢食等埋碟蠔餅啦,如是者再等多十五分鐘, 店入面果陣已經吾係咁FULL 客, 終於忍吾住開口叫另一個丫叔追單, 睇一睇先知原來漏左單, 我長嘆一聲話埋單.未幾落單個肥佬丫叔侍應竟然走黎串我,話我頭先落

去之前上網看過資料,大致上都係好評,所以同老公便來幫襯,食過後,有少許失望,質素只屬普通,未試過,幫襯一次已經足夠.鹹雞肉質唔嫩滑,味道過鹹蓋咗雞肉原有嘅鮮味.蕃茄豆腐魚湯味道ok,雖然蕃茄味好濃郁,但就冇乜鮮魚味.我諗阿媽煲得好飲過佢.炒魚麵質感太腍,味道方面唔會太鹹,可惜太油膩,芽菜多過魚麵有啲啲揾笨.三個餸加兩碗白飯要二佰幾蚊,抵唔抵就見仁見智了.

早前看到有些食評提及要訂台先好去,所以就訂左7:30,可惜那一日太塞車,遲左半個鐘先到,不過老闆都好好人,5分鐘就有台啦~同埋覺得老闆的時間觀念好好,伙記態度都好好入面坐滿人,如果大班人一齊食真係可以試到好多食物呢~物品又放到整齊~~~~仲有廁所~~~~~方魚肉碎蠔仔粥, 開胃~蠔餅, 美味之選~椒鹽九肚魚,鮮甜+滑~最欣賞的是竟然送甜品: 紅豆沙~總括來說,值得再去架~~~