南國小喫 (Closed)

人手不足，三次外賣三次職員態度差，對客人無禮貌，食物質素底，食物味道差，食物與相不付，職員急亂處理食物沒有包好外賣盒才交給客人 ，評價負十分，令本人對小店印象相當差，永不幫襯

糾結左一陣要蜂蜜鮮忌廉定原味乳酪奶蓋手作麻糬蛋糕燒，最後揀左個「原味」試先原味乳酪奶蓋手作麻糬蛋糕燒($28)為左試麻糬蛋糕燒黎，都冇咩麻糬嘅，欺騙我感情😣本身諗住下次再試其他味，而家覺得$28五粒好貴，試一次就夠🙊傳統口味冷糕($18)超多花生，佢係用淮鹽花生，幾夾😋😋聽到前後兩個人都叫粉果($6)，我又加單試下😛太肚餓，食左冇影相🙇🏻‍♀️唔錯嘅，係少少貴啦，不過都算大粒腸粉($10)都可以整體價錢偏貴，唔太值，係試下個嚼頭😉

實在太忙了，所以好耐無寫食評，但今次點都要抽時間寫。中午放飯諗緊食咩好，無意中行過景隆街見到平時賣魚蛋燒賣嘅小食店居然有飯賣🥴，仲要係我鍾意嘅台式飯，望一望個價錢平到嚇親，「$38蚊」連飲品，仲有幾款揀，銅鑼灣喎！？還掂諗唔到食咩，就試試佢，叫咗個雞扒飯+$8配埋台灣腸。雞扒脆得嚟又唔會柴，仲夠晒入味，連配菜都有醃過抵讚，用埋珍珠米「好嘢」「好嘢」👍睇嚟我呢排都應該會keep住試埋其他款式飯，無得輸🙋🏻‍♂️

話說今日行過銅鑼灣，見到呢間《南國》賣台式外賣飯盒，其中有個台式滷肉飯望落去個樣幾吸引，諗起老婆鍾意食就買一個返屋企試下，由於唔係立即食所以就叫左服務員個汁分開另外一盒，返到屋企發現個汁同肉既份量少得可憐！根本唔夠（送）飯！（圖中就係所有既汁）雖然個汁味道係唔差，但因為唔夠汁，所以有半個飯都係無味，只係食緊白飯！本身個飯係配酸菜（帶辣味）但老婆唔鍾意食，所以拎走了！如果可以多番啲汁，個飯應該唔錯！可惜！

咁啱過嚟銅鑼灣就試下呢間新開嘅港式小食店😍 見到麻糬兩隻字即刻狗衝過黎🐶 鋪頭仲有另一款傳統小食「冷糕」，下次有機會再試😆-🍫Oreo朱古力碎碎奶蓋手作麻糬蛋糕燒🍩雖然佢啲蛋糕燒預先整定哂，不過好彩仲係微暖🤣 蛋糕軟綿綿蛋香濃，再配埋麻糬餡超正😍食落去有滿足嘅感覺！齋食呢個好好味🤤 個奶蓋就有啲失色啦😢 唔係好夠甜，所以好似食緊冇味忌廉咁🤣 配埋個蛋糕燒食有啲搶咗蛋糕嘅甜味😗 下次試蜂蜜味可能會好啲！🍯-評分：7/10價錢：$28-📍南國小喫 銅鑼灣📍nkk

本🐻有次食完晚飯想食d甜品，剛好記得附近有尼間新開既小店，所以就試下佢啦 😋 除左好吸引既手作麻糬蛋糕系列外，仲有懷舊冷糕系列啊！不過🐻太飽，唯有試左蛋糕燒先 😬聽人講原本既味道通常最好，所以今次order左「蜂蜜鮮忌廉」既手作麻糬蛋糕燒 😆 係🐻搵資料時先發現原來鑽石山分店無尼款系列，個度反而有車輪餅 🤩 大家要留意唷 🤗推介‼️✨「蜂蜜鮮忌廉」手作麻糬蛋糕燒係嚴選日本鹿兒島雞蛋製作，而且即叫即整，等一陣好快有得食啦❗️一擺入口仲係暖暖的，而且蜂蜜淋係面，好吸引‼️✨鮮忌廉用膠盒裝起，用黎點淋上蜂蜜既蛋糕燒，真係好滿足 🥺 而且蛋糕燒內有少量麻糬，令成件事更有口感‼️💣不過🐻覺得5粒真係太少啦 😭 而且價錢唔平，希望加多幾粒就最好😂價錢‼️「蜂蜜鮮忌廉」手作麻糬蛋糕燒 $28 

CWB 銅鑼灣 • 南國小喫🥧📍銅鑼灣景隆街3號地舖手作麻糬蛋糕燒 $28🥧👉🏽蜂蜜鮮忌廉 🍯👉🏽原味乳酪奶蓋 🥛👉🏽Oreo朱古力碎碎奶蓋 🍫 👉🏽奇妙肉鬆 🧆一份有5️⃣粒，蛋糕表面灑上糖霜和蜂蜜，沾上冰凍的忌廉同食，軟稔稔幾好食☺️如果麻糬內饀可以多點就好🧐➰👅 味道：🌟🌟🌟💫👀 環境：🌟🌟🌟👩🏼‍🍳 服務：🌟🌟🌟💰 抵食：🌟🌟💫

難得去銅鑼灣 食個冷糕要個傳統口味即係只得椰絲、糖同少少花生佢就賣$18 味道毫不特別 應該唔會再食當初買既原因係因為媽媽話想有兒時既味道咁同媽媽食完 佢都只謂失望入面鬆軟但同兒時既風味用炭爐整既味道完全無得比⋯

下午茶又肚餓勁過呢間小食店話有懷舊冷糕就想試下點知臨落單見到餐牌有賣麻糬蛋糕🤤🤤🤤抵受唔住麻糬誘惑，轉左軚見到阿姨即場製作麻糬蛋糕兩個半圓合上成蛋糕成個超圓豆沙包咁好可愛！唔同口味原來係沾唔同嘅醬我揀左原味乳酪醬店員話係最多人揀嘅口味食得喇！乳酪微酸，但好醇厚單食醬都好滋味🤤🤤🤤店員話乳酪醬係佢地手打自製㗎！蛋糕沾上同食，更滋味！麻糬內饀唔算好多但應為補糕肉同麻糬口感平衡所以都滿意價錢偏貴如果平多少少，一定成日食🤤🤤🤤

-懷舊冷糕😍😍麻糬蛋糕燒🤤🤤好明顯又係小編鐘意食既野😂《南國小喫》開左黎銅鑼灣喇😛第一間店位於鑽石山荷里活廣場🧐唔就腳所以一直冇去食🤣終於比我等到！🥧手作麻糬蛋糕燒 （$28）有4款口味可選☑️蜂蜜鮮忌廉🍯原味乳酪奶蓋🍼朱古力碎碎奶蓋🍫奇妙肉鬆🧆我今次就揀左蜂蜜鮮忌廉🥳每份有五粒🧐表面灑上糖粉淋上蜂蜜🍯可點鮮忌廉食！個鮮忌廉係雪到勁凍🤤驚喜！蛋糕入面仲有一粒粒麻糬🥰幸福！唯獨是覺得$28蚊5粒有d貴囉😑人地$28都一底雞蛋仔 得5粒有d唔抵！🥜粒粒花生醬冷糕 （$22）冷糕方面有3個味道揀☑️傳統口味冷糕（白芝麻，花生粒，砂糖）粒粒花生醬冷糕（粗粒花生醬，准鹽花生）我就揀左花生醬🥰其實整體似格仔餅只不過外層脆口d🧐中間有少少煙韌！另外佢仲有咸食！皇牌肉丁撈都試左！仲有燒賣魚蛋牛丸腸粉等等⋯⋯（冇乜特別，可以黎就咁食甜食可以了）